КНИГИ О СЛУЧАЕХ ПОСЛЕДНЯГО ВРЕМЕНЕ.
ТИТИНЪ ПОТРЯСЕТ ВЕЛМИ χξς ЧИСЛО

(Пояснительное вступление, написанное от руки. Предваряет начало основного текста книги. Авторство не указано. Из трёх вариантов книги, оно имеется только в одном из экземпляров. Добавлено вероятнее всего после прочтения самой книги как комментарий.)

В список из иной книги, заглавие, писанное на сию книгу; сице: на листе 232: на обороте. Из письменной книги о антихристе: собранное Андреем Дионисьевичем (1): и с подробным толкованием, глава 5, размышление о годе ҂А (1000)-м и ҂Аχξς (1666)-м.
А последнего антихриста Святии, тяжка вменяют.
В другой книге из сия книги, список списан токмо на полтора листа указанного зачала и оканчивается на сих словах: Ибо случай онаго нахождения вся смутит. Из оной книги о любодеице вавилонской: Вавилонка, имеющая чашу златую в руце, мерзости полной нечистоты блуда своего. Толкование: чашею убо сладостное питие злых деяний глаголет. Зри убо сладостное питие лукавых деяний;

Первое - серебролюбие
Второе - обжорство
Третье - блуд
Четвертое - гордость
Пятое - леность
Шестое - ненависть
Седьмое - гнев
Восьмое - ложь
Десятое - непостоянство.

Сия бо чаша жены блудницы златая, любезно колена свои пред нею преклоняют. И на челе ея написано Тайна Вавилон великий - греховное исполнение, сердечное смущение. Мати же сия есть душевного блуда, учительница: яко прямая сущая мать антихристова всемирного Вавилона. Мати блудником и блудниц, всяких мерзостей неправедных.
А прочее толкование о сем зри в Евангелии учительном Кирилла Траквилиона (2) в неделю 3-ю: на листе 216.
Святый Ириней: всякое пророчество прежде своего исполнения ганинiе (гадание) есть. Исполнившееся же, явное имеет толкование и разумение. А в главе 17-й Апокалипсиса: антихриста в лице жены любодеицы объявляет о ней ангел. А мерзость ея, не ино что суть, токмо противныя Христову Учению догматы.

В шестой главе книги сей писано весьма пространно о знаках наступлений антихристовы. Из них же в притче зде же рекутся:

Первый знак антихристова наступления: из Кирилловой книги, раздел 4: лист 30. Божиим тогда изволением подвижени, Апостолы приступили до Правдивого Учителя, глаголюще: повеждь нам, когда тое будет, и который есть знак твоего Прихода, и скончание века. Ожидаем Тебе яко имаши еще прийти. Но диавол пременяется во ангела светла. Повеждь нам Истину, дабы кому иному вместо Тебе не поклонилися.
Тогда Он отверзеши Божественная Своя Уста, рече им: стережитесь, дабы вас кто не прельстил. (Ниже): Многия бо вем, приидут во имени Моем глаголюще, Азъ есмь Христосъ и многих прельстят. Что убо по части было яко же Симон Волхв и Менандр (3) и иные окаянные главные еретики, их же Святые Апостолы антихристами называли. Так же и на сей час всех еретиков антихристами оному остатнему служащими разумей. Которые от Единой Святой Кафолической Соборной и Апостольской Церкви греческой отступили. И больше себе, нежели похвальной Правде Христовой, верить повелевают.

Знак второй антихристова наступления: восстанет язык на язык и царство на царство, и далее: Слышать будете речи о войнах, не яко бы пред тем войны не бывали, и часто как читаем о панствах (панъ - господин) света сего бивались люди. Но зде глаголет, будут войны аки бы рекъ: не только для панства, но и для веры вашей войны производить будут с вами, дабы вас могли от Нея и от главы Христа отвести, а под иную, антихристову подложить. И яко из самих духовных, таковые восстать имели, кия отщепившеся уже не Словом Божиим яко же Христос и Святыя Его, но аки князи света сего мечем, яко сами воевать так и других тия же на разлитие крови побуждать имели.
Как и римские папы, взявши на себя царскую и божию власть, почавши по тысяче лет, всех к себе привлекают. Как сперва на греков так и на иных, мечем воюют. И всех христиан и всякое колено насильстити, дабы ему как богу поклонились, различными коварствами, любовию, дарованием, обещанием, прощением, грозою, казнью, войною, посольством и слугами своими к своему духовному и святительскому уставу приводить.
О сих наветах его еще пишется в книге "О вере", во главе 21-й: как взяли Царьград в лето Господне 1204-е: и что учиниша овии. Священные иконы бесчестно от украшений и клейнотов отревали и по ним топтались. Овии, Святыя мощи с честных мест на нечистые места извергали. И Пречистое Тело и Животворящую Кровь из потиров на землю проливали, и прочее таковая содеяли еже страшно и слышати. Сия же писано и в сей книжице в главе 4-й и далее, а в сей пропущено.

Знак третий наступления антихристова: еще смотрим, что за знаки имеются показати на духовных. Избавитель рекъ: И тогда сгоршатся многие, и един другого предаст и возненавидят друг друга. И егда услышат владыки на владык и клирики на клириков и иных чина духовного на себе восстающих, и до крови находящих, тогда не убойся, ибо предречено. И сие власне ныне тое деется.

Знак четвертый наступления антихристова: и не токмо на предложенных тот знак, но и на посполитъ (посполитый - всенародный) сиих. Мовить бо вем для размножения злости высохнет любовь меж многих. Может ли кто похвалиться из вас, яко имам нелицемерную любовь к ближнему своему. Азраил не словами много кроток. Веселится всему и отсмехается, ласковым показующися, а на сердце смышляет лесть, и чинит зло мовячи добре.
[Феофилакт (4)] И для великой неправды и беззакония антихристова, смятены будут люди так быстро, что и меж своими власными не найдётся искра любви. Предаст ведая один другого. А кто будет до конца терпеливый и твердо стоять неуклонно в таковых бедах, спасен будет, яко добрый ратоборец.

Знак пятый антихристова наступления; имеешь ты и тот знак, яко будет проповедано Евангелие по всей Земли. На свидетельство всем народам. И тогда придет конец. Яко же и видим, мало уже не весь свет Науки Христовы наполнен есть. О сем зри в Кирилловой книге лист 29, на обороте московской печати.

Знак шестой наступления антихристова: потом же паки сие будет глаголет, егда узрите мерзость запустения, реченную Даниилом пророком, стоящую на месте Святом. Кто чтетъ Дары разумеет. В толковании: на всяком месте, идеже Церкви Христианской церкви во алтаре, Престоле разумей место Святое. На нем же священники приносят Жертву Богу. Освящают хлеб и вино в Тело и Кровь Христову. Антихрист же Истинную Жертву истребит и свою злую мерзость на месте Святом поставит.

Знак седьмой антихристова наступления: аще кто речет вам, се здесь Христос или в другом месте, не веруйте сим реченным. Ненависть братняя предает уже место антихристу. Первое бо готовит диавол отступление и разрушение в человеках. Даже того ради с радостью примут его, егда приидет, даже к тому не будет дабы кто из тамошних жителей, или из иных рабов приступил ко Врачу Божию. И прочее.

Знак восьмой антихристова наступления: Христос Истинный Божий Единородный Сын уже не придет от земли. [Кирилл, лист 45-й] Аще кто придет в пустынях, привидения показуя, не исходи. Аще рекут вам: се зде Христос в пустыни есть, еже есть в пустошных и маловременных глаголех, не изыдите. Ниоткуда не исходите, еже есть от единой Святой Соборной и Апостольской Церкви. От прежней Православной веры, установленной Духом Святым и утвержденной Христом. За новыми ересями и отступниками не исходите. И прочее.

Знак девятый антихристова наступления: [Кирилл, лист 47-й] придет же предреченный антихрист сицевым подобием, егда исполнятся лета (завершится время) Римской власти. То уже близко есть кончина миру. В толковании: первое, от того времени, антихристово царство в Риме зачнется. Яко же глаголет: егда исполнятся лета Римского царства. Еже есть, когда уже Римом цари не будут владеть. Яко же о сем зри 4-ю главу в сей книге.

Знамение десятое антихристова наступления: Не от царей, ни от царского рода воздержит царство, но мечтанием восхитит власть. [Далее Кирилл, лист 50] А иже на Римское царство, яко же видим, не цари царя избирают или поставляют, но духовные духовных на монархию Римскую, на царскую власть света сего, прекладают. Иже Божию и Святительскую власть в Риме на себя восхитив, и по всему миру расширяют и держат, и предадут оному последнему князю мира сего, еже есть антихристу.

До здесь, знаки антихристова наступления, от коих явно есть; яко не иначе как антихриста приход уведити только через некия приметы, по сторонних дел доказующих того время. Тем же Святый Кирилл всякое знамение указывал. Зри здесь в книге на листе 68-м, на обороте. С которой книжицы выписаны сия признаки вкратце, а там пространно с толкованием на пятнадцати листах. А все десять знаков, толкуются, выполнилось на римских папах.

Апостол к Коринфом 2: зачало 175-е. Сего ради, имуще служение сие, яко же помиловании быхом да не стужаем си, но отрекохомся дел тайных срамных. Не в лукавствии ходяще, ни льстящее Словесе Божия, но явлением Истинны представляюще себе ко всякой совести человеческой пред Богом. Аще ли се есть покровенно Благовествование наше в гибнущих, есть покровенно в них же бог века сего ослепи разумы неверных во еже не воссиять им свету Благовествования Славы Христовы. Иже есть образ Бога Невидимого. Не себе бо проповедаем, но Христа Иисуса Господа.
Но ослепишася помышления их, даже бо до сего дне покрывало, во чтении Ветхаго Завета, пребывает не открываясь. Зане о Христе престает, но даже до днесь внегда чтется Моисей, покрывало на сердцах их лежит. Внегда же обратятся ко Господу, взимается покрывало. Господь же Дух есть. А где же Дух Господень там свобода. Мы же вси откровенным лицом Славу Господню взирающее и в той же образ преобразуемся от Славы в славу, яко же от Господня Духа. [До зде из Апостола]. Сему согласно в сей книге писано зри на листе 149-м и на листе 64-м.
В сей книге на листе 109-м пишет, яко христиане в дробницы малейшие (5) разделятся. О том же и на листе 66-м на обороте и 128-м на обороте и в новой книге "Трактат" названной, на странице более ста разных мудрований, объявляет: кои поклоняются антихристу, те больше иже растленное житие имуть. О сем зри лист 145-й.

Что есть по Евангелию речено: Солнце померкнет и Луна не даст света своего и звёзды спадут с небеси. Зри толкование на листе 140. Все еретики аще исповедуют Иисуса Христа, обаче под именем Сим иное кроется у них.
Свидетельства. Афанасий Великий (6) Слово А 1-е на Ариан, лист 2-й. Тем же в коейждо ереси тако образуя диавола речения подлагающе с лестью, о сих бо Господь рече; яко восстанут лжехристы и лжепророки, даже прельстить многия, убо диавол прииде глаголя коеюждо; Азъ есмь Христос и у мене истинное, и вся особь и обще сотвори лгать обманное.
Священномученик Киприан (7), сочинение 3-е: видя диавол оставленные идолы, и от премногаго верующих народа места и храмы своя брошенные, выдумал новое лукавство, что бы под самым именем христианства прельщать не опасно их, приобрел ереси и расколы. (Ниже): который по Апостольскому слову, преображается во ангела светла, и служителей своих подводит так, как служителей истинных, утверждающих ночь вместо дня. Погибель за спасение, отчаяние за надежду, суеверие под благочестие веры, антихриста под именем Христа.
Бароний (8) лето Господне 217 число 2-е: еретики не имут общение со учением нашим, само их проклятие о том свидетельствует.
Ниже: ибо не того бога имеют, его же мы, ниже того Христа, Его же мы имамы; Кириллова послание 6-е лист 483-й: тамо зри.

КНИГА ПЕРВАЯ. О СОБОРНЕЙШИХ ОТСТУПЛЕНИЯХ И О ЧАСТНЫХ НЕКОИХ ВИНЪ РАДИ СОБОРНЫХ ОНЫХ РАЗДЕЛЕНИИХ СОЧИНИСЯ ПОЛЬЗЫ РАДИ МНОГИХ.

К читателю предисловие.

Господь Бог и Спаситель наш Иисус Христос, предведущая Премудрость Божия, соблюдая нас от всякаго искушения неприязненна, тако правоверных утвержает во Истине пребывать, глаголя: Блюдите, да никто же вас прельстит. Мнози бо приидут во Имя Мое, глаголюще: Азъ есмъ Христос, и многих прельстят. И тогда соблазнятся мнози, и друг друга предадут и возненавидят друг друга. И мнози лжепророки восстанут и прельстят многих, и за умножение беззакония иссякнет любы многих. Претерпевший же до конца, той спасется. И на ином месте паки глаголет: блюдите да не прельщении будите, и время приблизится, не изыдите убо в след их.
Благодарение Спасу Христу о утвержении с поклонением воздавшее, неизреченного Пресвятаго Милосердия умильно прошу подати ми о заложенных моих трудах свет разума, и до совершенства дойти.
Христос Спас, начаток всем Святым Писанием о последней прелести воспоминая, тако глаголаше: восстанут лжехристы и лжепророки, и дадут знамения, яко прельстить аще мощно и избранных.
Недоумеватися имамы не точию легкомысленные, но избранные боятися имут многокозненней прелести последней;
Святый Апостол Пётр о том пишет; быша же и лживы пророки в людех, якоже и в вас будут ложные учители, иже внесут ереси погибельные. Что же паче сих словес яснейшее в нынешняя времена самим делом кийждо не точию видит, но исповедуют мнози.

Во дни Святых Апостол, мнози быша лжеучители и еретики, инии о божестве, инии о человечестве: яковии суть, Симон Волхв, Коринф, Евион, Менендр и прочие. И по них инии многочисленные ложные учения, аки плевелы посреди пшеницы во христианские соборы насевающие. Таков бяше и Арий (9) возомнив себе паче прочих разумнейша, еретик сотворися, глаголя Сына Божия меньша Отца быти. Приим сие от оных Христовых словес: пославый Мя болий. И многих к ереси сей привлече. И в таковом своем нении закосне и за гордое нрава ни единому увещанию поддадеся. В толикой мудрости внешней быв и в толикий глубочайший ров погибели себе снизверже, яко и вечной клятве подлежат. Таков бяше Несторий патриарх Царьграда, не вняв Истиннаго Учения о Христе, тем же и проста Его человеком родиться от Девы мня. Сего ради и Матерь Его Пречистую христородицею, а не Богородицею нарицая. Того ради не токмо в вечной клятве себе заключи, но и злою смертию погибе.
Таков бяше Диоскор и Евтих еретики, два естества во Христе сливающа. И Апполинарий, бездушное тело приписывая Христу, аки бы вместо души самое у Него божество было. И Севир утверждая, аки бы Христос не был страстен и смертен и по человечеству. Пирр и Сергий умствоваша, едину даючи Христу волю Божественную, отъемля человеческую.

Пелагианы (10) за ненужную ко Спасению человеческому ставляху заслугу Христову, и все Его Вочеловечение. Воздержники (11) еретики, брак отрицающие, и тварь Божию скверну быти вменяху. Кальвинисты (12) еретики, презревшие Христово Учение о Теле и Крови Своей глаголемое в Евхаристии, о образе точию Тела Христова поучают. Подобно же и лютеране, не по Христову Учению во многом поступают. Суть же инии многие еретики в ложных учениях своих на развращение и погубление неутверженных восставаху, по предречению Апостольскому. Противники суще Христу и Святей Его Церкви не восхотеша в Законе Христове ходити, но изволиша из того подданства, на своя учения изыти, и погибельными путями ходити. О каковых и Павел Апостол предрече сице: Азъ бо ведаю, яко по отошествии моем внидут волцы тяжды, не щадящие стада. И от вас самих восстанут мужи глаголюще развращенная, еже отторгнут ученики во след себе. И паки той же: блюдите убо како опасно ходите, не якоже не мудри, но якоже премудрые искупующее время, яко дни лукавы суть, и бояся, яко да не прельститися кто тако утверждает. Блюдитесь, да никто вам будет прельщать философией и тщетною лестью, по преданию человеческому, по стихиям мира, а не по Христу. И в другом месте: аще кто инако учит и не приступает к здравым словесам Господа нашего Иисуса Христа, и ко Учению, еже по благоверию: разгордеся ничто же ведый, но недугуя о стязании и любопрениях, и прочая, ни же отступай от таковых. О како ныне мнози сие Апостольское наказание не презирают, и ни за что все имеют превознесшееся: о чем Святый Апостол Иуда прописал: в последние времена будут ругатели по своим похотям и нечестиях ходящие: сии суть отделяющие себе от Единости веры, и суть телесные, Духа не имущии.

Но мы зряще сия, учимся о настоящих и грядущих случаях и блюдущееся разумеваем, яко диавол первый границ Божиих приходитель, присно сосуды своя изобретая, входя во оныя удерживая их во своей гордыни и презорстве, и тем многия погубляя, отводя их от Закона Божия, Евангельских и Апостольских учений. Убоимся оных падения, присно Апостольския словеса сия поминающее, их же Павел во утвержение правоверным вечное писа: аще мы или ангел с небесе благовестит вам паче еже благовестихом вам, анафема да будет. Последующе же сим Святых Отцов Вселенские Соборы в догматах церковных, тожде подтверждение пишут, а наипаче Вселенский Собор заключает оная сице: вся яже чрез Церковные Предания и учительства и воображения Святых и приснопамятных Отец новосотворенные и соделанная, анафема. И что сих утвержении Святыя Церкви достовернее дабы не преступным быти правоверным во установленных духом Святых Отцов.

Но время всякого слуги своя собирает.
Бяше бо время Божие, тогда Святии Апостолы поспешествующее всюду проповедающе, и умножашеся число верных повсюду. Егда же князь мира сего вступление показа, тогда и той споспешники себе восприя, не в созидание, но в разорение правоверных и наипаче тех, в коих Слово Божее не вмещается: к коим аще бы и не вступил он, не имели бы разума Христова, в них же повелено пребывать. О сицевом вступлении пишет Святый Апостол Павел сицева словеса: да ни кто же вас прельстит ни по единому образу, яко аще не придет отступление прежде и открыется человек греха. Сын погибели, противник, и превозносящийся паче всякаго глаголемаго бога или чтилища. Яко сесть ему в Церкви Божией. И прочая. (Ниже): и ныне держащее весте, во еже явиться ему во свое время, тайна бо уже деется. Точию содержай ныне дондеже от среды будет, и тогда явится беззаконник. И прочая.

На кое место Святый Иоанн Златоуст сице рассуждает: яко сие о Римской власти разумети имать: то есть, егда власть римская от среды возьмется, тогда он придет. Донеле же бо власти сея страх будет, ни кто не покорится. А егда разорится, нападет на безначальство, и человеческую и Божию поищет похитить власть.
О сем верно Святой Иоанн Богослов утвержая пишет: дети последняя година есть, яко же слышесте, яко антихрист грядет, и ныне антихристы мнози.
На сия возглашая творец книги "О вере", тако глаголет: о правде много предтечей но и сам уже близ есть, по числу еже о нем χξς (600, 60, 6). Число бо человеческое есть, антихристово. Кто весть, аще в сих летах ҂Аχξς (1666)-х, явственных предтечей его или того самого не укажет сего вступления, многих прельстит и отлучит от Правды. А наипаче тех, кои растленное житие любят. Ибо тии ныне множайшии от Святой Церкви отпадают, и не брегут о правости веры, яко не хотят узким путем ходить. Блажен обрящется той, кой не соблазнится, и претепит такову лютость гонения. Аще кто достигнет тех времен на брань с самим диаволом. И ниже: убо в забвение слово Ефрема (13), полагать, еже в пятидесятом слове книги своей так писал: убоимся и мы любимицы мои, да не имы в сия впадем. Писанная бо вся совершишася, и несть ино ничтоже прочее, токмо соперника нашего, еже есть антихристова слава. Наконец бо Римскаго царства подобает всему совершиться, что же несть ли убо совершилось о римских царях, яко престати сим царствовати. Но и иже убо слышится имя римских царей за многая лета в последнее ныне время. Яко бы рещи от Великаго Карла (14) всю же власть от тех времен царскую и святительскую, папа на себя привлече. Вкупе и царь и святитель наречется. Не явный ли сей антихристов предтеча. Тем же, всегда в памяти своей нам всем православным подобает имети прежде бывшия вины, и сему внимать; яко по тысяче лет от Воплощения Божия Слова, Рим отпадет со всеми западными странами от Восточной Церкви. В пятьсот же девяносто пятое лето по тысяче, жители в Малой России, Крымскому костелу приступили. И на всей воли римскаго папы заручную грамоту дали ему. Се второе отревание, христиан от Восточной Церкви.
Оберегая же сие пишет: Егда исполнится ҂Аχξς (1666) лет, да нечто бы от прежде бывших вин зло не каково не пострадати и нам, но покаянием Бога умалитвити, имать Его нам к себе привлещи, и се от слова тридесятого о вере частью.
Но понеже се зело зло время по ослаблению народного наклонения поступает. И правда законная в христианстве оскудевает, и в презорстве все полагается, от чего Боже пощади, да и нас новшества не обьимут: тем же во оберегательство Христианского Спасения, а наипаче ведения ради церковнаго разума Святых намерение восприях сочинить книжицу сию, и разделил ее на три части:
В первой части об антихристе.
Во второй части о соборнейших отступлениях
В третьей части о смущении и недоумении и разногласии правоверных простого народа от вины главных отмен.
И такое основание о сих заложих, помощи прося от Господа, поступаю в самая намереная действа.

КНИГИ ПЕРВОЙ ЧАСТЬ 1-Я.
Об антихристе в разном доказательстве Священного Писания. Сказание Святого Андрея архиепископа Кесарийского Каппадокийского об Апокалипсисе. Святого Иоанна Богослова.

Господину моему брату и причетнику о Господе радоватися. Множицею вопрошен, и многою любовию более своея любве и силы имевшее желание разгнути Иоанна феолога Апокалипсис. Ибо видение ея временных притчей проречение, яже суть выше мене начах воздержатися, ведый великаго ума суще сие и Святым Духом просвещенно яже суть Святым видена тайна, хотящая прилучитися в будущее время. Аще бо древних пророков книги многими сказаны, еще глубины сущи тайн в них всем не явлену имуть до дне онаго, егда уже от части разум престанет, и совершенне явится, паче множайше о Первом явлении Великаго Бога и Спаса нашего проповедающе. Аще нецыи от сих мест и о Втором Его Пришествии проповедаша. Како убо кто не дерзнет явиться, и пророческого не имый Духа начиная же та их же не уже видел кончины, но понеже убо послушание паче имения благо, а упование не посрамит, и любы по Апостолу не отпадает. Сею привязан богоугодней души твоей, о Богоблаженне, в мале повеленное ми совершить и с Богом покушуся, иже всякаго человека умудряет.

Первое убо якоже и сам веси вси Богодухновенныя книги на три части от Божия Благодати даны суть. И сим якоже лепо писание, и по видению сказание стоит, яко прекладание от видимых на мысленное наводя, яко есть Дух хотяй быти высоких возвождение и видение есть. Яве перве подобает учиться от закона. Второе живущим в Благодати. Третье же блаженному совершению: идеже Дух воцарится, и повинующимся Ему всем плотским мыслием и двизанием. И первое убо сказание, вещем уже бывшим подобится, а второе Парминскими притчами, и иным таковым обычаем. Яко же терние растет в руку пьяницы, и постыдяся рече, Сидон море. И иное подобное. Третье же сиречь духовное во Апокалипсисе, паче же Иоанна Богослова, и убо сказанным словом во иных пророках видима. В сей же более: паче же совершенным в разуме, Богом повелено возвещать, тем же и мы, не яко глубины разумевшее сокровенного в нем Духа, яже есть вида блаженный разгибаем: и ни в сих по писанию разумеваем и отвещаем, но яко поучающе умною мудрость и народи суще на сем свете, а желание на будущая пребывающая, и Святых разум сих Божией премудрости оставльше. Яже лета век егда сбудется се проречение их же [рече нам Апостолы] не искать. (Ниже): ты же о человече Божий молитвою труд измени, не мала (яко же непщую) приносящи смирение памятию воздаяния праведных и грешных. До зде Святый Андрей.

Мы же здесь чего ради предложим сие. Причины ради сея: понеже многие ныне невежды явишася таковые иже не токмо тропологического (и подобных) разума отнюдь не ведают, но некия неучи самыя и грубияны, дерзостно вступают в словеса апокалиптические. Им же не токмо не позволительно о себе оная глаголати, но ниже по самим апокалиптическим толковникам, что сказовати лежащих в Божественной скарбнице сея апокалипси. Зрите, о дерзостные, кто сей Святый Андрей, и со сколькой премудростью и внешней и внутренней исполнен сущь. Обаче стольким страхом и благоговейнейшим отговорки вступает в нея, и недостойным себя судит таковых решений, яко Духа Святаго премудрости книга Апокалипсис исполнена. И в таинствах сокровенных зело лежаща. И не то в ней умствовать, яже литерами являет, но ина и ина, яже во едином Духе умствуема. Наипаче и в теплых молитвах к Богу, и глубоком смирении о оных сокровищ, досягать научает нас сей Святый. Кая аще и в малом открыется нам толико еще паче недосягаемы глубины мудрости указует, кую ныне воистину со иноощущаему, может быть узрим. Егда разум от части быти в нас престанет. Тем же заградятся ныне невежествующие уста, Тайны Божия в себе повлачити на суесловиях ваших. Знайте свое звание и к тому суесловием вашим не досаждать положившему тайны сия Святому Духу. Аминь.

ОГЛАВЛЕНИЕ ВЕЩЕЙ СОДЕРЖАЩИХСЯ В СЕЙ КНИГЕ.

1 О антихристе беседословии основание.
2 О антихристе, что есть он.
3 О рождении антихриста.
4 О времени и приметах антихриста
5 На подозрение и омышление о летах ҂А (1000) и ҂Аχξς (1666). И о творце книги
"О вере" оправдание.
6 О знаках антихристова наступления.
7 О проповеди Еноха и Илии.
8 О летах бытия антихристова.
9 О седалищи или о месте сидения антихристова.
10 О чудотворениях антихристовых.
11 О злополучии времен антихристовых.
12 Об антихристе подтвержение и довод некоего известнейшего философа и проповедника Слова Божия.
13 О нужде и потребе ведения сего об антихристе. И в сих коейждо объявительной здесь вещи, разные главизны прочитав, обрести возможет.
И о сих изъявивше в самая те словеса поступаю.

ГЛАВА1. О АНТИХРИСТЕ БЕСЕДОСЛОВИИ ОСНОВАНИЕ.

Некогда в мале упраздниться ми от нужных моих действ, прииде ко мне человек, во умном рассуждении, ища в некоторой склонности моея разумети. В ней же желательное его влечаше вопросить мя, да разрешу сомнительное ему о мне том.

ТРЕБУЯЙ: глагола ми. Ныне я приидох, словеса с тобою испытатися о противнике. Его же чаем в последняя дни сия на погубление прийти многих. О нем же некое во умствовании разньство имеем, и должность ми истая возбуди. Оно взаимными словесами искусить, кто в нас истинствует ты или мы.

АЗЪ ЖЕ ИЗВЕЩАЯ РЕХЪ: Что ти бысть сему причиною и что подвизающая, яко минув мужей искусных, прийти у человека скудоумна ведомостей взыскать, и испытать чего подобно твоему благоумию. Веси ли яко сицево решение свойственно есть словесное премудрости Духа испытавшим, а не мне невежди. Ибо я мирской человек есмь. Всегда о плоти пекусь, всегда в мирской суете пребываю, всегда имею печалями житейскими ум помрачен. Аще случится мне когда книгу прочитать, но под давлением внешних мыслей память моя погибает. Тем же прошу тебя оставить меня. Вопроси о том могущих.

ТРЕБУЯЙ. Но ты уже довольная лета прожил еси, неужто о тех, что к ведению сего и собрал еси и что имаши, прошу то сказать. Аще ли сего не сотворишь, зри на беду в моем о тебе сомнении приимеши, и греху неведения моего в хуле в сей приобщиться.

ИЗВЕЩАЯЙ. Что пользы сына глупого многия лета, аще в тех прозевает мудрости изрядство. Но последними словесами ты зело меня утеснив, в страх вложил еси, тем же яви мне оно о нем же от моего малоумия слышати хощеши.

2. О АНТИХРИСТЕ ЧТО ЕСТЬ ОН.

ТРЕБУЯЙ. Что есть антихрист. И что о нем умствовать. То я от тебе слышать хочу:

ИЗВЕЩАЯЙ. О таинстве не малом ищешь у нас словес. Вонже я вступать, зря свое неискуство опасен есмь. Ибо прежде, неже о таких вещах тайнозрителю своему Иоанну яви, Бог показал ему о сем книгой запечатленною.
И как я невежественный, в плоти погребен суть, дерзну ко оным тайнам, словом приступить или что закрытого глаголати. Ибо 7 громов апокалиптических иже Тайну Божию в Небеси возгремеша (Апок. Сл. 5 гл. 11 стих 70), хотя и Иоанн глаголющая ими написати: запрещен бысть ангелом не писати (гл. 28, стих 121 и 123), не коих ради, да видящее не видать и слышаще не разумеют. И сих ради вин не достигшим нам высокого разума, лучше есть о том молчать, да не худосильством плавая глубину сию, не погрязнет мощно бо есть: и от инших Преданий Церковных дознаться о Спасении.

ТРЕБУЯЙ. Обаче аще и тако; но Всемилостивый Бог угоднику Своему Тайны сия показа, в наше спасение показа тем же и всею душою ищущим посторонними разумы открывает: и сие оною же запечатленною книгою яви. Ибо она в деснице Божией зрящеся внутри и наружи написана (гл. 71 стих 301-й) Сим Благий яви, яко нерадивым Божия Тайна скрыта а тепле ищущим яве есть. А наипаче, при окончании Апокалипсиса, ангел от Лица Божия Иоанну не повеле сию книгу пророчеств запечатлеть (гл. 71 стих 301-й), и таковых ради даров в Милости Божией к нам, аще мы на решение сих Тайн и недостойны, но достойными возглаголем;

ИЗВЕЩАЙ. Буди и тако: но внимательно послушай оно прошу, да не в суд нам глаголемая будет.

ТРЕБУЯЙ. Ухо мое и сердце готово к тому прострети: антихрист я не вызнаваю что ино быти, токмо смуток во всех верных во Христа в Догматах правости. Аще бо и человека рещи синиктохически (15), единаго вместо многих ереси погибельных вводящих и раздоры в верных или гонительства.

ИЗВЕЩАЯЙ. Разная суть о сем (антихристе) толкования предаются разумети. Павел Апостол нарицает антихриста "противником", а Златоуст нарицает антихриста "отступление". Кирилл же Святый антихриста тожде наричет с прилогом сим, отступление Правыя Веры. Памва же Берында (16), в писмени 1-м: антихрист что есть. Противник Христу абы противник Богу. Ведати же подобает, яко сие речение антихрист, есть греческое, сложено от анти и Христос, еже есть противник Христу по коему имени, мощно всякаго противника Христова противящася Ему ложным учением или гонящего правоверных, антихристом нарицать. Уподобительно по словеси Святаго Иоанна Богослова, яко антихрист грядет, и ныне антихристы мнози: яковы бяху гонители, Нерон, Максим, Диоклетиан, Юлиан и прочии.
Или ложные учители еретики, Арий, Македоний, Несторий, Савелий, Апполинарий и прочии противящиеся Христу ложным учением суть и глаголются антихристы. О них же Апостол глаголет: от нас изыдоша, но не быша от нас. Зде знаменает оных еретиков и отступников кои изыдоша от правого учения ложным учением, оставившие правую веру и догматы Святыя Церкви. Их же кроме спастись не можно. Се явих ти, в чем сие имя состоит антихрист: аще уветливо ти есть.

ТРЕБУЯЙ. Но нам зде не о тех настоит глаголати, кои уподобительно антихристами нарицаются, но о свойственном и существенном антихристе. Ожидаешь ли такова человека, кой един во вселенную пришед, возобладает ею Церкви и Божественные и Церковныя Законы испревратит и испразднит и многих от царствия Бога нашего отведет, и себе веровать и покланяться устроит. А не покоряющихся лютее гонити и мучити будет. О таковом ми скажи, умствуеши ли быти таковому антихристу.

ИЗВЕЩАЯЙ. Не вем, откуда сице глаголати ми.

ТРЕБУЯЙ. Павел Апостол ясно о сем глаголет: яко аще не придет отступление прежде и открыется человек греха сын погибели, противник и превозносяися на всякаго глаголемаго бога или чтилища, тако яко сесть ему в церкви Божией, аки богу и прочая. (К Сол. Слово 2-е)

ИЗВЕЩАЯЙ. Чувственное ли по телеси сидение Богу Творцу во своей Его Церкви, или умное.

ТРЕБУЯЙ. Умное и благодатное, за слова его хранение, таинственное не может единовидно в глаголех быть.

ИЗВЕЩАЯЙ. Отсюда нам научиться подобает и о антихристе. Сесть бо ему Павел глаголет, аки богу, уподобительно сказует. Зде разумети лет, яко Божие в Церквах сидение не есть чувственное, то есть невидимое не телесное, не осязаемое. Таинственное не может единовидно в глаголех быть. Так и антихристово. Ибо глаголет, сесть ему аки богу, ино вместо инаго сказательне. Но услышим и вонмем, что Святый Иоанн Златоуст на оная Павлова слова рассуждая беседует: о антихристе зде (рече) глаголет, и велия открывает тайны, что есть отступление. Того самого антихриста нарицает отступление, яко многих имущаго погубити, и отставить тако, яко (рече) соблазнить аще мощно и избранных. И человека греха нарицает, и бесчисленные бо соделает и приуготовит иных да делают лютая. Сына же погибели глаголет и зане и той погибнет, кто же есть сей. Убо ли сатана. Ни како: но человек некий, всякое его восприемлющий действо, открыется человек (рече) превозносяйся над всякаго глаголемаго бога или чтилища. Не бо во идолослужение введет он, но богопротивен некто будет, и всех разорит, и повелит кланяться себе вместо бога. И сядет во храме Божии, не иже во Иерусалиме, но в церквах: показующу (рече) себе бога, не рече глаголюща, но показующася показати. До зде Златоуст.

От сего же Златоустовых словес удобное есть показати: яко отступление оное Павлом Апостолом сказуемое указанием самого антихриста быти, человека же греха, виновника греха, то есть вводящаго во грех отступления разумеваем. Иже не есть диавол, но поспешествующий дьявольской воли во отступление онаго греха, ему же и прочих соизволяющих приуготовить, да делают лютая. То есть или да защищают лжу словесами и ону в лице истины поставляют. Или не покоряющиеся той мучительною силою ко оной влекут. А еже превозносящимся его быти над всякого глаголемаго бога сказует; познаваем не над Творца Небесе и Земли, иже естеством сый Бог, но на именуемых богов вознестися. Ибо и духовных и мирских начальников писание наричет богами. Зри же, что и се глаголет: яко во идолослужение не введет он, а кланяться себе повелит вместо бога и сядет в церквах аки бог.
Нецыи убо от учителей церковных и изящных богословцев (богослов Софроний в слове "Папа отступных"), в сих папу римскаго быти подразумевают. Кой на духовны архипастыри возносяся, равно себе ни кого вменив, вместо Христа Бога нашего, над вся главою себе поставив. Тем же аще и не глаголет себе бога, но равенством Христу над вся превознеся (Мелетий, послание 4-е), поучився показати себе бога. И тако богом естественным себе аще и не наричет, а приравнением оным, все прийти тщится. И сице поклона должного богу от человеков не отъемлет, а свойственный Богу поклон, себе влечет и идолослужение не творит. И тако на Павлова словеса решение придав, аще годствует ти прими.

ТРЕБУЯЙ. Но сия, убо мне мнится о предтечах антихристовых глаголема Павлом быти, аще папа и друзии, а не о самом антихристе.

ИЗВЕЩАЯЙ. Яко же выше реченная Павлова словеса, так и Златоустова беседословия на тая, не о предтечах антихристовых, но о самом антихристе, аки перстом указаша того самого. Что бо сего яснейше указания ибо сказует: яко открыется человек греха: яко отступление содействует: яко многих от дверей Царствия отведет: яко сядет в церквах аки бог: яко богопротивен будет во учении: яко во идолослужение не введет: яко превознесется. И сия вся не о предтечах антихристовых, но о самом антихристе опасно сказашася. Кая уже в самых папах и прочих державствующих духовною и мирскою властию сбышася. Ибо духовный тамо чин вознесшися во всех правоверных сугубую схизму отступления содеяв, и во всех владыках главнейши назвася, и себе единому власть духовную и мирскую причини и в наместничество Христово вступи. (Записано на полях, напротив текста сделана запись: Послание. Мелетия 4-е к Апок. 32-е).

ПРИДАТОК.

Повествует о сем в Апокалипсисе Иоанн Богослов во главе 37-й: и видел иного зверя восходяща от земли имуща два рога подобна агньчим и глаголюща аки змий.

Толкование первое, на стих 164: Змий сей лживый пророк есть, из земли убо восходящий, сиречь из земнаго жития. Имяше же два рога, подобна агньца. Гладок бо кажется сокровенный волк в кожи овчей убийственное сокрывающи, за образ благой веры в начале его. Сущее: и власть первого зверя всю творяше пред ним: и творяше землю, и вси живущия на земли поклонятися первому зверю. И паки во главе 52-й стих 99-й. Сущее: из уст звериных из уст лжаго пророка, духи тринечистыя, аки жабы исходящие.

Втораго толку: ложного пророка разумеваем быти еретиков бывших, и еще попущением Божиим быти хотящим, да верным искусно явится. Жабами же их наричет за многоглаголивое и нечистое на Господа нашего Иисуса Христа хуление, и на верующих вонь. До зде от Апокалипсиса четырехтолкового.

От сих всех предложенных, явственное решение восприя, яко Павлова словеса проречением быша о Римской державе, в ней же ганайствова (угадано) быти отступлению, им же воспоследствова самого антихриста наступление. О чем и Иоанну откровение бысть, яко Римская держава антихриста первее произведет, что виною отступление от восточных видим содеяно. А что Павел единаго человека глаголет: и открыется (рече) человек греха и прочая: то разуметися может иносказательно, а не един вместо многих яко же обычно писанию.
Како же может быти единому на многих обращение или развращение и ввести сии народы во отступление. Разве заводом, а прочих к тому с пристатием и споможением. Яко же Златоуст рекъ: и иных поострит делать лютая. Но един ли Арий начал хулы о Сыне Божии. Но потом колико поспешников ереси приобрел. И не един ли Македоний. И не един ли Евтих. Кийждо ереси начиная и в них помощников приобретая на пагубу народа. Так и един на западе папа Леон отступление сотвори, и по нем в совершенство все то сотвориша, что и совершенное веры отступление соделати. Яко же зряще видим и разумеваем их веры противности Христу.
(Записано на полях: "Щит веры" ответ 37-й: гряди явим ти, и от существенного писания подобные, яко человек по псалмопевцу, многажды нарицается весь род человеческий. Человек яко трава, что есть человек яко помнишь и прочие подобное и ангел нарицается, весь собор ангельский. Яко же глаголет Дамаскин: ангел в месте необдержится, ангел есть существо умное и прочее. Нарицает же ся ангел и человек единственно, еже единому естеству во многих ипостасях. Сице и антихрист глаголется от Ипполита и Ефрема, все множество антихристов за еже единому злочестию быти во многих ипостасях. Яко же Христос Царствует во всех в нас, во всех душах праведных. Сице и антихрист царствует во мнозех лицах изначала во всех его злочестию покаряющихся и доселе:)

ГЛАВА 3. О РОЖДЕНИИ АНТИХРИСТА.

ТРЕБУЯЙ. И аще тако сущаго (на единаго человека) определения не полагать, яко же из случаев глаголеши, ему же бы повсемственно на вселенную подобало прийти: то како Писание оно об антихристе сбудется, яко антихрист родится человек от девицы нечистой жидовки.

ИЗВЕЩАЯЙ. Смотри, тамо же есть писано, яко бы родиться ему от оныя, но по привидению. Что есть по привидению. Разумей: привиденныя бо вещи в нас сия суть, кия чувства, телесными необьятны. И таковое видение есть безплотно и некое есть сонное единому мечтанию ума подлежаще. И сие что есть; разве дьявольское или сам дьявол а не человек. О нем же Ипполит, того ради Церковные учители разные описания антихристову рождению дают:

1: Иеремия пророк глаголет: родится антихристу спехъ (скоро) от Дана услышим. борзостию коня его потрясется вся земля. ("Щит веры" ответ 335, лист 126)
2: Моисей глаголет: родиться антихристу от Васана (17), по оному, скименъ (молодой) львов данъ, изкочи от Васана. (Второзаконие. 33)
3: Даниилу пророку показано: родиться антихристу от 4-го зверя по оному: и видел рог мал восходящь, имея уста хульна. (Дан. 8.)
4: Пророк Иосия глаголет: родиться антихристу от пустыни, по оному: во дни оны наведет Господь ветер жгущь от пустыни на ня, (сиречь на церкви). (Иосия гл. 13.)
5: Во Откровении явлено Иоанну: родиться антихристу от моря, по оному: и видел зверя восходяща от моря. (Апок. гл. 13 зачало 36.)
6: Ипполит же Святый: родиться антихристу аки бы от девицы. А во ином глаголет: от жены.

Но сию антихристову матерь аще восхощем какою нарещи, не обретаем. Ибо нарицается женою прелюбодейною, нарицается дщерию вавилонскою, нарицается римскою державою, наричется гордынею, наричется мирскою роскошью, наричется Вавилоном, наричется Египтом, наричется Галилеею, наричется греховным калянием (осквернением), наричется и самим грехом. Наричется силою сатанинскою и прочими именами наричется. И от сих предложенных, кое ей имя глаголати, определьно не вемы.
Аще же восхощу и сына тоя антихриста определно имя знати, не обретаю на кое прибегнуть. Ибо сей антихрист глаголется и отступление. Глаголется зверь семиглавый и десятирогий. Глаголется ересь и мерзость запустения. Глаголется змеиная икона. Глаголется и ветер от пустыни исходящий, глаголется и князь мира сего.


Место ли рождения его взыскать, но сия множественна суть:
1: Сказуется антихристу родиться в Риме. По оному: антихрист от Рима изыдет. (Апок. Зач. 21 в толковании.)
2: Сказуется, антихристу родиться в восточных странах. В земле персидской, где колено Даново от корня еврейского. (Афонасий. Вел. Ко Антиоху.)
3: Сказуется, антихристу родиться во Египте.
4: Сказуется, антихристу родиться в Галилеи. Отнюду же и Христос изыде, яко же пишется: скименъ лвовъ данъ, изкочихъ от Васана. Сей же есть скифопол, рекше скифский град.
5: Родиться имать антихрист в Вавилоне, граде великом. По разумению Иеронима, в толковании на 11-ю главу Даниила пророка. (Книга о антихристе Рязанского лист: 62-й.)

От сих предложенных неудобно есть познати яко о имени антихристове, так и о матери его и о месте рождения подлинно. И аще неудобно сих познати, убо и не есть существа телеснаго той. Ибо все телесно рожденные имуть собственное имя свое и матери и места.

ТРЕБУЯЙ. Сия елика изрек имена: имени антихристова, имена матери его, имена мест, не есть свойственных но уподобительных имен.
Якоже и Господь наш Иисус Христос глаголется Дверь, глаголется Пастырь овцам словесным, глаголется Свет, глаголется Путь, глаголется Истина, глаголется Камень, глаголется Хлеб Животный: и прочими именами наречется.
Подобно и Мати Его, присно Дева, разными именами наречется: наречется Гора, наричется Палата, наричется Престол, наричется Лествица, наричется Свещник позлащенный, наричется легкий Облак, наричется Киот, Жезл, Стамна и прочая.
Обаче сих ради употребительных имен, не отречется ни кими собственная имена имети, якоже Господь наш имети Его.
Нечто же рещи и о антихристе годствует: аще и имать некая метоническая (18) уподобительная имена себе и матери и места, обаче и не извлекается собственных имен.

ИЗВЕЩАЯЙ. И азъ на сия тожде тебе глаголю, что оная антихристу и матери его и месту не есть существенная и свойственная, но иносказательная и уподобительная имена. Речется ему родиться от Васана, но Васан толкуется студъ. Речеся родиться ему от Дана: сиречь от диавола. Родиться ему от моря, сиречь от мирского жития. Но сия вся имена уподобительная, а свойственного его имени и прочим не обретаем.
Христу же Спасу нашему и Пречистой Его Матери, и месту в нем же родиться, и в нем же воспитан, и где Распяся, и како Воскресе, и како на Небеса взыде, вся предречена свойствено и существенно. Снидет яко дождь на руно. Матери же Его будет имя Мария, и наречеши имя Ему Иисус. И яко в Вифлееме родится. Бог от юга приидет: ибо Вифлеем от Иерусалима на юг. И прочее. О всем ясно во пророках предуказано.

ГЛАВА 4: О ВРЕМЕНИ АНТИХРИСТОВА ПРИШЕСТВИЯ.

ТРЕБУЯЙ. Но аще каковым либо образом обаче ведомо, то есть известно от Писаний, яко антихристу не отменно в Риме явитися. Сего ради прошу рцы ми: мощно ли от Писаний Священных время его появления свойственно показать.

ИЗВЕЩАЯЙ. Святый Апостол Павел во В (2)-м послании к Солунянам тако о сем пишет: и ныне одержащее весте, во еже явитися ему (сиречь антихристу) во свое ему время. Тайна бо уже деется беззакония, точию содержай ныне дондеже от среды отъят будет. И тогда явится беззаконный.
На сия Павловы словеса, Святый Иоанн Златоуст толкуя глаголет: точию содержай ныне, дондеже от среды будет. Сиречь власть римская егда возьмется от среды, тогда он приидет. И в лепоту: донележе бо сея власти страх будет. Никто же покорится. Но нападет на безначальство. И человеческую и Божию поищет похитить власть. Яко же бо прежде сего разоришася царствия, сиречь: Мидское от Вавилонского: Вавилонское от Перскаго: Перское от Македонского: Македонское от Римскаго: тако и сие от антихриста: а он от Христа, и к тому не содержит. И сия со многим изъяснением Даниил нам предает. О том же и Святый Ипполит пишет сице. Приведу же (рече) в среду достоверна свидетеля, пророка Даниила, иже сон Навуходоносору разреши и царствия даже до скончания показа путь неуклонен, шествовать хотящим во истине явления, что бо пророк Навуходоносору изрече: зряше ты о Царю, и се образ великий стоящий пред лицом твоим. Его же глава злата, мышца его и рамена серебряные, лыста и чресла и стегна медные, голени железные, нозе часть некое железна и часть скудельна (глиняные). Зряще дондеже отсечеся камень без рук, и порази образ на нозе и скудельне (на ногах глиняных), и истии (сокрушит в прах) и до конца. Тогда истнишася купно (стёртая вместе) скудель железо и медь и серебро и злато, и быша яко прах от гумна жатвенного. И камень, поразивший образ, бысть в гору великую, и исполни всю землю.
(И ниже): к сему присовокупи самого Даниила видение четырех зверей от моря восходящих, яже суть:
Первый зверь яко львица, крылья ея якоже орлиные; изрехъ дондеже издаде крыл свои и взятся от земли, и на ногах человеческих ста, и сердце человека дадеся ей.
И се зверь второй подобен медведице на страну ста и три ребра во устех его.
Зрех и се зверь третий, аки рысь, и тому крыла четыре птичьи превыше его, и главы четыре зверю.
Последи же сего зрех: и се зверь четвертый страшен и удивляя, и крепок зело. Зубы его железные, и ногти его медные, поядая и истнивая, и прочая ногами своими попирая. И той разньствова паче всех зверей прежде его бывших: имея десять рогов. Внимай убо рогов его. И се рог мал взыде посреди их, и три рога перед ним искоренятся от лица его. И се яко очи в роге сем, и уста глаголющая вельми. До зде самая Ипполитова словеса.

Истолкование еже на сия звери кратко из его же словес полагаю тако:
1-й зверь есть Вавилонское царство в подобие златыя главы образа онаго.
2-й зверь есть Перское царство: а три ребра три языки, персы, мидийцы и вавилоняне. Еже значит образ серебра.
3-го зверя, глаголет эллинское царство, бывшее по Персах. Еже значит медь. Четыре же главы знаменает, яко по Александре на четыре части разделится царство оно.
А 4-й зверь, есть Римское царство. Твердое аки железо: 10 рогов, 10 перст ножных образа значит во указание 10-ти царств от него восстающих. Рог же малый посреди их, являет антихриста.

На уяснение же сих и Святаго Кирилла предлагаю сия словеса: Приидет бо (рече) преждереченный антихрист таковым подобием, егда исполнятся лета Римской власти. То уже близ есть кончина мира. (Ниже): сие бо учим не от себе глаголюще, но от Святаго Писания собирающе. А наипаче, взяв в пророчества Даниилова, яко же и Архангел Гавриил поведал тако глаголя: зверь четвертый, царство 4-е будет на земли, иже превыше будет всех царств. И сие по истине Римская церковь учители предаша ми.
1-е бо славно было царство Ассерийское.
2-е Мидское соединено в Перским.
3-е Македонское.
4-е ныне Римское.

Таже паки Гавриил прилагает глаголя 10 рогов его 10 царств восстанет. И по нем восстанет другий. Иже превзойдет всех первых злобою не токмо глаголет десяти, но и всех иже прежде его быша, а трех царей победит. Ведати же подобает, яко из тех 10-ти царей, трех царей того ради победит, яко сам восьмым будет царствовати. И на Вышняго имать рещи словеса еретические. Отступных беззаконник.

Два подобия о наставлении антихриста на царство Римское от пророчества собрав поведует нам:
1. Первое. От того времени, антихристово царство в Риме зачнется. Яко же глаголет: егда исполнится лета Римскаго царства и не глаголет, егда возмущено будет, но егда исполнятся лета. Еже есть когда уже Римом цари неймут владеть. Якоже и ныне видим. Уже не владеет.
2. Второе подобие показует нам, како и коим образом последнего антихриста на оном престоле Римском надеятися леты. Яко же глаголет: тогда восстанут в Риме десять царей в разных местах. К Римскому единонадесятому царству во едино послушание будут. Тогда в Риме на том единонадесятом царе последнем, антихрист скоро содеетися имать. Ибо 7 царей в послушание свое антихрист к Римскому престолу слугами своими в то время добровольно и без брани взыскивать имать. А трех паки войною и силою со оными семью цари достанет. Яко же во главе 9-й. Воспомяну. Тии же три цари за единым римским царем и именем пребывать начнут. Понеже повелением и промыслом Римскаго престола побеждены будут. И того ради, сам восьмым прозовётся антихрист. На царстве Римском сидя, дух лукавый, семь лютейших поймет (возьмёт с собою). И приходит к человеку тому лесть последняя горше первая.

До зде свидетельство Святых о времени: от коих явственно ти показа время антихристова пришествия, как от Святаго Апостола Павла, так и от толковника его Иоанна Златоустого. И как от Даниилова видения, так и от Навуходоносорова истолкования. Во всех единаго согласия. Яко тогда антихристово время открыется, когда Римское свойственное царство разрушится.
(Записано на полях: От иныя книги толкование на листе 48 сице гадательствует. Седмь духов лукавых с ними же лесть последняя всяка человеки хощет побеждать. Ими же и антихристом отступлением побежденные три цари, сиречь три царства, могут сказатися, три Рима: 1-й ветхий Рим, 2-й Константинополь, 3-е Российское царство. Яко под единым Римским именем сущие. И прочее: духовно и верою уже скончавшиеся и падшие.)

ТРЕБУЯЙ. Внях убо добре сие. Но не могу того ведати, истинно ли разрушится Римское царство; или еще пребывает и почему я дознаваюсь сего.

ИЗВЕЩАЯЙ. Аще добре разумеешь о показанном образе Навуходоносору. То дознатися известно можешь и о разрушении Римского свойственного царства. Ибо две голени онаго образа знаменованием быша Римскаго царства, во единой державе двоих мест Востока и Запада. Но уже Восточных Церквей власть на западе быти преста. Кая от лет древних и от лет великаго Константина в новом Риме (сиречь Константинополе) царствовавши неотъемлемо и Ветхим Римом владеюща. Власть оная до французского великаго короля Карла пребываше. Сего же на царство Римское возведением разрушися, и начало великой схизмы с Востоком к Западу сотворися. И се видишь единыя голени онаго образа сокрушение. И тако до конца оныя образ сокрушился. И 4-й зверь показанный Даниилу (который знамением бысть 4-го монаршества Римскаго) упразднился.

ТРЕБУЯЙ. Где написано о сем.

ИЗВЕЩАЯЙ. Пишется в книге "О вере", Московской печати, во главе 21-й об отступлении римлян. Яко в лето от Рождества Христова 805-е, Леон (19) папа, на Римскую державу чуждого короля Карла франков, короновал и цесарем римским провозгласил (20). От чего власть Римская на двое разделилась, и первую к разорванию соединения Церкви причину подал. И потом в наступающих папах другая премененная вина о Святом Духе изниче в соединении веры раздор сотворила, и проклятое отступление изнесла (21).
О чем (глаголено повыше) устрашися Небо и вострепета. Зело, рече Господь, яко дважды лукавое сотвориша люди мои, оставил костел Западный, Святую Восточную Церковь, а затем и Правую веру. И иного себе господствующего вознес. И паки в книге Кириллове в знамении 7-мом пишется сице: Апостол Павел явственно поведал о знамениях антихристовых глаголя: яко аще не приидет отступление прежде и открыется человек беззакония сын погибели, и прочая. (Ниже): явитися ему во свое ему время. Тайна бо уже деется беззакония. Точию держай ныне дондеже от среды будет, и тогда явится сын беззаконный. (Ниже) Сие Павел рече: а ныне уже есть видимо отступление. Отступиша бо человецы от правой веры. (Далее): И се есть уже отступление, и ожидаем врага, иже по малу пошлет пред собою предтеч своих. Даже и сам на готовое пришед и останокъ уловить.

Рассуждение: первое готовит диавол отступление знамению последнее поведает антихристова собрания отступление, которое тогда в начале зачалося, егда от Святыя Восточныя Соборныя и Апостольския Церкви греческого православия отступили папа и вси духовные Римские Церкви. И раздор учинили в христианстве мира сего отечестве. И отделились сами особно, яко же писано во 2-м знамении. И потом все церковные Уставы и Правила и Законы 7-ми Вселенских Соборов преписующе. И свои указы начаша уставлять. И всем своим Западным Церквам передавати тоже. И самое истинное исповедание Православной веры, еже есть верою во Единаго Бога уставленное в хвалу всеми 7-ю Святыми Вселенскими Соборы, Фармос (Формоз) (22) папа римский, с помошниками своими, приписал исхождение Святому Духу и от Сына, приложил дерзнуть. И есть се пребольшее еретичество, и первое от Святых Отец Седми Соборов отступление.
И еще в той же книге в знамении 2-м пишет: сице папа римский отринувся от Греческой области и от царства, и взяв на ся не токмо престол и власть царскую и святительскую но и Божию, готовя престол, яко же пишет (Апок. 8) начав по тысяче лет в старом Риме старейший, а последний князь мира сего, человеки от всех царей земных в повиновение к себе влечет. Яко же первое на греки тако и на иные мечем, начав воевать. И всех Христиан и всяко колено начав льстить, дабы ему аки богу поклонились, различными коварствами, любовию, дарованием обещанием, прошением, грозою, казнями, войною, посольством и слугами своими к своему духовному и святительскому уставу приводить, восхищающи. Дабы ни кто не пребывал в прежней Православной вере, Единыя Святыя Кафолическая Апостольская Церкве греческого закона, и от Святых Отец в уставе изложенном на Вселенских Соборах. А на его римские, новые, полные еретичества уставы, приступили. Иже по вся годы то сице, а иногда инако устав пременяет. И се есть знамение последнее антихристова пришествия, яко же преди показует.
Прочее услышим, что творец книги о вере, в слове 30-м об антихристе предлагает сице: Святый Иоанн Богослов назнаменовал, и в послании своем не замолчал, но утверждает глаголя: дети последняя година есть. Яко же слышите, яко антихрист грядет, и ныне антихристы мнози. О правде, яко много предтечей его ни и сам уже близ есть по числу еже о нем χξς (600, 60, 6): число бо человеческое антихристово. Кто бо весть аще всих лет ҂Аχξς (1666) явственных предтечей его или того самого не укажет. (Ниже): к сему же и сие воспомянути не отрекуся, еже Святый Иоанн Евангелист во Апокалипсисе во главе 20-й пишет о связании сатаны на 1000 лет. И потом по развязании, возвращается диавол на первое возлюбленное свое место, идеже еще из неба хотел. И от того времени поветрием тяжким поражен бысть Запад. О сем пространно во главе 21-й обрящеши.
По тысячном лете его да 595 дохождаше лето (1595-й год), явственное бысть отступление и прельщение нарицающихся юнитов от Святыя Восточныя Церкве к западному костелу. О чем чти главы напреди 23-ю и 24-ю. А по исполнении лет числа ҂А (1000) и χξς (666)-ти, не непотребно и нам от сих признаков опасение имети. Да не некое бы что зло пострадати по предреченных исполнения Писаний свидетельств, како настоит День Христов. Яко же рече Апостол: и несть ли готовым быти подобает, аще кто достигнет тех времен, на брань с самим диаволом.

Ниже от слова 8-го Святаго Ефрема приводит сие: Убоимся и мы любимицы мои; да не имы в сия впадем писаная бо вся совершишася, и несть ино ничто же прочее, токмо соперника нашего, еже есть антихристова слава. На конец бо Римскаго царства подобает всему совершиться. Что же несть ли убо совершилось от римских царей, яко предстать сим царствовати. Но ниже убо слышится имя римских царей за многие лета последнее сие время, яко бы рещи от Великаго Карла. Всю же власть от тех времён царскую и святительскую папа на себе привлече. Вкупе и царь и святитель наречеся. Предтеча. Что же нам о сем время отлагать, но достоит всегда с богословцы едино с покаянием глаголати. С Петром Апостолом яко же рече: не коснит Господь Обетования, яко же нецыи коснение мнят, но долготерпит на нас, да вси в покаяние преидут, и прочая. Ниже: тем же всегда в памяти своей нам всем православным имети и прежде бывшая причины, и сему внимать, яко по 1000 лет от Воплощения Божия Слова, Рим отпал со всеми западными странами от Восточныя Церкви. В 500-т же, 95-е лето по 1000 (1595 год), жители в Малой России к римскому костелу приступили, и на всей воли римскаго папы заручную грамоту дали ему. Се второе оторвание Христиан от Восточныя Церкви. Оберегая же сие пишет: егда исполнится ҂Аχξς (1666) лет да не что бы от прежде бывших вин зло некакового не пострадати и нам, но покаянием Бога умилостивить, и Мать Его нам к себе привлечь.
До зде из книги "О вере", тем же аще хощеши сын Святыя Церкви быти: повинися предложенным свидетельствам сказующим ти. Яко конец уже прия римское царство и время антихристово открылось.

ТРЕБУЯЙ. Рекл бо еси прежде яко внегда престать Римской державе антихрист придет. А власти римской сказуеши тогда престати, егда Леон папа помазал на западное кесарство Карла, короля французов, кое помазание в лето Господне восьмисотое бысть. Обаче после сего, до лет Господня, папы римские с восточными патриархами в вере согласны быша. О чем в Кирилловой книги во главе 25-й, тем же како умствовати на той час быти антихристова прихода. Ибо в западной церкви и по той власти престатия 95 лет до папы Фармоса благоверно папы и прочии пребывали.

ИЗВЕЩАЯЙ. Отвещаю на сие 1-е: может сего исполнения дело и всей приятися разум: яко конец вместо начала. Яко же рече Бог ко Адаму, в онь же день снесте от древа сего, смертию умрете. Но не тогда умроша егда снедоша: сиречь осуждение тления от него же и смерть. И паки рече Гавриил архангел Даниилу, разорится место жертва и помазание ветхозаконное егда Христос придет. Но не абие разорится егда прииде.
Оба в вину прия от нея же разорятся. По сему, можно глаголати и о власти римской. Яко вины тыя приидоша, тогда от них же нужда антихристу явитися. Си есть разделение царства, раздоры и вход Карловым еретикам, иже самыя причины и начало антихристова появления.
ОТВЕЩАЮ 2-е. Не своя бо я тебе рекох, но Павлова словеса. И не тако Павлова, яко в Павле живущаго Христа. Той бо в Павле Апостоле Своем сие изрече. Точию содержай ныне дондеже от среды будет, и тогда явится беззаконный. Кое слово, Златоуст восприим Духом Святым пророчески протолкова сице: власть римская егда возьмется от среды, тогда он придет, сиречь антихрист: о чем довольно предрекохом.
И сие сбытися по отъятии царства Греческого помазанием на царство западное онаго Карла. Его же Леон папа избрал, и поставил по воле своей, в кесаря, место греческого. Коим поставлением вина бысть западу с востоком крайних раздоров по власти мирской. По мале же и духовной (яко же услышим) коея ради дерзности Леоновой вход антихристу или диаволу в верныя приуготовася. Яко не от чего так вход имать в Церковь диавол, как от распрей. Тем же сей Леон за вину свою предтечею антихристовым назван. О чем в книги Кирилловой, и в книги о вере церковных учителей в Писаниях видим. А наипаче входа антихристова отсюду бысть предуготовление Леоном, яко не токмо чуждого человека на отчизну Западного царства возведе, но и еретика сущаго возведе. Ибо оный Карл, новый кесарь, еретик бяше. И с собою многих великих еретиков в Рим привел и попустил им свободно учить народ римский ересям. От коего учения тех находящих велия быша распря, велие развращение и велие смущение. Многие от людей благоверных начаша сомневаться, и во оных еретичествах, как в блате (болоте) утопать.
Виде же папа Леон погибающих люди Божия от учения еретического, занеже в сладость послушаху Карловых еретиков, а наипаче и от царских еретиков помогаеми учить о исхождении Духа Святаго и от Сына, и опресночная служить. Сожалився о погибающих и многое старание приложи, и тако по малу и малу начала Западная церковь упадати, и от Восточныя Церкви в еретичество удаляться. И в том пойде до папы Фармоса.
Кой Фармос яве церкви проповедать начав людем, яко Дух Святый от Отца и Сына исходит. И сия проповедь в мире в лето Господне 895-е, содеялась аще бо папы от времен Леона папы до сего Фармоса и описывалися в правоверии восточным. Однако же многия уже ереси явились в них ради оных еретик. И многия слабости в них внидоша. И от лета Господня 858-го, мало мирствоваху с Востоком. А наипаче в лета Господне 867-е, Фотий, (23) патриарх Цареградский, Соборно папу римскаго за некия ереси проклял. И тако не видится от того между греками и латинянами сущаго мира кроме вражды. И един на другаго гаждении. О чем изволяй ведати да, чтет у Барония лета иная.
По смерти же Фармосове, елико день и время вящьшее толико великих мерзостей в римских папах исполняшеся, о чем Лихудиев Софроний грек, великий богослов, целую историю написал, избрав из многих лет от Барония. Хотяй да взыщет ю. И от сих убо всех ведомо есть, яко чрез схизму мирского владычества начало бысть входа антихристова. Через схизму же раздора церковнаго о богословии и прочих, совершенного пророчества Даниилова, Павлова, Златоустого Ипполитова и Кириллова бысть на Риме исполнение.

ГЛАВА 5. НА ПОДОЗРЕНИЕ И ОМЫШЛЕНИЕ.
О летах ҂А (1000), и ҂Аχξς (1666), в творце книги "О вере".

ТРЕБУЯЙ. Разумех убо силу предреченных словес пророчеств и благодарю Бога моего, яко тако печется о Спасении нашем. Толикий свет ума пророки своими и учители показуя хотящих быти. И что ими предъяви, та уже и дается признавать. Но творец книги "О вере" во своих летах описаниих, омышление ми некое подает. Ибо в сочиненной оной своей книге во главе 30-й и от главы 20-й Апокалипсиса, о связании сатаны на 1000 лет, умствуя просто, на 1000 лет описал: а толковники Апокалипсиса, сию 1000 лет не на леты, но на совершенство Евангельской проповеди неопредельно толкует. Еще же от онаго Апокалипсиса приемлет число χξς (600, 60, 6), и вменяет его в леты же. А толковники сие число не на леты, но на обретение, имен толкуют. И сих ради причин, хулить онаго творца не дерзаю, а верить в том всеконечно не могу. Яко апокалиптическим толковником разуму не последует.

ИЗВЕЩАЯЙ. Кто разумеет Ум Господень. Или кто советник Ему бысть. Не испытана бо суть пути Его. И непостижима Дел Его Премудрость. Тайна бо всей Апокалипсии положенная, Божественная суть и превысочайшей премудрости исполнена. И виде убо имать сице, многажды из себе умствования подает елико всем Апокалипсиса толковникам не бяше до конца глубины разума того дойти. Тем же аще возглаголеши сию 1000 и на совершенство Евангельской проповеди, аще и на лета, не отпадешь Истины. Такожде и сие число χξς (600, 60, 6), аще на имени, аще и на леты, не погрешит разума сего. Яко Божественное Откровение имеет глубины премудрости человеку неизмеримую. Того ради, и толковники вступая сию 1000 лет преложно толковать, не самую глубину тайны сея известно надеются достигать. Аки бы до конца так: но толкующие глаголют сице: мним убо о сем тако. И прочая. Тем же те же толковники выше о связании сатаны на 1000 лет мнение кладут. И на вся лета от Вознесения Христова до антихриста, Богу Единому ведома. И сице тебе о сем известивше, и сия речем: яко оныя толковники Апокалипсиса гадательно толковали. Творец же книги "О вере" не уже гадательно, но вещей сбытие зряще, яко по той 1000 лет, Рим конечно от Восточной Церкви отпаде. И не един, но со всеми западными странами отторжеся. Тем и в болезни сердца своего то описал, и приим оно 1000-е число, поразумея яко сие Рим и весь Запад, от развязания диавола паче падение пострада, глаголет: возвращается диавол на первое свое возлюбленное место, идеже еще из неба хотел. И от того часа поветрием тяжким поражен бысть Запад.
Зри убо, кая причина подвигла его, оную 1000 в леты мнети. Самое бо дело свойственное диаволу творити, еже правой веры отводить, от Бога отлучать. И сей случай паче тогда на Западе показася. Тем же и знаменита бысть 1000 сия, не токмо сему творцу, но и всему Западу. И велик страх вложи на вся тамо живущих. Яко же Бароний в лете Господнем 1000-м пишет: зане во оно 1000-е число, страшная комета на небеси явилась и велие бяше земли трясение. И змий некий, страшный на воздухе показался. К тому же бяше еще и колебание Римской церкви и тяжкие грехи, а наипаче духовных, тогда извращение всего народа, от чего во многих тогда мнение возрасте, яко антихрист прийти имать. И в Париже на поучениях от великих учителей проповедано бысть слово: яко по исполнившемуся тысячному лету антихрист воцарится. И по скончании того, полчетверти лета скончание мира будет. Тем же мнози сего убоявшись вознерадеша о зримых вещах, и от украшений церковных предсташа ожидающе антихриста на разорение Церквей Божиих прихода на 1000 ону. Но яко уже по 1000 оной прейде полчетверти лета, в ня же бы должно ему царствовати, а очима его прихода не видеша, И сидящего чувственно незреша. И по малу и малу начали той страх забывать. И в первая своя приходить, и тако по томными времены память оная покрыся в них и ни за что до ныне положиша. Обаче во Греческой Церкви видеше их елико час, толико законопреступлений умножилось в них. И елико сего умножашеся толико междоусобные вражды произрастали, и развраты мнози учинялись в людях. Писанием их повсюду огласиша и дело беззакония их обнажиша, и древние пророчества от них истолковав глаголюще: яко антихристу в Риме явитися подобает по отъятии греческая державы. О чем Архангел Гавриил, пророк Даниил, Апостол Павел, Златоуст, Ипполит, Кирилл и инии, а наипаче сам Бог, Апокалипсею Иоанну Богослову яви. Но яко довольно нам о том преди известися. Яко рожденный в Риме антихрист не во угле токмо западном сидеть будет, но всю поднебесную пройти ему попустится. О чем и во Апокалипсисе на поли напечатано тако: антихрист из Рима изыдет. Что же: не изыде ли антихрист. Изыде, и что содея. Изыде и соглядая Малороссии правителей духовных нагих и пустых от закона Божия, и от преданий церковных ("Щит веры". Ответ 368-й. Лист 59-й), и тако бездельно зияющих (раскрывающих рот) поя (воспеавя) себе во область, и учини их престолу Римскому подданными, и костелу римскому покланятися. Се лов змия сидящего при пути и назирающего наши конечные слабости: то есть хапание его коней пяту, человек живущих на земли.
Ужасно воистину зрение, яко толикое число людей Божиих, толикое множество народа от Православной Церкви греческого закона отрази, и в мале рещи зиянии поглоти до конца. Тем же щадя Господь Бог людей своих, да не останки тем же зверем поядении будут, благоволил дати сему творцу книги "О вере" не токмо дар премудрости, но и дар пророчества. Открыв ему тайну хотящую быти еще. В нечесом: тем в свете сияния разума Божия познав причину обстоятельныя оныя 1000 в Риме, от нея же и се число χξς (600, 60, 6), разумев великия быти причины, приложи есть ко оной 1000 лет. И видя уже народ обстоящий его жительством ослабевающего, а духовных великаго презорства прав церковных исполняющихся, и близ дверей древней злобы находящаяся, в болезни сердца своего от словес Иоанновых возопи: дети последняя година есть, яко же слышасте, яко антихрист грядет, и ныне антихристы мнози. О правде. Яко много предтечей, но и сам уже близ есть. По числу еже о нем χξς (600, 60, 6): число бо человеческое антихристово. Кто весть аще всех лет явственных предтечей его или того самого, не укажет и потом довода истину сбытия. Глаголет о связании сатаны на 1000 лет, и о развязании его, иже от того времени поветрием таким же поражен бысть Запад, По тысячном же лете, егда 595-е дохождаше лето, явственное бысть отступление и прельщение нарицаемых юнитов от Святыя Восточныя Церкви к западному костелу. А по исполнении лет числа ҂Аχξς (1666), не непотребно и нам от сих вин опасение имети. До зде творец книги "О вере".
Но отколикое за сие Господу Богу благодарение мы воздавать должны есмы, яко толикий свет разума сим Творцом яви нам. И тако яви, яко и трижды о том возгласи, засвидетельствуя правду Свою яко и глухому слышати мощно, и невежди разумети. И что отвещает той Господеви иже толикое пророчество ясное, и толикими гласы возглашенное слышав и не вонмет и ни во что положив свой ум лучше поставит. Яковых уже и видим и слышим рядников некоих, а наипаче козлище некое, по стремнинам своевольства ходящее оставивше толикаго великаго философа и богослова духоносного словеса истолкования, толикое Духа Святаго откровение. Сами в слепоте ума своего далече их сущая толковать дерзает. О Боже, коликое се невежество, коликая сия дерзость. Не малого воистину наказания достойно, яко кроме толковников дерзают толикую глубину тайн Божиих собою измерять. Не ведают суетни, ниже зрят слепые, яко сия книги творец великий богослов и довольный знатель тайн Божиих, истеннейшими архиереи в том свидетельствованы бяше, в Дусе Святе глаголати. Подобает им тому внимать, аки от Духа Святаго глаголанным, да некогда отпадут. Тем же и ты о друже: не измеряй малым умом толико духоносных богословцев. Да не затворен будеши и ты в противлении, якоже и прочии. Но яки Церковью свидетельствованное его дело приемли: аще бы тебе онаго и не тако мнилось что, то наипаче от случаев (потому) сбывшихся удостоверяй и извет имей яко то не от онаго погрешение, но от твоего малого ума непостижения. Ведай же, яко мы не знаем что и по мале хочет быти, а сей творец книги, что и за такие лета изрек, то прииде неотменно. Кое гадательство его является не человеческое, но присудствующее Святаго Духа. Ему же не будем ратницы прекословием. Прочее, аще хочешь быти сын Ноя, сын Авраама, сын Лота, приемли словеса пророчеств, аки словеса Божия, не подобися оным младенцам оставляющим храмы добрые и светлые Спасения, свои утлые шалашики делающим: еже своеволие творят не покорением Истине.

ТРЕБУЯЙ. Прошу потерпеть ми еще во испытании моем, Ибо в той же книге "О вере" в слове 30-м читаем: аки бы Рим отпал от Восточныя Церкви по тысячном лете. Но мы вемы, яко Рим прежде веры отпаде, аки бы рещи за 100 лет до 1000. И прокляты быша папы и како то глаголати мощно, яко по 1000 лет Рим отпаде и почему.

ИЗВЕЩАЯЙ. Аще сего ради сомнение треба тебе имети, яко римское падение на оное сущее число 1000 не прийде. Но и паче, яко же рекл еси, то подобает ти и прочим Божиим Святым Словесем сомневаться. Понеже Бог Ноеви, глагола навести потоп на землю по пришествии ста двадцати лет. Обаче прейде токмо 100 лет и потоп прииде на землю. Аврааму Господь Бог рече, семени его, сиречь Израилю, поработать в земле чуждой (сиречь во Египте) 400 лет. И Моисей сказует быти израильтянам во Египте 400 лет. И Стефан Апостол тоже глаголет. Но Павел Апостол глаголет: бывшая тех во Египте лет 430. Греческий же хронограф Георгий Кедрин сказует: израильтянам в работе Египетской быти лет 215 точию, а лета 430 числятся от изшествия Авраамова из земли халдейской, отечества его, до изведения Моисеем израильтян от Египта. Предопределена бысть израильтянам вавилонском пленении 70 лет быти, но по свидетельству истории более тех лет во оном люди пребыша. Суть же иная пророческая словеса тако о том, а делом или недахождаше или прехождаше. Но не сего ради, что на оная глаголати, но подобает вся сия неведомым судьбам Божиим оставлять. Кто бо разумеет Ум Господа и кто советник Ему бысть. Приимати же оно точию сбывшееся и благодарить за то Благодетеля Бога, яко не оставляет нас в невежестве погибнуть. А что, творец книги "О вере", не зря на сбывшееся случай глаголет: тысячное число, аки бы по нем Рим отпадет и сие пишется сих ради причин:

1-я причина: яко се от великаго хранения тайн запечатленных, от великаго благовеинства Словесем Божиим, да не дерзнет что рещи над определенное то число.
2-я причина: не яко не ведая тех историй, творец оныя книги (их же ты прочел еси) тая написал, но паче и зело паче ведая: но оставляя не дошедшие лета щедротам Божиим ожидающих грешных покаяние. Ибо и о иудеях последней злобы достигших, долготерпя Бог, не абие по распятии храм разори и отъял от них, но по 40-ка лет от Вознесения на Небеса, храм и жертву и помазание их потреби.
3-я причина: аще и многая междоусобия греком с римлянами бываша. Обаче конечное дело от грек римлянам увещание в лето 6552. Сергий бо патриарх Константинопольский по совету трёх патриархов в то лето, писанием папу римскаго истязал, аще обратится в первое благочестие. Он же утвердился во своей прелести быть, и не восхотел обратиться. Сергий же патриарх и прочии патриархи Вселенские, папу римскаго не точию в церкви первых не поминаху, но и извергоша, и проклятию предаша. Последи же сего Кир Ларий патриарх тожде проклятию в Царьграде на папу изнес, сотворшася явными еретики. Еще же после сего патриарх Михаил, по совету царскому, Соборно папу и всех его еретиков проклятию предал и связал. О чем чти в последовании Кирилловой книги во главе 25-й. И сих ради вин негли и творец книги о вере не дерзнет иначе писать, токмо по 1000 лет отступить римлянам. Ибо и Вселенскии патриархи не во иная лета до конца изверженными и отчужденными римлян учиниша но по 1000-е.

ТРЕБУЯЙ. Оставим прочее надопределение Божие веществовати. Страшно бо есть нам в толикой простоте пребывающим, надсвыше оныя Творцы любопытствовать. Но повинемся разуму Святой Церкви, и ниже на онаго творца какой позор имеем да не уподобимся Хаму. Но токмо сие глаголю: яко видится сей творец оное число писал не о антихристе, но о предтечах антихристовых, коих мню еретиков ему значити. Тем же и глаголют кто весть аще всех лет ҂Аχξς (1666) явственных предтечей его. Зри убо яко он числом он предтечей быти сказует, а не антихриста. И таковые еретики из давних лет обыкоша бывать по разным местам. Их же Святая Церковь нарицает и еретиками и лжеучителями и лжепророками и предтечами антихристовыми, а не сущими антихристы. Антихрист бо имя иное некое над еретиков, а не еретик.

ИЗВЕЩАЯЙ. Аще бо предреченное нами помнишь, яже рех ти антихриста быти Христу противника: то знати будеши не разньственна наречения и еретиков и лжеучителей и предтечей антихристовых со антихристом. Ибо что есть антихрист. Антихрист есть противник Христу. Но и еретики и лжеучителя и лжепророки и предтечи антихристовы противники суть Христу. Убо и вси сии антихристы.
Кое же в них противление умствовать. Услышим: несть бо что по содетельству Божию противно Богу, ни человек, ни диавол. Но от надбывшаго и опосле по себе приисканаго зла или дела из Закона Божия выключенного, и в себе то не преступно замкнутого, есть противно Богу или рещи Христу. Почему не токмо лжеучители и ложные пророки, но и глаголемые предтечи антихристовы ветхозаконные с ними же и сам сатана вопреки ставше Божию Закону, суть и глаголются противники или по новозаконию рещи, противницы Христовы еже есть антихристы. Чего же ради иные предтечами, а иные антихристы наричутся. По Святых сего ради. Яко вси сии равны суть по действу противности и злобе. На разньства наименования их сия причина: яко овии прежде быша, овии же последи. Частне образное имуще после хотящия соборнейшия быти противности. Ибо яко же диавол со своими си хотением наипервейше сам из пределов Божиих выступил, и власть свою той восприя, и вечно себе в том заключи. Но Бог Творец привед в бытие человека, восставил в нем разума свет да знает закон Содетеля. Но диавол от начал того, всегда человечество из подданства Божия и до ныне на свою волю выводит, затворяя всех в сынах противления Богу. Увы и исперва убо по малу, наконец той съястно и первейшее противление закону образное и предтечное бысть, того хотящего быть повсемественного: (кое и бедственнейше за отъятие законного архипастырьства). Но вси суть и первые и последние беззаконницы противники Богу или противники Христу. Или антихристы. Ибо анти толкуется противник, и сего ради яко же человецы выступнии из границ Божиих, так и диавол со своими, вси противники Христовы, и вси антихристы. И сих ради причин, егда Святым Учителем церковным случай о антихристе бывает глаголати, тайно во глаголании и самого сатану назнаменают, нарицающе и тако антихристом, аки самого виновника противного учения. О чем и Ипполит в слове о антихристе пишет: яко он человек родится и приидет на вселенную воцариться. Но в тех словесех не человека, но паче диавола выставляя глаголет: аще он невидимо ратуя нас ныне приводя к заколению. Что же не сотворит тогда , егда сам явится.

Зде вонмем, яко сей разум словес не касается к человеку, но к диаволу. Ибо не бывают прежде рождения, убо и ратники, но точию диавол. А понеже глаголет ему родиться разумеваем се иносказательно рещися. Подтверждает се и Святый Ефрем в слове о антихристе, многая о нем вещая. Како ему родиться и каковы его лести будут. И како вкрадется в человеки и в них воцарится. По свойствам человеческих пишет: абие назначает диавола, идеже словеса сия кладет воцарившухся (рече) змию на земли. С радостью ему поборницы будут сии люди, Едом и Моав и сынове Аммони, и то Ефрем не свойственным разумом но иносказательным писа: ибо змий сей по толкованию самый диавол. Едом же и Моав и сынове Аммони, людие чревобожнии и плотским сластям и похотям работни, и до греха всякаго склонные. И како убо зде в слове предъидый о человеке антихристе якобы ему воцарится и не раньственнно глаголет сатане воцариться. Зде есть мудрость, и тропологического разума исполнена и неудоб есть. Страстям работну уму и не богопросвещенну тайну сию сокровенну познати. Ибо ум вещам работает, и в том упражняясь, веществом и рассуждает. Иначе же ему противно. Ум же Духа взыскуяй, от Духа подается ему и освящение разумети. И тако явих ти яко за всякое противное учение всяк имать наречен быти и ложный учитель и еретик и предтеча антихристов и антихрист, не разньственно. Но ложный учитель наричется антихристом. А еретиком не всяко, ибо многажды и от простоты оно происходит. Не разньственно бо Иоанн Богослов оных антихристами наричет, яко же глаголет: дети последняя година есть яко же слышасте, яко антихрист будет, и ныне антихристы мнози.

Зри убо якоже грядущего антихристом так же и предтечей, антихристами наричет. О чем и многия сих свидетельства представил бы, но за долготу слова оставляю. И се уже предъявих и предсказах на разньственное имети надименование древних еретиков и настоящих, тако и ложных учителей и ложных пророк, и предтечей антихристовых и самого антихриста во имени антихриста.
Ныне же должность имам показати то, чего ради тако неразньственно всех еретиков антихристами нарицающе, а последнего антихриста Святии тяжка вменяют и в лепоту. Ибо аще и вси неразньственно еретики антихристами наричутся, но последний еретик или антихрист, или рещи последняя ересь. И последнее отступление тяжшее народу и притруднейшее явится, не токмо слабым и нерадивым, но и самым спастись хотящим в том. Яко первые еретики и антихристы противу последнего антихриста аки езера некия быша.

А по многих мечтах суша бысть благочестия, и довольное бяше духовных чинов исполнение. И было куда трезвящимся в нуждах обстоятельных прибегать. А во дни последнего антихриста (отступление) (последней сверхереси - экуменизма) аки потоп некий всемирный явится всюду. Вси отроцы и всю землю нечестивою ересью Церкви Святыя облияши, или обдержащи по писаному в "Катихизисе" во главе 4-й. И сицевыя ради вины аще бы кто и избран хотел быти Богу, обаче от нахождения онаго еретичества утеснен, и житейскими вещами объят. И хотя и неохота во оную вступить, и причастник будет тоя злобы. Разве едва едва мали отрясшее тину плотских страстей прибегшее в церковное сущее Предание аки в Ноев ковчег, и в нем неисходно пребудет, трезвенно незабытную память тех в себе имуще Спасутся. Но яко не всем сие делание есть. Сего ради и не всем тогда Ноево спасение будет. Тем же предздряще Духом сие Святии, сожалеющее душ христианских, оплакаваху грядущия быти беды ужасающееся последних случаев болезненно описываху хотящую на вся быти дьявольскую область. Вся верные утверждающе, да не впадет кто в ню: ибо случай онаго нахождения вся смутит. Прочее востани спяй, зри очима твоима, несть ли Истинна, что сие: помолчу, и слезами потру: тако бо пишет: разумевай время оно умолкнет яко время зло есть.

По сих же показаниих должность имам очистить мнение твое о творце книги о вере, аки бы он в 30-м слове не о антихристе сие ҂Аχξς (1666) лет число полагает, но о предтечах. Яково же и доводишь от тоя книги сие: кто весть аще всех лет ҂Аχξς (1666)-х явственных предтечей его. И на сем стал еси не прочтешь исполна того разума, кое описуется тако.
О правде, яко много предтечей, но и сам уже близ есть по числу еже о нем χξς (600, 60, 6). Число бо человеческое есть антихристово. Кто весть аще всех лет ҂Аχξς (1666) явственных предтечей его, или того самого не укаже. В сих предтечах явственно приход антихриста быти сказуется, глаголя: или при слугах и того самого не укажет: вместо рещи: оныя предтечи собою малого антихриста явят, или открыются. А наипаче разумно сие буди и от сюду: понеже сей творец 30-е сие слово не о предтечах в начале надписи обеща глаголати, но о антихристе. А речи и разум Павел бы в Слове 2-м о предтечах. Сие бо неукам есть свойственно, а не высоко ученым человеком. Ибо ученые люди весьма то и глаголют что надписанием даша, а наипаче и сам сей творец предивными своими пределы тоя главы, вся части явственно определяет. Идеже доводствовал о ложных учителях, тех наричет антихристовыми слугами. Егда окончав о тех определительно к числам сим приходить, начав тако глаголя: но и самого господина при слугах указати рекъ и потом предложении начав вся доводы приличные антихриста полагать. Туже и сие от Апостола Павла приведе: точию содержай ныне дондеже от среды будет и тогда явится беззаконный. И на сие явление беззаконника ниже полагает число 1000 лет, от коего времени поражен бысть Запад. И сему мнози учители церковнии согласуют, и выше приводит слово от Иоанна 1-е послание сицево: дети последняя година есть и якоже слышасте, яко антихрист грядет, и ныне антихристы мнози. Но сие Апостол от первых лет по Христе рекъ: о правде: яко много предтечей, но и сам уже близ есть о нем χξς (600, 60, 6). Видише ли како явственно доведе времени бытия антихристова. Рекъ бо по числу о самом антихристе χξς (600, 60, 6). Сиречь по числу сему χξς (600, 60, 6) признай приход антихристов, а не предтечей. И се коль явственное антихриста указание, аще бо во Апокалипсисе и на число человеческое литерами скрыто описано. Но сей от тысячного числа случившееся, уразумей и сие число χξς (600, 60, 6) и прия его не в число лет, яко же и оную 1000 в число лет. Того ради оба сия числа и совокупив, глаголет: кто весть аще всех лет ҂Аχξς (1666) явственных предтечей его или того самого не укажет. Сиречь тех ясных предтечей, кои собою объявят антихриста. Сие есть лето ҂Аχξς (1666), кое самого антихриста явит наступление. Таков бо есть всем творца разум. Ты же что еще умом мятешися. Что еще сомневаешься: то еще время на время ищешь. Что ти всегда предтечи мнятся, а самого не чувствуешь антихриста. Егда по тебе в Риме от тысячного лета до селе предтечи антихристовы пребывают, а не сам антихрист, и где оное Павлово пророческое слово, яко по отъятии Римской Державы, антихристу прийти подобает. Где и оное Божие прознаменование, бывшее пророку Даниилу.
Яко по тебе и римская держава преста давно, а антихрист не является. Слыши бо творца книги "О вере", о тысячном лете, по нем же диавол развязан бысть сказующа. Яко по тысячном лете диавол возвратися на первое свое возлюбленное место идеже еще из неба хотел. И от того времени поветрием тяжким поражен бысть Запад. Несть ли се антихристово нахождение. Вонми си и о прочем, а не прекослови, да не затворен будеши в сынах противления.

ГЛАВА 6. О ЗНАКАХ ПРИШЕСТВИЯ АНТИХРИСТОВА.

ТРЕБУЯЙ. Дивно мне поистине дивно, ибо егда доводы сия слышу, рассуждаю время сие тако быти, яко же речется. Но егда воззрю на иная места апокалиптическая, Ипполитова, Кириллова и прочих, паки на ум мой относится разумевати, и хощу разненство причин ведати, да во единоумие приведется ми оно.

ИЗВЕЩАЯЙ. Причина сего разненства сия есть скрытость Святаго Писания. Ея же ради много притчами в Писаниях предаются, яко же и само Слово Божие вплоть пришедшее. Иное видится в нем очима, а иное умом дознается. И плоть Его всем бяше видима, Истинна же токмо избранным давашеся разумети. Сице и чрез пророки не кроме одеяний и покровов Слово Божее произносится: и сие чести ради и благоговейнства Священнаго Писания: обаче глаголет: вам дано есть разумети Царствие Божие, прочим же в притчах да услышаще не слышат и видящее не разумеют. Но просите и дастся вам, ищите и обрящете, толцыте и отверзется вам, всяк бо просяй приемлет, ищущий обрящет, и толкущему отверзется. Человек убо от Бога разумною тварию сотворен, во еже разумевать сокровенная в нас от Духа Святаго. Колико же в том истязан будет от Бога в день он иже разумное от Бога приим и употреби его в земная, нежели гласа словеси им навыче. Тем многажды таковые видящее не видят и слышащее не разумеют, одебелеша бо сердца их и уши тяжко слышат и очима сомжиша. Прочее гряди и приступим внимательно ко взысканию богатства Святаго Духа сокровенному населе Святаго Писания.
Иоанн Святый во Апокалипсисе глаголет: зде есть мудрость иже имать ум, да почтет число зверино, число бо человеческое и число имене его χξς (600, 60, 6).
1-е толкование. И самое то число имени его, яко же прочие писания о нем являют времена искушения тогда открыет. Аще бы яве возможно разумети таковое имя иже бы узрев его обличил бы и (его): но не изволи Благодать Божественная во Святых книгах пагубному имени его писаному быти. Искушением же может кто обрести число сие имущее по греческому языку и по иному. Яко же се: Лампект (Лампеций), Титин, Венедиктус и прочая.
2-го толкование. Известно убо, яко всегда Бог закрываше времена судеб своих числом неудобо разумным, да бы присно готовы будем. Обаче же искусные они изочтоша не токмо пророчество Даниилово но и Сивиллина (24), яко имать царь жидовский в Риме настати. И тогда прихождаше то время, егда Вонифатий в Риме старейшинство восхити над всеми архиепископы. Изочтоша яко тогда егда Сивиллы пророчествоваху. (В этом месте, на полях, рядом с текстом записано: Зри о кончине какие в скончании плоды или дела будут описуют пророческия и Святых книги.)

ОТСЮДУ ПОЙДЕМ НА ПРИЗНАКИ АНТИХРИСТА.

Сивиллины пророчества. Егда приидет скончание света, будут в людех великия страсти, которыя прежде не бывали. Во всяких родствах в людех покажется злость. Правда и вера и покой и милость и всякая добрая дела от человеков отлучатся. И добрые от злых в тесноте будут. И милости над сиротами не будет. Лакомство в людех вселится. Мужество в женстве будет. Войны и междоусобия восстанут. Отец с сыном, а сын со отцем зло творити начнут. И больших и честных мужей люди слов не начнут слушать. Всяк свою веру вознесет. Мудрым людям посмеются, а безумных людей чтить будут. Младыя старым противиться имуть и прочая.

Ипполитова предречения (Св. Ипполит. Слово 3-е О антихристе.): сия предповествовахом да разумеете на последок быти хотящая, болезнь и молву и всех человек друг ко другу, развращение и зависть и ненависть и рвение. Пастырем о овцам небрежение, и людем к священником непокорства належание. Зане вси во своей воли ходят. И ниже: развращения церковная всюду. Писания не брегома будут, а вражия песни всюду будут петы. Блуд и прелюбодейства и клятвы землю исполнят. (Ниже) Пастыри яко же волцы будут, а священники лжу возлюбят, иноки и черноризицы мирская вожделеют. Богатые не милосердием одеются. Князи убогому не имут помощи, сильные щедроты отложат, судии праведное от праведного возмут и мздамы ослепляемые неправду приторгнут. И ниже: навыкни и сущим во градех и в селах каково лето время и дние будут, тогда от востока на запад пойдут и от запада даже до восток приидут. (здесь указывается о нынешнем перселении и миграции народов. Особенно сильно это стало происходить последние несколько лет из-за появления на востоке террористических армий и группировок). И восплачутся вельми и возрыдают крепко. И ниже: вси бо во еже бежати и скрытися тщатся, и нигде же возмогут убежать с пути сопротивнаго (в Апокалипсисе есть такие строки о убежании и сокрытии каменьями от гнева Божия), но и знамение его обносяще удобь ведоми и знаеми тому явятися. И выше: но суетно мудрование стяжавшее и Писание прилежно непочитающи взыщут Мя обрести и невозмогут. (Ниже) слышащий же Писание, и в руках тая имущий, в мысли всегда поучающийся мнози прелести его убегнут.

Ефремовы словеса. Всем бо имущим видение Божие и разум тогда разумно будет пришествие мучителя, а имущим присно ум в вещех жития сего и любящим земная, неразумно сие будет. Привязани бо суть в вещех житейских, аще и услышат слово, то не имут веры, но паче мерзитъ им глаголяй се. До зде Святый Ефрем.
Навыкни убо какова зде мудрость познати антихриста и разумети не вселенную его прелесть. И аще бы чувственно ему аки Махмету скверному прийти, кая бы потеба Божественная Писания до толика испытати, что бы и в мысли всегда о его приход поучатися. Но яко по уму зримое его прихождение, тем и великаго внимания потреба.

Книга "О вере". Недоумеватися имамы истинным Словесем Христовым, яко не почию легкомысленный, но ни избрании боятися имут многокозненней прелести последней. Вложить страх и пренемогание и люто неверование в сердцах человеком.

О ЗНАКАХ НАСТАТИЯ АНТИХРИСТОВА.
Из Кирилловы раздел 4. 11 знамений все до конца.

От коих знаков антихристова наступления яве есть, яко на иначе антихриста приход уведати, токмо чрез некия приметы посторонних дел доказующих того время. Тем же Святый Кирилл всякое знаменование описуючи, надпись сицеву положи глаголати. Знамение антихристова пришествия: а не знак антихристовых предтечей. Ибо антихристовы предтечи и во дни Святых Апостол и по Апостолех, через вся времена еретики суще антихристы, предваряющие последнего антихриста. На частных местах временны прекращаемыми быша. Образующе не прекращаемого дондеже Господь наш Иисус Христос придет;
И сих ради знаков разумеваем, яко антихриста последняго прихода не быти просто всем подлежаща богопротивностью своею, но сокровенна в том весьма. Елико по Святому Ефрему видение токмо и разум Божий имущим дознатися его. А в вещах жития сего пребывающим, и любящим земное, отнюдь, антихристов будет, тем же и глаголется умными признаки вещей и дел а не телесными чувствами приход антихристов познати. Отнюду же аще не трезвятся то и праведные (поверхних его ради искусов) прельстятся. Разумей же: аще предтечи антихристовы, образы суще того так хитро так искусно под верные подхождаху, окрадающа благоверные умы их, коль паче сам той образуемый, кую лесть не покажет. Коими покровы цветными не покрыет свои козни, да теми дремлющия в разум на ся дивиться привлечет и кланятися себе устроит, не ощущаючи лесть. Рассуди вся опасно: аще бы тако антихрист в верные пришел, и рекъ бы: я бог есмь, оставьте веру во Христа, и веруйте в мя, и службы творите мне, и кланяйтесь ми ся как Христу кланялись: а народ бы замрачившеся, и в менили его за бога, не суть.
Но аще бы тако хотяше во Христове Церкви той явитися, отвращая яве от Христа, и себе нарицал бы богом и жертвы божеские к себе яве превращал, то чего ради Святым знаки его толикия описывать, да по них и целомудрствуяй в разуме что бы дознавался яко антихрист прииде. Но яко хитро, яко подметно, яко в подобенстве Христова Учения, яко в великом благоговейнстве, яко в житии чудне, яко и во многих чудотворениях. Тем же и за едва кто между Христом и между антихристом отличество признает. Точию горе очи сердца возводящие и от туда свет небесный на указание приемлющи: о чем многими Святыми речеся. Видиши ли како от знаков дадеся ведати время антихристова настатия, а не от персоны.

ТРЕБУЯЙ. По словам пророчеств аще и глаголется тако, яко егда власть римская возмется от среды и егда на многия части она разделится, тогда антихрист и придет. Но мнится по сих случаях, единою голению образа показанного стояти будет. Яко же Даниил во главе 2 пишет: и от корене железа будет в нем. Сиречь и по разделении твердо будет аки железо. Разделися же по Александре Македонском Еллинское царство на четыре части, но не паде сего ради Еллинское царство. Так и о Риме умствовать подобает, аще на Востоке (от области агарян) и паде, но на Западе стоит.

ИЗВЕЩАЯЙ. Сказуется бо на двух голенях стоять показанному образу в Данииле, прознаменуя державу Римскую и Греческую. Се есть Восточную и Западную страну под единоначалием, еже знаменует во едином теле. И по еже отъятися сей державе, антихристову быти настатию. Но где прежде образа сего голень сокрушися, сиречь в Риме преста власть греческих царей или от древних лет власть Римская державы пребывающия отъяся, причиною помазанием иного царя от королевства французского Карла.
И се есть начало или причина антихристову быти в Риме царству. Аще бо исперва со введения сего Карла и держахуся папского благоверия, обаче в великом растерзании и сомнении с восточными. Ибо вступлением власти Карловы, многия еретики в Рим привнидоша, всевающии ереси о исхождении Духа Святаго. И тако обоюдно мир растерза с востоком, запад сиречь верую и державою.
Вторая же голень образа на Востоке - держава Греческая, по многом времени сокрушении голени Западной державы Римских царей, сокрушися нахождением (нападением) и пленением турецкого султана. И от тогда и сия падеся и сокрушися вторая голень. Но аще на Востоке турки и не принуждают ко своему зловерию, обаче верные во Христа сами по малу ослабевающее. Испадоша Догматов Церковных или Самаго Духа, и введоша чуждая в Крещении обливание. А тремя персты знаменоваться, причин ради различных, о чем не зде.
И тако от обоих сих голеней сокрушений, убиен бысть 4-й зверь явленный в Данииле. А что глаголеши, яко и по разделении Еллинского царства тому пребывать, о том послушаем Иакова премудрого, иже во дни Ираклия, греческого царя, Христа познал, от жидовского сый рода, что в книге своей глаголет: аще (рече) четвертому царству еже есть Греческой земли оскверниться и разделиться и сокрушиться, яко же рече Даниил. Поистине ничто же ино будет, токмо десять перст и десять рогов четвертого зверя, и прочее. Малый рог пременяя все боговидение, и абие скончание мира. До зде Иаков.
Зри убо и сей ни что же ино ожидать глаголет. Точию по разделении и сокрушении, рогу оному восстать, имущему уста велия глаголющая, се есть антихристу. А не то, еже бы и по сокрушении и разделении пребывать той державе. Ибо всеми глаголется, не надеятися по сем такову стоянию пребывать, яково бяше разделением по царе Александре царство греческое, яко же Писание являет. По сих (рече) паде Александр на ложи и позна яко умрет. И созвал отроки своя доброродныя иже бяху с ним воскормлени от юности его и раздели им царство свое. (Ниже) и возложиша вси диадимы по смерти его, и сынове их лета многа. Сицево разделение бысть в Римской державе по Константиине Велицем и по Феодосии царях, едино царство на сыны их разделяшеся но во едином союзе; о чем и ни едино слово.
А в последнем сем разделении, на растерзание и погубление мира, и на конечное престатие Римской державы, яже от начала Римских царей пребываше, Восток с Западом в том созидашеся. Кая уже от дней Карловых в Риме преста и чуждый король никогда не том престоле не бывалый. Греческую ону державу себе прия по насилию власти, о чем суть и словеса пророчеств, и вси согласно учители церковнии умствуют. Не быти уже Римской свойственной в Риме державы, но чуждой и французской, на болезнь и растерзание монаршества, и на конечное погубление. Прочее, ты един над свыше всея Церкве не буди лучше мнением своим, но от непомутных глав преданная держи.

ГЛАВА 7. О ПРОПОВЕДИ ЕНОХА И ИЛИИ.

ТРЕБУЯЙ. Пишется во Апокалипсисе во главе 30-й о Енохе и Илии сице: и дам обема свидетелема Моима, и прорицают дней 1000 и 200 и 60. Оболчени во вретище. (И ниже) Сии имут область затворити небо, да не снидет дождь на землю во дни прорицания ею. И область имуть на водах обращати я в кровь и поразити землю всякую язвою, елика аще восхощета. И егда скончаю та свидетельство свое, зверь исходяй из бездны сотворит с ними брань и победит я. И труп ею оставит на стогнах града великаго, иже нарицается духовно Содом и Египет, идеже и Господь наш распят. До зде Апокалипсис.
Но како о них пророчество сие сбудется, аще чувственно антихрист царствовати не будет, ибо глаголет: яко подобает Еноху и Илии во свидетельство прийти, и яко во дни прорицания их примут область казнить живущия на земли. И яко подобает им от антихриста убиенным быти тамо, идеже Господь наш распят бяше. Но Господь во Иерусалиме распят убо и антихристу во Иерусалим царем быти годствует.
Но всего сего не видим еще и не слышим о них. Не видится бо в толикия дни 1260 небеси неодождити и не слышится где бы воды в кровь обращались, и прочая их прорицания. Ни кто ведати не преда аки бы быша, но вся в мире якоже было бываютъ. Аще по местам где что и случается бывать, им же обычай есть издавна. Тем же како я надеятися имам яко уже антихрист в Риме начало восприя, и уже не полчетверти есть тому года, но многия уже пройдоша лета, а слуху никакого предреченнаго несть и не бывало.

ИЗВЕЩАЯЙ. Иоанн Святый во своей Апокалипсии сказует: и видех (рече) в деснице Сидящего на Престоле книгу написану, внутрь уду и вне уду, запечатленную семью печатями.

Толкование 1-е: Книгою премудрую, Божию Память разумеваем. В ней же вся по Святому Давиду, глубина судеб Божиих написана суть. Еже убо внутрь прикровенныя духовныя разумы глаголет: а еже вне уду, удобныя разумы являет. Седмь же печатей, сокровенное утвержение книжное и всем неразумно.
Толкование 2-е: Семи книгами разумеваем вся дела Таин Божиих Сущее: и видех ангела крепка проповедующего гласом великим: кто есть достоин разгнути книгу, и разреши печати ея; и ни кто же можаше, ни на небеси, ни на земли, ниже под землею, разгнути книгу и разрешить печати ея. До зде Апокалипсис.

И о сем ми таинстве некто от премудрых болезненно изрече тако: сию книгу премудрою Тайн Божиих толикою тайною запечатленну, не токмо сущи на земли, но ни сами небесные граждане смеяху разгнути или дерзнути можаху к разрешению печатей тя, кроме Агнца Божия, за весь мир заколеннаго. Ныне же некия суть своевольная козлища, не приявше от Агнца Божия власти, ко оной смеют дерзати (кроме церковных толковников) и глубины Тайн Божиих в ней отверзают. И тако некия словеса аки мразныя облаки светлому сиянию Истины Божия наводят. И апокалиптические разумы помрачает увы дерзности и крайняго невежества. Тем же азъ созирая свое худоумие, боюсь к толикой высоте и к толикому преестественному сокровищу приступить и гадательная в нем открытии. Но понеже связание твоих словес понуждает мя о сем глаголати, и истину толковники явити. Гряди, и обще испросим от Вышния Премудрости наставления, да не погрешно по чину сея Тайны прейти сподобит. О чем внимательно послушати прошу. Глаголется бо: И дам обема свидетелема Моима, да прорицают дней 1000 и 200 и 60. А в них примут власть содеяти сия: небо затворити, до недождит на землю: воды обращати в кровь: землю поражать всякою язвою. Также по свидетельстве сем от антихриста убиенны будут, яко же писано.
От сих прежде приступим к рассмотрению времени прорицания сих и дел сказуемых быти во дни 1260: к коим Святым двум припрягается и Святый Иоанн Богослов. Но прежде, неже иными о Илии и Енохе, к ним же присовокупя и о Иоанне показати, и тоя же Апокалипсиса мало нечто напразе постою некое сомнение о тех изглаголя. Пишется бо, Енох и Илия: и Иоанн убиены от антихриста будут. Но дело се не малого омышления. Ибо Павел Апостол с ним же и Златоуст о времени антихристова в Риме наступить предрекали сице: власть Римская егда от среды возьмется, тогда антихрист придет. Но власть Римская от времени Леона папы отъята, егда он царство Римское Карла короля французского помаза. Вскоре по 7-м Вселенском Соборе по Христове Рождестве лета 797-го. И оттоле мир между Восточною и Западною церковью разорятся начался, и ереси по малу ввождахуся. Того ради по учителям церковным разумеся: яко в Риме антихристу (по предречению Духа Святаго) от тогда появление быти нача. Ново имеем: кой Дух Святый о времени антихриста Павлом и Златоустом предрече, той же и Иоанну Богослову о Енохе и Илии предъяви, яко тии от антихриста убиении будут. И зри убо аще не не веришь учителям, что антихрист уже в Западных церквах наста. Яко бы рещи по се настоящее лето Христово 1761-е прейде до нас более 900 лет, а чувственного прихода и убиения Илии и Еноха не слышится.
(На полях записано дополнение: а в книге "Щит веры" в ответе 361, на листе 594, сему слову согласуя пишет о Илии и Енохе. А лето настоящее писанию книги Щита показует в лето Христово 1789: прейде рече до нас едва не тысяча лет, а чувственного прихода и учения Илии и Еноха не слышится.)

Но Апокалипсис только пол четверти лета (3,5 года) о неприятии антихриста проповедати, а потом антихрист, наставши, убиет их, и будет царствовать так же полчетверти лета. Но от римскаго отпадения до нас в толиких летах всего того появления пророков и убиения не слышится. И сих ради сомненно чувственного прихода пророков смотрити: ибо и апокалиптические фигуры и образы не на чувственном, но на умном основании полагаются. И тако о сем изрек, в самая словеса поступаю апокалиптических доказаний.
И первое речем о Иоаннове прорицании. Тако бо ему во Апокалипсисе от ангела речено бысть подобает ти, рече пророчествовати в людех и во племенах и во языцех многих. Толкование сим сказует, яко не абие по видении и Божиих откровений ведомых быти. Яко подобает блаженному Евангелием своим и Апокалипсисом сею, до кончины прорицати будущая, почитающим я или понеже не у смерти вкусил есть, на кончину прийти ему подобает, возбраняюще антихристовы льсти приимати. До зде Апокалипсис.
Ты же внимай словеса толковника сего, яко единым разумом о Иоанновой проповеди не дерзне протолковать, но трегубое о том разумение преподаде, глаголя. 1: яко не абие по видении сия прорицати. 2: яко и не самому собою, но Евангелию и Апокалипсису сею почитающим сия книги приимати Иоанново пророчество. И зде иносказательно, словеса вместо самого Иоанна приемлются якоже и Моисеевы книги вместо Моисея. 3: сице полагает о Иоанне, глаголя или и самому прийти, и сице убо почто: яко тайна Божия запечатлена есть.

Второе речем о прорицании Еноха и Илии, Апокалипсис глава 45 стих 191: и слышах глас велий глаголюще седми ангелом, идите и излияйте 7 фиал ярости Божия на землю.
1-е толкование: Человеколюбец бо сый Бог, дабы умалил будущие муки на сем житии на достойных наведет Енохом и Илиею. (во 2 толку, сих 7 ангел значит всех гонителей Церкви Божия). До зде Апокалипсис.
Ты же вонми, сих седми ангелов кои суть они. Тыя кои имут силу навести 7 язв последних на землю, и в них скончати ярость Божию, чьею же областью сия язвы наведутся. Глаголет, Енохом и Илиею. А когда сия наводится будут ими: выше речено яко во дни прорицания их днями предреченными 1260-ю. Но зде прилежно вонмем: когда их областью излиется 1-й фиал. Когда и последний. И в тех дознаешися онаго числа 1260 дней, кою они силу времен содержат. А помни выше реченная, яко сия 7 язв Енохом и Илиею наведутся, тем же разумеваяй да разумееши.

И иде первый ангел и излия фиал свой на землю, и бысть гной зол и лют на человеках имущих начертание зверино и кланяющихся иконе его.
2-е толкование. Еже глаголет и идее первый ангел: сия бысть во время 1-й печати, егда иудеи ожесточением ослепоша. А еже и бысть гной лют на человеки: сии суть их же учители иудейские от рода своего и язык прельстиша на них же бысть начертание зверя, сиречь дух антихристов.
3-е толкование. Сим первым ангелом и фиалою от него излиянною, являет 1-е оскорбление Церкве, еже бысть от иудеев на Христе Господе нашем, и учениках Его Апостолах Святых.

И второй ангел изля фаил свою в море. И бысть кровь мертвеца. И всяка душа жива умре в мори.
Толкование 1-е: не дивно есть Божией Силе во обличение антихриста и Святыми пророками Енохом и Илиею претворять в кровь море, яже в нем изморити. Яко же и во Египте перве сотворити да быша верни утвердились, а не верные убоялись. Или когда гог и магог восстанут на всю землю, и многие кровопролития будут по всей земли и мори и всем воям секущим.
Толкование-2: морем Писание нарицает мир сей. На него же изливается фиал Божия гнева. И бывает в нем кровь бледна аки омертвелая. Им же знаменает смерть на человеки посланную. Кровию же где князи неверные и гонители Церкви Божия и мучители христиан. А еже глаголет всяка душа живая умрет в море, глаголет о тех, кои не прияша Благовествования Евангелия Христова или прияша, но во время гонителей из страха мучителей отступиша.
Толкование 3-е: вторым сим ангелом излиянием его фиалы, являет оскорбления и гонение христиан от Нерона и прочих гонителей Церкви Божия.

И третий ангел излия фиал свой на реки и на источники водные. И быша кровь. И слышах ангела водного глаголюща: праведен еси Господи Сый и Бе и преподобен, яко сия судил еси. Зане кровь Святых пророков излияша, и кровь им дал еси питии, достойни бо суть.
Толкование: и от сего являются над стихиями ангелы суще, яко же прежде рехом. От них же есть един над водами рече о достойном наведении суда на преступники, яко руки окровавшие Святыми пророками, вдаст им пить. Пророк же глаголет верных или за твердое стояние в вере того времени. И пророчества достойных сущих обличающих начнут отметаться пророчествия проповеди, и причащаться убийству их.
Иное толкование: реки и источники водные, многажды Писание наричет Учение Господне, текущее от источника животнаго Господа нашего Иисуса Христа. Яко же Сам рече: аще кто жаждет, да придет ко Мне и пиет воду живу. Апостол же, учителей ложных наричет облака безводные. Сии же реки и источники, суть еретические учения плотские и мудрствующие и Писание не право сказующе. Еже многажды сих и кровию наречет. А еже слыша Евангелист ангела водного глаголюща: яко крови Святых и пророков излияша. И кровь им дал еси питии, достойни бо суть сия глаголет о иудеях побивших пророки и о прочих мучителех гонивших и убивших верных. Яко такожде по достоянию испиют кровь, еже и бысть. В ню же бо рече меру мерите возмерится вам. Еще иное толкование: еще же сим третьим ангелом и излиянием фиалы его являет смущение Церкви Божией от Ариан и прочих еретиков.

И четвертый ангел излия фиал свой на Солнце. И дано бысть ему опалять человеки огнем и опалишася человецы зноем великим и хулиша Имя Божее, иже имать область сих, и не покаяшася Ему дати Славу.
Толкование: может и се быти тогда, да варом сего Солнца озноены бывше человецы, Человеколюбцу на поклонение обращающу их. Иже они во глубину зла впадаше не на обращение но на хульныя языки подвизают. И зноем, сиречь напастями да неведением напастей матерь греха нечестие возненавидят. Но безумцы, внегда подобаше своя им грехи познати, на Бога язык свой поощряют, яко же и ныне многажды бывает.
Иное толкование: фиал излияся на Солнце се видимое, да усушит землю. Да не даст плодов своих. И уязвит человеки жжением своим. Понеже сия казнь на грешныя явственно есть Божия, яко же и во время Илии пророка 3 лета и 6 месяцев не было дождя. И Моисей претит глаголя: аще не послушаете гласа моего, дам вам небо медяно. И не даст вам дождя во время свое. Се же Бог на ны праведным своим судом наводит ради обращения нашего. И устраивая вся на пользу душ наших. Яко же сам весть: неизследимы бо Его судьбы. Понеже иудея через море сухими ногами проведе. Фараона же потопи и прочее.
Еще иное толкование есть. Еще же сим 4-м ангелом и излиянием его фиала, являет нагое смущение верных и не согласие нечестивых и оскорбление Церкви Божия от гог вандал, игувишу и прочих.

И пятый ангел излия фиал свой на престол звериный. И бысть царство его омрачено. И жеваху языки своя от болезни. И хулиша Имя Бога Небеснаго от болезни и язв своих, и не покаяшася от дел своих.
Толкование: излияти на престол звериный фиал, сказует сиречь на царство антихристово. И омрачит яко не имущу света Праведнаго Солнца. А еже языки жуют, великую страсть являет ею же объяты будут прельщенные. И богогневными муками мучимы. Дабы разумели, яко льстив есть, его же они аки бога славят. Инии от сих не на покаяние, но на хулы обратятся. Злые же демоны человеческими телесы аки сосуды некими, теми мучимы, хулить начнут. Обаче текущих не избудут.
Иное толкование: являет же сим 5-м ангелом и излиянием фиалы его на престол звериный, сиречь на престол царства на Востоке Солнца Константинопольского, прежде наричема Византией. Вонь же царь Константин от Рима престол свой пренес, егда же измаильтяне царство на Востоке Солнца и город Константинополь удержаша. В то время исполнися сие пророчество сего Святого Евангелиста, иже глаголет: и пятый ангел излия фиал свой. И бысть царство его омрачено, сиречь сквернаго Махмета и нечестивым неверием его.

И шестый ангел излия фиал свой на реку великую Евфрат. И изсяче вода ея. Да уготовится путь царям сущим от Восток Солнца.
Толкование или гога и магога от восточных стран Персидской земли, идеже есть Даново колено, от корене еврейского со иными цари и вельможи к Западу Евфрат преехавше. Телесную и душевную смерть на человеки наводящия. На овых в верою и терпением а на других страхом и слабостью.
Иное толкование: слышахом прежде егда воструби ангел в шестую трубу, повеле разрешити царей на месть мира, над рекою Евфрат живущих. Сих же языков на Востоке Солнца блюдет Господь да егда ради прегрешения разгневаться, повелевает их разрешити и казнить ими мир. Выше, в толковании на 6-ю трубу: шед ангел разрешить их, да смятутся вси языцы, не токмо верные, но и прочии. (Ниже) Евфрат глаголет, яко от тех стран изыде антихрист. Иное толкование: еще же сия глаголет о еретиках прежде бывших и еще быти хотящих. И о их учении ложном и развращенном, и о ереси и о учении Махметове. До зде толкование.

Седьмой ангел излия фиал свой на аер (воздух) и изыде глас велий от Храма на Небеси от Престола глаголя: буди и быша блистания и громи и гласи и бысть трус велик, яко николи же бысть отнеле же человецы быша на земли.
Толкование на трус тако велий.
1-е толкование: молния и громы и гласы, пристрашное будущее Христово Пришествие являет.
2-е толкование: седьмую фиалу излия, возвещают нам пришествие Суда Господня, в скончании мира. Во время седьмое, пред Пришествием бо Господним, велие будет смущение в вере. Еже знаменает блистание и громи и гласи и трус. До зде о фиалех.
(Записано на полях: Сие мним быти о еже повредиться духовным главам в вере. Прочие члены тела Христова на разныя части разделяется.)

От коих яве есть, яко сии фиалы начало имуть от лет Господних даже до кончины мира, в действах излияний своих пребудут. Но преди показано: яко о иных излияния наведутся Енохом и Илиею. Убо время их показанное днями 1260 дни прорицанию дня наведения казней, от дней Христовых до дней скончания мира имут быти. Аще толковником Апокалипсиса верить кто хочет, по что понеже сия апокалиптические таинства аще и мнится яве глаголитися, но некая есть глубина непостижимая мудрости. Тем же и не то умствовати подобает но ино и ино.

Яково днесь и о Церкви воюющей дадим слово.

Змий оный, апокалиптический гонящий жену, иже изблева во след Ея воды, потопить хотящыя Ю же. Его же хобот отторг же третью часть звезд небесных. Инии от учителей умствуют сего быть змия самого диавола. Другие учители церковнии, сего змия толкуют, все еретиков сборище, с Женою Церковью Христовою, брань творящее. Хобот же его звезды с небес сметающий, знаменает еретиков нынешних в сия последняя времена Церковь Христову озлобляющих. Видишь ли зде иносказательна разума о змии ино и ино. Грядем же паки ко Апокалипсису. Что о гонимой сей жене тамо возглаголется. Услышим: и жена бежа в пустыню, идеже име место уготована Ей от Бога, да тамо питается дней 1260.

Толкование 1-е: пустыня есть отпущение злобы истления. В ню же вложишася Святии избрании жития сего, и избегнут небрегущее ни о чем же. Или в пустыню горскую бегут укрыться от антихристова лица три и пол лета. Яко же и первые мученики делали.
Толкование 2-е: и жена бежа в пустыню, Церковь Святая по Вознесении Иисуса Христа на Небеса с воздыханием и со слезами прибегаше к Богу. Оставивши все вещи мира сего плотские. Идеже место уготовано, сиречь опочинение под силою крепости и хранения Его. Тысячью же двести шестьдесят днями объемлется все время от Вознесения Христова на Небеса. До зде Апокалипсис.

Виждь убо и внимай, каково и се сокровище положенное населе Святаго Апокалипсиса. Ибо писмены видимыми сказано Церкви укрыватися от антихриста дней 1260. А толковники сию 1260 дней определили на все время от лет Христовых, даже до скончания мира. Сия Ея 1260 дней непрестанно бегать от лица змиева, сиречь от соборища еретического. Ибо диавол умный змий и жрец душ человеческих, непрестанно приемля своя сосуды и сими гонит рабы Божия. В начале Иродом, потом Нероном и прочими. И сборищем иудейским. Егда же мало вздохне Церковь Христова при царе Константине, погнал Ея диавол Арием и прочими сосуды своими. Македонием, Несторием и прочими испущаше скверныя на Церковь Христову воды лживых ересей. И хотя Ея потопить. Но и ныне не спит таяжде изблевает и гонит и покоя выну не дает. Тем истинно есть слово и всякаго приятия достойно. Яко дни Церкви Святыя бегания 1260 от лета Христовых.
Кая приемлются образительне бывших сицевых дней при Антиохе проявленном. Тогда бо лютая зело 1260 дней иудеи пострадаху. Кия и зде дни вместо скорби дней на Церковь гонения приемлются.
(Записано на полях: Убо и пророком Илие и Еноху толико дней написуется писменно проповедати в образе оных же Антиоховых дней. Духовно же разумети должно во все время гонения Церкви Христовой.
Предложение 4 о седмице духовной, еже Гавриил архангел сказа пророку Даниилу. Семь седьмиц и шестьдесят и две от Иерусалимского создания до Христа Старейшины. Семидесятую же едину седмицу лет от Христова в мир Пришествия даже до скончания веку в неже завет Христов завещася. И по толкованию Ипполитову, половину тоя седмицы пророком проповедати дней 1260, а другую половину антихристу царствовати. И аще Ипполит и седмию леты Завет Христов состоятися определяет. Но сия не чувственным разумом определяет, но премудростно, духовным. Понеже сей Закон Христов духовен есть. Сего ради и лета сия седьм не имут во уставлении приниматися. Убо яже от сего извествуется, яко пророческое пришествие не есть плотское, но таинственно. Тако и антихристово царствование не суть чувственно но духовно. В пол же седмицы возмется жертва и жрение. Но яже на Тайней Вечери под видом хлеба и вина от Христа Бога ученикам его Апостолам преданная. Сей бо Завет от Христа Бога Святым Апостолам во вселенную Благовестися и проповедася. И Седмию Вселенскими соборы утвердися. Сей и до скончания веки хранити повелеся. До зде "Щит веры" о сих Данииловых седьмицах писано на трех листах с половиною. Здесь же в краткости.)


Зри убо вси Святые церковные учители согласно проповедаша антихристову пришествию тогда быти, егда римская власть престанет. Но в книге "О вере" не храмлющий богослов именно описал яко уже давно преста римская власть. И время антихристово в Риме от 1000-го лета настало. Но что нам верить сему возбраняет. Сие яко Енох и Илия еще не прииде чувственно. Смотрети здесь подобает, да не како ждущее Еноха и Илию, не увидите бы Самого Сына Человеческаго идущего на облацех. Тем же предложих ти о Енохе и Илии и Иоанне Богослове пришествии, како и церковным толковником мощно бяше таинство о них положенное аки перстом указать. Но сице и сице толковаша и на дни и лета толикаго числа и в неопределенное число их приход и тех время влагаху. И сие чего ради, зане в Таинствах Божиих аще в некоих и являлось бы отчасти а больше о тех вещей Самому Богу ведати оставляется Святыми. Прочее хочет ли кто научиться, для чего от нас Бог сущия леты в Таинствах скрыл. Вопроси Самого Христа. Ибо и Той ти речет: яко несть ваше разумети времена и лета яже Отец положи Своею областию. Тем же не малаго се будет погрешения, аще в сокровенных нам тайнах, много в том веществовать, аки во удельну границу Божию сим любопытством безмерным вступать дерзающе.

Не зриш ли: како всякия в тайнах явственные пределы скрыл от нас Бог. Положи бо Бог смертным нам быти. И в землю отойти. А когда того не яви, положи Господь Бог нам ведати Второй Свой на землю Приход. А когда не яви, предрече нам Господь и сыну погибельному антихристу в Рим сей прийти, а лет числа не в мир предъяви. Тако же сказано бысть и Еноху и Илии прийти на землю и прорицать дней 1260. Но толковники иными таинствы тоя же Апокалипсии назнаменовали то время пророчеств их иначе. Тако же и о сокровении Церкви Христовы читаем 1260 дней. А толковники то число иначе знати научают. На все время христианского жития. Для того, что тайны Божия сокровенны суть. Несть бо ваше разумевати времена и лета. И не можно сему быти, есть же и нужды малыя. Тем же Павел ко ученикам своим в послании к Селуняном пишет: А о летех и временах братие не имате потребы да пишем вам. Для чего яко Бог Самому Себе сие оставил. Аще бы лета нам определенная потреба Богу явить то и промысел Свой им же всю тварь строит потреба явить. По сем же и равенства некоего у Него восхощем. Того ради не давровал нам Бог леты определенными в тайнах Его знати. Но некими знамены положи во оная приходить. Несть ваше разумети времена и лета. День бо Господень яко тать в ночи.

Сего ради Златоуст и глаголет: яко Христос не будет знамения на Приход Свой имети но безнадежно. И ниже: антихристово время знак принесет Христова Прихода. Аще же по сим летам просто умствовати. Яко Илия и Енох 1260 дней прорицати будут и антихрист убив их царствовати будет другие 1260 дней. И на сие Христов Приход будет. То самый знак Христова Прихода и днями измерен. И уже несть яко тать его Приход. Но мощно потому сущее время Христова Прихода дознаться. Аще Илия и Енох покажутся, то знати подобает яко до Христова Прихода токмо останутся 7 лет. Аще же антихрист придет, то до Христа останется точию полчетверти лета. Тем же мощно се время Христова Прихода и мужем и женам и старым и младым знати. И по сему исчислению День Господень несть уже аки тать. Но всем ведом. Илию бо и Еноха вси увидим. И антихриста так же. А лета убо их бы тоя известны суть нам. И по них и Христов Приход ведом будет. И таковыми пустыми сказками плотский плотскими и присуждахуся.

Иногда и римляне тысячного числа убоявшееся, яко антихрист в тое родится. И полчетверти года царства его бывши, Суд Страшный настанет. Мнози сего ради мнения вознебрегши о благих мира и о церковном благоукрашении вознерадевша. Егда же сия полчетверти года приидоша а Илию и Еноха не видеша, и антихриста на царстве сидящего не познаша, и прочее. Отложили все оно страхование. И все то мнение во лжу обратившее, на первая своя положения паки приидоша. И тако и до селе в том не чувственно пребывают. И от такова приклада и нам подобает стрещися. Даже бы не пострадати что в том плотского и внешнего любопытством.
Духовная и умная ищущим подобает бо Божия и высокие премудрости Его Тайны не женскими некими и младенческими любопытствами создательными умствовать, но премудрых толковников о том созирати с великим прилежанием. Вам бо дано есть разумети Тайны Царствия Божия. Прочим же (плотским и нерадивым) тыя в притчах. Да слышаще не слышат и видяще не разумеют. Но что есть больше сея тайны апокалиптической. И сия есть поистине велия Тайна Царствия Божия. И сею мнози (грубоумне) слышаще не слышат и видяще не разумеют коликая се Тайна. Еже разумети показанная ту гадания символом прикрытых, еже и открывающе не могут любомудрия дойти подобающих. Яко книга Тайн запечатлена есть. И яко на простые подлоги писмен притекающий и смотрящий, женская некая баснословия вытолковаша. День и час Божия Прихода на землю мощно дознатися. Яко Илия придет и полчетверти лета со Енохом пророчествовати будут. Антихрист полчетверти года царствуя. Сам Господь на него и придет. И то не самое ли уже время Суда Божия указания младенческого есть се по истине некоего мнения, иже во юдолех ходяще, мнят быти Небо приручено и рукою достичь могущо. А не мужей суще высоты гор разума Божия Тайны непостижимыя смотрящих.

Апостол бо яве глаголет: День Господень яко тать в нощи. Но и зде не самый той день глаголет, в онь же Господь пришед, не кончаем сотворит Суд, но самый год Его всем утаен. А не яко по плотскому мнению антихриста видевшее уже аки время можно и простым без толкования знать. Разумно бы яко по нему день тако не узнаем, а год всяко узнаем. Полчетверта бо года кому неведомо. Тем же и невежда увесть приход Божий.
Оле страшного сего доказания Суда Божия, о нем же учеником рек, не токмо ангелы, но ни Сын Человеческий по плоти не весть. А мы уже ныне можем по Енохе и Илии дознаться, в кой год Господь с Небесе на Суд Приидет. Но оставим уже вся сия плетения противности полные. Довлеет на уведение Еноха и Илии и антихристова прихода оное Апостольское слово: егда римская власть престанет, тогда антихрист приидет, и сей разум Святый Златоуст, Кирилл и прочии наблюдоша, и в том едином слове антихриста быти разумеша, егда цари Римские не будут Римом владеть, тогда антихрист первое властительство в Риме примет. А леты царствования его един Бог весть. И о сем с довольным награждением Святый Кирилл знамений оными показа, и тамо в них о том ищи, а в сия пучины неизследимых Судеб Божиих Тайны не входи, яже далече суть твоея меры. Но аще Илию и Еноха на обличение глаголется антихриста прийти, тамо зри. Тако бо пишется о сих в Кириллове в знамении восьмом, тако же и нынешним лжехристом един есть наивысший папа, иже оному последнему антихристу предтеча, иже на престоле в древнем Вавилоне, яко ниже Кирилл Святый пишет в старом Риме. Его же Христос Истинный обличить своих угодников Еноха и Илию пошлет не приимати лживого. Он же окаянный пред всеми повелит их убить. До зде из Кирилловы.

Но грядем и прочие останки словес о Енохе и Илии сказать, они же во Апокалипсисе прочтохом. Глаголет бо тамо: проповедати им облеченным во вретище. На сие в толковании: вретищное одеяние сетование и плачь прельщенных тогда антихристом сказует. Зри убо яко и зде тайна запечатлена есть. И паки пишется, яко Енох и Илия по засвидетельствовании своем убиенны будут от антихриста и труп их повержен будет на стогнах града великаго, иже духовно нарицается Содом и Египет идеже и Господь наш Распят бысть.
(На полях записано: в книге "Щит веры" ответ Т62-й. Сказует яко Илиею и Енохом и Иоанном Богословом образуются вси Божии угодницы. И таковых проповедание нечто ино извествуется быти, точию то что Закон Христианский повелевает. А чудеса хотящия быти от пророк еже во Апокалипсисе во главе 11 пишет, сие исполнение действ бяше во дни Святых Апостол. Яко же в книге "О вере" на листе 98 во главе 12 пишет. А в последующее время писано, знамением не быти.)

На сие в 1-м толковании оный град великий Иерусалим мнить быти. Но во 2-м толковании иначе о том граде умствует. Глаголет бо работать богом чуждым и прилагатися учению ложному. Сия есть Содома духовная. А идеже Господа нашего Иисуса Христа не приемлют, тамо Его распинают. До зде Апокалипсис.

Виждь убо яко и сей толковник знаменует Еноху и Илии во всем мире убиение, и тамо, где учение ложное, где Благовествование Христово не приемлют, тамо Илия и Енох убиени будут. И в лепоту, ибо сказуется посему, и от папы Илия и Енох в Риме убиенны имуть быти. Ложное учение имущ (папа) и тако убиет. И сия суть Тайна запечатленная в книге. Зри же что и глаголет, на стогнах града великаго повержены будут. И не глаголет града Иерусалима, но великаго. И аще бы о сем речении, еже рещи великаго, во знак положено Иерусалима града, не мню свойственно так умствовати. Ибо знаменающия речи кладутся, да из нея познаем знаменанную вещь тако: яко глаголю предатель, знаю сим Иуду. Понеже несть инаго кроме сего предателя. Глаголю Златоуст, знаю Иоанна, и прочая. А сим, еже рещи града велика, не мощно от него разумети Иерусалима. Ибо великих градов много. Велик град Иерусалим, велик и Рим, велик и Карфаген, велик и Вавилон и прочии. Но зде инаго некоего великаго града мнится нам знаменати. Ему же равна не быть, который разумеваем быти мир сей, иже многажды и Вавилоном великим наричется, великаго ради собрания в нем нечестивых сынов гнева Божия, в нем же и змий оный страшный древний прелестник, 7 глав у себе имей, сиречь 7 смертных грехов, глаголет же зависть, серебролюбие, блуд, чревоугодие, гордость, гнев, небрежение. И сими главами своевольные народы пожирает, не телеса но души. В сем граде великом (по толковнику оному) Илия и Енох убиены будут.
Виждь убо коликаго на сие разума во еже ведати потреба есть. А наипаче мню от земли поднятого, да явственнейше небесный сей ум вонмется. А не в водах плавая страстей. Ибо глаголет вам, дано есть разуметь тайны Царствия Божия, прочим же в притчах, да слышаще не слышат и видяще не разумеют. Одебелеша сердца их, и уши тяжко слышаша и о сем довлеет.

ГЛАВА 8. О ЛЕТЕХ БЫТИЯ АНТИХРИСТОВА.

ТРЕБУЯЙ. Прочее убо тайну сея премудрости Божия глаголати, и далечайше о том испытывать неведомым судьбам Божиим оставим. Но о сем предложении желаю ведати, како может быти. Пишет бо Святый Кирилл в своей книге, яко антихристова царства будет токмо полчетверти лета. Не пророчествую же рече, но от пророка Даниила глаголю. Тако бо пишет: дастся в руку его до времени и времени и полвремени. Время есть год един, возрастет пришествие его. А два времени другие, лета злобы его. И тако суть три лета. А пол времени есть шесть месяцев. До здесь Кирилл.
Виждь убо коль ясно описал антихристова царство время, точию полчетверти года но яко глаголет , един год будет на восшествие его на престол, а пол третья годя на своем престоле сидеть будет. И в тыя все народы привлечет на поклонение себе. И дивно мне, по истине дивно, аще како иначе будет время сия.

ИЗВЕЩАЯЙ. Человек ли будет антихрист.

ТРЕБУЯЙ. По мнению нашему антихрист будет человек.

ИЗВЕЩАЯЙ. И како человек тая в кратком сем времени и толикая великая содеяти возможет. Ибо глаголется ему время, токмо полчетверти лета. А в них содеяти сия. Первый год, упражнение сему, еже бы конечно изыти ему на престол царства его. А в остатних полутретия годе, увещевать вся языки, покорить всей вселенной бесчисленные народы и толикия грозные орды, и толикия сильные державы, и толикия великие царства, толикия провинции. Аки спящих и аки младенцев и аки агнецъ, не противящихся, всех под свою державу подвести. А наибольше сего, послать во всех сих от веся вселенныя на поклонение к себе собрать. Вещь великого недоумения исполнена. Ум человеческий сего объяти не может. Еже бы толикая в сия времена содеять.

ТРЕБУЯЙ. Мне мнится, еже вся страны к себе покорить, то дело будет первого сего года. Яко же и Кирилл Святый глаголет, яко в том возрастет пришествие его. А в прочие полтретия года, сидеть будет на престоле и тогда пошлет собрать живущих на земле человек на поклонение свое.

ИЗВЕЩАЯЙ. Аще како ли бо не обратиши, всюду невместное обрящеши. Ибо се и наибольше человеку есть содеять непостижно. Еже бы обойти весь круг земной и вся живущая ту увещать, да вси покорные ему явившееся сприложатся царя его себе быти. Непостижно есть се и всяко невместимо, разве диаволу.
Но и диаволу сия совершить немощно, ибо самовластие вси имут живущие на земли человецы. И тое абие и диавол на своя коегождо приложить и содеять, да поклонятся ему вси не имать власти. Или сие реши: аще бы он своими бесы и содеял, да обратят человеки отвращении от Бога во еже ему покориться и имети его за царя. Но вси прийти к нему на поклонение аки человецы, в краткая сия времена, не могут.

ТРЕБУЯЙ. Негли ему поклонитися придут часть некая малая от земли. По оному яко же от всего царства един посольство творит, и той един бывает в лице всего царства людей, еже что содевает в посольстве оном.

ИЗВЕЩАЯЙ. Внимай Божественному Откровению. В нем же глаголется: и чудится вся земля во след зверя. (Ниже) И дана бысть ему область на всяком колене людей и на языцех и племенах. И поклонятся ему вси живущии на земли. Апок. гл.36, стих 160.
И еще тамо же: и сотворит вся малыя и великия, богатые и убогие, рабы и свободные,, да даст им начертание на десней руце их (на правой руке их) и на челех их. Апок. Гл.37, стих 167. Подобно же и Ипполит: пошлёт (рече) в каждый град и страну повеление с бесы и с чувственными человеки глаголющее, яко царь велий явися всея земли. Прийдите вси и видите крепость его и силу. Сей бо и живот вам подаст и вино вам дарует. И богатство многоценно и чести великие. (Ниже) И вси тесноты ради пышныя, придут и поклонятся ему. И даст им знамение на десней руце и на челе. Да никто же Честный и Животворящий Крест сотворит десною своею рукою на челе, и прочее. До зде Ипполит.
Зри каково во Апокалипсисе таково и у Ипполита сказуется. Не часть некая или не посольством, но каждый придет к нему и поклонятся ему от мала и до велика, от рабов и господ и прочих. И той сам даяти имать комуждо (каждому) начертание на десней руке и на челе. И паки Ипполит глаголет: и даст им льстец, малы снеди (немного пропитания) печати ради своей скверной. Видишь ли в коликом належащем на земли гладе, он давать им будет пищи некия малыя, за приятие его печати.
Но несть ли се странное глаголание. И каково се удобство, еже бы бывающу на поклонении пред ним и исполнение прияти пищи, на еликое пропитание свое. И како оттуда каждый в дом притяжет, аще и скудно, но елико удовлети каждому дом свой.
Тогда великими кораблями кийждо ехать от него имать. И како сушу прейдет и где оныя корабли возьмет. Мрак некий воистину глаголание се: и да не чувственно то рассуждая блядословия зде наполню.

ТРЕБУЯЙ. Внях убо сия и Азъ и удивляюсь как глаголемая древле, ныне содеяться может явно.

ИЗВЕЩАЯЙ. Еше больше дивится будеши, егда глаголати имам сия, и до конца быти не можно, потому познаешь. Слыши же и разумевай: Кесарь Август аще и всего круга земнаго людей бяше самодержец, обаче далече не бяше толикаго множества народа людей, елико настоящее се время имать. Ибо недавне до сего 7260 (1760) года, назад лет двусот, обретена бысть великая часть света земли Америка, безчисленными народы населенная. Юже нарекоша 4-ю часть мира сего.
(Записано на полях: На сем месте о сем пишет в "Щите веры" во ответе 382 на листе 645. И сказывает: егда писашеся сей ответ настоящий, год был 7298 (1798). Назад около двухсот с небольшим, обретена бысть великая часть света земли Америки.)
Кая страна во дни Августовы ни в слуху не бываше. Обаче аще и далече вомнейших от сего народа, дань кесарева собирашеся тогда грошевая. Но за велие расстояние стран и за множество народа того, в пятое лето в кесарскую казну оная дань сбором окончевашеся.
(Записано на полях: "Хронограф". Минея-чет. Киево-печер. Сентябрь. 1 индикт.)
Что же бы рещи ныне, аще бы со всего круга земного таковому самодержцу дань повелеть грошеву собрать. Коликих лет воистину на сей сбор потребуется. Не оных августовских пяти лет, но и десяти лет мало, еже бы оный сбор един окончать.

Прейдем же из примера сего на другое. Сему же антихристу, неведомому сущу всем, хотящему толикия дикие ему страны иследити, преодолеть, покорить и привести к себе на поклонение, мало ста лет на таковую возможность. А наипаче, сих ради причин:
1-я причина: яко каждая провинция, каждое королевство, каждое царство свои области имут, и великая в ней осторожности. А наипаче свои уставы, свой обычай веры. Застарелые нравы утверждены содержат. И како восхотят, абие, толикое познание, такие нравы и уставы и обыкновение и застарелость, веры свои отложивше, прийти на послушество того повеления; Никако. Аще чудеса не удивит, и сих ради не отвратит. Ибо многие страны имут и в себе разных чудотворцев. Яко же свидетельствуют истории многих веков. (На полях записано: и Христос не скоро чудеса народы увеща.).
Аще же войною восхощет стяжать сия. Не победит. Яко многие провинции и королевства, преславные ратоборцы военных дел, яко по суху, тако и по водам ныне явишася. И кий новоявлен таков на оныя страшные ратники дерзнул бы, и как преможет, не во еже прогнать, но во еже еще вся оныя под ся покорить. А наипаче веры и нравы их отъять и на свою волю отвержением приложить. Паче же и на единую веру, разноверие сие. Еже и тысячи годов на сие мало.
Зри убо коликую силу имяше и счастие оный Александр Македонский во еже пленить страны, покорять себе люди токмо в дань. И малыя части мира покаряше, елико дойти Ассирии и подвести ю под себе монаршество оно, и ту умрети. Но коликих времен требоваше на оная. Аще и не всю подсолнечную пройти. И еще не на сие нахождаше, еже бы вси во едином его о верах нраве были. Что же бы потребовал, аще бы и на сие дерзнул, еже на божество себе увещать и оферы (на полях записано: жертвы) богу достойные ему приносить. Ибо аще и во тьме неведения сицева света яково ныне людие быша тогда. Обаче внегда Александр востребовал от Лакадемонян (25) богом нарицатеся, смеха их наполни. Яко от смертных человек ищет себе божества наименование. Зри, како же настоящий народ, приявше толик свет ведати Христа Истиннаго Бога быти, и внезапно на таковую тьму человека боготворить бы пришли. Баснословие бо сие будет некое, яве и телесне сие зрети надеятися.
2-я причина. Аще всех ему к себе от всея земли на полонение приводить, народу будет несносно царствам великая утрата, домом конечное разорение. Яко кажну господину с рабы, каждому царю со всеми под рукою его сущими, и каждому мужу со женою и детьми, из домов своих изступати, и пустыми дома оставльше, идти ко антихристу на поклонение. Кая сия суета, и которая сия возможность. И чим может убогий от далече со своими прийти.
Яко иншему ни тремя леты мощно дальние страны, великие прехода моря и бывши тамо, в дом возвратиться и кий дом пришед обрящет. Кая животная. От страшного слышания и чувством человеческим не подъя того. Кому бо се слышавше вероятие может бытии.
3-я причина. Аще бы прийти толикому от всея земли народу ко антихристу, кое и место даст. Кия обители. Кия пищи на сие продолжительство времен уготовит. Внеже; сия допросы принадлежны всем сотворить, сиречь допросить каждого, отрицается ли Печати Творца Неба и Земли, и обещавается ли самому антихристу последовать во всем. И тако истязавше коегождо, меты на всех яко же речеся положи.
Зри коликих времен на сие потреба. Но да не глад и хлад сия объимет, и да не от воздушных нападений безгодно смертью не скончаются. Коликих храмов пищей и других востребовать будет нужда. Или наипаче, разных язык како глаголы слышать хощет, ине бо сице, а ине ины словес глаголания имать. Примеры бо суть сия некие, и сонная приведения, на кое определяется полчетверти лета. А дела являемые в нем толика невозможно, яже и глаголати вредословия некоего полно привел бы на сие и разная описания лет. Их же инии сказуют полчетверти лета, а инии 7 лет, а инии иначе. Но необъятны случаями оставляем. Слушающие словеса оная Господем, яко несть ваше разумети времена и лета, яже Бог Отец положил во Своей Власти.

ТРЕБУЯЙ. Что бо о сем так умствовать, яже не дело, но разве привидением сонным сбытися. Идеже виденная ни труда, ни пищей, ни мест, ни времен требует показанная мечтанию умну. Иже обтичет далекая и собирает многая скоро. А проснувшись и память исчезает. Тем же не мысленное ли се кое реченное будет. Иже чрез покорение повеленным бывает.

ИЗВЕЩАЯЙ. Аще просто последуешь ты в Писании слогам и начертаниям, то просто и приемли тех что мая, а паче того не вымышляй. Ибо научился еси от Апокалипсиса прежде и от Святаго Ипполита, яко сотворит вся, от мала до велика, и от всех богатых и убогих, и прочая, поклонитися себе. И всем прияти начертание свое, а не иначе, яко же ты к частям умствуешь. О чем и у Ипполита прочтеся тако же.
(На полях записано: Наипаче разумеваем о сем, яко нашествием антихриста не токмо тишину в мире получат, но в самых его спасаемых местах наполнит вражды и мира разорение.)
А наипаче во Ипполитове и то во ином пишется, что не токмо в Риме живущая, но по пустыням и лесам, и по пропастям земным крыющияся пошлет взыскати и привести на поклонение свое. И что сего доказания яснее И аще во иных писменем внимаеши. И зде оных внимай, аще же писмен убивательных не хощеши держаться, то приступи ко оному разуму, яже в них сокровен и на мале кому подается, та обрящеши Дух Спасения.

ТРЕБУЯЙ. Удивительно воистину се слышание, и измолче гортань моя о сем, и не возмогу к тому.

ИЗВЕЩАЯЙ. Но вся убо умствования хранить зело подобает себе опасно, да не глухоте какой навыкнеши. Ибо вся яже в Писаниях таинственных тако подобает поступать. Аще в Писании полагается то, а вещию самою не может то быти. Тогда зри, да не убиен будешь от письмен тех. Но на получение разума оных толковников взыщи. Причину сих, последнего времени, раздоров наипаче сию быти разумеваем.
Ибо вступлением антихристовым во вселенную, велие и в правоверные внидет сомнение, причины ради сицевы. Яко архипастыри церковные, по Апостолу, внесут ереси погибельные. Отнюду же обычно правоверно жити изволяющим сомневаться, и от тех отделяться. Но яко причиною еретичества и непокорства того Благодати Божия лишения в действах свещенных быти. И следовательно сим пустым всякаго освящения бывать. А внешним отделившимся великих чинов, некому явитися произведения священных чинов подати, на употребление Церковных Тайн в правоверных, а наипаче Тайны брака. И сея ради скудости на многая разделятися может едина Церковь. Овии и ради нужд сих и гонения в еретическая вступать явятся. А друзии остатием во всякая неправильная, как кому рассудится. А инии мнением еретического смешения удалением, иное и иное вымышление покажут, и хотящее лучшее сотворити по своевольству и неразсуждению законных, един другого возсомнятся. И так чего от начала Евангельския проповеди не бывало, в дробницы малейшия разделятся. Ибо аще и прежде сего ово от идолослужителей, ово от еретиков бяше правоверным великия скудости Священства и Тайн исполнения неудобь бывати. Но по иным странам епархии бывали и в скудости имели прибежища. А когда в конец оскудеют якоже и Запад собою показует. Идеже чрез времена многа и всех к себе привлекоша муками, елицы и по пустым местам крыяхуся. Что бы и нас не постигло.

ГЛАВА 9. О СЕДАЛИЩЕ ИЛИ О МЕСТЕ СИДЕНИЯ АНТИХРИСТОВА.

ТРЕБУЯЙ. Апостол Павел о антихристе глаголет: яко сести ему в Церкви Божией аки богу, показующи себе аки бог есть. И егда сядет, тогда повелит себе покланяться аки богу. Отнюду же яве есть, яко тогда службы Богу в Церквах не будет, но токмо ему поклонение будет. О чем многие Святые свидетельствуют. Тем же и не по малу я удивляюсь, что в Римской Церкви аще и органы, однако же не человеку некоему поклоняются, но Истинному Богу служат и ему жертву аще и опресноки приносят. А ты прежде сказал ми, что уже по Писанию веровати подобает, яко в Риме антихристово царство началось. И почто не сидит в церкви (видимо), почто служба и поклонение Богу и жертвы приносятся. И по сим всем мнится нам, яко еще в Риме не быти антихристу.

ИЗВЕЩАЯЙ. Глаголеши, яко во дни антихристовы, службы обыкновенные в Церквах всячески не быти, зане антихрист в них сидеть будет и все подобающее благочестие и служение к себе обратит. Но сицево твое умствование не согласно есть вещи естеству и Святым Церковным Учителям. Павел бо Апостол сице о сем ведати дает: и откроется (рече) человек греха, сын погибели, противник, и превозносяй ся над всякого глаголемаго бога, или чтилища, тако, яко бог есть. То Павел.
Но разум словесем его уподобление некое вещи знаменающь, тако: аки бы рекл, толико он в себе вознесется, подобно богу хотеть ему в Церкви Божией сести. А наипаче сей предлог в Церкви силу такову зде имущь: яко бы рещи между или посреди.
Кая могут возглаголится: толико ему в себе вознестись, яко богу, посреди Церкви главнейшим сести. Церковь бо иногда и не стенами огражденная, но верных во Христа соборы. В них же, тому вознестись первоседательством божиим. И не глаголет на Творца Естественного Бога ему вознестись, но над глаголемых богов, то есть начальников власть имущих духовную или мирскую. Над сих вознестись и оных нижайше себе поставить. Что признаваем от учителей, на чине папском сбывшимся в Римской Церкви. Ибо он тако превознесеся, показуя себе церкви Христовой наместником Христовым единого и прочим Восточным патриархом главою и началом всяких духовныя власти. Аки бы от него вся силы благодатные истекают. И он всея вселенной судия един, а не Восточные. Тем же и яве на нем сие Апостольское сбыться слово: превознестися над всякаго глаголемаго бога.

О чем на сие и Златоуст глаголет: и сядет во Храме Божии показуя себе бога. Не рече глаголюща, но покушающегося показать. До зде Златоуст.
Коль явственно Златоуст доказал, яко сему чину папскому в том явитися, еже и видим. Иначе же несть мощно быти, яко же услышим. Глаголет бо Апостол Павел, яко сести ему в Церкви Божии аки богу.
И аще на чернилы едины взираючи так просто и умствовать, яко антихрист человек сядет в Церкви видимого здания, и вместо бога кланяться себе, людям повелит. Что весьма быти невозможно. Яко се явственно будет идолослужение, твари Божеской поклон отдающи.

Вонми убо. Арий убо иногда Сына Божия тварию (сотворенным, а не рожденным от Отца) нарицаше, а поклон Ему Божеский отдаяше. И того ради Святые возгнушахуся умствованиями его, разумевающе яко диавол древнее идолослужение хотя оживить в верных, еже нарицать тварию, и тому Божеский поклон отдавать. Коль же паче сие идолослужение быти вменится, человеку просто антихристу аще Божеский поклон отдавать. Что и пророчеству сему будет противно. Ибо Златоуст яве сказует: яко не введет антихрист во идолослужение. Подобно же и Ипполит пишет: яко первые мучители повелевали мученикам Христовым, от Христа отречься, и идолам кланяться. А сей не тако. Но, токмо Печати Творца Небеси и Земли повелит отречься. Тожде и Кирилл Святый пишет: не вознестись антихристу на Бога, Творца всяческих, но на глаголемых богов.
И како се может быти, антихристу Божеское поклонение (А наипаче от сих, иже Христа за Истинного Бога веруют.) приимати. Не малого убо по истине на сие взыскания потреба. Ибо великих дел всем настоит нужда. Внять же и се подобает. Глаголется бо ему в Церкви аки богу седети. Но что сие странное, ибо проречением чина царского ему быти подобает. И аще царь будет он. То кая потреба ему сидеть в церкви. Еда полаты подобательныя царю не треба ему будет. Или лучше ему возомниться не сидение в Церковь. И не глаголется ему по некоим временам садиться в Церкви, но всегда сидеть. И какою уже та церковь церковью будет, аще такой царь в ней невыступно сидеть будет, идеже многим мятежом и плищем свойственно быти. Странное некое глаголание.

Аще бо образ антихристов бяше Нерон, в толиком сластолюбии, и песнях и пьянствах и играх и трубных гласах и органех и прочих роскошах был. Коль паче образуемому антихристу без совести всякие дни свои во играх и смехах и органных гласех и пьянствах и всяком сквернодействии провожать, неже Нерону образу его. И что будет церковь, разве клевина. Коликих бо ему к прокладному его житию и пресыщению и пьянству, жен и блудниц потребуется, яко же чревобожным следствует. И в таком роспусте церковь ли ему годится в сидение, аки затворнику, идеже гульбы, утехи и игры. Ибо человек до конца забавный, яко же образ его Нерон яви, и что за дивное глаголется, аки привязанному во едином месте сидеть. Помысли, аще бы тебе кто всякаго наслаждения где предложил. Токмо ни камо из места того не исходил бы, не отрекся ли бы того всего предложения. Ибо всякому наслаждению требуется свобода, свободе гульба, гульбе обхождение с человеки.
И тако не есть единого места пребывание, не есть безмолвия, наипаче же такому всея земли самодержцу, идеже потреба многих прихождений, многих судов, раздаянии указов и повелений. Идеже потреба многих слуг быти на предстоянии, идеже потреба многих мест на сидение, многих определений на жительство, яко самому царю и жене его и прочим при нем служащим, так и постелям. Не бесплотен бо обещевается быти, ниже постник, но великий сластолюбец и великий грехолюбец имать той быти. Чего ради и Бога Творца отречется, и самому сатане дом и жилище душа его будет. И не токмо он, но и прочих на ту погибель понуждать тиранством своим будет. И кое се странное слышание, и вероятия далече отстоящее.

И сих ради всех обстояний его, всячески неудобно делу сему плотское или описательное по естеству быти. Еже бы присно во едином месте быти и наипаче можно ли сему совершенно явитися на многих местах, по Златоусту, в Церквах единому сидеть. Но разве ино нечто в сидении сем признавать невещественно, могущо сидеть во многих и повсюду. О чем в большом Катехизисе пишется: яко нечестивая ересь его или повеление обладает Церкви Святыя. Кое ея обладательство и воинство антихристово нарицается. О чем зря в Катехизисе во лаве 14-ть.
Сему послушествует и Евангельское Слово. И Святый Кирилл сице глаголя: егда узрите мерзость запустения реченную Даниилом пророком стоящую на месте Святом. Кто чтет, да разумеет, на кое место в толковании сказует. Мерзость запустения во Святей Церкви, опресноков на Святем жертвеннике положение, кий образует не животный Хлеб, но мертвое некое и бездушное тело, мерзости суще достойно. О чем зри в Кириллове знамении 6-м.

Сему послушествует и Феофилакт во Благовестнике, во главе 15, в зачале 60-м. От Матфея лист 80, сице глаголя: мерзость бо запустения есть всякое разумение сатанинское, стоящее на месте Святем на нашем разуме.
К сим и сие да глаголется, яже о сем в Риторической беседе 3-й сице: обрящеши рече ересь помрачующую День Спасения, время благоприятно, оскверняющую Святая места. Ритор Феофан Прокопович. И се подобательное есть место и можное антихриста на нем седяща в Церкви Божией, яко же рех ти. И аще верить учителям Церковным, прими се, яко кроме сего не мощно глаголатися: РЕЧЕМ НЫНЕ О ПОКЛОНЕНИИ АНТИХРИСТУ, КАКОВ ИМАТЬ ОБРАЗ.
Пишет бо о сем в Кирилловой книге во главе 4-й и в знамении 2-м сице: папа римский отринув ся греческой области и царства, взяв на ся не токмо престол и власть царскую и апостольскую, но и божию. Готовя престол, яко же пишет, нача по 1000 лет в старом Риме старейший а последний князь мирра сего, человеки от всех царей земных к себе в повиновение влечет, яко же первее на греки, тако и на иныя мечем начнет воевать. И всех христиан и всяко колен начал льстить, дабы ему аки богу поклонились. Различными коварствами, любовию дарованием, обещанием, прошением, грозою, казнью, войною, посольством и слуги своими к своему духовному и святительскому уставу приводить восхищающи. Дабы ни кто не пребывал в прежней Православной вере Единой Святой Кафолической Апостольской Церкви греческого закона. И от Святых Отец устав изложенный на Вселенских Соборах и на его Римский новый, полный еретичества устав приступили. Иже по вся годы то сице, а иногда инако устав пременяет. И се есть знамение последнее антихристова пришествия яко же впереди показует. До зде из Кирилловой книги. Мощно бы сия и ина представить, но за краткость довлеет.
И сими своего разума доводы, яко же о сидении в Церкви антихриста, тако и о поклонении его, аще сын еси послушания Святыя Церкви, то мощно ти есть внять, и что приличествует сидеть в Церкви разумети, и кий то есть поклон и кому рассудить. Ибо яве ти есть отсюда и се знати, яко мощно по оному антихристу в Церкви Божии сидети, и поклонение от всех приимати, и идолослужения не вводить, а не иначе.

Прочее настоит ми зде о службе обыкновенной в Церкви рещи. Будет ли сия во дни антихристовы. Ты рекл еси, яко не быти тогда в Церквах службы. Азъ же глаголю, яко будет но, не Богоугодна. И сие доводствую тако: Святый Иоанн Златоуст глаголет, яко во идолослужение не введет антихрист, (о чем выше). Тако же и Святый Ипполит глаголет, не повелит антихрист отрекаться от Христа, но токмо от Печати Его.
Из сих двух свидетельств, что дается разумети. То яко Богу Законному служба имать быти. Понеже никий народ, никий язык никий поганин не бывает, что бы каковы либо жертвы и мольбы к своему богу не приносили. Тако бо естество самое научает: что злейше бе Нерона, Диоклетиана и прочих поганских царей, обаче и тии всячески мольбы к богам своим творяху, естеству самому их в сие научающу. Убо и сам антихрист мольбы некия иметь восхощет, аще человек будет что же. Ибо глаголется: яко идолослужение не будет при нем. Убо остает рещи, яко Законному Богу люди служить будут. Сам Бог глаголет, Славы Моея иному не дам. Навуходоносор иногда вознесеся от здании Вавилона, себе причитая ту мудрость. Абие в скота претворен бысть. Тем же и о антихристе в Кирилловой книге пишется, что не на Бога Вышняго вознесется, но на глаголемых богов.
Прочее и не без чувства некоего будет добра, яко чести Божией некое место отставит, еже не над Онаго превознестися, но над глаголемые боги. И еще идолослужение не вводить. Убо нужда есть и ему не чим Бога Творца почитати и не возбранять прочих от Божия службы.

Глаголет бо Бог пророком: Завет завещаю седмицы единыя, и в пол седмицы возьмется Моя Жертва и жрения. (И ниже): И убо пол седмицы возьмут оба пророка со Иоанном. До зде словеса пророчества.
Что же в них нам разумети подобает. О том ли оная сказуют яко не быти по сем отъятия Службы Божия. Не о сем зде словеса. Но о Жертве Божии. Сиречь о приношении Безкровной Жертвы, тая существенная возьмется во дни антихристовы. И не будет Ея истинною. О чем и Святый Златоуст и Святый Кирилл и Феофилакт на Матфея сице о сем доводствуют. Яко антихрист прежде пришествия своего учинит, яже везде Жертвенники и Истинную Жертву истребит, и кумир свой на святом месте поставит. До зде словеса Святых.
Кий же то есть кумир. Толковник Кирилловы Стефан Зизаний глаголет, опреснок иже имать образ мертвого человека или истуканного и бездушного идола. Хотяй да зрит в нем. Но ты смотри, что рекоша Святые: тоже рекоша, яко же и прежде от пророчества речеся, ибо и сии не глаголют Службу Божию в Церквах истребит, но Истинную Жертву истребит, еже есть Тело и Кровь Христова на Жертвеннике не будет являться. Како бо чрез мертвое живое будет.
Подобно же и Святый Ипполит о том же пишет, яко Истинной Жертвы а не службы не будет, тако глаголя: Восплачутся же (рече) и Церкви Божия плачем великим зане ни Приношение ниже кадило совершается, ниже служба Богоугодная, и Честное Тело и Кровь Христова во днех оных не имать явитися. До зде Ипполит.
Зри, коль и сий явственно о том же глаголет, яко Жертвы Истинной не будет, а не службы. Но будет бо (рече) и службы и приношение и кадило, обаче не Истинная. Ибо несть нужды Святым о том, яко быти всему подобенству и службе и приношению во дни антихристовы. Но о Истинне у них настоит слово, сию бо смотрят, будет ли Истинная во дни антихриста, и не видят ю быти. Зрят хотящую быти Жертву и Службу и кадило, и видят не Истинную, тем же разумевают не истинному быти и приношению и жертве.

И сие Ипполит разуме Духом глаголя: яко во дни оны не имать Тело и Кровь Христова явитися.
И сие и древле Бог пророком предрече тако, яко в полседмицы возьмется Жертва и жрение Мое. Истинное Тело и Истинную Кровь назнаменова. Подобно сему и Златоуст и Кирилл и Феофилакт согласно глаголют: яко во дни антихристовы Истинной Жертвы не будет, сиречь Истинного Пресуществления хлебу в Тело, и вину в Кровь Христову не будет. А Ипполит и наяснейшая то изрек глаголя: яко во дни оны не имать Тело и Кровь Христова явитися. И что сих свидетельств достовернее хощет быти: ибо аки трубы возгласиша, яко небесные громы возгремеша, глаголюще, елико и невежде можно разумети и глухому мощно слышать, яко во дни оны (антихристовы) Честное Тело и Кровь Христова не имать явитися.
И сия словеса изрек, к вам слово мое повращаю.
Сам Бог устами пророков глаголет, яко отъята будет Жертва Божия во дни антихристовы. Последуючи же сему Златоуст, Кирилл, Феофилакт и Ипполит ясно рекоша, не быти во днях онех. И не тако просто не быти, но и не явитися Телу и Крови Христовы. Вы же сея премногое множество у себе являете. И кому паче верите подобает, пророкам ли или вам. Или рещи паче, Богу ли или вам. Не малая убо воистину зде противность обретается. Христос убо глаголет. Аще Сын Человеческий пришед на облацех обрящет ли веру на земли. Обрящет, но не во мнозех.

Видишь ли, како и мало быти хотящих на конец христиан, обаче ни о тех премолчано. Почто же тако неречеся и о Святейшей Евхаристии, яко имать Она явитися, обаче не во мнозех. Яко в малых инех христианах имать Евхаристия быти. Но конечно отрече, яко не имать явитися. И не то зде глаголет яко не имать приноситися Истинная Евхаристия, но паче и до конца отреченней, яко и явитися Евхаристии ни где же имать. Аще бы рещи не принесется она, то мощно глаголати, яко аще и не принесется, но древняя имать негде быти. Тем и недасие мнят отрече глаголом сим, яко не имать, явитися. Что же у вас ныне много является, и толико, яко Волоцкие земли Польские, Малороссийские и живущим многим в Великороссии, и на Керженце, и в сибирских странах толикая премногие тысячи удовляти вам Евхаристею своею. И почто о том ни един пророк предрече, яко в малых христианах Евхаристия Святая будет являться. Но вся минув рече, яко не имать явитися. Тем же аще в вас держимая Евхаристия Истинна то Ипполитово слово не прийде во Истине. Аще ли Ипполитово истинствует слово, то ваша яве не истинная Евхаристия. Ибо он рече, яко не имать явитися. Аще ли речете, яко сие пророчествова о днях антихристовых получетверти лета глаголется. Но у вас уже по се настоящее лето 7261-е (1761-е). Уже прейде 18 лет от разорения вашей Церкви и не имеете места (кроме Епифаниевых) на приношение. (Записано на полях: указывается на первое разорение Ветки в 1735 году.) (26) Однако же премногое множество у себе Евхаристии являете, ибо ни един у вас отходит не причастен, и како бы вам на полчетверти года тоя Евхаристии не стало, и зело стало бы. Но или сильнейше бы ваше держание неже Ипполитово пророчество. Но лучше истинствовати Ипполиту нежели вам. Яко во днех оных Честное Тело и Честная Кровь Христова не имать явитися.

ГЛАВА 10. ОЧУДОТВОРЕНИЯХ АНТИХРИСТОВЫХ.

ТРЕБУЯЙ. Аще вся яже телесным подлежат чувствам глаголеши о антихристе не быти, то како о нем сбудется Писание то, в нем же глаголется: яко вознесшися во своем царствии соберет бесы во образе человек и знамения умножит. Воззовет гласом крепким яко поколебатися месту. Разумейте людие колена и языцы мою великую власть и силу, кто бог велий разве мене и покажет себе вземлема на небо. И паки снидет представит горы пред очима зрящих, шествует по морю не мокрыми стопами. Сведет огнь с небес. Сотворит день тьму, а нощь день. Солнце обратит а може хощет, и луну тако же. И просто вси стихии послушны себе и соберет множество гад и птиц, и прочая сотворит елика учудить народы. Пошлет в кийждо град и во вся страны с бесы и чувственными человеки проповедати о себе яко царь велий явился, да приидут на поклонение к нему, и вси тесноты ради пищныя приидут и поклонятся ему и даст им знамение на десней руце и на челе. Таже пошлет в горы и в вертепы и в пропасти земныя бесовские полки, скрывшихся от него привести на поклонение и не хотящих послушати томлениями и казнями изнурит. А наипаче пишется, яко жидовский род его возлюбит и возлюблен им будет, и тем антихрист ветхий храм во Иерусалиме обновит и созиждит, и прочее. Но аще колико бо царствует антихрист в Риме почто сих реченных не слышится во странах западных, но вся в молчании тако пребывают яко же и прежде, тем же или совершенно антихрист еще не прииде или Писание не сбылось.

ИЗВЕЩАЯЙ. Не изможет всяк глагол пред Богом. Бог бо есть Истинна. Предведый со вся о человеческом роде и в Божественном Своем предведении вся измерена имать. И что пророки своими сказа тако и будет. Но мы в показанных об Бога и Святых Его пророк непостижны, и аки некия в глубоком кладезе ужем кратким черплющи, не достаем оныя живыя воды. Не разумеваем естества показанных. Глубина бо пророческих писаний не мала есть, и безтрудне и излиятельне приступаяй к ним тощим отидет. Яко да прославится премудрость Божия в высоте положения своего.

Рек бо я тебе прежде, и довольныя приклады и свидетельства явих ти о том. Яко же идолом оным имущим златую главу. Апокалиптическими образы и символы. Четырьмя зверьми оными показанными Даниилу. И Святаго Кирилла знамений по нему же дано нам от Господа познати наставание антихриста. А наипаче творца книги "О вере" известным показательством: и временем перемений, и временем собственных лет предложением. От коих можно разуметь яко сбышася о антихристе пророчества и уже конец прияша. Ты же доселе не чувствен пребываешь. Но что еще недостоверно ти. Чудится мне на твое неразсмотрительство и окаменение приходит. Хвалишься древними книгами и тезоименита в тех последовании глаголеши, а лежащих в них не внимаешь, паче же и не веришь оным. Токмо земным объемлющим ум и сердце твое. Зрю, да не поносит и тебе Христос, о несмысленная и косная сердцем, во еже веровать глаголанным во пророках от Господа. Сице бо и жидове иногда в Писаниях пререкующе, ослепоша очесы, зряще Господа Славы и не познаша Его, но доселе еще его ожидают.

Такожде и вы слышаще толикая Божия Откровение Тайн, толикая от Духа Святаго предречения о антихристе, блюдитеся да не во исходе вашем покажется той, что тако одебелесте сердцы вашими, яко немощи падшему семени словес в нем ожить Духом. Весте бо, яко не вся являемая нам от Бога, тако подобает знати: Отверзу бо рече в притчах уста Моя. Сего ради и не всем удоботяжна. Вам бо дано есть разумети тайны Царствия Божия, прочим же в притчах. Да слышаще не слышат и видяще не разумеют.
Приял бо еси в слухи откровения тайн о антихристе, и разумев подобающа, ныне паки отверг еси тая вспять. Глаголеши, яко чудес антихристовых не видеши и не слышиши. Яко же подобает ему горе носиться, горы переставлять, по морю ходить, от гласа его земля колеблется, Солнце и Луну обращати и приводить всех на поклонение и прочее. И сим, коль не благодарен еси пред Богом являешься. Идеже бы подобаше благодарить за предъявленное Благодетеля нашего Бога, и поклониться Ему и помнить. Обаче паки любопытства, паки труды нам задаешь и другая над она великая. Сия мнейшия нужды, в них же тропологического или иносказательного разума преполно. Но яко да не тяжки вам о том явимся. Гряди, по силе моего худоумия, и тая вам разглаголем.

ОТ ГЛАСА АНТИХРИСТОВА ГЛАГОЛЕТСЯ КОЛЕБАТИСЯ МЕСТУ.

Зде движение места, приимати подобает вместо стоящих или пребывающих на месте людей, и сему приклады мнози. Давид во многих местех тако глаголет: Подвижется земля. И паки да не убоится Господа вся земля, от Него же подвижутся вси живущие на вселенней смутишася языцы, уклонишася царствия, сего ради не убоимся внегда смущается земля, и прелагаются горы в сердца морские и прочая. (На полях записано: горы и холмы, по толковникам, требища бесовские.)
И Евангелист глаголет: входящу Иисусу во Иерусалим, потрясеся весь град и прочая. И сия вся переносных словес суть разум, а не свойственных. Ибо земля не смущается по себе, ниже двизается, аще негде и трясется. Ниже горы колеблются. И ниже стены трясошася тогда, егда Господь вниде во Иерусалим. Но живущие на земли, и горы высоких чинов люди, и град трясется вместо живущих во граде. (На полях записано: Силы Небесные подвигнутся, сиречь удивятся и устрашатся, зряще тварь изменяему. Благовестник. Матф. Зачало 100, лист 191.)
Пишется во Апокалипсисе: яко по излиянии седьмой фиалы, бысть трус велик. А в толковании втором, сей трус глаголет пред Пришествием Христовым, велие будет смущение многих в вере. И от сих убо всех иносказательных словес, аще и глаголется тако от гласа антихристова двизатися месту. Но коему. На нем же он пребудет. Его же пребытие глаголется вся земля. Идеже обрящет себе место, и тому двизатися. И се знаменует смущение или преложение вере, от нея же смутятся или подвигнутся живущие на земли.

ЗНАМЕНИЯ УМНОЖИТ.

На сие в беседах Павел Апостол и Златоуст, и во всякой силе рече и знамениях ложных. (Ниже) Да не прельщаются сущии тогда, и чудесах рече ложных или притворных, и во всякой прелести неправды в погибающих. Почто убо рече попусти Бог сему быти, и каково се есть смотрение. Кий же прибыток онаго пришествия, на пагубу нашу приходящего. Не бойся возлюбленне, но слыши того глаголюща, в погибающих может. Иже аще бы и не пришел, не быша веровали. На сие же и Святый Кирилл: кто же есть сей или от какова чина. Повеждь нам О! Павле: кого глаголеши пришествие по действу сатанину, во всякой силе и знамениех и чудесех ложных. Сие последи повести указует, яко сатана ученики себе сотворит. Иже по онаго воли сам собою начнет действовати. Ведая бо яко по суде не имать бытии ему покоя. Того ради не слугами своими яко же извыкл, но сам собою имать привлачать и прельщать всякими знаменьями и чудесами ложными.

И Сам Иисус глаголет: восстанут лжехристы и лжепророки и дадут знамения велия и чудеса, яко прельстить аще возможно и избранных. Недоумеватися имамы Истинным Христовым Словесем, яко не точию легкомысленные, но избраные боятися имут многих козней прелести последней. Святый Кирилл: нынешним многим лжехристом, един есть наивысший папа, иже оному последнему антихристу предтеча. И повыше тамо же: ведая о том сатана яко Христос Истинный во второе Прийти имать. (Ниже): паки Христа предваряет, и посылает уже не бездушные кумиры, но человеки живыя, лжехристы Христу подобящияся, И теми лживыми антихристы, человеки Христовы к антихристу приводит всяким подобием. Тщится даже бы всем оному последнему лжехристу, яко истинному Христу поклониться иже вместо Христа бытии прозвася. И учинися князем мира сего. И обогатися на земли областью, восприя на ся Божию и святительскую власть. До зде из Кирилловы книги.
Идеже явственно указано кто такой, о нем же глаголется прийти во многих знамениях и чудесах на прелесть погибающих, глаголет или самого сатану или папу римскаго. И той самый лжехрист, о нем же прежде рех ти, яко христом зде на земли назвался и над вся превозносящийся, иже и сам антихрист, и антихристу (сиречь отступлению) предтеча. Аще же и чувственных чудес из оных лжехристов хощеши ведати. Читай о них у Барония от лета 900-го. К концу 300 лет премногая множества чудес тамо услышишь, о них же зде за краткость оставляем.

КТО БОГ ВЕЛИЙ РАЗВЕ МЕНЕ.

Сицева есть гордыня антихристова, о чем мне зде в мале довести подобает. На сие в Кириллове, в знаке 8-м глаголется: а кто зде на земли паче всех возносится, блюдися его. Сей бо дух антихристов. До зде из Кирилловы книги.
Но прежде тебе о том речем, яко превознестися сему духу не на Бога Творца нашего но на глаголемых богов ни за что их вменяя. Исе в папе яве ныне бысть. Ибо вознесся на глаголемыя боги Восточные патриархи, о чем прежде из книги "Мечца" ("Меч духовный") доводствовах. И ныне тоже в довод представляю, онаго премудрого философа и богослова Софрония Лихудиева (27) слова. Тако по скончании "Мечца" (28) о папежах глаголюща: Звягут (гавкают, лают) рече папежницы, яко папа всякий закон, всякий суд в себе самом имать. Он все может творить еже Христос Творит. Он есть (глаголют) зде на земли по Вознесении Христове на Небеса второй христос. И туюжде власть имать и силу, ю же и Христос имяше прежде, неже Вознестися на Небеса. Он (глаголют) имать совершенную мощь обоего меча мирского и церковнаго. Зане (потому что) папы и Христа един есть престол. Он судия есть вселенныя, сам ни от кого имать сужден быти. Он вся судит, зане ни что же может согрешить. Зде о сицевом превозношении папском не неприлично рещи Апостолом Святым Павлом глаголанная: да никто же вас прельстит ни по единому же образу, яко аще не придет отступление прежде и открыется человек греха, сын погибели противник и превозносяй ся паче всякаго глаголемаго бога или чтилища. Яко же сесть ему в Церкви Божией аки богу. Яко папа о себе мечтает. Еже толкуют Святии и мудрые толковники, яко сесть ему не в Иерусалимской церкви, но в Римской. И о сем довольно разумеяй разумевай. До зде Лихудиев.
Иже разреши недоумение и остави подобающее умствовати оно слово, кто бог велий разве мене. Не о самом бо Бозе зде слово.

ПРЕДСТАВИТЬ ГОРЫ ПРЕД ОЧИМА ЗРЯЩИХ.

Горы наричутся многажды Святое Писание и в них положенный Божий Закон и предания Святых Отец. По оному: тогда сущии во Иудее да бежат на горы. На сие Златоуст толкуя глаголет: иже суть во Христианстве да прибегают к Писанию. И паки пророк глаголет: и дом Божий не версте гор, сиречь Церковь Божия имать основание свое на Писании. Се есть на Законе и предании или Божии или Святых. На сем камени созижду Церковь Мою. На камени, сиречь на Заповедях Господних, яко же и стих церковный воспевает. На камени Заповедей Своих утвердивый Церковь Свою. И паки иногда горою наричется и Церковь. По оному Азъ же поставлен есть царь от Него над Сионом горою стою Его. И паки Исаия во главе 25-й глаголет: и сотвори Господь Саваоф угоры сея (Церковь Христову нареча), и испиют радость и испиют вино, помажутся мастию благовонною в сей горе. (на полях записано: книга "Камень догмат о Евхаристии".)

И у псалмопевца глаголются горы Сионские, растоящияся местами Церкви Сионского предания. Горами паки нарицаются и предначальнейшия Церкви: яко же во Апокалипсисе в слове 18, во главе 16, в зачале 52-м: и всяк остров побеже и горы не обретошася. Толкование Андрея Кесарийскаго: острова суть Святыя Церкви, горы же в них преимущия, разумевати от Божественнаго Писания научаемся. До зде Апокалипсис.
И из сих трех предложениих о горах, их же антихрист хощет предложить. К еликому предлогу из тех мысль свою приложиши, на вся преложения сия годствует приятии. Аще антихристу преложити Законы уставленные. Аще в Церкви Христовы во ино, аще начальнейших в Церкви на инъ разум, из благочестия на нечестия.
Вся сия до того слова принадлежна еже речеся, преставит горы пред очима зрящих. И о сем Святый Кирилл пишет: Приидут бо их же ожидаем и чуднее и паче древних еретиков. И изменят дела и словеса и время зрящие, и приводится тамо яко папа римский преимение сотворил в летах. Но сия нам от Церкви Святыя запретится полагать. Не прилагай бо рече предел вечных. Их же положиша Отцы твои, и от сего прелога познавается антихристово время.

ШЕСТВУЕТ ПО МОРЮ НЕ МОКРЫМИ СТОПАМИ.

Воды глаголются языческие народы, по многим толковникам. Кои правой веры не имут. В них же диавол хотя возмущает разум их, да не явится светлое познание Бога. Зри же о том и во Апокалипсисе идеже пишется о сем тако: и видех рече Святый Иоанн, жену седящу на звери червленне исполнь имен хульных, иже имаши глав 7 и рогов 10. И сию видел Богослов на водах многих.
Второе на сие толкование: женою нарицает Римский град, сидящая на водах многих, сиречь обладая множеством людей, обдержаше бо Рим вселенную. Сущее: и зверь иже бе и несть и той восьмой есть и от седмих есть, и в пагубу идет. Толкование: зверь антихрист есть, восьмой же яко по семи царств восстанет на земли, яко и от единаго их воздвижется, аки римский царь творяся, на запустение и разрушение послушающих его придет. И по сем в пагубу идет.
Сущее. И глагола ми ангел: воды их же видел еси идеже любодеица сидит, людие и народы суть, и племена и языцы. А рога их же видел еси на звери. Сии любодеицу возненавидят и запустевшую сотворят ю и нагую, и плоть ея снедят. До зде толкование.
А на поле против его написано тако: Неции приемлют сие о папе римском, яко от престола своего изгнан будет и власть и богатство его отимут. Иезекииль 16 стих 37. До зде Апокалипсис.
Откуду мощно есть научиться, что воды; и кто зверь на них же он пребывает; и от сего разумети антихриста, что есть ему по водам ходить. Еще же и сице сие разумети по морю не мокрыми стопами. Море убо мир сей, смуток многих исполненный, от чего велие затмение ума бывает, во еже не имети Света Истины разума. Отнюду же и диаволу в затменных мощно шествовать неблазненными стопами. Или сице: воды суть сего моря дондеже имут теплоту Любве Божия. Не может сей враг по них ходити. Отщетившися же воды сия теплоты, хлада ради, и замерзения, тех в злодействе, удобен путь не мокрыми ногами диаволу по них ходити явитися.

СВЕДЕТ ОГОНЬ С НЕБЕС.

Четверогубо зде на сие разумети подобает.
1-е. Или отгнание от Церкви Любве Господни
2-е. Или отгнание от Церкви Благодати Божия
3-е. Или сведение огня гнева Божия.
4-е. Или нечто таково и чудесно сотворит.

И три убо оныя за антихристово тогдашнее беззаконие. Четвертое же попущением Божиим, яко же и при Иове случилось быть. О гневе Божии в псалме 78, Давид глаголет: разжется яко огнь рвение твое и иным пророком. Разгорится яко огнь ярость моя до ада, рече Господь. И сицевый огнь глаголется сходити с небесе за грехи в наказание наше, якоже многажды случашеся.
О коем огни и во Апокалипсисе глаголется: и первому рече ангелу вострубившему и бысть град и огнь смешен с кровию и паде на земли, и третия часть древа погоре. Толкование: град глаголет смешенный с огнем прежде кончины сходящий, по Праведному Суду Божию от варварских рук попаления, и человекоубийства, от них же немнее третия части сущих наземной твари по видимей сей погибнут, не токмо от человек, но и от земных плодов.
Пишет же Бароний о страшных огнях приходящих на землю и многия народу беды содевающих. О них же изволяяй да чтет а нем.

Есть же ино огня знаменование. О чем той же Апокалипсис во главе 23: И второй ангел воструби, яко гора велика огнем жегома ввержена бысть в море. И бысть третия часть моря кровь, и умре 3-я часть создания в море имущих души, и третия часть кораблей погибе. Толкование: морем знаменает житие се, горою же еретиков Монтана, Манихея Валентиниана (29) и прочих. Они бо учением своим сожгоша третью часть земли, сиречь ринуша в муки последующия им человеки. До зде Апокалипсис.
Негли же и антихрист пришед сведет на землю таковыя огни попаляющие здания и души человеческия погубляющия ереси учением. Ибо виною отступления правды законной, гнев от Господа низпосылатися обыче. Иначе же кая потреба сводить огни. И что ими содевати. Зане все елико глаголется о нем иносказательно глаголется, а не свойственно, яко же и услышим в последующих. Глаголется о нем.
(Записано на полях: просяху иногда знамения у Христа фарисеи от небеси показати, того ради яко мняху Его чудеса на земли от диавола быти: виждь от небеси знамения Богу Единому и фарисеи мняху како же бы антихрист от небес знамения мог творити сводить огнь.)

СОТВОРИТ ДЕНЬ ТЬМУ, А НОЧЬ ДЕНЬ.

Зде явственного указания есть знак иносказательный. Ибо есть и глаголется день Разума Божия знание. Яко же и Апостол глаголет, отложше нощь или тьму страстей. Яко во дни благообразно да ходим. Ибо прейде нощь всякаго невежества и страстей повелевает так ходити незапятнанным, как и днем.
Но антихрист сей ересиарх, толикий свет или рещи толикое полуденное сияние Благоверия, аки темное облако нашед помрачит. Оно и сотворит ночью, древнего невежества взысканием, а ночь еретического учения тьму аки день почтит. И тако сотворит день тьму, сиречь благочестие проречет еретичеством, яко же еретиком обыкновенно есть, Истину во лож изменять, а не иначе. Яко же и последующее подтвердит. (На полях записано: полнота разума Божия или совершенный разум Божий аки полуденный свет в верных.)

СОЛНЦЕ БО РЕЧЕ ОБРАТИТ, А МОЖЕ ХОЩЕТ И ЛУНУ ТАКО ЖЕ.

Но сие от возможных ли есть, такие планеты обращать. Ими же Господь Бог временам и летам измеряться положил. А наипаче, како же обратить от Запада ли на Восток или по северной стране ходить или от полудня на Север и от Севера на Юг. И кая есть сия комедия или кое насилие, во определении Божии. Ни помыслить сего не можно Бог бо аще и попускает что таково диаволу или волхвам содевати, но не во утвержденных стихиях или планетах. Ими же нечто великая содевается в мире. А наипаче сия планеты на них же Бог основа и веки сия, и тыя ли бы попустил сему врагу тако играть.
От века бо не слышалось сия. Коликия бо быша волхвы во Египте при Моисее жезлы в змии претворяли, обаче не слышалось от них что бы поне едину звезду инако ходити устроил ей ниже Солнце и Луну. Да познаешь оно яко предел положи твари Всесильный Зиждитель, и не может како прейти. Хотели бо иногда Состеръ египетский и Дарий персидский цари два, пучину египетскую и индийскую во едино Черное море совокупить, но не возмогоша. И сие чего ради. Да убоится Господа вся земля яко слабый песок предел положившего не возмогоша тако сильные человецы прейти. Коль же паче в толиких светилах.

Многие бо мечтатели прелестные, волхвы быша и титулы себе великие полагали. Ине глася бог быти Солнца, инии молнии, инии грома и прочая. Многа же и чародействовали. Обаче не касаясь до твари положения, а наипаче сих суесловия, должная и свойственная возглаголем.
Солнце обратить, а може хощет и Луну такожде. Смотрим убо зде каждую планету по силе действо. Солнце убо есть не заимствованного света сияние, а Луна по себе скудствующая есть света. И аще не озарится от Солнца, темной пребудет. Сице и Церковь Христова, яки некия Луна на земли, Солнца Светом Христа просвещаема учением, светится от Восточныя страны. (Записано на полях: или паки Жена оболчена в солнце Церковь есть. Солнцем Правды Христом одеяна. Луною же знаменует Крещение по толкованию писателя книги "О вере". Глав. 2, лист 18). Антихрист же сия испревратит. О чем и златоглаголеваго услышим на Евангельская сия словеса: Матф. Зачало. 100: абие по скорби дней тех, Солнце померкнет и Луна не даст света своего. И звезды спадут с небес.

Златоуст тако толкует глаголя: послушайте добрые послушницы, что рече Евангелист, Солнце померкнет. Солнце у нас Христово Имя, не будет Славиться. И Луна не даст света своего. Луна бо есть второе светило, Церковь Божия. На небеси убо есть Солнце и Луна, у нас же Христос и Церковь Божия. Сия два светила померкнут. Звезды же с небеси спадут, именует святители, священники и дьяконы и всякия учительные люди. Тыя бо суть звезды, в мире отпадут от Истины, и не будет в жертвенниках истиннаго пения и учения праваго. До зде Златоуст.
И сим прикладом рассуди оное твое о Солнце и Луне преложение. Тако же и о дни и нощи претворении. Аще бы рещи зде и сие. Яко и сия преложения во дни антихристовы имут быти преложения лет значить, яко он своими летния обходы вычисляет и многия убавляет. Яко в Риме тако и у иных языков многия в том поблуды явишася. О чем Кирилл Святый описал: ими же бы явить Солнца и Луны повращение, сиречь дней солнечных лет. Но зде потреба паче изобретать духовная а не внешняя. По сем прейдем на сие.

ПРОСТРЕТ АНТИХРИСТ РУКУ СВОЮ И СОБЕРЕТ МНОЖЕСТВО ГАДУ И ПТИЦ.

В деяниях Апостольских плащаницею оною исполненною гадъ (гадами ползучими, змеями), языки знаменуются поганые. И таковых себе антихрист соберет по свойству своего нрава. О чем и во Апокалипсисе видел Иоанн Богослов из уст змеиных, из уст звериных и из уст лживого пророка, духи тринечистые аки жабы исходящие. Их же в толковании втором, еретиков бывших и будущих блядословия их ради наричет. И таковых себе антихрист соберет, кои бы уст своих не затворяли и непрестанные бы аки жабы на Истину Христову хулы отрыгали, а ложь умели бы защищать. Таковых гадъ, антихрист востребует. Кои бы аки еже бы имели колющиеся остны (жало, иглы, шипы), коих значит не милостивых иже гласы убогих и нищих слышащее, уши свои не милосердием аки аспиды затыкают. В том его собрании потреба змиев ядом своим погубляющих человеки, кои суть истее рещи еретики фальшивым своим учением и прикрытыми словесы, аки листвии сим прикрывающихся или аки под злаком яд своего учения уставляющих вечною смертию могут уядати. К сему потреба имать из веры оныя львы, терзающие плоти человеческих, не покоряющихся антихристу. Ту соберутся многие оныя, по горам и дубравам горделиво пасущиеся, по различным пастбищам греха. И пышные роскошницы не сытые сластолюбцы и во своем своевольстве, а не в Законе Божии пребывающие. Таковых себе антихрист и птиц соберет: совы и филины ночные, кои во дни света благообразно ходити не могут, но в нощи и в пустынях летают, яковии суть злодеи, и Правды Божия не знающие. И во тьме греха заблуждают и по среде смертоносных многих сетей волочатся, во всякой пустоте бесстрашия Божия, и дел Божиих отдаленно пребывают. Таковых себе соберут. Воронов пищу себе от плоти притяжущих, яковый судии не милосердии и мучители бессовестные кровь неповинную проливающие. И прочих подобных злых и отчужденных Славы Божия. От коих яве есть во Апокалипсисе писано: паде паде Вавилон великий. И бысть жилище бесом и хранилище всякому духу нечистому. И хранилище всех птиц нечистых. Во втором толковании: и хранилище всякия птицы.
Сим знаменает ложных учителей и еретиков летающих семо и овамо (туда - сюда). И таковое антихристово сборище соберет себе, и сими своя действа и дивности творить начнет. И сия изъявившее поступим до сего.

ПОШЛЕТ ВО ВСЯКОЕ МЕСТО О СЕБЕ ПРОПОВЕДАТЬ.
ЯКО ЦАРЬ ВЕЛИЙ ЯВИСЯ. ДА ПРИДУТ ЕМУ ПОКЛОНИТЬСЯ.

И сия от инуду разрешим. В книге Кирилловой о папе римском пишется: оторвавшийся епископ римский и цесаря на сторону отложив, взявши на ся не токмо столицу и власть царскую, мирскую, но и Божию. И готовя столицу, як пишет, почавши по тысяче лет в старом Риме, старейшему и остатнему княжить света сего, люд от всех краев земли до послушенства своего притязает. (ниже) А на его римские новые еретичества полные уставы соизволили бы. Которых не мало что рокъ (год, определённое число) иначии стоновит отменяет. А то есть знак первый наступления антихристова.
Подобно же и в восьмом знаке пишется о папе: по всей рече вселенней послов рассылает, всех царей к себе и к своему престолу совокупляя. Даже и оный великий град Вавилон со всем на пролитие крови готов будет. Который Вавилон Христос Истинный своим Царством помрачит.
До зде из Кирилловой книги приведено вкратце. Отнюду же можно дознаться, яко не токмо Рим, но и всякое отступление может всех всякими образы на поклонение или на подданство тоя ереси влещи. Но паче кия ради причины и каковыя на сие придут услышим.

И ВСИ ТЕСНОТЫ РАДИ ПИЩНЫЯ ПРИДУТ И ПОКЛОНЯТСЯ АНТИХРИСТУ.
Апокалипсис. Глава 36 стих 160.

И чудится вся земля во след зверя, и поклонишася змию, иже даде область зверю, и поклонишася зверю, глаголющее: кто подобен зверю и кто может ратоватися с ним. Толкование: на привидение антихристово диаволу поклонятися омраченные.
Сущее: и дана бысть ему область на всяком колене и на языцех племенах и поклонятся ему вси живущие на земли, их же не написана суть имена в книгах животных Агньца заколенаго от сложения мира. Толкование: надо всеми языки и людьми насилием область имать. Над теми же паче, их же не написана суть имена в книги животная, в книги Агнцевы. Второе толкование: и живущие на земли, сиречь ничто же радеющие о небесных, токмо к земным прилежащие, поклонятся антихристу. (Ниже) А иже дана бысть ему область на всяком колене и людех, и на языцех, и племенах, сих знаменает отступление веры. Яко же Павел к Селуняном вещает.

Златоуст на Послание 2-е к Селуняном: не бойся возлюбленные, но слыши того глаголюща, в погибающих может, аще бы и не пришел он не быша веровали. И в книги "О вере" о антихристе пишет, яко многих прельстит и отлучит от Правды. Наипаче же тех, иже растленное житие любят, и ныне преболе тии от Святыя Церкве и от Православной веры отпадают, иже не хотят узким путем ходить.

Святый Ефрем в слове о антихристе: Воцарившуюся змию на земли, с радостью сии люди поборники ему будут. Едом, паки и Моав, и сыновья Аммоновы аки своему царю поклонятся ему с радостью. До зде Ефрем.

Но кто суть Едом: толкуется разжение плоти на похоть. Зри Алфавит толковый, буква "Е". Кто Моав и Аммон: по сказанию Иеронимову на псалом 82: Моав сказуется от отца, сиречь от диавола, а Аммон народ смущенный, иже суть еретики. Тем же вся сия истолкования воедино собрав реку: яко плоть страстям работающая и Законов Божиих не хранящая, тии поклонницы антихристовы явятся. Ибо таковых и ныне видим наиболее отпадающих от Святыя Церкви, иже хотят широкими вратами ходить.
Сего ради негде и пишется: аще ли славы ищешь от человек, и хочешь хвалим и покланяем быти и жития сладостей наслаждаться. Заблудил еси от пути Правды. И паки: удивиться и устрашиться в сия последняя слезам достойная времена. До какового своевольства и пренебрежения ослепли чревобожницы вдашася, широким путем в погибель ведущим, един другого предваряюще. И от часу далее и глубочайше бежат.

Пишет Бароний в лете Господнем 253-м, в числе 4-м: яко мнози от христиан, страха ради мучений, Христа отверглись. А в первых сии падоша, иже житие пространное во грехах и благая мира сего возлюбившие. Яко же глаголет Киприан: любовь слепая имений многих от них прельстит. Не могут быти на оставление мира готовы, их же любовь благих мирских связала. Покорившись тому, иже землею питается, и на снедение тому приидоша. До зде Бароний.
Зри что к ересям от Бога отступить приводит, ни гонение, ни ино что тако, яко же к вещем мирским пригвождение. Сие бо стесняет и приводит ко всякому злу. Что убо небыло ли и прежде сего на Христиан гонения. Ей быша, и зело быша. Пишет Бароний в лете 302-м. Яко во оная времена, на всяк месяц по 17 000 христиан убивали и на горшее прихождаше мучительство. Тем же и не сие вящьшее о последних сих временах слово. Но сие, яко тако любовию вещей и страстей обвязании, и не хотяще кроме мучительства кроме великих стеснений, вещами житейскими утеснившееся, к ересям или рещи ко антихристу приступят и поклонятся ему. О чем доведено из книги "Катихизис", от гл. 4.

Вопрос: Чего ради людие в последние лета от веры отступят и абие к ереси приступати имут.
Ответ: Трех ради причин.
1-я причина: Убо сия есть еже Даниил пророк рече: мерзость запустения станет на месте Святе. Сиречь еже обладает нечестивая ересь, толкуется по писанию Иоанна Златоустаго воинство антихристово разоряющее Церковь Божию. Тогда людие не имуще где укрыться от таковых скорбей великих мучении, и их ради гонений, приступати имут к ересям.
2-я причина сия есть: Ея же ради отступят от Православной Христианской веры: Понеже возлюбят мира сего славу и красоту и всякаго наслаждения его. И боящееся лишены быша тленного своего богатства, еже приобретено, и желающее себе большее избыточество получить, телеснаго ради питания и прочих миролюбных причин. Бегающе нищеты и утеснения.
3-я есть сия причина: Ея же ради отступят и приступят к ереси, хотением еже имать в себе жидовство и всякое нечестие в ней обрящется.

Понеже не суть утвержени в вере и во всяком благочестии и христианского закона. Ты же пребывай во страсе Божии и в Заповедях Господних. Храни себе, да не впадешь в мерзость запустения.
От слова Святаго Ипполита слышаще же Божественная Писания, и в руках тая имуще и в мысли всегда поучающиися, мнози прелести от его убегут.
Святаго Ефрема о антихристе: мнози веровать имут и славить его начнут аки бога крепка: А имущие Бога присно в себе и просвещенни очесы сердца своего, воистину увидят верою чистою, и познают его.
Книга "О вере" глава 2-я: И яко во время пришествия Христова, избранных Божиих малое стадо было, тако в пришествии антихристово уменьшатся правоверные, а зловерные умножатся. В сия бо времена неприятель душ наших прельщать начнет и избранных.
Святаго Ефрема: всем бо имущим ведение и разум тогда разумно будет пришествие мучителя. А имущим присно ум в вещах жития сего и любящим земная, не разумно сие будет.

От сих всех предложений дается разумети, каково антихристово пришествие, таково и поклонение нетелесных очес, но умного некоего знания. Тем же удивительно есть воистину: глаголется бо антихристов приход аки чувственного некоего человека и сему аки богу поклон от всех приимати. А сказует яко той его познает и не поклонится ему, кой человек разум Божий иметь будет. Что убо не научихомся ли знати Христа. Ей, научихомся, егда не известны есмы Его Единаго знати Бога. Ей известны.
(На полях записано: "Щит веры", ответ 379 сице пишется: тако убо вси отступившие благочестия, вси еретики преклоняют колени сердец своих к приятию новых догматов и к нечестивым своим законам или к новотворным тайнам. И чрез сия веруют прияти себе бога, еже есть антихриста. И ему поклоняются и приемлют его начертание. Еже сиречь, словом и учением повиновение.)
Вопроси бо о нем всякаго чина и возраста и вси ведают, Кто есть Христос. Како же зде глаголется и мужи совершенного разума, а наипаче и избраные. Не познают его, аще Божественнаго Писания непрележны будут.
Зде явственно любезный слушатель указывается, яко некое есть скрытое умное его пришествие, под самыми Христовыми и Евангельскими Словесы: Тем в житейских живущим и не познан весьма будет. Ложь бо и правда аще обоя писании покровенна будут. Великаго искуса потреба, да правда отлучена будет от лжи. А наипаче зияющим на мир сей, неудобно. Но грядем и услышим, что поклоняющимся ему, содеет антихрист.

И ДАСТ ИМ ЗНАМЕНИЕ НА ДЕСНЕЙ РУЦЕ И НА ЧЕЛЕ.

О сем во Апокалипсисе во главе 37-й пишется, стих 167. Сице: даст им начертание на десней руце их и на челех их. Да ни кто же возможет ни купить ни продать, токмо кто их имать начертание, или имя зверя, или число имени его.
Толкование: (ниже) начертание пагубнаго имени отступник на вся наложить потщится. На десницах же да добрых дел отсечет детели: на челех, довольствоваться им. И научит прельщенные являтися им не примут же знаменающиеся Божиею Печатью лица своя. И число зверино распространяться начнет в купах и в продаваниях. Да иже сего не примут. От потребных нужд смерть примут. (На полях записано: и еще глаголется десныя руки и чела начертание аще кто антихристово житие содержит и делом и словом бога того наричет. Апок. Глава 142 стих 174. В толковании.)


Сущее. Зде мудрость есть иже имать ум да почтет число зверино, число бо человеческое есть, и число его χξς (600, 60, 6). И о сем толкование речено есть прежде. Но следством словес речем зде о Печати Божией, Ея иже повелит антихрист отречься, тако глаголя: ОТРЕЦЫСЯ ПЕЧАТИ ТВОРЦА НЕБЕСЕ И ЗЕМЛИ.

Святый Иоанн во Апокалипсисе пишет: и видех инаго ангела восходяща от Востока Солнца имы Печать Бога Живаго. И возопи (ниже) не вредите земли ни моря, ни древес, дондеже запечатлеем рабы Бога нашего на челех их.
На сия Андрей Святый Кесарийский толкует: О знамении Креста Святаго, им же мы по древнему Церкви Православной обычаю благочестно знаменаем ся. И глаголет: яко во время антихристово, сие знамение будет различие людей Христовых от антихристовых.
Сия есть Печать, о Ней же Жених Небесный к невесте своей (душе) глаголет: положиши мя яко печать на сердцы твоем и яко печать на мышцы твоей. Сия словеса Амвросий Святый (30) толкуя в книге о Исааке, глава 8: Печать (рече) Христос на челе печать на сердце, печать на мышцах. На челе убо, яко да всегда Его исповедаем. На сердце, яко да всегда Его любим. На мышцах же, яко да всегда благая делаем.
Знамение на челе, яко на месте стыдения, да не стыдимся исповедать Распятого Христа иже не стыдится братию нас нарицать.
Знамение на сердцы, яко на месте любления, да возлюбим его возлюбившего нас, всем сердцем нашим.
Знамение на мышцах, да поработаем Ему, Господу нашему, и тяжесть крестную понесем на раменах наших. До зде Амвросий.
Его же истолкование явно показывает, яко Печать сия есть символ Самого Христа, его же два перста сложа, два естества исповедающе, на себе крест воображаем. Тем же и глаголет о себе Христос, положи мя.
О чем и Святый Кирилл: не стыдимся рече исповедать Распятого на челе, со дерзновением персты.
А Святый Петр Дамаскин во своей книге пишет: яко два перста (сих же на Крестное воображение слагаем) являют Распятого Господа нашего Иисуса Христа по двою естеству.
До зде Святых Учителей о Печати Христиан истинных. О ней же Ипполит пророчествует, яко антихрист во дни своя повелит не Христа, но Его Печати отрицаться правоверным. Грядем же на останки словес глаголется бо яко:

АНТИХРИСТ ЖИДОВСКИЙ РОД ВОЗЛЮБИТ, И ТЕХ ХРАМ ОБНОВИТ.

На сия Святый Кирилл глаголет тако, яко антихрист к жидам придет аки Христос. И от жидов прият имать быти. (Ниже) Придет же антихрист тогда, егда в жидовской церкви не останется камень на камени по Словеси Христову. (Ниже) Тогда он придет всякими знаменьями и чудесами ложными. Обзирая и собирая вся идолы. (Ниже) Смотрил же есмь и се рог той воздвизает брань со Святыми. И паки назнамение 6-е, в "Щите веры" ответ 342. В толковании о папах римских глаголет: Место готовит князю мира сего последнему. Глаголюще, яко наш един имать быти отец папа, и всех по всей воли во всем мире соберет. Его же и жидове имут восприять понеже он возьмет власть величайшую мерзости египетской работы, и со иным богомолением, церковь Соломона, Древнего Закона прелести ради создать покусится. До зде из Кирилловой книги.
От сих яве есть, что есть жидовство, и церкви жидовской создание: сиречь бываемых дел у жидов опресноки и органы, на службу божию яже в жидех быша, той восприимет. Ко иудеям глаголется тогда прийти, егда не останется церкви их камень на камени, и сие бысть по 40 лет от Вознесения Господня, царями Римскими Веспасианом и Титом. (31) По коем разорении до конца жидове отвержении быша от Бога, им же до селе Бог долготерпение Свое показоваше, ожидая их обращения. Но яко на злейшее прихождаху, во всеконечную область (в окончательное подчинение) антихристу приидоша. Прочее еже глаголется:

В ПУСТАЯ МЕСТА АНТИХРИСТ ПОШЛЕТ. ДА И ТИИ НЕГОНЗНУТ (не избегут) РУК ЕГО.

Сим знаменается некоих козней наведение и развращений и прочих тайных его коварств. Тем же везде и всюду и в горах сидящих, боятися его ловитв подобает, да не от десна окрадет или зримого гонительства подобает стеречься.
И инако двояко о сем послании слуг антихристовых в горы и пустыни на из мира избегших разумети потреба:
1-е. Следствие острое и тонкое благочестно живущим сотворит: кия суть таковые избежавшие, и в каких церемониях или обрядах церковных пребывают, и почему тая хранят, и чего ради воли его не повинуются. И при сем следствии казни и мук наведение на непокорных являет наводить.
2-е. В таковом же послании антихриста сказуется с чувственными человеки и бесам быти: что разумеется во оной смуток многому сомнению быти, и прениям неуспешным и церковным раздорам. Яже наипаче в своевольных человеках и безпастырных обычно бывает, за отъятием добрых глав, сварам, ненавистям, хулам, раздорам и своевольным учителям, и коемуждо по лживому мнению и безумству учение свое буйное начинать, и в малыя дробницы разделять человеки, даже ни един из бежавших негоньзнет (не избежит) лжеименнаго разума, и власти антихристовы.

От сих всех предложенных решений, научимся знамения и чудотворения антихристова и последующую ему власть, знати некоего иносказательного быти разума, а не внешним подлежащая чувствам. Наипаче сих ради причин:
1-я причина: понеже во всех провинциях, елико суть на Западе и прочих мест, бесчисленных ересей люди, кальвинисты, лютеране, паписты, атеисты, анабаптисты и прочии душепагубных ересей люди. Но кийждо во своей ереси твердо пребывают. И кая то будет суета на удивление прочих чудеса творити, дабы вселенная обратилась. Поминает же Бароний и чудеса некия от папежников бываемая: глаголет бо яко иногда некоему папе посвящаются, образы кланяхуся. Над иными голуб бел на главу схождаше. Над иными в приношении на службе преславные чудеса показываются, опреснок и вино молитвою в тело и кровь превращаются, в виде народа (на виду у народа), две горы от мест своих подвиглись и окружили реку, сотворше озеро велико на ловлю рыбы,огнь не вредно пред народы проходим бысть и прочая многие чудеса. Изволяяй же о том ведати, да прочтет в Баронии от лета 900-го, 300 лет. Увесть подлинно однако же на сия лютеране или кальвинисты и прочие королевства не отринувших своя ереси и не преступивших к папе римскому.
2-я причина: понеже во всю землю изыде вещание глагол Евангельского учения, и знание Христа. И уже все от велика и до мала, от мужей и жен, известна суть о Христе Бога быти, и в том настоящий род порожден, и в том вся таинства, вся королевства, вся царства и многия орды и земли. И ведает диавол, яко таковыя народы выставлением своего человека антихриста глаголами и чудесами не удивит, не преклонит, не приведет в то, дабы его за бога вменить.

Кровь прольют первее нежели Христа Господа отринувше, с ветра человека пришедшего паче Христа бы вменили, аще и с еретичеством веруют. А наипаче рещи: аще оони и в ереси, обаче во Христа веруют, и во всем Его на помощь призывают. И како бы Той ко отвращению к Себе войною на них покусился бы. Верую, яко аще еретики, обаче совершенно тех во идолопоклонство обратить, кто войной потщался бы. Пособника Христа на оныя возымели бы. И зри убо сущаго басурмана Махмета, аще и покори под дань мирскую земли, а верою не принуждает. А антихристом сатана и земским подданством и верою покорити вся восхотел бы, разве мучеников за Христа многих явить. Вещь неудобна и слышати. Но разве под именем Христовым каковы иныя противности в народы ввести се удобно точию.

ГЛАВА 11. О ЗЛОПОЛУЧИИ ВРЕМЕН АНТИХРИСТОВЫХ.

ТРЕБУЯЙ. Слышание се преудивительно есть, яко иже в Писании о антихристе видимо, то разумевати подобает внутренне. Яко же доводами сими показуеши. Буди и тако. Понеже антихрист не вещественного, но умного естества начало и бытие свое имать. Откуда и глаголахуся прежде, не токмо последний сей, но и предтечи и лжеучители антихристами. И о том молчанию уже предаю.
Но что сие, яко во дни последнего антихриста глаголется: небо не даст росу, облака не дадут воду, земля отвержется плодов своих, море исполнится смрада, рыбы его вымрут, реки иссохнут, болота иссякнут, студенцы оскудеют, звери на человеки восстанут, скоты и четвероногие помрут. Человецы от глада и жажды скончаются. Отец сына обоймет, мати дщерь, вкупе умрут и не будет погребающего их. Но и земля вся от телес повергнутых умерших смрада исполнится. Моря же не приемля речные струи, смраду подобно возсмердится и зловония бесчисленного и гнуса исполнится. ТОГДА ГЛАД КРЕПОК ПО ВСЕЙ ЗЕМЛИ. Тогда повергнуто будет злато и серебро на местах, и ни кто же возьмет ни соберет и прочая. О них же сказует Ипполит Святый.

И сих ради предложенных дивно по истине дивно, и позор некий зде противоположения исполненный. По предреченным о антихристе исполнишася вся. По сим же настоящим сказаниям, аки бы еще и слуху о антихристе не являтися. Небо росу подает, облака дождь испускают. Земля, яко же и прежде плодоносит. И хлебом поля утучняются. Море же яко и бе пребывает. И реки приемлет и смрада в нем никакого несть, и рыбы в нем непрестанно родятся. Реки текут. Болота не иссыхают, кладези и источники водными кипят и исполняются. Звери на человеки не восстают. Скотов яко же и сперва всюду множество. А глада такового дабы един со другим обнявшись помирал, отнюдь не токмо не видится, но и слухом не обносится. Телес по земли умерших не валяются, но обыкновенно в земли погребаются.

И кратко рещи: всего того злополучия еще несть и не бяше о нем же писано. Тем же многим и невероятно се мнится, аки бы антихрист прииде и лета наступления его давно исполнились. Но негли (может быть) еще ради спасения многих отлагается того нашествие. А сии где бывают отступления, так простая вещь, коим обыкновенно бывать от лет Вознесения Христова. (Но не се последний антихрист). Негли же таковые и ныне случаи по местам отступления, еже глаголется ересь. И сия изрек не своего уже противления виною, но посторонними словесы возбуждаем, прошу подобающее умствование произвести.

ИЗВЕЩАЯЙ. Многая уже о том Благодати ради Христовы изрекох и мощно оными удовлившеся вящьше мя не утруждать в том. Ибо уже утомлен есмь в сих. А наипаче телесными потребами одержим есмь многими. Не имам уже и время на оная. Тем же прошу имей мя отреченна. Сам тщанием своим в Писании сицев подобательный разум изыщи.

ТРЕБУЯЙ. Всяк человек начав созидать дом некий чуден и добр, и всем многая изнурив, от сожаления же имении, аще престанет и не докончит, мимоходящим сотворит смех, а трудам и строению и имени погубление. И что в том полезное не вем. Тем же прошу, да малым сим обленением не загради пользу и толиким трудам безлепотство не учини и мзды от Бога не отщетися.

ИЗВЕЩАЯЙ. Мнил убо я тебя, что ты мало о том вопросиши мя, и легкая некая испытаешь. Но ты мя толикая разглагольствия произвел еси, и тако мя не надежно отторг, яко в некоей слабой ладье худого моего ума морскую глубину мудрости Божия с нуждою и страхом плавать устроил еси. Яко и к берегу сему приходя страх душу мою колеблет. Веси бо и сам такова мя суетна и невежду быти, и в скудости книг пребывающего, на то производишь, кое в премудрости Духа при книгохранительницах сущу решить возможно бы, а не безкнижну и в суете плотской пребывающему. Когда бо (рече Писание) держай рало умудрится. Тако и я во всегдашнем труде напишу и одеяние и прочая домашнее обстояние упражнений пребываю, кий разум кое изобретение кроме мрака и невежества имам. Сие бо высоких наук дело, многих упражнений, аще я на Милость Божию уповаю и изрекох, веем Благодать Его яко силен есть для пользы иных и не мудрые во ответе благ наставить. Прочее отрады нам в том.

ТРЕБУЯЙ. Однако же прошу послушати и елико в себе имаши отдати: понеже Благ есть Господь наш, весть в нуждах требование наше и в телесных. Аще и не везде великими реками, но и малыми источники по многим местам текущими жаждущих напаяет. Тако и в душевных, не везде десятью таланты, но и двумя и единым талантом пользоваться предал есть Милостивый наш Бог. Весть бо весть той, яко малы суть десять или пять талант достойны, а на един талант приятия мнози суть. Якоже и малые источницы. Но дающий сия и оная многажды немощи единаго таланта, за простоту сердца и смирение Сам присутствует, хотяй Спасения всех. По оному сила бо моя в немощи совершается. Тем же аще един талант кто имел, но имушаго тепло охоту, может Бог из облака мала тучу составить и напоить жадное лице земли. Зри же, аще мал талант имаши не скрывай его в зависти и небрежении твоем. Да не речет ти Дающий сие, раб лукавый, почто не предал серебро мое торжником.

ИЗВЕЩАЯЙ. Но многажды и то бывает, глаголы время слышащим изнуряется и многий урон в телесных того ради бывает, а внимания добраго в слышащих не зрится. Тем же лучше изволил о пользе своей печься.

ТРЕБУЯЙ. Что не помнишь Господа своего, коликия преестественныя премудрости словеса народу произнес, но мали в сердцы сокрывающи оная являхуся. Обаче Он оправдится в словесех Своих егда Приидет. Веждь же и ты се и не премогай человеческаго ради небрежения, но спостражди Господу своему. Не человека бо ради сие приемли, но Владыческого ради приказания. Ибо Он повеле дати серебро Свое торжником, а прикупа истязовати несть твое. Яко же рече раб лукавый, подобает тебе отдати серебро мое торжником и Азъ с лихвою взял бых от него. Слыши сего грома небесного в словеси тебе повелевает. Еже бы от торжников прибытки истязовати, но токмо серебро Его отдати, а лихву онаго прикупа сам Бог истяжет.
Тем же и окаянен есть воистину человек той, слышай словеса наставления, и не успевает в них. И что сего злейше и страшнейше. Приимати словеса разума и иметь небрежение о них. Не тое бо хощет Бог от него взяти еже прия, но еще тое что над его приделал. Еем же, аще кто приим слово, и тое токмо имать, а не приделывает от себе, мукам достоин будет. А иже и данное слово погубит, кия от реченной казни не примет. И сих ради вин не зри нерадивого, но аще мощно отдай ему еже имаши, да не во онаго, злотворении и ты, аки злотворец осудишся.

ИЗВЕЩАЯЙ. Боже, сохрани мя от того и помилуй еже бы в коем нерадении и погрешении человека что пострадати ми, о чем содрогается мое сердце, и ужасается душа моя, и ум семо и овамо обзирает да не придет ми чуждый грех. Изволю послушества ради Божия выше моея силы в пользу иных глаголати, негли худосилию моему ведый тайная сердец силы подаст ми некия. Тем же, забыв скорбь и труд мой, паки подяремник бываю заданных словес ти, ими же паки многая делания предложил ми еси, собирая и считая сия и сия, и сими в некое смущение сердце мое вводишь. Яко забыти ти первых моих трудов словеса, и оставивши тягости вещей сени и сны некия погонять. Тем же глаголю ти, блюди и ты не имети себе сердца строптива, и уклоняющегося от Господа.

ТРЕБУЯЙ. Известно я тебе чиню о себе, что я не хощу имети свое сердце Богови непокорно. Ибо не того ради приидох семо, да суетно время на словеса твоя изнурять. Понеже лукавнующие потребятся. Но болезнь сердца моего и страх подвижемся в сие и труд сего обоюдности составить понуди. Яко ведати уже последнее се время, а вещам прореченным несбытие еще. Чего и ищу и требую, да глаголеши аще есть оно, и како разумети.

ИЗВЕЩАЯЙ. Гряди прочее и испросим у отверзающего умы на сказание се подобательного решения.
Речеся бо выше: небо не даст росу, облака не дадут дождя. Последовательно и земля бесплодна явится. Рекам иссохнуть, рыбам и четвероногим животным помереть, от чего и человеческий глад и толикий мор яко воздуху от телес повергнутых возсмердится и так не по части, но по всей земли. И злату множеству по земли лежать никто потщится собрать и прочая елика от Ипполитова предложил ми еси. Им же во дни антихристовы быти сказуется.
Негли сия из примеру онаго взялось, кое заключение небеси не оросит не дождит землю случится во дни Ахава, царя Израилева. За еже отступил Бога Творца всему Израилю ко идолопоклонению. Отнюду же и гладу на земли належать полчетверти года, по пророку Илии. Или сему взяться от Апокалипсиса, от главы 11-й. В ней же пишет: яко Енох и Илия имут власть затворити небо, да не снидет дождь на землю во дни прорицания их. И вонми власть имут вещью же покажут ли везде. Подлинно на том положиться неизвестно. Понеже аще сим так веществом быти, то Христова Словеса праздны останутся. Ибо Сам Христос о днях последних рек в примере тако: якоже бысть во дни Ноевы, якоже бысть во дни Лотовы, до самого часа погубления, человеки ядяху и пияху, женяхуся и посягаху, продаваху, саждаху, здаху. Тако (рече) будет и во дни Пришествия Моего.

И зри, убо пред потопом и запалением содомским был ли глад или было ли неплодие земли. Никако. Но всякое тогда неистовство страстное, чревообъядение и пьянство, игры и блудодеяние и прочая яже прокладу последуют быша. Так и во дни антихристовы будет. Яко же на оная Христова Словеса Златоуст, Феофилакт и прочии глаголют. О чем дадим при указы на своих им местех. Тем оставивши вещественное сие небо и облака. О невещественном Небеси, сиречь о Церкви речем. То бо по Святых глаголется второе небо, и паче аернаго. Но подобно есть Эмпирейскому небу, идеже сам Христос пребывает. А о росе, сиречь о Благодати Христовой умствуем. Кая нам от церковнаго небеси чрез Святыя Тайны подается. Сия на нас роса сходит во время рукоположения. В неже сия роса сходит и творит архиерея и иерея, сия роса сходит и творит дьякона и прочая церковнаго служителя. Сия роса сходит и творит храмы освещены. Сия роса сходит и творит приносимый хлеб и вино в Жертву Тело и Кровь Христову. И сия роса сходит и освящает миро в разная освящения. Сия роса сходит и освящает воды и все собрание христианское свято содевается и всякия нечистоты прогоняет.

Но во дни антихристовы таковая роса от Небесе церковнаго, а наипаче рещи, от Небеси Святаго Жилища Христова, сходить престанет. Тем же и на предреченные действа Благодать Святаго Духа (истее рещи) не приидет. Речет ли кто: яко и прежде на противных действа не схождаше Благодать сия, обаче не глаголася, небо не даст росу. Отвечаю: яко тогда в чинах Святая Церковь не оскудевшая бяше, аще негде еретичествующих соборам изобиловать, не где же и Благоверных Соборы. А во дни антихристовы, повсюду церкви видимых священных чинов обладает ересь, о чем и в Катехизисе большом во главе 4-й пишется.
Тем же и до конца оная роса престанет. Но да не глаголет противник зде, яко по сему и во истинных всех христианах благость престанет. Зде не о сем ест слово, но о соборнейших местах, идеже полности обыкновенно совершать чинов тамо престанет, а не в коемждо по себе правоверующем. Ибо христиане до конца пребудут по Словеси Христову.
Яко не прейдет род сей и паки Сын Человеческий пришед на облацех и обрящет ли веру на земли. Обрящет, но не во мнозех. За долготу подтвердить сия свидетельства и оная не восхотел ибо сия мощно и отсюду разумети. Яко же Христос во Евангелии глаголет: аще кто любит Мя, Слово Мое соблюдет и Отец Мой возлюбит его. И обитель в нем сотворит. Но услышим что по престатии росы хощет.

ОБЛАКИ НЕ ДАДЯТ ВОДУ.

Облаками наричутся и Апостолы по оному словеси во Апокалипсисе: и видех и се облако светло и на облацех седяй подобен Сыну Человечу. (глава 43 стих 179)
В толковании сказует некую силу быти Апостольскую. Чистоты ради и легкости, яко же рече Давид: сиде на херувим и лете и возлете на криле ветреню. Но не о сих зде слово, яко же преди рехом. Глаголются облака и учители. Апостол же, ложных учителей облаками безводными наричет, всякими ветры носимыми. И зри убо Апостол коих еретиков облаками безводными нарицает. Сих Ипполит глаголет, облака не дадя воду. Но только ли ложные учители не издают воду учения. Издают бо и сии, но аки пепел посыпающий землю, во еже не сотворити плода в небесное Царство за противление во иных.

ЗЕМЛЯ ОТВЕРЖЕТСЯ ПЛОДОВ СВОИХ.

По что понежене будет напоена дождем истиннаго учения. Ибо где учения праваго несть, тамо и добрых плодов нет. Земля глаголется и есть сердце наше, по Словеси Господню. И сия земля глаголется земля закаменная. Глаголется земля притлаченная (утоптанная). Глаголется земля тернием подавленная. Глаголется земля благая, семя же падающее вино слово учения. О чем Евангельская притча нас научает. Но сицевая земля сердце наше отвержется свойственных ему дел, сиречь благотворения и правды.
По псалмопевцу: Спаси мя Господи, яко оскудел преподобный, яко умалишася истины от сынов человеческих. Суетная глаголя кождо ко искреннему своему, усты льстивые в сердцы, и в сердцы глаголаше злая. До зде псалом.
Кой писан бяше на восьмой век. И сия суть дела, не свойственная плода земли сердца нашего. Но свойственная Духа его. Плод первый и сей есть, хранити веру праву и делати Господни Заповеди. И наибольше всем заповеди совершаются, еже себе не хощеши и иным не твори. Се есть естественный закон человек всех. И сие ныне естественное сердца плодоношение многими отвержено. Тем же и глаголет.

МОРЕ ИСПОЛНИТСЯ СМРАДА.

Виждь убо како естественных сердцу плодов отложением приходит грехи воссмердетися. И тамо убо частное речеся. Ныне же на общее и соборнейшее всего народа прииде. Ибо море по многим толковникам нарицается мир сей. Зане якоже в море непрестанное колебание и перемены, тако и мир сей великим непостоянством исполняется и обдержится. Смрад же его сия суть: зависть, серебролюбие, чревоугодие, блуд, гнев, гордость и небрежения. И сия проявляя Господь древле иудеям смрадности грехов, повеле животных в жертву приводимых внутренняя вне полка изметать, глаголя се грех есть.
Толики бо Богу противны суть грехи. Яко же и нам внутренний кал мерзок и смраден. Сими глаголет мир сей возсмердится, а наипаче мерзостью греха серебролюбия, корня всех злых возсмердится. Его же ради вдов и сирот очеса слез в мире сем исполняются. И многия избиены и обижены. Сего же ради и земля исполняется блуда и прелюбодейства. Его ради отравы, злодейства, разбой. Его ради, ложное свидетельство, неправедные суды. Его ради обиды стеснение и границ прехождение. Его ради ненависть, лукавства и обманы. Его ради свары и вопли и любви погубление. Его ради Законов Божиих и Церковных презрение. Его ради человекоугодие и слепота душевная. Его ради и разум Божественнаго Писания и правда в человеках места не имать. И сими грехи мир сей смрада наполняется. Того ради:

И РЫБЫ ЕГО ИЗОМРУТ.

Рыбы есть суть глаголются человецы, винами грехов умрут душевною смертию, яко же живота Спасения неимущее, то есть Истины. Рыбами убо человеков наричет и Христос мрежею же учение Апостольское, по оному: якоже Петру Предтече глаголя: отныне будеши человеки ловя. И паки: и даша ему рыбы печены часть, и прочая.
В токовании : рыбы убо печены часть снеде Христос являет, яко наше естество в сладости жития плавая, огнем своего Божества испек, и всю еже имея от глубины волны мокроту в землю и истер. Божественное брашно сотвори. До зде Евангелие учительное. В неделю 18-ю.
Но яко же в смрадных водах не могут рыбы живы пребывать, тако и в суеверии и в смраде греха душа человеческая не может от Бога оживляться. Се бо и живот есть душ, да веруют в Господа нашего Иисуса Христа и знают творити Заповеди Его. Но яко всего того презрением явитися. Тем же наведе глаголя.

РЕКИ ИЗСОХНУТ.

В толикия убо скудости глаголет времени онаго ради нахождения прийти, яко людем ослабеть и вознерадеть, яко уже и Учения Истинна не являтися. О чем свидетельствует и сам Святый Ипполит тако глаголя: во дни оны наведет Господь ветер (сиречь антихриста) от пустыни на ня (се есть на Церковь) и иссушит жилы ея. И вси сосуди вожделенные потребятся яко сопротивишася Богови. До зде Ипполит.

Но кия суть источники Святыя Церкви: источники суть тоя Истинное Учение, по оному: веруяй в Мя, яко же рече Писание, реки потекут из чрева Его воды живыя. А наипаче глаголет: опустить источники ея, суть бо и глаголются источники источающие правое учение архиереи и прочии учители. Сих опустит антихрист нашествием своим, и не имать быти в них не просто учения, но и истиннаго учения, сего бо опустит. И сии реки напаяющие души, из них перестанут тещи. О чем и от Златоуста прежде речено бысть, и не токмо, но и в самих христианах оскудеет и пересохнет учительство сущее.

О чем негде и Ефрем Святый глаголет: тогда узрит лица слезна всем, и любовию вопрошающа, есть ли где Слово Божее. И не будет Его слышати нигде же. И сие истое являет той же Ипполит глаголя: море ниже не приемля речные струи. Смраду подобнее возсмердится, и зловония бесчисленного и гнуса исполнится. Зри же такова та вода вкусом будет, аще протекающих сквозь вод не возъимать. Не яве ли смрадна и тинява. Тако и человецы не приемлющие Истиннаго Учения, не смрад ли плотского угодия и страстного жития из них возвеет. И яко сицевыми злыми исполнишеся грех ради.
(На полях книги записано: Книга "Щит веры" ответ 360-й. Лист 589. Реки нарицает Истинное Учение, море же мир сей. И сицевому морю, сиречь неправедному и лукавому миру, не приемшу оныя реки сиречь Истинное Учение Христово и Святых Его. Того ради и смердеть нечестия ради и беззакония.)

И ЗВЕРИ НА ЧЕЛОВЕКИ ВОСТАНУТ.

Кои убо звери: человеки сия, иже аки звери не милостивые, не щадящее овец Христовых, ложные учители или самые мучительные человецы. О сем послушаем откровения Святаго Иоанна: и видех в видении (рече) кони и сидящих на них имуще броня огненные и акинфяны и жупелны. И главы коней их исхождаше огнь и дым и жупел. И от трех язв сих погибе третия часть человек.

Толкование: кони глаголет блудодеи и скотския человеки. (Записано на полях: неприемлющии Благодати Святаго Крещения овии отнюд скоти и зверие. Книга Григория Богол. На Крещение Слово 2 толк. 2.) Или сущия демоны. Всадники же совокупляющиеся с ними. Обычай есть сим не токмо собою, но и злыми человеки аки сосуды некими человеком пакости делать. Огненные броня на аерных злых духах знак вечного горения. Главы же львиные, убийственное их, и звериный зрак, глаголет. А еже от уст их исходить огню, ядовитыя их напасти, от них же восходят грехи. Плоды сердечныя попаляюще.

Во втором толковании сказует: сии коня суть еретики, сидящие же на них властители, к ним же они прибегают, и гонящие верных и хулу возводящие на Святую Церковь. Ея же тии кони без узд сиречь еретики не приемлюще и не содержащие законоположения и догматов церковных, но вся мудрствующие плотски. И на о обличающих их гневливы, по образу львиному. Испускающие из уст своих огнь и дым и жупел, сиречь учение смертное и уготовляющее человеки последующее им вечному мучению вещами сими. (Ниже) И ошиби их подобни змием, имуще главы, сиречь навыкшие учению их и последующее, и тии по образу змииному, возмогут уязвлять не хранящихся их.
Или и сии звери, коих в том же Апокалипсисе во главе 25-й в стихе 114, прузи исходящие на землю. Коим дана область вредить человеки тыя, кои не имут Печати Божия на челех, коих в толковании сказует совершение злых дел пакости в души. От них же аще бы не прекратил Господь дний тех, не бы спаслася всяка плоть.

СКОТИ И ЧЕТВЕРОНОГАЯ ПОМРУТ.

Скоты образом и скоты словом, глаголются языцы лишенные истинного разума. Зри убо на псалом 148. Толкование. И еще в "Лексиконе" на листе 232: яко уже антихристу пришедшему, языцы не возъимут надежду к Богу приведения. А не о сих четвероногих, кои на пищу человеком предложи Бог. Како бы се хотящее быти. Яко во дни антихристовы умножатся в человеках сласти, аще скоты помрут. Откуда мяса возьмут.
Слыши бо, что в книги "О вере" о сем сказует: яко антихристу пришедшему яже безместных сластей нападут на законопреступных, и своего Спасения не берегущих. Тогда и чревообъядения козлогласования, тогда пьянства. До зде книга "О вере".
Тем Истинное Слово и всякаго приятия достойно яко не о тех животных, но о человеках: тем и наводит.

ТОГДА ГЛАД КРЕПОК ПО ВСЕЙ ЗЕМЛИ.

И сего ради глаголет: Человецы от глада и жажды скончаются. Отец сына обоймет, мати дщерь в купе умрут, и прочая.
Сия бо вся словеса, несть чувств телеснаго глада, но душевного. О нем же в книге "О вере" лист 2: бысть глад крепок на стране той (ниже) послан глад на землю, не глад хлеба, ни жажда воды, но глад неслышания Слова Божия, иже далечайше, тяжчайше паче телеснаго. Им же от Истиннаго Познания удаляемся. О нем же Христос Господь рече: внидут волцы тяжцы в вас, не щадящие стада. И скончается един, востанет другий. На бедных иноков вину полагают, яко развращают. И се о гладе духовном.

В Благовестнем же Евангелии, Святый Феофилакт о времени антихриста тако глаголет: яко антихристу пришедшему, сласти похотные умножатся в человецех. И напитания и браки безсрамно уклонятся, яко же и при Ное исполины.
И Святый Иоанн Златоуст на Матф., в беседе 77: егда рекут мир и утвержение, тогда внезапу настанит им губительство. (Ниже) От зде показует, яко антихристу пришедшему, яже безместных сластей нападут на законопреступных и своего Спасения не берегущих. Тогда и чревообъядения, козлогласования, тогда и пьянства. Тем же наипаче и указание полагает ключающееся вещи. Присмотрись возлюбленный, аще не истина сие все в нынешняя времена исполнилась.(Ниже) А мнимые христиане не точию миряне, но и духовные, уже и в грех пьянства не вменяют. И паки сам Христос глаголет: яко же бысть во дни Ноевы. Тако будет и во дни Сына Человеческого: ядаху, пияху, женяхуся, посягаху, до него же дне вонь же вниде Ной в ковчег, и прииде потоп и погуби вся. Тако же и яко же бысть во дни Лотовы: ядяху и пияху, куповаху продаваху, саждаху, здаху и в он же день Лот изыде от Содомлян. Одожди огнь и жупел с небес и погуби вся. Потому же будет и в день он. В он же Сын Человеческий явится.

Толкование: сего ради внезапу и нечаемо Свое Пришествие являет, яко же при Ное внезапно прииде потоп и потопи вся. Тако будет и Пришествие Его. Являет же указа ради и сего потопом, и еже над содомляне. Яко антихристу пришедшему, безместными сластьми обложении будут человецы. Блудники будут, и в беззаконные сласти отдадутся. Еже и Апостолом рече: яко в последние дни будут человецы сластолюбцы, паче нежели Боголюбцы. И достойно в царство лестьца процветут злая, лукавство и всякаго греха жилище, то нечисто инаково житие сотворити. Окаянный тогда человеческий род. От нечиста бо кто очистится. Будут бо тогда человецы во всякой пищи, яко же и при Ное, ничто же зла не чающие, но и не веруют еже им кто о каковом чем случится глаголет. Яко же при Ное и Лоте. И паки пишет Святый Златоуст: достоит (рече) и оно поискать, аще антихрист придет и Илия придет. (Ниже) знамение будет Пришествия Христова. Но яко Христос не будет иметь знамения, но внезапу и ненадежно приидет. Ибо рождающая играючи и смеясь, ничто же отнюдь предвидит, внезапно неизглаголанным объята бывши труды, пресекается болезнями. Сице и души оной, дню нашедшему Господню, и не избегнуть. До зде Златоуст.

От сих предложенных свидетельств яве есть, яко такову гладу и такову мору по телеси не будет, но токмо по души. Каковым бо то браком бысть, каковым веселием, какову пьянству и прочим, аще толик глад, и толикия оттуда происходить хотящие преужасные смерти. Не ядущим бо и не пьющим брака во уме не имать быти каковыя бо то браки. Отец сына, мати дочь обьемши помирать от глада будут. И телес, повергнутых земля исполнится имать и смраду толику злу наносится от телес всюду. Не страх ли се. Не трепет ли. Кое уже ту бракосовокупление. Кое купечество. Кое здание. Никое, иде же всех утомление, измождение и удом недвизание.
Но оставивше сия внутренних страстей судителем, грядем ко Евангельским Словесем непреложным. Ими же доказано подобие Ноево и Лотово. Ибо перед Ноевым потопом и содомским запалением, не мор бяше кий, ни же паки глад, но нечаянное всегубительства нахождение. Сице разумей быти и день Пришествия Господня на вся живущия, и такожде разными потребами пекущийся, внезапу вся восколеблется и вострясется. И вся светила погибнут, и тьма и громи и молния и скрежетание воздушное и всему изменение найдет нечаянно.
А сие еже глаголет: отец сына обнимет, мати дщерь и вкупе умрут, любве союзом связавшееся, един другаго сожалеющее, не хотящее расстаться, и временные жизни лишиться. Един другаго ради душевною смертию умрут. Аще же не сице то како может сие быти. Отец сына и мати дочь обьемши умрут.

Зри, яко всяк толиким гладом утомленный имать вся жилы и составы ослабевшие. И тако к смерти приближенный может ли кого обнимать. И наипаче таким выбором, что бы отец сына и дочь матери умирая обняли и тако обоим и скончаться. И како может се быти. Не равное бо время смерти бывает по силам, тем и иному нужда прежде умрети, и другому после. И отец бы ныне умирал, а сын еще здрав. И како то объятие пребудет. И сын оставшись по отце смерти достигший, кая ему нужда мертвое тело отца умирая обнимать. Не вем. А наипаче глаголют, не по естественному времени в гладе приходящая смерть злейше естественного нахождения. К сим же и сие: яко в мале то кому бывает, еже бы при разлучении души своих сожалеть и тако обнимать. Но паче в той час смертный свойственно есть всякия жалости от своих отпадать. Тем и обнимать вещь зело не свойственная в смерти, и так умирать. Яко ни самое естество то смертное соделать оставить, егда вся силы оскудевают.
Но оставим сия суесловия, токмо едино се разумеваем, яко се объятие знаменует любве связание и сожаление детей и сродник, и тех ради отступление веры изволять, неже с ними разлучиться. Еже многажды и во многих се видимо есть. Отец бо сына, а мати дочь паче любят. И от такового глада и видимые смерти.

ПОВЕРГНУТО БУДЕТ ЗЛАТО И СЕРЕБРО НА МЕСТАХ. И НИКТО ЖЕ ВОЗЬМЕТ НИ СОБЕРЕТ.

Но кое есть сие злато или серебро. Сие Словеса Господня, Словеса Чиста, серебро ражденно и искушенно земли седмерицею. И паки: раб лукавый подобает ти серебро мое отдати торжником. И еще вотще серебро бияй: сиречь Словеса Божия глаголяй. И о сем довлеет виною краткости. И сицевое серебро Господне в жизни сей вознебрежено будет, и суетно возомнится собирать его. А не гроши. Их же ради мнози готовы души предать, нежели тех отщетитися.
Вонми же: во дни антихристовы сластям и пьянством умножиться, и браком безчинное пожелание, и домов здание, и купечество до Дне Суднаго непременно, сказа Христос, быти. И како бы хотящее злато и серебро валяться на путях, и ни кто бы не взял его. Не имать быти сие, аще Христу верить. Кто сласти имети может аще грошей не востребует. Кто к браку приступит без злата. Кто купечествовать может без злата. Кто храмы созидать без серебра может. Ни кто же. И аще оная до Дне Суднаго будет. Убо и злато и серебро не отменно будет. Тем вероятнейше се, яко злато и серебро Слово Божие в народе вознебрежено будет, и тое ни кто соберет, ни возьмет. Того ради и вси мнятся во еже бежать от супротивного, но ни где возмогут с пути сопротивного убежать. Яко дела его с собою имут. Тем и удобо ведомы ему явятся. И о сем довлеет.

ТРЕБУЯЙ. Благодарствую твою ко мне любовь, яко толик труд мене ради возымел. В нем же толикое время делания вознебрегл еси, во еже требование мое удовлетворить и в недоуменных Писанием разум подати.

ИЗВЕЩАЯЙ. Да не будет сие на мое невежество возносить. Аки бы я то решение подал есть, ни убо ни. Ибо я человек суете раб и пленник всяких страстей и невежества полн есмь, выну ум в земная пригвожден имать. И сие ли мне приписать свойственно, но Бог хотяй обще всех Спасения. Непрестанно желает нам всем в разум Истинный прийти и познать, что есть богатство Его Благости. Тем и всякаго приходящего к Нему в простоте сердца и требующего о чем разума, через посредство некое подает наставление. И тако взаимно глаголяй и слышай полезная и желаемая взскуют. Несть же дивно Всемогущему и Всепремудрому Богу нашему и ослом словесныя человеки научить. Мною невеждою к Славе Его что ти вещать. Тем же благодарим исполняющего во Благих желание наше и прославляем всегда милосердие Его. Аминь.

ГЛАВА 12. О АНТИХРИСТЕ.
Великаго ритора и философа и изящного проповедника Слова Божия, блаженной памяти Андрея Дионисиевича. В подтверждение и заключение предреченных словес.

Помяните дни вечныя, разумейте лета рода родов. Вопроси отцы твоя и рекут тебе. Пророческие уста научают нас. Тем же и мы послушавше Богопроповедника, не дерзаем сами собою от дней вечных прореченных от тайнозрителей пределы познавати. Но наученное от древних Боголюбивейших отец старец подщимся со усердием держати. Ведающе сие, яко они не смущенным века сего страстей прахом очима взираху, но во очищении плоти и духа облиставаеми параклитовым просвещением вся рассмотрев их же благовернейшему сказанию внимающее потщимся усмотреть о 4-й Римской монархии. Познати же и мудролюбца Стефана митрополита, каково о сей монархии мудрование яже он во своей книге на 40-м листе сице предлагает.

В книгах Даниила пророка, Дух Святый устами пророческими изъявляет четыре начальнейших монаршества пребывающих даже до скончания мира, последовательно друг другу последующие. Изъявляют же ся сие, образом идола. Его же глава злата: 1-е монаршество Ассирийское. Перси серебряные: 2-е монаршество Перское. Чрево медяно: 3-е монаршество Греческое. Голени железные: 4-е монаршество Римское.

Яко же бо голени две суть. Тако и царство Римское двоечастно бысть. На Востоке от Константина Великого начало имуще в новом Риме (си есть в Константинополе) и на Западе в ветхом Риме.
Сокрушенней убо сущей единой голени си есть монаршеству Римскому на Востоке через турок. Пребывает еще другая голень на Западе, и пребывать будет даже до пришествия антихристова. Тако глаголет Даниил пророк во главе 2-й. Ты царю видел еси сон. И сие тело едино велие стоя пред лицом твоим. Тело, его же глава от злата жива, руце Перси и мышце его серебряные, чрево истесне медяно, голени железные и часть некая скудельна. Видел еси дондеже отторжеся камень от горы не руками, и ударил тело в ноги искудельне и истини е до конца. Тогда истерлась зело, скудель, железо, медь, серебро и злато. И бысть яко прах от гумна летнего. И взят и премногий ветер, и место не обретеся им. Камень же, иже разрази, бысть гора велика. И наполни всю землю.
Сон сей или видение толкует сам Даниил пророк. Тамо же во главе 2-й. Глаголя Навуходоносору царю Ассирийскому: ты еси глава злата о царю. Тебе же Бог даде крепость и державу и поставил тя властелина всем. И прочая. И в след тебе восстанет царство другое, мнее тебе, (еже есть серебро). Царство же третье, еже есть медь. Еже соодолеет всей земли. И царство 4-е, тое будет крепко, аки железо. И прочая.

Внемлем толкованию Метафрастову в житии Святаго Даниила пророка. Глава злата ты еси о царю Навуходоносоре и прежде тебе бывший цари Вавилонские. Восстанет же по тебе царство другое, мнее тебе, еже есть серебро. Две же руце и мышце знаменают два народа Персидский и Мидийский имущие прияти царство Вавилонское. По сих, будет царство 3-е, еже есть медь. Восстанет бо некто, облечен в медь. (Будет же то Александр Македонский). И разрушит онех царствование. Четвертое еже царство крепкое, аки железо. Яко же железо стончевает и умягчает все медь серебро и злато. Сице царство оно утончит и умягчит все. (Царство же то будет Римское.) Две же голени, знаменают две части того царства, Восток и Запад. Эллинов и Римлян. Персты от части железные, от части же глиняные, знаменают, яко после разделится то царство на многия части и ослабеет яко скудель. И само о себе будет сокрушенно. И сия убо в книжице оной (Стефана Рязанскаго (32)). И прочее тамо утверждено мнение оно, еже Римская область стоит единою голенью.

Чуждуся же: како глаголяй (Стефан) повыше: внемлем толкованию Метафрастову: а сам не внятно исследовал сказание его. Тамо бо того разума в пророчестве и толковании, еже после на единой голени стоять оной четвертой монархии, не обретается. Тем же и мудрствует сим Стефан, от себя глаголет и на своем мнении, а не на пророческом и Метафрастовом, ниже на ином коем, от богословцев глаголанном утверждается. И всуе и туне пророка и Метафраста к своему мнению привлекать покусился.
Понеже его разуму ни мало обретается у их помагающе. Сопротивно же паче назнаменоваше, яко после разделится то царство на многая части и ослабеет, яко скудель и само о себе будет сокрушенно. Яко бы же уже и познавается сбываемое. О чем в последующих, не от себе, но от Божественных Писаний, показати потщился. Ныне же совокупно к вышереченному Даниилу видению, другое его в главе 8-й и видение от Ипполита и прочих Святых сказанное. Яже мы вкратце изречем, убегающе многословия, попечение имуще точию опасно изследовать о 4-й монархии.

Видех (рече Даниил) 4-е зверя от моря восходящие. (Се есть 4 монархии вселенной обладающие друг по друзе.). Зверь 1-й, яко львица (се есть царство Вавилонское). Зверь 2-й подобен медведицы (се есть царство Персидское). Зверь 3-й подобен пардусу (се есть царство Эллинское). Та же по сих зверь 4-й, страшен преизлиха (се есть царство Римское, от августа Кесаря на Западе единоначальствовавшее вселенною, потом же от Великаго Константина на Востоке в Царьграде пренесенное.). В сем 4-м звери, видел Даниил, 10 рог и потом единонадесятого.
По сем убо что остает, (глаголет священномученик Ипполит) сказать нам, разве следовы ног образа, 10. Царств яже от него восстающих, яко же сказа Даниил: видех бо зверя (сиречь 4-го) и 10 рог по нему, в них же взыде иной рог, яко же отрасль, и три яже прежде его, искоренении. Его же являет рога отрасль самого антихриста быти. До зде Ипполит.
И се убо богозрительный тайнозритель пророк, обоих видений исследователь, не рече когда Римской монархии на единой голени стояти. Но толкуя следы ног, яже во звери виденные рога, 10 царств восстающих. И потом единонадесятаго показует. От них же бывает нестояние Римской монархии, но доводствуется от Писания, уже конечная пострадати. Видех бо (рече Даниил) от гласа словес великих, яже рог он глаголаше дондеже убися зверь, и погибе тело его, и дастся возжжение огненно, и прочих зверей преставися власть.

Услышим что о сем 4-м звере изследствует сказанием Иаков, иже от жидовского мрака к свету Евангельския Истины пришедший во дни Ираклия, царя греческого. Беседуя от еврей приводя в благоразумие. Тако в его книге написано: аще четвертому царству, еже есть греческая земли, оскверниться и разделиться и сокрушиться. Яко же рече Даниил: по истинне ничто же будет ино, но токмо 10 перст и 10 рог 4-го зверя, и прочее малый рог переменяяй все боговидение и абие скончание мира. И паки ко Иакову (мудрый от учителей еврейских) и от уст рече: Господи Иакове, сокрушаемой греческой земли, и разделяем от язык, и в десять местных князь бывающей, подобает лестьцу диаволу прийти. И глагола Иаков: ей поистине, Ермолай льстец хощет прийти, разделяемей гречестей земли. И горе есть принимающему его. И паки ниже: яко смятение язык, и еже смиритися царству римлян, ничтоже инаго знаменает, 10 рог, и прочее хощется явити малый рог и Ермолае: се же есть диавол, и скончание мира.

Внимай и зде читателю, не глаголет и сей исследователь пророческих словес, еже бы когда Римскому царству на единой голени стоять. Но поведают ему в разделении сокрушение и десяти перст или рог, и малого рога диавола восстание. И сия убо предповествованная от издревле бывших, и быти хотящем напоследок. Внемлем отсюда, что Писание повествует уже сбывшаяся, еже мы вкратце речем в самих книгах пространству о сем лежащу. И смирение убо греческой области наченшееся повествуют учители, еще от лет Ираклия царя греческого, расхищением от язык. Разделение же тоя чевертой монархии, еже есть греческого царства, еще тогда сотворшеся, егда в Риме отступили от греческого царства, в лета от Рождества Христова восьмисотого. В книге "О вер" в главе 21, и Бароний в лето 799-е, и от прочих историков повествует. По сих от папы Формоса на Западе возмущение различными раздоры и ереси, та же потом 1000 лет дошедши от Воплощения Божия Слова, по объявлению богословскому во Апокалипсисе в главе 28-й.

От развязанного диавола поветрием тяжким поражен бысть запад. Чти о сем в книге о правой вере, глава 30, на листе 271-м. И в главе 28, лист 244, и в главе 27-й, лист 238. Но убо яко же исследовать начали 4-го зверя, 4-я Римская и Греческая монархии. Видим ныне до конца разделением на многия владычества, царственная тая единственная держава от давних лет уже сокрушенна. Свидетель сему неложный Блаженный и премудрый Максим Грек Святогорец. В слове еже на Моамефа сице глаголя: что ино ждем аще не будушую кончину всяческих, по Божественным Писанием, а наипаче агарянскому мучительству от лет Ираклия царя начавшуюся. И многие и лучшие страны вселенной под ся покорившу. И покорить всегда попущаему Судьбами Божиими Непостижными. И православных царей царствию на многа начальства раздельшуся. И довольна уже лета от агарян разорену бывшу. И исправление ни откуду же получающу. Сопротивно же паче останком, западные Римские области державы на многа королевства и государства разделенном, и беспрестанно между себе враждебно живущим, и друг на друга воюющим. До зде Максимова слова.

Что объявленнейше сих свидетельств во пророчестве Данииловом и у толковников сказано: яко тому 4-му царству разделением на различная владычества, не стояти на единой голени, но сокрушиться. Та же по сбытии уже поведают учители, яко попущением Божиим и разделившуюся, и от агарян разоренную бывшу. А и о остатном западная Римская области на многи государства разделенном. Каковых государей из того 4-го зверя, сиречь из тоя всея области римския изникших, тайнозрители Даниил и Иоанн рогами уразумеша, и снести плоти ея, и дати в сожжение им прорекоша.
Якови видится коемуждо из тех самодержец, тое великое тело 4-го зверя область пререзавшим и разделившим по державным своим частям, и внутрь того прежде бывшего единаго тела, друг на друга беспрестанно воюющим и разоряющим.

Инако безместно сие мнение. Еже рещи Рим монархиею 4-ю стоит на единой голени, уже сокрушившимся голенем, и перстом восставшим, не в единой державе, яко бы в единой голени, но коемуждо своею державою, крепящимся, и друг на друга ратующим. Нарещи ли нынешняя Римская столица областию, но не четвертою великою монархиею, и мнети на единой голени стоящею. Но уже разве отделенным перстом к другим перстом, или рогом изчисляющимся. Сиречь тоя великия монархии частным уделом меж другими самодержцы. Да и то не своею областию и не царскою, но папскою еже пребывает (по описанию учителей) восхитив на ся Божию и человеческую власть, (по проречению Павла Апостола и толковника его Златоустаго) аще и Стефан митрополит мудрствуя: стоит Рим четвертою монархиею на единой голени. Он же глаголет в вышепомянутой его книжице и Павлово и Златоустаго проречения о Римской власти не сбылось. Обаче первые церковные учители яве поведают, уже збывшеся. И Павел убо к Селуняном пиша во главе 2-й сице глаголет: и ныне одержащее весте, во еже явитися ему во свое его время. Тайна бо уже деется беззакония, точию содержан ныне дондеже от среды будет, и тогда явится беззаконный.

Златоустый же на сия словеса в беседе 4-й пишет: власть Римская егда возьмется от среды, тогда он придет. И в лепоту: донеле же бо сея власти будет страх никто же покорится. Егда же тая разорится, нападет на безначальство, и человеческую и Божию поищет похитить власть. Сия Павлова и Златоустова словеса в книге о правой вере во главе 30-й, засвидетельствует, уже сбывшаяся. И не точию: но и в книзе Кирилла Иерусалимского в толковании на знамение 2-е напечатано: папа же римский отринувся от греческой области и от царства, и взяв на ся не токмо престол и власть царскую и святительскую но и Божию, и прочая. Тамо же о нем. Вопросит некто: что есть у папы римскаго похищение человеческая и Божия власти. Отвещаем: похищение человеческия власти яве на нем показуется от вышереченных, еже от царства греческого отринувшеся. На ся папежеве мирскую власть восприяша. И от толь и поныне в Риме начальствует. Аще и не имеют начальства над всею четвертою бывшею монархиею. Понеже пали в разделении тоя монархии на безначальство, и не единовластительство над вселенною царственное, но частию тоя монархии обладают. Яко же и выше показахом.
О Божия же власти похищении, обличают папежа православные учители. Мелетий патриарх Александрийский в послании 4-м: препояса бо (рече) римский архиерей начало или власть некую мучительскую, и имя мучительства поддаде. Еже бо всем блаженнейшим архиереям и учителям, вселенским посполито (сиречь обще есть) римскии же все единому себе привлачити насилует. Папою хотяй называтися един, и един быти церкви началом и главою. (Ниже) Зане велия некая глаголет о сем, и самому себе достоинство некое и власть утворяет. Ими же Сына Божия начало и господство низлагает.
Но сие велеречие зверю некоему свойственно быти провиде Даниил муж желании: некоторому зверю уста бяху велия глаголющая. (Ниже) еже бо себе вместо Христа соборною главою нарицать, яве есть яко чуждым Христа творит, восхищая себе начало и власть Христову. И паки далее о папе: или занеже уста велика глаголюща, иже провиде пророк, яко и времена и закон переменити размыслил.

И сия убо вкратце от послания Мелетиева вписах: хотяй же пространнее уведати, да чтет все оно послание 4-е, таже и 5-е. На конце Кирилловы книги, положено и в книге о правой вере главу 20-ю о римской власти. От сих убо вкратце реченных яве доводствовася от церковных учителей, яко царская римская единоначальствовавшая власть давно от Рима взята. И та великая монархия пала на безначальство. Разделена на различная владычества. Их же Даниил рога и персты провиде. И папы уже восприяша на ся издавна человеческую и божию власть.
И всуе и туне потятся мудролюбцы века сего, краснословием своим скрывать. Бывающим уже толь превелием вещем разделением 4-й монархии. И в разделении тоя развязанием диаволием страждушей вселенней, по попущению Праведных Судеб Божиих. Тем же и мы при конце возответствуем готовыми словесы, в книге "О вере" в главе 30-й, идеже приводит Святаго Ефрема от слова 8-го, сице глаголющу: убоимся и мы любимицы мои да не имы при в сия впадем писанная во вся совершишася. И несть ино ничтоже прочее, токмо соперника нашего, еже есть антихристова слава, наконец бо римского царства подобает всему совершиться.
Сия же Святаго словеса сбытием довольствует. Списатель книги о вере, сице глаголя: что же несть ли убо совершилось о римских царях, яко перестать сим царствовати. Но ниже убо слышится имя римских царей за многая лета, в последнее ныне время, яко бы рещи от Великаго Карла. Всю же власть от тех времен царскую и святительскую папа на себе привлече. (Ниже) Тем же несть нам что к пользе, еже прекословить с Церковью и со Святыми и время отлагать, но всегда ожидать яже писанная Святыми, и готовым быти ко ответу. Аминь.

ГЛАВА 13. ОКОНЧЕВАЮ ЕЖЕ МОИ СИЯ ТРУДЫ О АНТИХРИСТЕ, СИЦЕВЫМ ПОТРЕБНЕЙШИМ ИЗВЕЩЕНИЕМ.

Колика убо в том потребнейшая нужда ведати наступления антихристова. Еяже не вем чтобы было больше. Яко же Святый Кирилл передает, услышим.
Явственно воспоминает коегождо православноаго христианина, даже сими знаменьями вышеописанными о антихристе укрепившееся, и сам уже больше то уразумев, укрепился бы и всякому исповедал бы. Дабы ни кто не принимал лживого аки праведного. И еще укрепися сам человече. Имаши бо знамения, и не токмо един памятуй сие, но и всем без зависти поведай. Аще дети имать родные, то паки научи их. И аще кого учить начнешь, то первее в том укрепи его, дабы лживого не принимал аки праведного. Тайна бо уже деется беззакония.
О совершении трудов сих буди Слава, Честь и Благодарение в Троице Славимому Богу нашему во веки.
Аминь.

МОЛИТВА

Не нам Господи, не нам, но Имени Твоему даждь Славу в сочинении наших убогих трудах книжицы сея. Юже Азъ грешный приношу Тебе десною моею рукою. Ты же Владыко непрезривый оныя вдовы две худыя медницы, благоволи сии прияти, и милосердием своим недостаточное зде исполнити, известив и воздвигнув сердце некоего в лучшее. Мой убогий труд, по мне произвести, в пользу прочитающих и слышащих, великолепныя ради Славы и Милости Твоея к человеком. Яко Твое есть единаго Миловати и Спасати нас, ныне и в будущий век. Аминь.

Вы же о Христоподражательная и Богоумудренная братия прочитающе сию книжицу, аще что недоумно изречено обрящете на ми. Молю вы с покорностью (аще от Бога просвещени есте в разуме) ради любве Божия и братския в лучшее исправите. Ибо аще и подвиже ны некая мысль на сие, но в великом зело неупражнении быв коснувся сих трудов, зря некия о сем малоумных суетне меж собою прящихся, и решащих то, им же и в конец не подобает. При сем же и тех молю во обычаех иных урастивших себе не чюжде вменяти словеса книги сея, но вняти, яко ни что по себе в ней умствовано, но вся последством Святых Отец разуму и Церковных авторов писана, и в должная приведена, не к любопрению суетну но к самой душеспасительной пользе.
Аминь.

Конец первыя части.

Библиографический список: http://aksinfos.ru/oldbook/titin_02.html