ГЛАВНОЕ МЕНЮ
СТАРИННЫЕ КНИГИ
ИССЛЕДОВАНИЯ
АНАЛИТИКА
КОНВОЛЮТ
АПОКАЛИПСИС ИОАННА БОГОСЛОВА И ЕВАНГЕЛИСТА.
(с толкованиями архиепископа Андрея Кесарийскаго.)

Слово А (1)-е.
Глава А (1)

А (1) Апокалипсис Иисуса Христа юже дастъ ему Богъ показати рабомъ своимъ. Им же подобаше быти в соборе сказа.

В (2) Пославъ ангеломъ своимъ, рабу своему Иоанну иже свѣдѣтельствова Слово Божие и свѣдѣтельство Иисуса Христово елико видѣ.

Г (3) Блаженъ чтый и слышай словеса пророчествия книги сия. И соблюдающеи написанная, время бо близъ.

Д (4) Иоаннъ седмимъ Церквамъ сущимъ во асии. Благодать вамъ и миръ от Сущаго иже бѣ и грядущаго. От седми Духъ иже суть пред престоломъ Его.

Е (5) Иже от Иисуса Христа иже есть Свѣдѣтель вѣрнымъ Первенецъ из мертвыхъ князъ и царей земныхъ любящему ны и от грѣхъ наших разрѣщему ны Кровию Своею. И сотвориль есть намъ Царствие. Иерей Богу Отцу своему. Тому Слава и Дръжава во вѣкы. Аминь.

S (6) Се грядеть Господь со облаки и узритъ Его всяко око и иже прободоша. И плач и вопль сотворять о Немъ вся колѣна земская. Аминь.

З (7) Азъ Есмь Алфа и Омега начатокъ и конець глаголеть Господь Самъ, и бывая и грядый Вседръжитель.

И (8) Азъ Иоанн братъ вашъ и обѣшникъ в печали и во Царствии Небеснемъ. И в терпѣнии Иисуса Христове быхомъ во острове нарицаемомъ Патомѣ, за Слово Божие, и за свѣдѣтельство Иисусово.

Глава В (2) Видение в нем же видѣ Иисуса посредѣ З (7) свѣтильник.

Ф (9) Быхъ Духомъ в дни недельный, и слышах за собою глас велий, яко трубу глаголющу, еже видиши напиши в книги. И посли седми Церквам. Во Ефес, и во Измирну, и в Пергамъ, и въ Фиафиръ, и в Сардию, и в Филадельфию, и в Лаодокию.

I (10) И ту обратихся видети глас. Иже глаголаше за мною. И обратихься видѣх З (7) свѣтилник златых горяща. Посредѣ седми свѣтилникъ, подобенъ Сыну Человечу, оболчен в подиръ. И препоясанъ присесцу поясомъ златымъ.

АI (11) Глава же Его и власы бѣлы яко ярина бѣла и яко снѣгъ и очи Его яко пламень огненъ.

ВI (12) Нозѣ ему подобни мѣди халколивановѣ яко в пещи разженѣ.

ГI (13) Глас же Его яко глас вод многъ.

ДI (14) Держай же в руцѣ своей десней звездъ З (7). И изо уст Его мечъ обоюдуостръ изоостренъ исходяй. И лице Его аки солньце сияетъ в силѣ своей.

ЕI (15) Егда видѣх и падохъ пред ногама Его яко мертвъ, и положи десницу Свою на мнѣ и глаголя не бойся, Азъ Первый и последний, и живый и быхъ яко мертвъ, и се живъ есмь и во вѣкы вѣкомъ Аминь.

SI (16) И имамъ ключа смерти и аду.

ЗI (17) Напиши убо яже видѣ. И яже суть и им же подобает быти посихъ. И тайну седмь звѣздъ якоже видѣ на десницы Моей и З (7) свѣтилникъ златых, и З (7) звѣздъ ангелъ седми церквей. Суть седмь светильникъ. Седмь церквей есть.

Глава Г (3). Написание къ Ефеския церкви ангелу.

ИI (18) Ангелу Ефеския церкви напиши глаголящя тако глаголеть. Держай З (7) звѣзд в десницы Своей ходяй посредѣ З (7)-ми свѣтилникъ златых вѣмъ дѣла твоя первая и труд твой и терпѣние твое. Не поможеши носити злых, и искусил еси глаголющаяся быти апостолы.

ФI (19) К сим же и дѣла скверных николаитенъ возненавидѣна суть. И обрѣте я лжа, и терпѣние имаши и понеслъ еси за имя Мое и трудися, но имамъ на тя яко любовь твою первую остави помяни убо откуду бо спаде, и покаися и первая дѣла сотвори.

К (20) Аще ли же ни грядути скоро и двигну свѣтилникъ твой от мѣста своего. Аще не покаешися но се имаши. И яко ненавидиши дѣлъ николаитескъ их же Азъ ненавижу.

КА (21) Имеяй ухо слышати да слышит, что Духъ глаголет к Церквам побѣждающему дам ему ясти от древа животнаго. Еже есть посредѣ рая Божия.

Слово второе.
Глава Д (4) Нарекование Измирския церкви ангелу.


КВ (22) Ангелу сущу во Измирней церкви, напиши тако глаголеть Первый и Послѣдний иже бысть мертвъ и ожыве.

КГ (23) Вѣмъ твоя дѣла, и скорбь и нищету. Но богат еси!

КД (24) Власфимия от глаголющих быти июдея себѣ и не суть но сонмище сатанино!

КЕ (25) Ничтоже не бойся, яже хощеши прияти. Себо иматъ диаволъ всажати от васъ в темницу да искуситеся. Имате скорбъ десят дней. Буди вѣренъ до смерти, и дам ти животъ вѣчный.

КS (26) Имеяй ухо слышати да слышитъ. Что Духъ глаголеть церквамъ. Побеждаяй не имать вредитися от смерти вторыя.

Глава Е (5) Сказание Пергамасийския церкви ангелу.

КЗ (27) Ангелу Пергамасийския церкви напиши тако глаголет имѣяй мечь обоюдуостръ изоощрен и вѣм гдѣ живеш, Идѣ же престолъ сотонинъ.

КИ (28) И держиши Имя Мое и не отвержешися Вѣры Моея. И в Моя дни Антипасъ мученикъ Мой вѣрный иже убиенъ бысть вами, идѣже сотона живетъ!

КФ (29) Но имам на тя мало яко имаши держащая то учение валаамово. Иже учаше валака положити соблазнъ пред сыны израилевы ясти жертву идолскую и любы творити. Яко имаше ты держащая учение никалаитское, тако же его же Азъ ненавижу.

Л (30) Покайся аще ли же ни прииду ти скоро. И брань сотворю с ними мечемъ устъ Моихъ.

ЛА (31) И имѣяй ухо слышати да слышит что глаголет Духъ церквам. Побѣждающему дамъ ему ясти от маны сокровенныя. И дамъ ему камень бѣлъ драгъ. И на камени имя ново написано. Его же никто же невѣсть токмо приемляй.

Глава S (6) Написание Фиартийския церкви ангелу.

ЛВ (32) И ангелу Фиартийския церкви напиши. И тако глаголет Сынъ Божий. Имѣяй очи свои яко пламень огненъ. И нозѣ Его подобни мѣди халколивановъ.

ЛГ (33) Вѣм твоя дела. И любовь и вѣру и службу и терпѣние и дѣла твоя послѣдняя больша первых. Но имам на тя яко оставляеши жену Езавель глаголющую себѣ пророчицу. И учитъ и льстит моя рабы, любы творити и снѣсти жертвы идолския.

ЛД (34) И дах ей лѣта да покается. И не хощет покаяти от любодѣяния свое.

ЛЕ (35) Се полагаю на одрѣ любодѣющаго с нею в скорбь велию. Аще не покается от дѣл своих. И чада их умрут смертию.

ЛS (36) И разумѣют вся Церкви яко Азъ есмь Богъ, испытаяй сердца и утробы, и дам единому комуждо подѣлом их вам же глаголю и прочиим сущим в Фиантире. Иже неймут учения сего. Иже неции неразумѣша глубины сатанин от них, яко глаголют и не возложу на вы тяготы иноя токмо може имате и держите дондеже прииду.

ЛЗ (37) И соблюдающему и побеждающему до конца дѣла моя, до конца дамъ ему власть на языцехъ. И упасет я жезлом желѣзным яко сосуды скуделнича сокрушит я. Яко же и Азъ приях от Отца Моего и дам ему звѣзду утренюю.

ЛИ (38) И дам ему Звѣзду утренюю имѣяи ухо слышать да слышит что глаголетъ Духъ Церквамъ.

СЛОВО Г (3)-е.
Глава З (7) Послание Сардийския Церкви ангелу.

ЛФ (39) Аггелу Сардийския Церкви напиши тако глаголет Имѣяй З (7) Духъ Божий З (7) звѣздъ. Вѣмъ твоя дѣла, яко имя имаши яко живъ еси и мѣртвъ.

М (40) Буди бдя и утвержая прочая. Им же бо умрети и необрѣтохъ бо дѣлъ твоихъ скончаных пред Господемъ Богомъ.

МА (41) Поминай убо тако приятъ и слышай соблюдай, и покайся.

МВ (42) Аще убо не бдиши. Прийду яко тать не имаши чюти в кий годъ, прииду на тя.

МГ (43) Но имаши мало именъ в Сардии иже не оскверниша ризъ своих. И ходити имутъ со Мною в белах ризах яко достойни суть.

МД (44) Побѣждаяй сей облечется в ризы бѣлы не имамъ отмыти имени его от книги животныхъ, исповѣмъ имя его пред Отцемъ Моимъ и пред ангелы Его. Имѣяй ухо слышати да слышитъ, что Духъ глаголетъ к Церквамъ.

Глава И (8) Написание Филаделфийския Церкви ангелу.

МЕ (45) И ангелу Филаделфийския Церкви напиши тако глаголеть Святый Истинный имѣяй ключъ Давидовъ. Отверзая и никтож затворитъ и затворяяй и никтож отверзетъ.

МS (46) Вѣмъ твоя дела се дахъ пред тобою двери отверсты и никто же может затворити их. Яко малу имаши силу. И соблюде Мое Слово неотвержешися Имени Моего.

МЗ (47) Се даю от сонма сотонина, глаголющих себе быти июдея и не суть. Но лжутъ и се сотворю я, да приидутъ и поклонятся пред ногама твоима. И разумѣютъ яко Азъ возлюбих тя.

МИ (48) Яко соблюдено слово терпѣния Моего и Азъ тя соблюду от годины хотящая приити на всю вселенную, и искусити живущая на земли. Гряду скоро, держи иже имаши, да никто же не приимет венца твоего.

МФ (49) Побѣждающаго сотворю столпа в Церкви Бога Моего. И вонъ не иматъ взыти к тому.

Н (50) Напишу на немъ Имя Мое Имя Бога Моего. И имя града Бога Моего. Иерусалиму сходящаго с Небесъ от Бога Моего и Имя новое Мое.

Слово Д (4) Глава Ф (9) Нарекование ея Лаодикийския Церкви ангелу.

НА (51) И ангелу Лаодикийския Церкви. Напиши тако глаголеть Аминь. Свѣдѣтель вѣрный, и истинный Властель созданию Божию.

НВ (52) Вѣмъ твоя дѣла яко ни студенъ е си не теплъ. Ни да студенъ бывъ ни теплъ тако. Яко обуморенъ еси ни теплъ.
.

НГ (53) Избавити тя имамъ от устъ Моих. Зане глаголеши яко богатъ есмъ и обогатихся. И ничто же не требую. И не вѣси яко ты еси окаянъ и милъ. И нищетенъ и слѣпъ и нагъ.

НД (54) Свѣтъ ти даютъ купити злато от мѣнѣ разженно огнемъ. Да обогатишися и в ризы бѣлы да облечешися. И да не явится нагота срамоты твоея. И куруломъ помажеши очи твои и даи зриши.

НЕ (55) Азъ яже аще люблю обадаю и кажу. Ревнуй убо и покаися. О чюдо человеколюбное. Коликою благостию обличаетъ нас на исправление. Се стою при дверехъ ихъ и толку. Аще и кто услышитъ глас Мой. И отверзетъ двери. И вниду к нему. И вечеряю с нимъ и той со Мною.

НS (56) Побѣждающему дамъ ему сѣсти со мною на Престолѣ моемъ яко же Азъ победих. И сѣдох со Отцемъ Моимъ. На престолѣ Его. Имѣяй уши слышати да слышитъ. Что Духъ глаголетъ к Церквам.

Глава I (10) О видѣнии дверехъ на Небесехъ. И о престолехъ старецъ.

НЗ (57) По сихъ видехъ и се двери отверсты на Небеси и глас первы иже слышахъ яко трубный со мною глаголющъ. Глаголя взыди сѣ мой покажу ти, ему ж подобаетъ быти посихъ.

НИ (58) Абие же быхъ в дусѣ. И се Престолъ стоящь на Небесѣхъ и на Престолѣ седящь и сѣдяи бѣ подобенъ видѣнию камене сардеови, аспиду. И бѣ дуга окрестъ престола, тако же якоже видѣние измарагдово.

НФ (59) И окрестъ Престола Его, престоли КД (24) И на престолѣхъ от КД (24), старецъ сѣдащь, оболчены в бѣлы ризы, и на главахъ ихъ вѣнцы златы.

Ѯ (60) И от Престола Его исходаше молниа и громи и гласи.

ѮА (61) Седмъ свѣщъ огнемъ горящь пред престоломъ, яже суть З(7)-ри Дуси Божии. И пред престоломъ море яко сткляно подобно хрусталю.

ѮВ (62) Посредѣ престола и окрестъ престола Д (4) животныя исполнь очесъ со преди и со задѣ.

ѮГ (63) Животное Д (4). А (1)-е животное подобно лву. В (2)-е животное подобно тельцу. Г (3)-е животное имый лице человеку. Д (4)-е животное подобно орлу летящу.

ѮД (64) Животная Д (4) единого когождо ихъ имъ по S (6) крылъ. Окрестъ и внутрь уду исполнь суть очесъ.

ѮЕ (65) Покоя не имуща день и нощь и глаголюще Святъ Святъ Святъ Господь Саваоф Вседержитель. Бѣя и сый и грядый.

ѮS (66) Егда даша животнии Славу и Честъ и Хвалу Сѣдящему на престоле и Живущему во вѣкы вѣкомъ. Падоша КД (24) старцы пред престоломъ и поклонишася Живущему во вѣкы вѣкомъ. Аминь.

ѮЗ (67) Положиша венца своя пред престоломъ глаголюще достоинъ еси Господи Боже нашъ, прияти Славу и Честь и Хвалу. Яко Ты еси создалъ всяческая. И волею Твоею создани быша.

Слово Е (5)
Глава АI (11) О книгахъ запечатлѣныхъ седмию печати, в руцѣ Божии. Ихже никто же неможетъ от строения всего мира разгнути.

ѮИ (68) И видѣхъ в десницы седящаго на престолѣ книгы написаны. Внутрь юду и внѣ юду сопредѣ и созади запечатлѣнны З (7)-ю печати утвержение книжное.

ѮФ (69) И видѣхъ ангелъ крѣпок проповѣдающи гласомъ великимъ кто есть достоинъ разгнути книгы. И разрѣшити печати их и никто же не можаше ни на Небеси ни на земли ни под бездною разгнути книгы и ни разрѣшити их.

О (70) И плахуся мнози яко не обрѣте никто же достоинъ разнути ни почести книги ни зрѣти ихъ.

ОА (71) И единъ от старецъ глаголе ми не плачитеся. Се побѣдитель сый от колѣна Июдова. Корень Давидовъ разгнути книги и З (7) печати их.

Глава ВI (12) О Агнецы имущемъ З (7) рогъ и како разгнути.

ОВ (72) И видехъ иже посредѣ престола и Д (4)-х животных, и по средѣ старецъ Агнец стоящь яко заколенъ имущь роговъ З (7) и очесъ З (7) еже есть седмъ Духъ Божиихъ посланных во всю землю.

ОГ (73) И прииде и приятъ от десницы сѣдящаго на престолѣ, и егда приятъ книгы, Д (4) животныя и КД (24) старецъ падоша предо Агнецемъ имуще когождо гусли и фияли златы полны темияна. Яже суть молитвы Святыхъ.

ОД (74) И поют пѣснь нову глаголюще достоинъ еси прияти книгы и отверьсти печати ихъ яко заколенъ бысть искупи ны Господеви Своею Кровию от всякого колѣна и языка и люди и племена. И сотворилъ еси Богу нашему Царя Иерѣя, и воцарится на Земли!

ОЕ (75) И видѣхъ и слышахъ глас ангельский и многъ окрестъ престолъ и животных и старецъ и бѣ число их тмы тмами и тысяща тысящами глаголюще великим гласомъ, достоин есть Агнець заколеный прияти силу и богатество и премудрость и крѣпость, и Честь и Славу и Благословение. И всяко создание еже есть на Небеси и на Земли и под землею и на мори и сущая в нихъ вся. И слышахъ паки глаголюща, сѣдящаго на престоле. Агнецу Благословение и Честь и Слава и Держава во вѣкы вѣкомъ Аминь!

ОS (76) И четыре животныя глаголаху Аминь. И старцы падоша и поклонишася.

Глава ГI (13) Отрешение первыя печати. Апостольское наслѣдие являетъ.

ОЗ (77) И видѣхъ егда отверзе Агнець едину от седми печатей. И слышахомъ единого от Д (4) животных глаголюща, яко глас грома, гряди и виждь.

ОИ (78) И се конь сѣръ и сѣдяше на немъ имяше лукъ. И данъ ему быша венець. И изыде побеждая и побѣдитъ.

Глава ДI (14) Отрешение В (2)-я печати. Сказание вѣрныхъ на невѣрныя.

ОФ (79) И егда отверзе вторую печать и слышахъ второе животное глаголющи, гряди и виждь!

П (80) Изыде конь рыжъ и сѣдящему на немъ дано бысть взяти мир от земля да убиетъ другъ друга. И дано бысть ему оружие велие.
Конь рыжъ по Апостолехъ мученикомъ кровипролитие. И взятие миру еже братъ брата предаяше и отець чада.

Глава ЕI (15) Отрешение Г (3)-я печати сказание отпадение невѣровавшимъ во Христа крѣпко.

ПА (81) Егда отверзе Г (3) печать и слышахъ Г (3)-е животное глаголюще, гряди виждь.

ПВ (82) И се конь воронъ и седя на нем держаше мѣрило в руцѣ своей. И слышахъ яко глас посредѣ животных Д (4) глаголющь хиникси пшеница пѣнязю и три хуниксиси ячмен пѣнязю и елей и вина не вреде.

Слово S (6)-е
Глава SI (16) отрешение Д (4)-я печати являюще наводимыя казни и раны на отрицающих Иисуса Христа нетерпѣниемъ.

ПГ (83) Егда отверзе Д (4)-ю печать слышах Д (4)-е животное глаголюще, гряди и виждь.

ПД (84) И видехъ се конь блѣд и иже сѣдящи на немъ. И имя ему смерть. И адъ и идяше во слѣдъ его. И дана бысть ему область на Д (4)-и части земли убити оружиемъ, и гладомъ, и смертию, и звѣрми земными.

Глава ЗI (17) Отрешение Е (5)-я печати сказание Святыхъ душъ вопль к Богу, дабы была кончина.

ПЕ (85) И егда отверзе Е (5)-ю печать и видехъ пред олтаремъ душа человекъ, избиенных за Христа и за Слово Святое, и за свѣдетеьство Иисуса Христово, еже имѣяху. И возопиши глаголюще гласомъ великимъ глаголюше доколе Господи Святый Истинный судии не мстиши крови нашея на живущих на земли!

ПS (86) И даны быша комуждо их ризы бѣлы, и речено имъ бысть. Дапочиютъ еще премало. Дондеже скончаются клеврети их, и братия и хотяща избиени быти яко же и тии.

Глава ИI (18) Отрешение S (6)-я печати сказая наводимыя раны на кончину.

ПЗ (87) И видехъ егда отверзе S (6)-ю печать и бысть трусъ велий, и солньце омрачено бысть яко вретище власяно. И месяць бысть яко кровъ и звѣзды небесныя падоша на земли яко смоковница отметающе пупы своя. Яко от вѣтра велика движима!

ПИ (88) Небо отлучися яко списокъ свиваемо.

ПФ (89) И всяка гора и отокы от мѣстъ своих двигнутся. Цари земстии и велможа, и тысящницы крѣпцы, и богатии, и всякъ рабъ, и всякъ свободный скрышася в пещерахъ, и в камени горьстемъ. И глаголютъ горамъ и камению, падайтеся на нас и покройте насъ от лица сѣдящаго на престолѣ. И от гнѣва Агньча яко прииде день великий гнѣва его, и кто можетъ стати противу.

Слово З (7)-е
Глава ФI (19) о тысящах исцелѣвшихъ от ранъ Д (4) ангелъ.

Ч (90) И по семъ видехъ Д (4) аггелы стояща на Д (4)-х углехъ земля и держаща Д (4) вѣтры земля. Да не дышетъ вѣтръ на землю ни на море ни на всяко древо.

ЧА (91) И видѣхъ инъ ангелъ восходящь от земля и бѣ имыи печать Бога Живаго. И возопи гласомъ великимъ къ Д (4) ангеломъ. Им же дано бысть вредити земля и море глаголя.

ЧВ (92) Не вредите ни земли ни моря ни древа, дондеже запечатлѣемъ рабы Бога нашего на лицѣхъ ихъ.

ЧГ (93) И слышахъ число запечатлѣнныхъ ҂Р.М.Д. (144 000) Запечатлѣнны от всякого колѣна сыновъ израилевъ.

ЧД (94)
От колѣна Июдова ВI (12 000) запечатлѣнны,
от колѣна Рувимова ВI (12 000) запечатлѣнны,
от колѣна Симеонова ВI (12 000) запечатлѣнны,
от колѣна Гадова ВI (12 000) запечатлѣнны,
от колѣна Асирова ВI (12 000) запечатлѣнны,
от колѣна Неффалимова ВI (12 000) запечатлѣнны,
от колѣна Манасиина ВI (12 000) запечатлѣнны,
от колѣна Левгийна ВI (12 000) запечатлѣнны,
от колѣна Сахарова ВI (12 000) запечатлѣнны,
от колѣна Заулона ВI (12 000) запечатлѣнны,
от колѣна Иосифова ВI (12 000) запечатлѣнны,
от колѣна Вениаминова ВI (12 000) запечатлѣнны.

Глава К (20) О народе бесчисленемъ, иже имуть со Христомъ царствовати. От языкъ.

ЧS (96) По сихъ видѣхъ и се народ многъ его же исчести никто же не можетъ. От всякаго языка и колѣна. И людии и племен стоящи пред престолом и пред Агнцемъ оболчены в ризы бѣлы и финицы в рукахъ ихъ. И возопиша гласомъ великимъ глаголюще, спасение Бога нашего сѣдящаго на престоле агньчи.

ЧЗ (97) И вси ангели стояху окрестъ Престола и старцы и четыри животныхъ и падутъ пред престоломъ ницы. И поклонишася Богу нашему сѣдащему на престоле и Агньцу глаголющу Аминь. Благоговение, и Слава, и премудрость, и хвала, и честь, и сила, и крѣпость Бога нашего и ныне и присно и во вѣкы вѣкомъ!

ЧИ (98) И отвѣщавъ единъ от старецъ глаголя ми си оболченъ в бѣлыя ризы. И то сутъ и откуду приидоша и рѣхъ ему Господи мой Ты вѣси!

ЧФ (99) И рече си суть грядуще от скорби великия. И испраша ризы своя и убѣлиша в Крови Агньчи. Сего ради си суть предпрестоломъ Божиимъ. И служатъ Ему день и нощь в Церкви Божией сѣдяи на перстоле вселится в ня.

Р (100) Не взалчють к тому ни вжажутъ

РА (101) Не имат же пасти на них солнце, ни всякъ зной.

РВ (102) Яко Агнець иже посредѣ престола упасеть я. И наставить я на источникы водныя. И отиметъ Богъ всяку слезу от очию ихъ.

Глава КА (21) Отрешение З (7)-я печати являющи ангельския силы принося к Богу Святыхъ молитвы яко кадило.

РГ (103) И егда отверзе печать З (7)-ю и бысть безмолвие на Небесѣхъ яко полъ годины маловременно являетъ. И видѣхъ З (7) ангелъ иже пред Богомъ стояху и дано бысть имъ З (7) труб.

РД (104) А другий ангелъ прииде имѣя кадилницу злату.

РЕ (105) И дани быша ему темияни мнози. И дастъ молитвами Святыхъ всѣхъ. И олтарь святый и сущии предпрестолом.

РS (106) Изыде дымъ кадилный молитвами Святыхъ и рукою ангеловою пред Богомъ. И взятъ ангелъ кадилницу, наполни ю от огня Сущаго на олтари, и положи на Землю.

РЗ (107) И быша громии блистания, и гласи, и трусии. З (7) ангелъ иже имяху З (7) трубъ уготовившася да вострубятъ.

Слово И (8)-е Глава КВ (22) О седми ангелъ от них же первому вострубльшу. Град, и огнь, и кровъ на землю исходитъ.

РИ (108) Первому ангелу вострубльшу. И быша громи и огнь смѣшенъ кровию, и паде на землю. Третия часть земли погорѣ. И третья я часть древа погорѣ. И всяка трава злачная погорѣ.

Глава КГ (23) О вторемъ ангели. Ему же вострубльшу и яже суть в мори. Душевная пагуба бываетъ.

РФ (109) И второму ангелу вострубль, и яко гора велика жгома огнемъ, и ввержена бысть в море. И бысть третия часть в кровъ моря. И умре третья часть создании в мори, имуща душа. И третья часть людей и кораблей погибе.

Глава КД (24) О третьемъ ангеле иже речныя воды горкия сотворитъ.

РI (110) И третий ангелъ воструби. И паде с небеси звѣзда велия, горащи яко свѣща и паде на Г (3) части реки и на источницехъ водныхъ. И имя звезды глаголется Аксинфос. И бысть часть Г (3)-я вод яко пелынь. И мнози от человекъ умроша от вод яко горки быша.

Слово Ф (9)-е.
Глава КЕ (25) Четвертый ангелъ, солнечнаго и луннаго круга свѣтъ омрачаемъ.

РАI (111) И четвертый ангелъ воструби. Язвена бысть Г (3)-я часть солньца и Г (3)-я часть лунѣ. И Г (3)-я часть звѣздъ да омеркнетъ. И Г (3)-я часть и день да не свѣтитъ. Г (3)-й части своеяй нощъ тако же.

РВI (112) И видѣхъ и слышахъ единъ ангелъ парящь посредѣ небеси, и глаголющь гласомъ великимъ. Горе, горе живущимъ на земли от прочихъ глас трубныхъ. И Г (3)-и ангелъ хотяще вострубити.

Глава КS (26) О пятом ангеле, и восходящих от бездны и о разумныхъ прузѣхъ. И о различныхъ отразехъ.

РГI (113) И пятый ангелъ воструби. И видѣ звѣзду с небес падшу на землю. И данъ бысть ей ключь студенца и бездны. И отверзе студенець. И взыде дымъ от студенца, яко дымъ пещи велики горяща, и омерче солнце от дыма студенечнаго. И изыдоша прузи на землю. И дана бысть имъ область. Яко имуть область скорпиеве земстии. И речено имъ бысть да не вредятъ травы земныя ни всякаго злака, ни всякаго древа. Токмо человеки иже неимуть печати Божия на челехъ. И речено имъ бысть дане убиютъ ихъ, но да муку приимуть Е (5) месяць. И мучение их яко мучение скорпиево. Егда сѣкнеть человека.

РДI (114) В ты дни взыщуть человецы смерти и неймуть обрести ея. И вожделѣютъ умрети и бежитъ от них смерть.

РЕI (115) Уподобление пругомъ, подобна конемъ уготовленымъ на бранъ. И на главахъ их вѣнцы яко злату. И лица ихъ яко лица человеча. И имяху власы яко власы женьски. И зубы ихъ яко лвомъ бѣша. И имяху броня яко броня желѣзны.

РSI (116) Глас крилъ иже конь много текущихъ на брань, имѣяху опаши подобно скорпиемъ. И жала на опашехъ ихъ область ихъ вредити человеки Е (5) месяць имуще над собою царя ангела бездны. И имя ему Авадонъ. А гречески глас имя имать Губя, горѣ едино отиде еще два горя посихъ.

Глава КЗ (27) О шестом ангеле, и числеемъ двоюстем.

РЗI (117) И шестый ангелъ воструби, и слышахъ глас от Д (4)-ро рогъ и олтаря златаго сущаго пред Богомъ. Глаголюще к шестому ангелу. Имѣяй трубу и разрѣши Д (4) ангелы, связаныя на реце Ефратстей и разрѣшени быша Д (4) ангели уготовании на бранъ и годину и день и месяць и лѣто. Да избиют Г (3)-юю часть человекъ и число конникъ двоицею тмы тмами.

РИI (118) И тако видѣхъ коня видѣниемъ, и сѣдящая на нихъ имуща броня огнены, и акинфъны и жупелы. И главы конемъ яко главы лвомъ. И из устъ ихъ исхожаше огнь. И дымъ и жупелъ. И от трей язвъ ихъ погибе Г (3)-я часть человекъ. От огня дыма и жупела исходящаго изо устъ ихъ область бо онѣмъ во устѣхъ ихъ бѣ. И опаши ихъ подобии змиемъ имуще главы, и тѣми пакости дѣяху.

РФI (119) И прочии от человекъ непогибоша язвами, ни покаяшася от дѣлъ своихъ. Да не поклонятся дѣмонови. Или идоломъ златымъ или сребрянымъ или мѣдянымъ, и каменымъ и древянымъ. Иже видѣти не могутъ. Ни слышати ни ходити, и не покаяшася от убийствъ ихъ ни от тадбы ихъ.

Слово I (10)
Глава КИ (28) О ангеле одеяномъ облакомъ и дугою проповедающе о кончине.

РК (120) Видѣхъ инъ ангелъ крѣпокь сходящь с Небеси, оболченъ во облак и дуга на главѣ его. И лице его яко солнце, и нозѣ его яко столпа огнена.

РКА (121) Держа же в руцѣ своей книжица разгбены. И поставити ногу свою десную на мори, ащую на земли. И возопи гласомъ великим яко же левь рыкаетъ. Егда возопи возгласиша З (7) гром.

РКВ (122) И егда возгласиша седмии громы, хотѣхъ писати, и слышахъ глас с Небесѣ глаголющь, запечатлѣй яже глаша З (7) громи и посихъ пишеши.

РКГ (123) И ангелъ иже видѣхъ стоящь на мори и на земли воздвиже руку свою десную на небо и клятся живущим во вѣкы вѣком. Иже созда на Небеси вся и на земли и вся яже на ней и море яко в нем, яко лѣтъ уже не будет.

РКД (124) По дни гласи З (3)-го ангела егда имать вострубити и скончати Слово Божие. Яко же благовѣсти своими рабы пророки.

Глава КФ (29) Паки книжица от ангела Евангелистъ приятъ.

РКЕ (125) И глас иже слышахъ с Небеси паки бесѣдующь со мною и глаголющь. Иди и прийми книжица разгбеныя в руцѣ ангела стоящаго на мори и на земли.

РКS (126) И идохъ ко ангелу глаголя ему даждь ми книжица. И глагола ми прийми и снѣжъ я и горки будутъ во чревѣ твоемъ. И во устехъ твоихъ яко мед сладкий.

РКЗ (127) Прияхъ книжица от руку ангелову и снѣдохъ. И быша во устѣхъ моихъ яко мед сладкий. Егда снѣдохъ горки быша во чревѣ моемъ.

РКИ (128) И глагола ми подобаети паки пророчествовати в людехъ, и в племенехъ и языцехъ и царѣхъ мнозѣхъ.

РКФ (129) И дана мнѣ бысть трость подобна жезлу глаголюще востани, и измѣри Церковъ Божию, и олтарь и кланяющаяся в Ней. И дворъ сущий внутрь Церкве изнеси вонъ, и не измѣри его. Яко данъ бысть языкомъ, и град святый поперутъ М (40) месяцъ и два месяца.

Глава Л (30) О Еносе и Илии хотящею обличити антихриста.

РЛ (130) Дамъ обѣма свѣдѣтелема моима прорицаета в тысящу и С (200) и М (40) днии, и оболчена во вретищи. Си ест два маслицы и два свѣщника пред Богомъ земля стояща.

РЛА (131) Иже има неправду сотворитъ огнь исходитъ из устъ ею, и поядаетъ враги ея иже хощетъ обидѣти я. Сему подобаетъ убиену быти. И си имѣти власть затворити небо да дождь не падетъ. И во дни прорицания ею, область имѣти имуть на водахъ обращати я в кровъ и поразити землю всякою язвою елико аще восхощета.

РЛВ (132) Егда скончаютъ свѣдѣтельство свое, звѣрь восходяи от бездны, сотворитъ с ними брань, и побѣдитъ я и убиетъ я. И трупъ ею оставитъ на стогнахъ града великаго, еже наречется духовно Едемъ Египетъ судомъ его повержетъ идѣ же Господь ею же распятъ бысть.

РЛГ (133) И зрятъ от люди коленъ от языкъ, и племенъ трупу ею три дни и пол, трупу ея не оставятъ положити во гробе три дни и пол дни. И живущии на земли возрадуются о нею и возвеселятся и дары пощиютъ другъ другу. И елико оба сия пророка мучиста живущая на земли.

Слово АI (11).
Глава ЛА (31) Како убиенъ будетъ Илия и Енохъ антихристомъ. И воскреснета паки.

РЛД (134) По трехъ дней же и пол дни, Духъ животенъ от Бога внидетъ в ня, и станутъ на ногу своею от Бога. И страхъ велий нападетъ на зрящая ею. И услышати глас велий с Небесе глаголющъ има и взыдите сѣмо и взыдутъ на Небо на облацехъ.

РЛЕ (135) Видѣшая врази ею и в той часъ бысть трусъ велий. I (10)-я часть града падетъ и погибнеть трусомъ именъ человеческихъ ҂З (7000).

РЛS (136) И прочии пристрашни быша и даша славу небесному. Горе второе отиде и се горе третье е грядетъ скоро.

Глава ЛВ (32) О трубѣ и о поющихъ Бога Святыхъ на будущемъ вѣце.

РЛЗ (137) И седмый ангелъ воструби. И быша гласи велицы на Небесехъ глаголюще. Бысть царство всего мира Господа нашего Иисуса Христа и воцарится во вѣкы векомъ Аминь. И К (20) и Д (4) старцы сѣдящи пред Богомъ на престолехъ своихъ и падоша ницы и поклонишася Богу глаголюще хвалим Тя Господи Боже нашъ Всерѣжителю сый. И бывая и грядый. Яко приятъ еси силу Твою великую. И воцарися и языцы иже Тя прогневаша, и прииде на ня гнѣвъ Твой.

РЛИ (138) И время языкомъ судъ прияти я. И та дая мзду рабом своимъ пророкомъ и Святымъ боящимся имени Твоего, малымъ и великимъ растлѣти просмражшего землю.

Глава ЛГ (33) О церковныхъ прогонениихъ. Первѣйшихъ. И пакы при антихристе.

РЛФ (139) И отверзе Церкви Божия на Небесѣхъ. И явися корабль завѣта Божия в Церкви Его. И быша блистания, и гласи, и громи. И труси. И град велий.

РМ (140) И знамение велие явися на Небеси се жена оболчена в солньце, и луна под ногама ея и на главѣ ея вѣнецъ от звѣздъ ВI (12).

РМА (141) Во чреве имуще и вопиетъ болящи и стражущий родити.

РМВ(142) Явися ино знамение на Небеси и се змѣй червенъ великъ имѣя и главъ З (7) и рогъ I (10), и на главахъ его З (7) венецъ.

РМГ (143) И хоботы есть влекий Г (3)-ю часть звѣздъ небесныхъ, и вложи я в землю.

РМД (144) И змѣй стояще пред женою хотящею родити. Да егда родит, чадо ея снѣсть.

РМЕ (145) И роди сына мужеска полу иже иматъ упасти жезломъ желѣзнымъ вся языкы.

РМS (146) И восхищено бысть чадо ея к Богу и престолу Его.

РМЗ (147) И жена бѣжа в пустыню, идѣже мѣсто уготованно тамо от Бога да ту питают ю ҂А (1000) дний и СОИ (278)

Слово ВI(12)
Глава ЛД(34) О брани бывшей межу Святыми ангелы и злыми силами. И падении змиеве.

РМИ (148) И бысть брань на Небеси, Михаилъ и ангели его брань сотвориша со змиемъ. И змий брася и ангели его невозмогоша и мѣсто не обрѣтеся им на Небеси.

РМФ(149) И положенъ бысть великий змий. И змий древний и сотона нарицаемый диаволъ, льстяи всю вселенную. И вложенъ бысть в землю и ангели его с нимъ ввержени быша.

РН (150) И бысть глас велий на Небеси глаголя, нынѣ бысть спасение и сила и царьство Бога нашего, и область Христа Его. Яко низложенъ бысть клеветникъ. Братия нашея клеветая и о нас пред Богомъ нашимъ день и нощь.

РНА (151) И тии побѣдиша за Кровь Агньчую. И за Слово мучения ихъ. И не возлюбиша душа своея до смерти. И сего ради веселятся Небеса и живущии на нихъ. Горе земли и морю яко сниде диавол к намъ, имѣяй ярость великую яко время мало имать.

Глава ЛЕ (35) Како не почиваетъ змѣй гоня Церковъ.

РНВ(152) И тогда видѣ змѣй яко низложенъ бысть на землю гоняще жену, яже роди мужескъ полъ. И данъ бысть женѣ обѣ крылѣ орла великаго. Да паритъ в пустыню в мѣсто свое. Идѣже препитана быша то время, и времена и пол времен от лица змиина.

РНГ (153) И низложи змий изо устъ своихъ воду яко рѣку да ю в рецѣ потопить. И поможе земля женѣ. И отверзе земля уста своя, и пожретъ реку ю же низложи змий изо устъ своихъ.

РНД (154) Разгневася змѣй на жену. И иде сотворить брань с сѣменемъ ея и соблюдающимъ заповѣди Божия, и со имущим свѣдѣтельство Иисусово.

Глава ЛS (36) О звѣре имущемъ I (10) рог и главъ З (7). От нихъ едину яко заколену рече.

РНЕ (155) И стахъ на песцѣ морьстемъ и видѣхъ из моря звѣръ исходящь. Имущь роговъ I (10). А главъ З (7). И на розѣхъ его I (10) венецъ. И на главахъ его имена хулна.

РКS (156) И звѣрь восходящь видѣхъ. И бѣ подобенъ и рысицы, и ноги ему яко медведъ. И уста ему яко лвова.

РНЗ (157) И дастъ ему змий силу свою, и престолъ свой и область свою великую.

РНИ (158) И едину от главъ своихъ яко заколену в смерть и язва смерти его исцели.

РНФ (159) И чюдися вся земля во слѣд звѣри. И поклонишася тому змию, яко дастъ область звѣрю глаголаше кто подобен тебѣ звѣрю. И кто можетъ сотворити брань с ними.

РѮ (160) Дана быша ему уста глаголюще вельми хулы. И дана бысть ему область сотворить месяц М (40) и В (2). И отверзе уста своя в хуление к Богу. Хулити Имя Его и скиния Его живуща на Небеси. И дано быть ему сотворити брань со Святыми и победити я.

РѮА (161) И дана бысть ему область на всякомъ колѣне и на людехъ. И на языцехъ и племенехъ, и поклонятся ему вси живущей на земли. Горе, горе, им же суть не написана имена в книгахъ животныхъ Агнеца заколенаго от сложения всего мира.

РѮВ (162) Иже имать ухо слышати да слышитъ, иже во пленение идутъ. Аще кто оружиемъ убиетъ, подобаетъ бо ему убиену быти. Здѣ есть терпѣние и вѣра Святыхъ..

Слово ГI (13)
Глава ЛЗ (37) О звѣре имущем В (2) рога.

РѮГ (163) И видѣхъ инѣ звѣрь восходящь от земля и имяше два рога подобна агньчу и глаголаше ко змию.

РѮД (164) И власть перваго звѣри всю творяще пред нимъ и творяше земли и вся живушая на ней. И поклонитися звѣри первому. Ему же целена бысть язва смертная и сотворитъ чюдеса велия. Да и огнь сотворитъ сходити с небеси на землю пред человекы.

РѮЕ (165) Льститъ живущая на земли. Знамения же дана быть ему пред человѣки творити.

РѮS (166) Глаголя живущимъ на земли сотврите тѣло звѣреви, иже имать язву оруженную и живъ бысть. И дано бысть ему дати духъ звѣрѣному тѣлу. Да проглаголетъ тѣло звѣриное и сотворитъ, да иже не поклонится тѣлу звѣриному, убиенъ будетъ и сотворитъ вся малыя и великия, богатыя и убогыя, свободныя и работныя. Да дастъ имъ начертание ихъ на десней руцѣ, и на челехъ, и да никто же ихъ не возможетъ купити или продати токмо иже имать начертание, на челѣ своемъ имя звѣрино число имени его.

Глава ЛИ (38) О имени звѣрине.

РѮЗ (167) Здѣ мудрость есть иже имать умъ да почитаетъ число звѣрино. И число бо человѣческо и число бо его Х. Ѯ. и S.

Глава ЛФ (39) О ҂Р҂М҂Д стоящихъ со Агнецемь на горѣ Синайстей.

РѮИ (168) И видѣхъ же се Агнець стояше на горѣ Синайстей и с Ним ҂Р ҂М и ҂Д (144 000) имущи Имя Его, и Имя Отца Его написано на челехъ своихъ.

РѮФ (169) Слышахъ глас с Небеси, и яко гласъ вод мног, яко грома великаго глас иже слышахъ яко гудец гудущъ иже в гусли своя, и поющь пѣснь нову пред престоломъ и пред Д (4)-ми животными. И двемадесятъ и Д (4) старцы.

РО (170) И никто же не можаше навыкнути бѣ ни токмо ҂Р.҂М. ҂Д. (144 000) искуплени от земля си суть иже со женами не оскверниша себе. Унотою бо суть сии иже хожаше во слѣд Агньца, а може колиждо ходитъ. Сии искуплени быша от человекъ. Начатокъ Богу и Агньцу. И во устехъ ихъ не обретѣся лесть яко безпороку суть.

Слово ДI (14)
Глава М (40) О ангеле проповѣдающемъ приближение будущаго суда.

РОА (171) И видѣхъ инѣ ангелъ парящь посредѣ небеси держащи Евангелие вѣчное. Благовѣститие сѣдащимъ на земли на всяко племя, языкъ и колѣна, и людий. Глаголя гласомъ великымъ. Убойтеся Бога и дадите Ему Славу. Яко приидет часъ суда Его и поклонитеся Сотворшему Небо и Землю, и море и источникы водныя.

Глава МА (41) О ангеле вторемъ проповѣдающемъ падение вавилоньское.

РОВ (172) И инъ ангелъ во слѣдъ иде глаголя. Паде Вавилонъ великий от вина и ярости любодѣяния своего, наполни вся языкы.

Глава МВ (42) О ангеле третьемъ утвержающемъ люди Господня не приимати антихриста.

РОГ (173) Инъ ангелъ вослѣд его иде глаголя гласом великимъ иже поклоняется звѣрю и телеси его, и приемлеть начертание на челѣ своемъ или на руцѣ своей, и той имать пити ярости Божия вина. Чвана не растворена в чаши гнѣва своего, и будетъ мученъ огнемъ и жупеломъ предо Ангелы Святыми и пред Агньцемъ.

РОД (174) И дымъ мучения ихъ во вѣкы вѣкомъ исходитъ.

РОЕ (175) И неймут покой день и нощь покланяющеся звѣрю и телеси его и иже приемлетъ начертание имен его.

РОS (176) Здѣ есть терпѣние вятыхъ яко соблюдающей заповѣдь Божию и Вѣру Иисуса Христова возрадуются.

РОЗ (177) И слышахъ с Небеси глас глаголющи напиши блажении мертвии умирающе отселе о Господе. Ей глаголет Духъ да почиютъ от трудов своихъ, дѣла бо ихъ ходят вослѣд с ними.

Слово ЕI (15)
Глава МГ (43) Яко седяй на облаце серпомъ скончает прозябающия земля.

РОИ (178) И видѣхъ се облакъ свѣтелъ и на облацѣ сѣдящъ подобенъ Сыну Человеческому. Имущи на главѣ своей венець златъ и в руцѣ его серпъ остръ.

РОФ (179) Инъ ангелъ изыде из Церкви велиим гласомъ вопия и сѣдящему на облацѣ посли серпъ свой, и положи и яко прииде часъ пожати яко исше трава земская. И положи сѣдяй на облацѣхъ серпъ свой на земли. И пожне на бысть земля.

Глава МД (44) О друземъ ангели обьемлющемъ горкий виноград.

РП (180) И инъ ангелъ изыде из Церкви сущая на Небеси имый сепъ остръ.

РПА (181) И инъ ангелъ изыде от олтаря имый область на огни и возгласи кличемъ великимъ ко имущему серпъ остръ глаголя, посли серпъ Твой острый и обьемли гроздие винограда земскаго яко созрѣвше гроздови его.

РПВ (182) И положи ангелъ серпъ свой на землю и обьимавь виноград земный. И вложи в точило великия ярости гнѣва Божия.

РПГ (183) Попрано бысть точило внѣ града. И изыде кровъ ис точила до уздъ конемъ о стадий тысуща и Х (600).

Глава МЕ (45) О седми ангелъ, наводящихъ на человѣкы язвы преже кончины. И о стъкляномъ мори внем же Святыя видѣ.

РПД (184) И видѣхъ ино знамение на Небеси, велико и чюдно. З (7) ангелъ имуще З (7) язвъ послѣднихъ, яко тѣми скончается ярость Божия.

РПЕ(185) И видѣхъ яко море стекляно смѣшено со огнемъ и побѣжающая от звѣръ и от телеси его, и от начертания его, и о числѣ имени его, стоящая на море стекляномъ имущи гусли Божия.

РПS (186) Пояхъ пѣснь Моисеову раба Божия, и пѣснь Агньчу глаголюще велия и дивна дѣла твоя Господи Боже Вседръжителю. И праведни и истинни путие Твои. Царю языкомъ кто не имать убоятися Господи, и прославити Имене Твоего. Яко единъ праведенъ еси. Яко вси языцы прийдуть и поклонятся пред Тобою. Яко оправдания Твоя явишася.

РПЗ (187) И по сихъ видѣхъ отверзеся Церкви скиния и свидѣния на Небси. И изыде из Церкви З (7) ангелъ иже имяху З (7) язвъ оболчены въ камень чистъ и свѣтелъ. Препоясани в перси поясы златымъ.
.

РПИ (188) И единъ от Д (4) животныхъ дастъ З (7)-ми ангелъ З (7) фиалъ златых исполнь ярости Бога Живаго во вѣки вѣкомъ Аминь.

РПФ (189) И наполнишася Церкви дыма от Славы Божия и от Силы Его.

РЧ (190) И никтоже смѣяше внити в Церковь дондеже скончаются З (7) язвъ ангельскихъ. И слышахъ глас велий с Небеси, глаголющь къ З (7)-ми ангелъ идѣте излити З (7) язвъ, фиалъ ярости Божия на землю.

Слово SI (16)
Глава МS (46) Како первой чаши излиянней гнойна отступнице бысть.

РЧА (191) И иде первый ангелъ. И излия фиаль свою на землю. Бысть гной золъ на отступницехъ и лютъ, имущихъ начератние звѣрино и кланяющихся телеси его.

Глава МЗ (47) Вторая язва, имущихъ в мори.

РЧВ (192) И вторый ангелъ излия фиаль свою в море и бысть кровъ яко мертвеца. И всяка душа жива умретъ яже есть в мори.

Глава МИ (48) Како Г (3)-я чаша рѣкы в кровъ претворяются.

РЧГ(193) И третий ангелъ излия фиаль свою на реки и источники водныя. И быша кровъ. И слышахъ ангела водскаго глаголюща, Праведен еси Сый и Бываяй и Преподобен, яко си судилъ еси. Яко кровъ Святыхъ и пророкъ излияша, и кровъ имъ дастъ пити достойни суть.

РЧД (194) И слышахъ другаго от олтаря глаголюща, ей Господи Боже Вседрѣжителю истинны и прави суди Твои.

Слово ЗI (17)
Глава МФ (49) Како Д (4)-е зноемъ изваряются человецы.

РЧЕ (195) И четвертый ангелъ излия фиаль свою на солньце. И дано бысть ему опалити человеки огнемъ. Иззнойшася человеки зноемъ велиемъ. И хулиша Имя Христово. И иже имать область на язвахъ сихъ, и непокаяшася, дати Ему Славу, от дѣлъ своихъ.

Глава Н (50) Како Е (5)-ю чашею звѣрино царство омрачается.

РЧS (196) И пятый ангелъ излия фиаль свою на престоле звѣрине. И бысть царьство его омрачено. И жваху языки своя от болѣзней своихъ и хулиша Бога Небеснаго. От болѣзней своихъ и от голья, и непокаяшася от дѣлъ своихъ.

Глава НА (51) Како S (6)-ю путь чрез Ефрантъ отверзается царемъ сущимъ от востокъ солньца

РЧЗ (197) И шестый ангелъ излия фиаль свою на реку великую Ефрантъ И иссяче вода ея да уготовится путь ту царем сущимъ от востокъ солнечных.

РЧИ (198) И видѣхъ изо устъ змиевъ и изо устъ звѣринъ, и изо устъ лжаго пророка духи тринечестивыхъ аки жабы исходяща.

РЧФ (199) Суть бо дуси дѣмонстии творяще знамения яко исходят на Царя, и всея вселенныя собратися на брань. Деяния тому великаго Бога Вседержителя.

С (200) Се гряду яко тать. Блаженъ бдяй, и блюдый ризы своя да не нагой ходит и узрят срамоту его. Избирая на мѣсто собираемое еврейски Армагдѣон.

Слово ИI (18)
Глава НВ (52) Како З (7)-ю градъ и трусъ на человекы бываетъ.

СА (201) И седмый ангелъ излия фиаль свою на аеръ. И изыде глас велий из Церкви, и от престола Господня. И быша блистания и громи и глас. И бысть трусъ великъ тако же ни коле не бысть от нелиже человецы быша на земли. Толикъ трусъ великъ бысть.

СВ (202) И бысть град великъ и вѣ три части, и гради язычестии и падоша мнози.

СГ (203) И Вавилонъ великий помяновенъ бысть пред Богомъ. Дати ему чаша вина, ярости гнѣва Своего.

СД (204) Всякъ отокъ бѣжа и гора не обрѣтеся.

СЕ (205) И град великий яко талантъский снидет с небеси на человеки. И хулиша человецы Бога от язвы градныя, велия есть язва его зѣло.

Глава НГ (53) О единомъ от З (7)-х ангелъ показующемъ Евангелисту любодѣиваго града потребление от З (7) глав и I (10) рог.

СS (206) И прииде единъ от З (7) ангелъ имущихъ З (7) фиалъ, и глаголя со мною. Глаголя ми прииди да покажу ти сосуд любодѣица сея великия сѣдящая на водах многах. С нею же любодѣяша цари земстии и упишася живущии на земли от вина любодеяния ея. И веде мя в пусто мѣсто духомъ. И видехъ жену сѣдящу на звѣри червлени. Исполнь имян хулных иже имяше глав З (7) и рогъ I (10)

СЗ (207) Жена юже видѣ град великий есть. Иже имать царьствие над языки великими.

СИ (208) И жена бѣ оболчена в перфиру червлену позлащена златом и камениемъ драгимъ и бисером.

СФ (209) И имущи чашу злату в руцѣ своей полну мерзости и сквернъ любодеяния ея.

СI (210) И на челе ея имя написано тайна. Вавилонъ великий мати любодѣицам и земскимъ мерзостемъ.

Глава НД (54) Како ангелъ видѣную тайну сказаетъ.

САI (211) И видѣхъ жену пьяну кровми Святыхъ и кровию мученикъ Иисусовъ. И дивихся видѣнию тому дивомъ велиимъ и рече ми ангелъ. Почто ся дивиши. Азъ ти реку тайну жены сея и звѣри носящаго ю, и имуща З (7) главъ и рог I (10).

СВI (212) Звѣрь иже видѣнъ и нѣсть и имать быти. Взыдет от бездны и в пагубу итить.

СГI (213) И удивятся живущи на земли имже не написана суть имена в книгахъ животныхъ от сложения всего мира. Видяше звѣрь яко бѣ и нѣсть и предста.

СДI (214) Здѣ умъ иже имать мудрость.

СЕI (215) Седмъ главъ, З (7) рогъ есть идѣже жена сѣдитъ на нихъ, и З (7) царь есть.

СSI (216) Пять ихъ пало есть единъ есть, а другий неуже есть пришелъ. И егда приидетъ, мало ему есть пребыти.

СЗI (217) Звѣрь иже бѣ. Вѣрь иже бѣ, и той И (8)-й есть в пагубу идетъ.

СИI (218) И десять рогъ яже видѣ, I (10) царь есть яже царства не уже прияли суть, но область яко цари един часъ приемлютъ со звѣремъ.

СФI (219) Сии едину волю имутъ и силу, и область свою звѣрю даетъ. Сии со Агнецемъ брань сотворятъ. И Агнецъ побѣдитъ я. Яко Господь Богъ есть и Царь царемъ, и сущии с Нимъ избрании вѣрнии.

СК (220) И глагола ми водя и яже еси видѣлъ. Идѣже любодѣица сѣдитъ любодией народи суть, племена и языцы. И I (10) рогъ яже видѣвъ и звѣрь, сию любодѣицу языки возненавидети имутъ, запустѣвшу и сотворяютъ и нагу. И плоти ея снѣдятъ. И ту сожгутъ огнемъ. Бог бо далъ есть в сердца сотворити волю Его. И сотворитъ едину волю. И дати царство ихъ звѣри. Дондеже скончаются словеса Божия. И жена ю же видѣ град есть велий иже имать царьство над цари земными.

Слово ФI (19)
Глава НЕ (55) О друземъ ангеле, падение вавилоньское сказующемъ. И Небесный глас заповѣдающемъ бежание из града. И отметание красныхъ яже первие.

СКА (221) И по сихъ видѣхъ инъ ангелъ сходящъ с Небеси имущъ облать велию. И земля просвѣтитъ от Славы его.

СКВ (222) И возопи гласомъ великимъ глаголя паде Вавилонъ великий. И бысть жилище дѣмономъ, и хранилище всякому духу нечистому и невидиму. Яко от ярости вина любодѣяния ея напои вся языки.

СКГ (223) И цари земстии с нею любодѣяша, и купцы земстии от льсти свѣрѣпияся обогатися.

СКД (224) И слышахъ имъ глас с Небеси глаголющь, изыдите из нея людие мои. Да не причаститеся грѣсѣхъ ея до смерти. И помяну Богъ неправды ея.

СКЕ (225) Воздадите ей, яко та воздастъ вамъ, и сугубите ей сугубо по дѣломъ ея. И чашею ею же черпа вамъ черплите ей сугубо елико прославится. И рассвѣрѣпи толико дадят ей муку и рыдание.

СКS (226) Яко бо в сердцы своемъ глаголетъ, яко сѣжу во царствии вдова нѣсмъ и рыдания не имамъ видѣти к тому.

СКЗ (227) Сего ради во единъ денъ приидутъ язвы ей смерть и паче, и глад, и огнемъ возжена будетъ. Яко крѣпокъ Господь Богъ осуждению.

СКИ (228) И возрыдаютъ и восплачются ей цари земстии и сотворшей с нею любы и разсвѣрѣпивши. Егда узрятъ дымъ ражжения ея издалеча ея стояще за страхъ мучения ея. Глаголюще горе, горе граду велий Вавилонъ град великий и крѣпкий и яко во единъ час приидетъ суд.

СКФ (229) И купцы земстии возрыдаютъ и восплачются о ней. Яко бремени ихъ никто же купуетъ к тому бремени злата, и сребрена и камени драгаго, и бисера, и висса, и перфиры, и сурика, и червления.

СЛ (230) И всякого древа, и всякого сосуда от камени драга имѣдяна и жѣлезна. И мрамора, и корица, и амона. И фимияна, и мира, и ливана, и вина. И елея. И сѣмени и пшеница и скота и овецъ.

СЛА (231) Конь родѣнъ и телесенъ.

СЛВ (232) И душа человекъ и овоща похоти душа твоея отиде от тебе. И вся тучная и свѣтлости погибе от тебе. И к тому не имаши обрѣсти ихъ.

СЛГ (233) Купцы симъ обогащеся издалеча станутъ за страхъ мучения ея. Рыдающе и плачющеся и глаголюще, горе горе граде велий Вавилонъ оболченый в виссон, в перфиру и в черленъ, и позлащение, златомъ, и камениемъ драгимъ и бисеромъ. Яко во единъ часъ погибе толико богатьство.

СЛД (234) И всякъ кормъчий и всякъ плаваяй в кораблехъ и вѣстели, и всякъ елико в мори дѣлаютъ, издалеча сташа и вопияху. Видяше дымъ ражжения его, глаголюще, кто подобен граду великому, и положиша перъсть на на главахъ своихъ. И возопиша плачющися глаголюще и рыдающе, горе , горе град великий. В нем же обогатишася вся имущей корабля, в мори от части его. Яко единемъ часомъ запустѣ.

СЛЕ (235) Веселися о семъ Небо и Земля, и святии Апостоли и пророцы яко судитъ Богъ суд нашъ от Него.

СЛS (236) И взятъ единъ ангелъ крѣпокъ камень великъ яко жерновъ, и ввержеи в море глаголя тако и стремлениемъ вверженъ будетъ Вавилонъ великий град. И не имать обрѣстися к тому. Глас гудець, и мусикий, и писки, и трубы, и не имать в тебѣ слышанъ быти к тому. И всякъ козникъ всякоя козни не имать обрѣстися к тому в тобѣ. И шумъ жертвенъ не имать слышанъ быти в тебѣ. И свѣтъ свѣтилника не имать в тебѣ явленъ быти пакы. И глас жениха и невесты не имать слышанъ быти к тому в тебѣ. Яко купцы твои и бѣяху велможа земныя яко прокажении. Твоими прелщени быша вси языцы. И в немъ обрѣтеся кровь пророческая и всѣхъ Святыхъ избиенныхъ по земли.

Глава НS (56) О пѣнии Святыхъ и о трегубной Аллилуии иже пояху и о потреблении вавилонсте.

СЛЗ (237) И по сихъ слышахъ глас велий на Небеси народа глаголюща Аллилуйя на спасение и Слава и Сила Бога нашего. Яко истиннии прави суди Его. Яко судил еси граду иже просмради землю любодѣяниемъ своим и мсти крови рабъ своихъ от руки его. И второе рѣша Аллилуйя и дымъ восхожаше в вѣки вѣка. И падоша К (20) и Д (4) старцы, и Д (4) животна поклонишася Богу сѣдящему на Престоле и глаголюще Аминь. Аллилуйя.

СЛИ (238) И глас изыде от Престола Господня глаголя пойте Богу нашему вси раби Его. И боящиися Его малии и велиции.

СЛФ (239) И слышахъ глас народа многа и яко глас вод многъ. И яко глас громъ крѣпокъ глаголющь Аллилуйя, Яко воцарися Господь Богъ Вседержитель радуемся и веселимся и дадимъ Славу Ему яко приидоша бракъ Агнецъ.

Глава НЗ (57) О образѣхъ тайныхъ, и о Вечерѣ Агнечи.

СМ (240) И жена его уготовала есть себѣ. И даны бысть ей да облечется в висонъ свѣтелъ, и чистъ. Виссонъ бо оправдания Святых суть.

СМА (241) И гласъ ми напиши Блажени звании на Вечерю брака Агньча, и глагола ми словеса Истинна Божия суть.

СМВ (242) И падохъ пред ногама Его поклонихся Ему и глагола ми, виждь клевретъ есмь Азъ и братия твоея имущихъ свѣдѣтельство Иисусово Богу поклонися, свѣдѣтельство Иисуса Христово есть Духъ пророчествия.

Слово К (20)
Глава НИ (58) Како на кони видѣ Христа со ангельскими силами Евангелистъ со страхомъ.

СМГ (243) И видѣхъ Небо отверъ и се конь сѣръ и сѣдяй на немъ нарицаемый Вѣренъ и Истиненъ. И в правду судитъ и брани не творитъ. Очи же Ему есть яко пламень огненъ. И на главѣ Ему вѣнцы мнози.

СМД (244) Имый Имя написано, Его же никто же невѣсть, токмо Той.

СМЕ (245) И оболченъ в ризы червлены кровию. Нарицается имя Его Слово Божие.

СМS (246) И воиньства Небесная идяху вослѣдъ Его на конѣхъ броннѣхъ и оболчены в виссонъ бѣлъ и чистъ.

СМЗ (247) Изо устъ Его изыде оружие остро. Да тѣм избиетъ языки. Той упасетъ я жезломъ желѣзнымъ. И Той перетъ точило вина ярости гнѣва Божия Вседрѣжителева.

СМИ (248) И имать на ризѣ и на стегнѣ своемъ имя написано Царь Царемъ и Господь господемъ.

Глава НФ (59) О антихристѣ, и о вмѣтаемыхъ с нимъ в геону.

СМФ (249) И видѣхъ единъ ангелъ стоящъ на солньце. И возопи гласомъ велиимъ глаголя, ко всѣмъ птицамъ парящимъ посредѣ Небеси.

СН (250) Приидѣте зберитеся на Вечерю Великую Божию да снѣсте плоти Царь, и плоти крѣпкыхъ, и плоти коньскихъ и сѣдящихъ на нихъ, и плоти всѣхъ свободныхъ, рабъ малых же и великихъ.

СНА (251) И видехъ звѣръ и царя земны и воя ихъ собраны сотвори брань с сѣдящимъ на кони с вои Его.

СНВ (252) И ятъ бысть звѣрь, и с нимъ лжий пророцы сотворивый знамения пред нимъ. Ими же прельсти приемшия начертание звѣрино и поклоняющаяся телеси его.

СНГ (253) Жива ввержена быста оба во езеро огненое горящее жупеломъ

СНД (254) И прочии убиени будуть оружиемъ сѣдящаго на кони изшедшим изо устъ Его. И вся птица насытишася от плоти ихъ.

Глава Ѯ (60) Како сатана привязанъ бысть от Христа Пришествия до кончины от ҂А (1000) лѣт.

СНЕ (255) И видѣхъ ангелъ с Небеси сходящъ, имущь ключ бездны и желѣзно уже велие в руцѣ его и ятъ змия и змию древнюю, еже есть дияволъ и сатана, и связай на ҂А (1000) лѣтъ и в бездну затвори и запечатлѣ о немъ. Да не прельститъ к тому языкъ дондеже скончается ҂А (1000) лѣтъ. И по сихъ подобаетъ ему отрешену быти в мало лѣтъ.

Слово КА (21)
Глава ѮА (61) О уготованыхъ престолехъ сохраньшимъ Христово вѣдание совершенно.

СНS (256) И видѣхъ престолы и сѣдящая на нихъ, и суд данъ бысть имъ. И душа растесаныхъ за свѣдѣтельство Иисусово, и за Слово Божие. Иже не поклонишася звѣри и телеси его, и не прияша начертания его на челѣхъ своихъ и на руцѣ своей. И жиша и воцаришася со Христомъ ҂А(1000) лѣтъ.

Глава ѮВ (62) Что есть А (1) воскресение что есть В (2)-я смерть.

СНЗ (257) И прочии мертвецы неживи быша дондеже кончается ҂А (1000) лѣтъ, се воскресение А (1)-е Блаженъ иже имать часть воскресения первыхъ. На сихъ смерть В (2)-я не имать области, но будетъ иерей Богу и Христу и воцарится с нимъ ҂А (1000) лѣтъ.

Глава ѮГ (63) О гозѣ и магозе.

СНИ (258) И егда скончатеся ҂А (1000) лѣтъ, разрѣшенъ будетъ сатана от темница своея. И изыдет прельстити языки сущихъ в четырехъ углехъ земля. Гога и Магога на брань собрати я. Им же числом ихъ яко песокъ морьский.

СНФ (259) И взыдутъ на широту земля и обыдутъ стан святыхъ. И градъ святый и возлюбленный. И снидет огнь от Бога с Небеси и поястъ я и дияволъ льстяи. И вверженъ будетъ во езеро огненое, и жупелное, идѣже звѣрь и лжий пророкъ. И мучение будетъ день и нощь и во вѣкы вѣкомъ. Аминь.

Слово КВ (22)
Глава ѮД (64) О сѣдящемъ на престоле и общемъ воскресении и о судѣ.

СѮ (260) И видехъ престолъ великъ и бѣлъ. И сѣдящаго на немъ. Ему же от лица Его бѣжа земля и небо. И мѣсто не обрѣтеся има.

СѮА (261) И видѣхъ мертвеца великыя и малыя стояща пред престоломъ. И книги разгнушася, яже суть животныя. И судъ прияше мертвии от написания в книгахъ по дѣломъ ихъ.

СѮВ (262) И дастъ море мертвеца своя. И смерть и адъ. И даша мертвеца своя и судъ прияша кождо по дѣломъ своимъ.

СѮГ (263) И смерть и адъ положена бысть во езеро огненое, и иже ся не обрѣте в книгахъ животныхъ написанъ вверженъ будетъ во езеро огненое.

Глава ѮЕ (65) О новѣ Небеси и о земли. И о вышнемъ Иерусалиме.

СѮД (264) И видѣхъ Небо ново и Землю нову. Первое небо и земля прейде, и моря не будетъ к тому.

СѮЕ (265) И град видѣхъ Святый Иерусалимъ сходящъ с Небеси от Бога приготованъ, яко невѣсту украшену мужу своему.

СѮS (266) И слышахъ глас велий с Небеси глаголющъ ми се и скиния Божия, со человеки веселится с ними и тѣ людие будутъ. И Самъ Богъ будетъ имъ, и отиметъ всяку слезу от очию ихъ.

СѮЗ (267) И смерти не будетъ к тому ни плача ни вопля. Ни болѣзни не будет к тому первая мимо идоша.

Глава ѮS (66) О нихъ же рече, сѣдящеи на престоле. И о видѣнии.

СѮИ (268) И рече ми седяи на престолѣ. Се новая творю вся. И рече ми напиши яко си слова вѣрна и истинна суть. И рече ми бѣхъ Азъ Начатокъ и Конець.

СѮФ (269) Аще жажущему дамъ от воды животныя туне.

СО (270) Побѣжаяй наслѣдитъ сии буду имъ Отецъ, и той будетъ ми въ сынъ.

СОА (271) Страшливым же и невѣрнымъ и сквернымъ убийцамъ, и блуд творящимъ и чары творящимъ, идолотворомъ и всѣмъ лживымъ часть имъ во езере горящемъ и жупеломъ еже есть смерть вторая.

Слово КГ (23)
Глава ѮЗ (67) О ангеле показующемъ град Святыхъ и стѣны его со враты размѣряюще.

СОВ (272) И прииде единъ от З (7) ангелъ имущихъ З (7) фиалъ исполнены З (7) -ю язвъ послѣднихъ, и бесѣдова со мною глаголя. Гряди да покажу ти невѣсту Агнечю жену.

СОГ (273) И веде я духомъ на великую гору высоку и показа ми град великий и Святый Иерусалимъ сходящь с Небеси от Бога имущь Славу Божию.

СОД (274) И вышний Иерусалимъ украшенъ есть Богомъ. Свѣтило ея подобно каменю драгому яко камени аспиду хрустальну.

СОЕ (275) Имуще стѣну велику, высоку имуще врата ВI (12) и на вратехъ ангела ВI (12) и Имя написана, яже суть Имяна обѣмана. I (10) колѣнома сыновъ израилевъ.

СОS (276) От востока врата троя. От сѣвера врата троя. И от юга врата троя. И от запада врата троя.

СОЗ (277) И стена граду имуще основание ВI (12) и на нихъ имянъ ВI (12) обѣмана I (10) апостоломъ агнечевымъ.

СОИ (278) И глаголя со мною имѣяше мѣру трость злату. И да измѣритъ градъ и врата и стѣны его.

СОФ (279) И град на четыре углы стоитъ. И долгота его велика же и широта измѣри град тростию на стадии ҂ВI (12000). Долгота и высота его равна есть.

СП (280) И рамѣри же стѣну его въ Р (100) и М (40) и Д (4) лакти двоицею на I (10)-но число слагаемо бываетъ. И в мѣру человеческу яже есть ангелельския.

СПА (281) И бѣ создание стѣны его. И аспид и град златъ чистъ подобенъ стеклу чисту.

СПВ (282) И основание стѣны граду всяцем драгимъ камениемъ украшены. Основание первое аспид, В (2)-е сапфиръ, Г (3)-е халкидонъ, Д (4)-е измарагдъ, Е (5)-е сардиксъ, S (6)-е сардий, З (7)-е хрусолитъ, И (8)-е вирилионъ, Ф (9)-е тумпазионъ, I (10)-е хруспасъ, АI (11)-е якинфинъ, ВI (12) аменистъ.

СПГ (283) Оба на I (10) врат ВI (12)-те бисера да едина врата кождо будутъ от единаго бисера.

СПД (284) Путь граду златому чисто яко стекло лщашеся.

СПЕ (285) И церкви не видѣхъ в немъ. Господъ бо Богъ Вседрежител Церкви ему есть Агнецъ.

СПS (286) Град не требоваше солньца ни луны да свѣтят в немъ Слава Божия просвѣти и свѣтилникъ Ему Агнецъ.

СПЗ (287) И поидутъ языцы свѣтомъ Его.

СПИ (288) И цари земстии принесут славу и честь свою вон и врата его не имутъ затворити в день и нощъ бо не будет ту.

СПФ (289) Принесут славу и честь языкомъ вон и не имать вон внити всяко скверно и творяй мерзость и лжу но токмо написани и в книгахъ Агнечихъ.

Глава ѮИ (68) О чистей рѣцы явльшейся исходяще от престола.

СЧ (290) И показа ми реку чисту воды животныя. Свѣтлу яко хрусталь исходящи от престола Божия и Агньча посредѣ пути Его.

СЧА (291) И оба полы реку древо животное творя плоды ВI (12) на месяць кождо воздаяя плод свой.

СЧВ (292) И лѣствие древу во исцеление языкомъ.

СЧГ (293) И всего анафема не будетъ к тому.

СЧД (294) И престолъ Божий и Агнецъ будетъ в немъ. И раби Его служатъ Ему, и видят Лице Его и имя на челѣхъ имъ.

СЧЕ (295) И ноши не будетъ к тому и не потребуютъ свѣта от свѣтилника. Ни свѣта солнечнаго яко Богъ просвѣщается. И воцарится во вѣкы вѣкомъ. Аминь.

СЧS (296) И рече ми словеса вѣрна и истинна.

Глава ѮФ (69) Богъ пророкъ Христос владыка всѣмъ.

СЧЗ (297) И Господь Богъ Святыхъ Пророкъ Христосъ ангела Своего посла показати рабомъ Своимъ, им же есть быти въскорѣ.

СЧИ (298) И се прииду скоро, Блаженъ соблюдаяй словеса и пророчества книгъ сихъ.

Слово КД (24)
Глава О (70) Слово о достойномъ увѣрении, яже есть видѣлъ апостолъ

СЧФ (299) Азъ Иоаннъ, видѣвъ и слышавь се, егда видѣхъ и слышахъ си падохъ поклонитися на ногу, ангелу показающи ми, сей глагола ми, виждъ не клеврет ли есмь. Азъ и братия твоя пророкъ соблюдающа словеса книгъ сихъ Богу поклонити ми ся.

Глава ОА (71) Како есть не повелѣно запечатлѣти но проповѣдати Апокалипси.

Т (300) И глагола ми Господь не запечатлѣй словесъ пророчества книгъ сихъ рече бо близъ.

ТА (301) И обидяй да обидитъ ещё. И скверный да сквернится еще. Праведныйй да творитъ правду еще. И Святый да святится еще. И се гряду скоро и мзда Моя со Мною и воздати комуждо по дѣломъ его.

ТВ (302) Азъ Есмь Алфа первыи и последний и начатокъ и кончина.

ТГ (303) Блажени творящеи заповѣди Его и да приидетъ область имъ на древо животно и враты внидутъ во град.

Глава ОВ (72) Како церкви иже Духъ, иже в ней есть призываетъ славное Христово просвѣщение о клятве. Иже повинни бываютъ, отметающе книгы сия яко неприятны есть.

ТД (304) Вне и пси и чародѣйцы и любодѣйцы убийцы и льсти служителе, и вси творяще и любяще лжу.

ТЕ (305) Азъ Иисус посла же ангела Своего. Засвѣдѣтельствовати вамъ сия Церквамъ.

ТS (306) Азъ Есмъ Корень и род Давидовъ.

ТЗ (307) Звѣзда утреняя свѣтлая.
Яко звѣзда нарицается есть ту утреняя, яко утро вшед к намъ тредневно. По нощи же сего жития утренная обѣщаннаго Воскресения. Святымъ являющимся и день распящь бесконечный.

ТИ (308) И Духъ и невѣста глаголетъ ти прийди.

ТФ (309) И жаждай приидетъ ко Мнѣ. Хотяи да прииметъ воду животную туне.

ТI (310) Свѣдѣтельствую Азъ, всякому слышащему словеса пророчества книгъ сихъ. Аще кто приложитъ на ня, да наложи Богъ нань З(7) язвъ написанныхъ в книгахъ сихъ. Аще кто уйметъ, и отаще словесъ сущихъ пророчествия в книгахъ сихъ, аще кто. Да отиметъ Богъ часть его от древа животнаго. И от града Святаго написаннаго в книгахъ сихъ животныхъ.

ТАI (311) Глаголетъ свѣдѣтельствующий Именемъ Сихъ прийду скоро. Аминь. Гряди Господи Иисусе Христе Сыне Божий. Благодать Бога нашего Иисуса Христа со всѣми Святыми.

Аминь.