ГЛАВНОЕ МЕНЮ
СТАРИННЫЕ КНИГИ
ИССЛЕДОВАНИЯ
АНАЛИТИКА
КОНВОЛЮТ
КНИГА ГЛАГОЛЕМАЯ ЛУСИДАРИОСЪ

 

   В ней же предлежатъ различная намъ оучительства, иже бо во инныхъ книгахъ что обрящемъ сокровенно в сей же книгѣ положено откровенно. Иже кто хощетъ охотно читати сию книгу, всякую предлежащу себѣ мудрость ему покаже. И что въ Писании гдѣ положено сокровенно, здѣ же въ кратскихъ словесъ зѣло дѣло объявися.

ЧАСТЬ ПЕРВАЯ КНИГИ СЕЯ. ГЛАВА А (1)

Богъ искони, и всегда без конца: Иже есть начало сея книги. Аминь.
Учитель и ученикъ глаголютъ въ купѣ.

УЧЕНИКЪ Той есть всякий человекъ, кто премудрости хощетъ, призывая Всесильнаго Бога в помощь без труда обрящетъ.
УЧИТЕЛЬ. Есть Духъ Святый, той насъ утвердитъ да сохранимъ правую истинную вѣру. И всякия доброполучныя вещи уразумеютъ. Яже есть во многихъ книгахъ сокровенны, и неудобъ разсудителны словеса суть покажет намъ предвѣчныя премудрость. Вся сия познати, иже без труда миръ сотвори и насъ вѣчней мудрости научи.

УЧЕНИКЪ вопросилъ: Которой мудрости научи...
(Далее, часть страницы отсутствует.)
УЧИТЕЛЬ рече: Яже в Бозѣ три Имена суть. Отецъ и Сынъ и Духъ Святый, и яже три Имена Истинный Богъ есть. То бо есть мудрость вящая намъ над всякою мудростию еже мы Содѣтеля своего познахомъ. Въ Троицѣ Единаго Бога, и Троицу во Единице.

УЧЕНИКЪ. Како можетъ едино Божество на три раздѣлитися.
УЧИТЕЛЬ. В солнце есть свѣтлость луча и теплота, и есть убо едино солнце во трехъ купно едино суть и нераздѣлно. Такожде сия имена Триедино Истинно суть. И гдѣ убо есть Сынъ, тамо есть и Отецъ и Святый Духъ. И гдѣ Святый Духъ, тамо есть Отецъ и Сынъ.

УЧЕНИКЪ Сице сии три Имена никогда же могут разделитися, егда Сынъ человечество восприятъ, не восприятъ же ли и Святый Духъ.
УЧИТЕЛЬ Егда мы солнце зримъ посему можемъ то разумети, како то ощутения ради положено есть намъ. И яко же солнца никто же можетъ раздѣлити. Сущим ся бо мы от теплоты его. Такожде имѣемъ и свѣтъ от луча излучатие от свѣтлости, и сия убо три суть едина вещь солнце. Такожде есть и сие ради сихъ трехъ Именъ во Святомъ Божествѣ. Отецъ посла Сына, и Сынъ восприя человечество от Святаго Духа бѣ зачатъ тако суть сия Три Имена. И во инныхъ дѣлехъ раздѣлени и бѣша убо нераздѣлни един от другаго.

УЧЕНИКЪ Что есть в Писании слышим сие еже Богъ на всякомъ мѣсте, и есть убо от единаго мѣста неумалится.
УЧИТЕЛЬ Посему разумѣй. Еже аще Азъ глаголю то есть слышится во всякаго человека уше сехъ, но то от части раздѣляется равне. Тако есть и Божество на всяком мѣсте.

ГЛАВА В (2)

УЧЕНИКЪ Повѣдал ми еси о Творце да слышу от тебѣ, еще повѣжд ми о сотворении Небу и земли. И о дѣлехъ Всесильного Бога. Яже в нихъ сотворилъ.
УЧИТЕЛЬ О Бозѣ не дерзнем дале глаголати. Да не убо вложитися имамы въ великое сумнѣние егда сугубля словеса слышати и разумѣвати. Но имамы токмо вѣровати. Иже Богъ искони и всегда безконца Сый и прежде Сый.

УЧЕНИКЪ Богъ Единъ ли бѣ прежде неже сей миръ сотвори.
УЧИТЕЛЬ Не единъ но сотворения мира бѣ с нимъ.

УЧЕНИКЪ Чего ради сотвори Богъ сей мир.
УЧИТЕЛЬ В Бозѣ суть Три Естества, Область, Мудрость и велия Благость, сего ради сотвори Богъ сей миръ. Да тѣ Три Естества въ купѣ привлечетъ своею Областию сотворилъ, своею Мудростию украсил, своею Благостию утвердилъ.

УЧЕНИКЪ Гдѣ стояще Самъ Богъ прежде, неже миръ сей сотворилъ.
УЧИТЕЛЬ Тогда не бѣ ино кромѣ тмы. Еже именуемо хаосъ слияние, зане тогда бѣша Д (4) составы в купѣ слиянии.

УЧЕНИКЪ Кои бѣша тѣ Д (4) составы.
УЧИТЕЛЬ Сии бѣша огнь, воздухъ, вода, земля.

УЧЕНИКЪ Что сотврилъ Всесильный Богъ всего прежде.
УЧИТЕЛЬ Небо и землю, по семъ тварь всего мира. И послѣди всего человека. И предаде ему во область вся видимая мира сего. И постави его владыку, и облада рай даде ему, и вся покори под нозѣ его, и ничто же остави ему непокорено.

ГЛАВА Г (3)

УЧЕНИКЪ вопросилъ. Како именоватя первый аггелъ.
УЧИТЕЛЪ Сатанаилъ. Его же толь благолепна сотвори Всемогущий Творецъ, еже онъ прелстился от своего великаго мнѣния. И бѣ сверженъ за гордость с Небеси въ преисподний адъ со всѣми единомысленники своими.

УЧЕНИКЪ Коль долго диавол былъ на Небеси.
УЧИТЕЛЬ Не бѣ болѣ токмо полчаса.

УЧЕНИКЪ Почто сотврилъ его Богъ егда извѣстно бѣяше еже онъ пастися имать.
УЧИТЕЛЬ Того ради да избраннии аггели тѣмъ утвердятся. Понеже егда диаволъ сверженъ бысть, тогда друзии аггели быша толь твердии в любви Божией, еже не можаху уклонитися. Сего ради егда Денница и его воинство отпадоша, тогда еще не вѣдаше аггели о аде, а егда познаша в какову нужду прииде диаволъ от силы Божия, тогда убояшася Бога и познаша от того Его же Благодатию они быша. И тако Бога воспомянуша сего ради сохранишася на мѣсте, Божию область хваляще.

ГЛАВА Д (4)

УЧЕНИКЪ вопросилъ. Когда бѣ адъ сотворенъ, понеже и о семъ потребно знати.
УЧИТЕЛЬ Адъ сотворенъ от Божия области в то время, егда диаволъ помыслилъ противу Бога сѣсти.

УЧЕНИКЪ Гдѣ есть адъ.
УЧИТЕЛЬ Его же мы именуемъ преисподний адъ той есть на концѣ земли на нѣкоемъ мѣсте, идѣже смрад и тма, и никтоже живыхъ человекъ тамо итьти можетъ.

УЧЕНИКЪ Каковъ есть адъ.
УЧИТЕЛЬ Адъ есть вверсе узокъ, а доле широкъ и глубокъ. Никто же вѣсть мѣры, токмо Богъ Единъ. Яко книги поведаютъ намъ, яже нѣкия души от вѣка тамо впадше и не обрѣтоша еще дна.

УЧЕНИКЪ Коль многи имена имать адъ и что знаменует.
УЧИТЕЛЬ Адъ именуется во Святомъ писании врагъ смертный. Его же знаменуетъ езеро смертное, занеже души которыя тамо внидутъ никако могут изыти.

ГЛАВА Е (5)

УЧЕНИКЪ вопросилъ. Гдѣ есть верхний адъ.
УЧИТЕЛЬ На нѣкоемъ мѣсте, яко на высокихъ горахъ на островехъ при мори, идѣже горить сѣра и смола, и тамо сущия души мучатся, ко тамо спасени имутъ быти.

ГЛАВА S (6)

УЧЕНИКЪ вопросилъ. Како есть Небо сотворено.
УЧИТЕЛЬ Святое Писание имѣнуетъ Небо твердь, от нележе сотворено на всяко время течетъ от востока на запад. Ему же сопротиво текутъ солнце и луна и звѣзды.

УЧЕНИКЪ Откуду сие бысть яже мы зримъ убо солнце и луну от востока противъ запада текущихъ.
УЧИТЕЛЬ Сие бываетъ от Небеси. Понеже Небо есть толь силно, еже солнце луну и звѣзды с нощию на запад влечетъ, а понеже то по правдѣ идѣже идетъ на камень противу колеса.

УЧЕНИКЪ Чего ради сотвори Богъ тако.
УЧИТЕЛЬ Того ради да небесное творение несокрушится, яко да не сражаются солнце и луна и звѣзды сопротиво с Небомъ, сице бо течетъ оно вельми еже сокрушити то.

УЧЕНИКЪ Како то есть еже Небо безпрестанно течет.
УЧИТЕЛЬ Под Небесемъ есть не едино сотворение идѣже оно наверсе стоитъ. Понеже оно есть кругло и вельми всемощно яко Богъ. Его же Самъ тако сотвори даже безпрестани тещи имать и не можетъ стояти.

УЧЕНИКЪ Каково есть Небо.
УЧИТЕЛЬ Небо еже мы именуемъ твердь то есть сотворено от четырехъ составовъ и есть подобно видомъ водѣ.

УЧЕНИКЪ Колико есть Небесъ.
УЧИТЕЛЬ Небеса суть трои. Едино есть от земли даже до луны, второе есть от луны даже до звѣздъ, третие именуемое огненное. На томъ Самъ Всесильный Богъ со всѣми небесными силами.

УЧЕНИКЪ Что же меж земли и Небомъ.
УЧИТЕЛЬ От земли даже до луны суть лукавии бѣси, тѣ намъ пакости дѣютъ приемлюще тѣло от воздуха, от луны даже до звѣздъ есть воздухъ велми огнен, тамо поставлени Святии аггели хранити человека от диаволскаго ухищрения.

ГЛАВА З (7)

УЧЕНИКЪ вопросилъ. Солнце въ четвертый день сотворено, кой и свет былъ тогда прежде неже солнце сияло.
УЧИТЕЛЬ Нѣцыи учителие глаголют, яко Богъ зѣло свѣтелъ облакъ сотворилъ бѣ от него же простветленъ бѣ.

ГЛАВА И (8)

УЧЕНИКЪ вопроси. Гдѣ бяше Адамъ сотворенъ.
УЧИТЕЛЬ На мѣстѣ нарицаемом Ефронъ. По изгнании же из рая на томъ умре и погребенъ бысть, и наполнися та яма от нея же онъ созданъ бѣ. Егда же сотворенъ бѣ Адамъ тогда введенъ бысть Богомъ в рай и даде Адамъ всѣмъ вещемъ Божиимъ имена яже суть сотворени.

ГЛАВА Ф (9)

УЧЕНИКЪ вопросилъ. Гдѣ есть Ева сотворена.
УЧИТЕЛЬ В раи от ребра адамова.

УЧЕНИКЪ Гдѣ есть рай.
УЧИТЕЛЬ Рай на востоцѣ в мори, и прилѣжитъ близъ Небеси иже есть выше всея земли.

УЧЕНИКЪ Можетъ ли кто нынѣ тамо дойти.
УЧИТЕЛЬ Невозможно, понеже тамо облежатъ великие горы и чащы лѣсныя, и мраки и мглы.

ГЛАВА I (10)

УЧЕНИКЪ Коль долго былъ Адамъ в раи.
УЧИТЕЛЬ Нѣсть болѣ токмо В (2) часа.

УЧЕНИКЪ Како бы человецы раждалися, аще бы в раи имѣли пребывати.
УЧИТЕЛЬ Яко руцѣ в купѣ лежат бес похоти и греха.

ГЛАВА АI (11)

УЧЕНИКЪ Коль долго жилъ Адамъ.
УЧИТЕЛЬ Девять сотъ и Л(30) лѣтъ. Тогда умре во Иерусалимѣ. И погребенъ бысть во Ефронѣ.

ГЛАВА ВI (12)

УЧЕНИКЪ Коль старъ былъ Авель убиенный от Каина.
УЧИТЕЛЬ Тридесяти лѣтъ убиенъ от брата своего Каина в Домасцѣ.

ГЛАВА ГI (13)

УЧЕНИКЪ Кто первый исповедникъ иже писание обрѣте.
УЧИТЕЛЬ Писание обрѣте той есть Енохъ.

УЧЕНИКЪ Кто прежде всѣхъ числа в писмѣ обрѣте.
УЧИТЕЛЬ Той бѣ Иовилъ или Иогелъ сынъ Ламеховъ и Адды жены его. Той имѣяше брата, иже нарицашеся Иовалъ или Абалъ. Той обрѣте прежде всѣхъ хитрость пѣния и гуслей, третий братъ бѣ у нихъ от второй жены Ламеховы Селлы. Той прежде обрѣте хитрость ковати мѣдь и желѣзо. У сихъ триехъ братом бѣ сестра именемъ Неанна или Ноема сия обрѣте хитрость точива.

ГЛАВА ДI (14)

УЧЕНИКЪ Кто первый царъ по потопѣ.
УЧИТЕЛЬ Той бѣ Мелхиседекъ. Его же латыни глаголют быти Сима сына Ноева. Но Бытиевля книга о семъ царе явственно пишетъ яко Мелхиседекъ царь бѣ а чий сынъ о семъ не написано. А Церковь Божия о семъ Мелхиседецѣ тако мудръствует яко сей от того рожденъ бѣ никтоже вѣсть.

УЧЕНИКЪ В кое время люди раздѣлишася въ части ихъ.
УЧИТЕЛЬ При царѣ Мелсихедеце раздѣлишася на три части. От Сима изыдоша свободнии, от Афета воини, от Хама хлапи.
(комментарий: «хлапъ» - холопъ, рабъ. Словарь С.А. Суворина.)

ГЛАВА ЕI (15)

УЧЕНИКЪ вопроси. Повѣждь ми о устроении сего мира вселенныя.
УЧИТЕЛЬ Миръ сей около облиянъ водами сирѣчь морем во округъ вендельскимъ и в правду миръ сей круглъ. А земля в водахъ морскихъ силою Божиею устроена посредѣ и плавает на водѣ яко желтокъ въ яицѣ но не можетъ двигнутися. Понеже ни на чем же стоитъ. И ни кто ея кромѣ силы Божия не держит яко же пишет творение Дамаскиново. (Иоанъ Дамаскинъ). Утвержей Богъ ни на чесомъ землю, и повѣсивый неодержимую тяготу на водахъ.

ГЛАВА SI (16)

УЧЕНИКЪ вопросилъ. Како земля ни на чемъ а не можетъ поколебатися сие мя ужасает слово.
УЧИТЕЛЬ Посему разумѣй Богу вся суть возможна, и помысли дѣла Его како Онъ исперва Словомъ Своимъ от небытия в бытие вся яже зрятъ очи твои приведе. Тако разумѣй и о земли, како стоит ни на чемъ и ни кто ея не держит кромѣ силы Божия. Под землею же из моря в жилы идут многи воды, и от того земля бывает волгла. Сия же вся сотвори Всесилный Богъ силою Своею.
(Комментарий: «волглая» - мокрая, влажная, сырая.)

ГЛАВА ЗI (17)

УЧЕНИКЪ Како сие зримъ откуду исходит источник.
УЧИТЕЛЬ Егда воды из моря текутъ под землею въ жилы земныя, и егда жилы конецъ возмутъ, тогда проразится вода вонъ наверхъ земли. И течетъ без престани паки до моря отнюду же прииде.

ГЛАВА ИI (18)

УЧЕНИКЪ Како миръ сей раздѣлися на три части.
УЧИТЕЛЬ Сей миръ раздѣленъ на Г(3) части. Едина часть идет посредѣ вселенныя. И толь горяча от солнца яко невозможно тамо человеком пребывати. И по В-й (2-й) части обитания и жития человекомъ нѣсть же. Понеже тамо никогда сияетъ солнце, но мразъ тамо и студь зѣлная. Въ третией же части вселенныя житие человеческое.

УЧЕНИКЪ Како есть сия третия часть раздѣлена. На ней же мы обитаемъ.
УЧИТЕЛЬ На три же части иже нарицаются, первая Асия, вторая Африка, третия Европа.

УЧЕНИКЪ Что есть в сей первой части мира.
УЧИТЕЛЬ Азиа, в ней же восходитъ солнце, от рая же исходит источникъ един из него текут Д (4) рѣки.

УЧЕНИКЪ Идет ли та вода по раю.
УЧИТЕЛЬ Тѣ воды зѣло велики, идутъ из рая. Тѣ воды испортили великую часть мира во вселенней. Якоже повѣдают нам книги, тѣ воды в раю текут под землею. И егда из рая истекут, прошибутся наверхъ земли.

УЧЕНИКЪ Повѣждь ми гдѣ тѣ рѣки истекаютъ
УЧИТЕЛЬ Рѣка Гания истекаетъ во Индии из горы нарицаемый Артабаръ, и течетъ к востоку, в венделское море. В (2-я) рѣка Геонъ истекаетъ из горы нарицаемыя Атласъ, зѣло быстро исходитъ. И течетъ в два источника, по Муринской и по Египетъской земли, до Александрии, и впала в великое море. Тегръ же и Ефратъ вытекли во Армеи из горы имянуемой Пархарата. И текут обѣ въ венделское море.

УЧЕНИКЪ Которая земля к раю прилежитъ всехъ ближе.
УЧИТЕЛЬ Якоже Святыя книги повѣдаютъ еже до рая человеку сущу во плоти сего невозможно. Того ради, понеже облежатъ великия горы, и чащи лѣсныя. Подле сихъ лѣсовъ великое полѣ, широты и долготы презелно. И на томъ поли много превеликихъ драконовъ и лютыхъ звѣрей.

УЧЕНИКЪ Удивления зѣло великаго нѣкая животная мнѣ мнѣтся во слышании, понеже они толь злообразнии, како инымъ людемъ сея вселенныя зла не чинятъ.
УЧИТЕЛЬ Сие Всесильный Богъ Силою Своею и Мудростию тако устроилъ. Еже не могут тѣ люди видѣти насъ. Раздѣлилъ от насъ водами и горами даже въ ту снитися не могутъ.

ГЛАВА ФI (19)

УЧЕНИКЪ Котории звѣри в тѣхъ предѣлехъ посреди тѣхъ людей есть.
УЧИТЕЛЬ Тамо есть велицыи змиеве зовомии слангъ линъ твормъ. Толь велицый иже преди воспомянутыхъ людей пожирают и быстро зѣло плавают по морю.

ГЛАВА К (20)

УЧЕНИКЪ Повѣдалъ ми еси о земли индийской. Еще повѣждь ми о земли Парсии.
УЧИТЕЛЬ Земля Парсиа вся лежит подле рѣки Идусъ. Имѣетъ опредѣление границе своей великую рѣку Тигръ. Въ той земли градъ Персида от туду начася первое волхование. Тамо родится каменъ песисъ аще кто прикоснется к нему жжетъ аки кропива.

УЧЕНИКЪ Повѣждь ми о земли Месопотамии.
УЧИТЕЛЬ В земли Месопотамии бысть великий градъ Ниневия, иже широта его и долгота равна, мѣра же мочно человеку прейти его въ три дни. Таможе бѣ и Вавилонъ градъ, его же созда древнии исполинъ Невротъ. Стѣна же града того в толщину восмь лактей а въ высоту двести лактей и врата мѣдяная.

ГЛАВА КА (21)

УЧЕНИКЪ вопроси. Повѣждь ми о второй части сего ради.
УЧИТЕЛЬ Вторая часть мира сего зовется Европа. Яже простреся по горамъ тамо языкъ германский, тамо величайшая рѣка Дунай. А от моря языкъ благоизбранный и людие храбрии словенстии Русь. Тамо же беряне, чехи, ляхи, поляки, керенгвяне, фриляндия и иныя многия земли.

ГЛАВА КВ (22)

УЧЕНИКЪ Повѣждь ми о третия части сего мира. О Африке.
УЧИТЕЛЬ Африка начинается от рѣки великия Индусъ и простреся на западе даже до венделскаго моря. В ней же великия земли. Еже есть Понтотосисъ Керевтя и иныя земли. Таможе бысть оукрайна засения, таможе градъ великий Византия. Тамо земля Зензугъ, и великий градъ Карфагенъ. Тамо земля Гекулия и Инудия. Тамо языкъ ингурта люди сквернии. Ядятъ лошади и иныя звѣри скверныя.

(Комментарий: Приведу для примера часть страницы с текстом для того, что бы показать, что в те давние времена являлось "оукрайной". Как можно понять из написанного, даже Византия относилась к окраинным территориям. Вероятно, слово «зензугъ» искажённое от арабского «зенчуг», что означает жемчуг.)

ГЛАВА КГ (23)

УЧЕНИКЪ Повѣждь ми о островахъ яже в мори, и что в нихъ Всесильный Богъ сотворилъ радостно слышати сего желаю.
УЧИТЕЛЬ Первый островъ Тиверисъ близъ того Критъ. Подле его Хомосъ полнъ злата. Потомъ Делосъ той есть первый островъ по облиянию к нему же прилѣжить Паранъ (Парос). От туду вывозят нарочитый мраморный камень, и лучший сардисъ, от туду родися Сикилла. Та може островъ Сикилия. На немъ гора и и с тое горы каплетъ жупелъ или рещи сера горячая.
(Комментарий: возможные современные названия островов: Хомосъ (Самос), Делосъ (Делос), Паранъ (Парос), Сикилия (Сицилия))

ГЛАВА КД (24)

УЧЕНИКЪ Уже повѣдалъ ми еси како Всемогущий Богъ неизглаголанными судбами Своими миръ разделилъ и вся дивная в немъ сотвори, превосходит ума человеческаго, Божия чудотворения яже сотвори в семъ мирѣ Благости Своея ради. Еще повѣждь ми о преждереченномъ еже ты повѣдалъ ми еси что от луны даже до звѣздъ воздухъ огненъ, и над тѣмъ воздухомъ превыше вода. Скажи ми како сие устрои Всесильный Богъ.
УЧИТЕЛЬ Аще и зѣло хощеши постигнути невѣдомыя глубины судебъ Божиихъ, но не можеши болше разумѣти токмо то разумевай и вѣруй. Еже по воли намъ разумѣти видимая сотворения Своя, Всемогущий Богъ Святое Писание повѣдаетъ. Еже огнъ ни коея силы с самого существа имать. Донеже вольготу обыметъ, тогда будетъ первое горячъ. Да имаши разумети о солнце, якоже то глубочае сияетъ. Тогда горячае, еслико же высочае сияетъ сице хладнѣе есть. И по сему познавай еже снѣгъ на высокихъ горахъ долго лежитъ, а в долахъ глубокихъ скоро гибнетъ.

ГЛАВА КЕ (25)

УЧЕНИКЪ Кое естество имать вода.
УЧИТЕЛЬ Вода имать Г(3) естества. Первое есть вода сама. Второе еже по ней путь плавание. Третие еже мы пиемъ.

ГЛАВА КS (26)

УЧЕНИКЪ вопросилъ. Повѣждъ ми о мори.
УЧИТЕЛЬ Море изменяетъ свое естество по месяцу егда убо море ростетъ, сице идетъ вонъ седмь дний, толико же и убывает.

УЧЕНИКЪ То како сие от чего ему бываетъ.
УЧИТЕЛЬ В мори суть мнози и велиции горы. В нихъ же есть мнози же и велицыи скважни сими скважнами от Божия области вѣтрами вода одна прогоняется далече, чрезъ стадию, сопротивно идетъ седмъ дний от бездны.

УЧЕНИКЪ Откуду приходят вѣтры.
УЧИТЕЛЬ Есть Д(4) вѣтры зовомыя кардиналес и от него же до вѣтра исходят прочии два вѣтра карлателаресъ сирѣчь странныя, тѣ возмущают море от четырехъ конецъ ко дну, и ево волны вмѣсто сражаются от тоя бури вѣтренныя, и от вѣтровъ, егда Д(4) вѣтра вышереченныя высоко на воздусѣ сразятся вмѣсто. От того в мори бываетъ волнение.

ГЛАВА КЗ (27)

УЧЕНИКЪ ОТ чего бывает земли трясение.
УЧИТЕЛЬ Егда вѣтры внидутъ в скважни под землею, и паки от туду исходити хощутъ и не могутъ проразится вонъ, сице от нихъ трясется земля.

УЧЕНИКЪ Како бываетъ на земли трясение идѣже нѣстъ скважни.
УЧИТЕЛЬ Идѣже земля жестока тамо есть на всяко время вода под тою землею высподи сице бываетъ егда та бездна водная двизается от вѣтровъ и вонъ выразитися вода жестокости раздираетъ землю великою силою. И сице ту страну двизает.

ГЛАВА КИ (28)

УЧЕНИКЪ Како сие бываетъ еже земля зеваетъ.
УЧИТЕЛЬ Сие слыши и размѣй. Земля есть сотворена от Божия области подобна тѣлу человеческому, понеже камение имѣетъ вмѣсто костей, корение древесъ и травъ вмѣсто жилъ. Древеса и трава вмѣсто власъ. И егда внидутъ вѣтри в подземныя скважни, и выразитися от туду паки не могутъ, тогда терзаютъ землю и колеблютъ. Еже от великия силы преисподнихъ вѣтровъ сице земля отверзается.

ГЛАВА КФ (29)

УЧЕНИКЪ Повѣждь ми о заподномъ крае, сея вселенныя яже глаголется Сикилийская.
УЧИТЕЛЬ В той оукраине под землею поправде зѣло премноги скважни. И тамо родится жупелъ сирѣчь сера горящая от огня. От тоя серы кто разумѣша яко в томъ самомъ мѣстѣ на западѣ под тою землею смердливою велиаровъ домъ еже есть ровъ смертный адъ, из то есть правда понеже в томъ крае ничтоже видѣно Благо, но токмо зловоние серы смердитъ.

ГЛАВА Л (30)

УЧЕНИКЪ Повѣдаютъ морстии корабленицы, еже слышатися близ тоя земли Сикилийския в мори аки сабаки лаютъ.
УЧИТЕЛЬ То мѣсто нарицается Скилла. В томъ самомъ мѣсте той вышереченный адъ. В немъ же великий шумъ и смущение и страхъ и оужасъ и крикъ презельный. Еже слышатъ корабленицы и повѣдаютъ, аки бы псовъ лаяние под водою, поправдѣ в томъ самомъ мѣсте ти. Сирѣчь бѣсове злии и сквернии.

ГЛАВА ЛА (31)

УЧЕНИКЪ Откуду приходит к намъ студеность.
УЧИТЕЛЬ Посему разумѣется яко теплота приходит от солнца, а студеность приходитъ от воды. Когда от насъ удаляется въ презелную далекость солнце и не могутъ лучи его толь силно на насъ сияти, тогда и мразъ и студеность, и то все творится судбами Всемогущаго Бога и раздѣляется годъ на две части яко в зиму и в лѣто.

ГЛАВА ЛВ (32)

УЧЕНИКЪ Книги учатъ нас тако. Еже солнце в зимѣ высоко течетъ, а в лѣте нижайшии, и для чего дни зимния кратки, а лѣтния долги.
УЧИТЕЛЬ Разумѣй яко вселенныя и сей миръ въ правду судбами Всемогущаго Бога сотворенъ круглъ аки бы зрящи подобно яблаку. Егда намъ убо видится солнце велми высоко. Тогда оно течетъ посреди вселенныя, над тою частию, идѣже люди обитаютъ блиско и велми низко земли, да тако оно человеческому роду влѣче на потребу возвращения плодовъ земныхъ и того ради и долгъ день тогда бывает намъ. А в зимѣ течетъ солнце вельми высоко на небеси во внѣшнихъ частехъ вселенныя, идѣже нѣсть тамо жития человеческаго. И от тоя части которые люди обитаютъ въ презельной и несказанной далекости, того ради видится намъ солнце течетъ ниско и скрывается за округлость земли. Его же мы видѣти к тому не можемъ. Понеже части вся вселенныя на которой люди обитаютъ на единой странѣ земныя округлости.

ГЛАВА ЛГ (33)

УЧЕНИКЪ Что повѣдаеши о людяхъ иже нарицаются астипедесъ, которыя под нами и имѣютъ ноги своя простерты супротив нашимъ.
УЧИТЕЛЬ Земля есть в правду, якоже сказахъ ти, кругла, и тѣ люди под нами и ноги ихъ простерты супротивъ нашимъ.

УЧЕНИКЪ Да како тѣ люди ходятъ тако а не повалятися.
УЧИТЕЛЬ Держитъ ихъ сила Божия тако якоже держитъ землю да не падаетъ от Всесильнаго Бога вся возможна творит бо елико хощетъ.

УЧЕНИКЪ Откуду приходит нощь.
УЧИТЕЛЬ Егда убо солнце течетъ над землею тогда есть день, а егда течетъ под землею округлостию, тогда на нас сияти не можетъ. Тогда бо закрываетъ его земная толстота, и то есть нощь. Но то разумѣй яко солнце безпрестанно течетъ, и не можетъ ни мало стояти.

ГЛАВА ЛД (34)

УЧЕНИКЪ вопросилъ Како солнце течетъ.
УЧИТЕЛЬ Небо есть кругло, понеже текутъ солнце и звѣзды безпрестанно. Но не по единой стези или лещи оулице сразили бы ся промежъ себѣ еже сокрушитися.

УЧЕНИКЪ Чего ради сотвори Вседержитель тако.
УЧИТЕЛЬ
Елико далече есть до луны второе того далее есть от солнца до звѣздъ того ради имѣютъ звѣзды пребольшую мощъ, зане имъ небо велми ближайши. А еже солнце мощь имать то послѣдуетъ по звѣздамъ, и то солнце ВI (12) оулицъ на небеси по ними же солнце преходитъ во единъ годъ. Тѣ же оулицы имѣютъ Святии книги. ВI (12) знамения иже суть ВI (12) месцей, на всяк годъ месяцъ преходитъ, солнце же по оулице течетъ. Сие Всесильный Богъ Областию Своею насъ ради тако устроилъ.

УЧЕНИКЪ Аще бо солнце никако же из двунадесяти знамений не исходитъ, что убо месяцы некие равны.
УЧИТЕЛЬ Знамения стоятъ нѣкия высоко а овии низко. Тако же суть планиты выше по тѣхъ луна, ея же рождения звѣзды есть еже зѣло ближайшии знамени течетъ по семъ приходитъ месяцъ.

ГЛАВА ЛЕ (35)

УЧЕНИКЪ вопроси Како сие случися еже та вечерняя звѣзда бываетъ едина же и утренняя.
УЧИТЕЛЬ Нѣкия книги глаголютъ еже та планита едино лѣто пред солнцемъ а другая послѣ солнца течетъ той же годъ егда пред солнцемъ течетъ, тогда она зовется утреняя.
(Комментарий: Видимость планет с Земли различается для внутренних планет - Венера и Меркурий, т.е., орбиты их лежат внутри земной орбиты, и для внешних — все остальные планеты. Поэтому «внутренние» планеты всегда видны вблизи Солнца либо утром в восточной стороне неба, либо вечером в западной стороне неба.)

ГЛАВА ЛS (36)

УЧЕНИКЪ вопросилъ Которая звѣзда утренняя тогда бываетъ вмѣсто той егда Афродитисъ (Венера) бываетъ вечернею.
УЧИТЕЛЬ Есть пятая планита именуемая Марсъ, по гречески же Арсисъ. Та есть Афродиту толь подобна, еже никто никогда познати не можетъ. Нѣкия книги тако пишутъ. Еже та звѣзда толь не в мѣрной высотѣ подъ твердию, еже мы ея зримъ утре пред солнцемъ, вечере же послѣ солнца.

УЧЕНИКЪ Сколько суть планитъ и како именуются.
УЧИТЕЛЬ Елико есть дней в недѣле толико суть и планитъ. Двѣ бо служатъ нам наипаче же яко солнце и месяцъ (Луна). Прочии же пять планитъ текутъ, звѣзда же суть едина нарицается Сатурнусъ по гречески же Кроносъ. Та бо течетъ толь высоко на небеси еже едва въ Л(30) лѣт свое течение исполнитъ. Вторая планита Венусъ по гречески же Афродита, ея же мы именуемъ вечернею. Звѣзду, иже въ два года свое течение совершитъ.

УЧЕНИКЪ Повѣждь ми о прочихъ планитахъ.
УЧИТЕЛЬ Шестая планита есть Меркуриусъ по гречески Ермисъ, и течетъ З (7) лѣтъ пред солнцемъ. Писание глаголетъ, еже та планита мудрость содержитъ, о томъ послѣди исповѣстъ ся. Седмая планита именуемая Юпитеръ по гречески Зевесъ та течетъ ВI (12) лѣтъ пред солнцемъ идетъ по планитамъ. Кронусъ вельми превыше всѣхъ.

ГЛАВА ЛЗ (37)

УЧЕНИКЪ вопросилъ Коль велики суть планиты.
УЧИТЕЛЬ Луна толь широка есть яже всю землю кромѣ моря и облакъ покрываетъ. Солнце же величествомъ паче луны сугубо. А тако же колико солнце велико толь велики суть вся протсии планиты.

ГЛАВА ЛИ (38)

УЧЕНИКЪ вопросилъ Како видится намъ звѣзды зѣло малы.
УЧИТЕЛЬ Сие тако видится от зѣлныя высоты. Да аще бы стояло и солнце столь высоко якоже и звѣзды таково же бы виделося намъ яко же звѣзды.

УЧЕНИКЪ Какого суть естества звѣзды небесныя.
УЧИТЕЛЬ Сие есть вѣдомо от Писания, еже душа приходитъ от Бога прежде человекомъ въ слиянии бываетъ сице, есть Богъ надовсѣми звѣздами, яко убо душу блюдетъ под твердию коя убо приемлетъ свое урождение.

ГЛАВА ЛФ (39)

УЧЕНИКЪ вопросилъ Повѣждъ ми о лунѣ.
УЧИТЕЛЬ Луна есть меншая планита и течетъ нижайши всѣхъ планитъ къ земли. Того ради разсуждается по ней весь мiръ

УЧЕНИКЪ Откуду прииде сие тако.
УЧИТЕЛЬ Посему же понеже нѣкия планиты или звѣзды суть студены естествомъ, нѣкия сухи естествомъ а нѣкия волглы естествомъ. И тѣ самыя естества приемлетъ человекъ от звѣздъ.
Который человекъ студеного и сухого естества есть той молчати любитъ и не скоро вѣритъ что слышитъ, дондеже испытно уразумѣютъ.
Который человекъ студенаго и волглаго естества, той еже слышитъ то скоро высказываетъ и многоглаголивъ.
А который горячего и сухого естества той есть дерзокъ руками и храбръ и имать пожелание на многия жены и зѣло непостояненъ в любви. Сего ради Писание повѣдаетъ, еже планита Марсъ или рещи Арсисъ горячего и сухаго естества, и дѣйствуетъ паче всѣхъ нечистоту.
Занеже кая жена горячего и волглаго естества, та есть проста и милосерда и знатлива. И зѣло похотолюбива.

УЧЕНИКЪ Повѣждь ми чего ради тако есть.
УЧИТЕЛЬ Небесное естество есть толь крѣпко, еже землю одолѣваетъ. Луна же есть толстотою яко земля, сице приемлетъ луна мощь от солнца и то разумѣти, еже весь миръ судится по лунѣ, понеже луна сотворена есть от четырехъ составовъ.

ГЛАВА М (40)

УЧЕНИКЪ Како сие бываетъ еже луна скоро полна бываетъ, и скоро ущербляетъ.
УЧИТЕЛЬ Егда планиты сотвори Всесильный Богъ тогда восприятъ луна воды много от земли. Того ради не имать свѣта по себѣ самой но от солнца восприемлетъ. Егда она близъ солнца, тогда бываетъ темна и отрастаетъ до толѣ донележе солнце паки начнетъ послѣдовати. Тогда растетъ паки донележе полна будетъ.

ГЛАВА МА (41)

УЧЕНИКЪ Како случается еже солнце за луною по той стези или просторещи дороге послѣдовати не можетъ.
УЧИТЕЛЬ Солнце течетъ не прямо, а луна прямо занеже знамения по нему же солнце течетъ единъ годъ. А луна течетъ во единомъ коемждо месяцѣ и знамении, в немъ же солнце пребываетъ, луна единъ день.

ГЛАВА МВ (42)

УЧЕНИКЪ Что есть черность, еже мы видимъ въ лунѣ.
УЧИТЕЛЬ Яко же луна свѣтление от солнца имать, такожде и теплоту от солнца. Егда сотворена бѣ тогда восприятъ воды многи от земли. Того ради да имаши вѣдати, по елико же луна восприемлетъ от солнца, еще пребываетъ студена едина часть в свѣте, и то есть черность въ лунѣ.

ГЛАВА МГ (43)

УЧЕНИКЪ Повѣдай мнѣ о томъ како луна премѣняется.
УЧИТЕЛЬ Сие случается часто еже солнце на нѣкоей половинѣ земли а луна на другой половинѣ, яко же луна ДI (14) дней старостию сице станетъ, единъ противу другому, яко или едину черту шествия по земли от солнца даже до луны, и толь есть солнце мощно еже луна приемлетъ его свѣтление, даже оно все кругло будетъ, егда оно себѣ премѣнитъ, тогда оно высоко на небеси стоить. Сие прилучается судбами Всемогущаго Бога.

ГЛАВА МД (44)

УЧЕНИКЪ Скажи ми о звѣздѣ комите.
УЧИТЕЛЬ Комита не свѣтитъ и не блистаетъ никако но егда царства котораго монархи великаго пременятися судбами Всемогущаго Бога имать, тогда комита являетъ свое блистание. Та же звѣзда комита не промежъ техъ протчихъ звѣздъ, яко же Писание повѣдаетъ, но Всемогущий Богъ Своею областию возжигаетъ на воздухе и являетъ Праведнаго Своего гнѣва на ны пришествие, яко Человеколюбецъ показуя и претя намъ престати от злобъ нашихъ, да не погибнетъ злѣ видящи таковое знамение, повѣдающе намъ покаемся яко ниневитяне от проповѣди Ионины, и получимъ от Бога милость, понеже щедръ и долготерпѣливъ и много милостивъ.

ГЛАВА МЕ (45)

УЧЕНИКЪ Повѣждъ ми о семъ како видится намъ еже звѣзды падаютъ съ небесъ.
УЧИТЕЛЬ Всемогущий Богъ неизреченною Мудростию Своею, ради возлюбленнаго своего создания человека сотвори имъ свѣтити день и нощь и не можетъ поколебатися солнце и месяцъ и звѣзды. Ниже пременити повелѣннаго имъ шествия но исполняютъ яко же зримъ по всякий годъ дние и нощи и часы во всякомъ предивномъ умѣрянномъ раздѣлении. А иже видимъ аки звѣзды въ нощи съ небесъ падаютъ, то разумей еже с воздуха падаютъ искры огненная в то время егда в презелной высотѣ на езерѣ бываетъ великая буря и смѣсится воздушный огнь с высоты долу растерзая силою воздухъ.

ГЛАВА МS (46)

УЧЕНИКЪ Повѣждь ми како бываетъ на воздусе во время дождя блистание и громъ.
УЧИТЕЛЬ Егда Д(4) великия вѣтры по изволению Всесилнаго Бога приидутъ от моря и на высотѣ аерской (воздушной) в купѣ сразятися, и от нихъ бываетъ на высотѣ буря толь великая, еже воздухъ растерзается, и егда убо воздухъ и огнь в купѣ смесятся, тогда бываетъ на воздусѣ стукъ великъ еже мы слышимъ и на земли. И то есть громъ, и егда убо воздухъ растерзается от огня сице стреляет той огнь долу еже то есть громов сие стрѣлы. И егда тѣ стрелы приидутъ на землю. Обрѣтаются видомъ сѣры приемлюще от воздуха дебелость свою.

ГЛАВА МЗ (47)

УЧЕНИКЪ вопроси Откуду приходятъ к намъ градное камения.
УЧИТЕЛЬ Егда на земли бываетъ великая теплота, тогда на воздусѣ студеность сице вземлетъ теплота пару и росу с собою на воздухъ, и падетъ воздухъ на пару, тогда вѣтръ смѣситъ в купѣ пару с воздухомъ, и от хлада великаго вѣтреннаго вода яже межь ими смерзается, тогда смерзается вода, и не можетъ тамо ни мало быти на воздусѣ но зѣло въ скорѣ имать от облакъ на землю падати. И то есть градъ. Сие же все чюдо дѣется судбами Всесилнаго Бога.

УЧЕНИКЪ Како в лѣте бываетъ градъ и громъ а в зимѣ сего неть
УЧИТЕЛЬ Въ лѣте есть солнце толь мощно еже мглу и мокроту и собою на высоту вземлетъ на водухъ, егда намъ близъ есть сице имать градъ быти. В зимѣ же солнце есть намъ далече и земля не имать росы того же солнце убо толь мочно нѣсть еже в долготу на высоту к себѣ взимати. И того ради в зимѣ не гремитъ ни градъ падаетъ.

ГЛАВА МИ (48)

УЧЕНИКЪ Откуду приходитъ снѣгъ.
УЧИТЕЛЬ Егда убо пара восходитъ на воздухъ и вѣтръ далече проженетъ и та пара отолстѣетъ обаче не можетъ в камень смерзнутися, понеже тамо есть мгла посреди, все же строится судбами Всетворящаго идѣтъ дождь и снѣгь и градъ росу и иней, мразъ и зной воздухомъ и солнцемъ. Такожде токмо Единь Онъ Всесилный Творецъ вѣсть.

ГЛАВА МФ (49)

УЧЕНИКЪ Откуду придетъ сие, еже дождь бываетъ кровавый.
УЧИТЕЛЬ Егда убо солнце облистаетъ в чермное море или лучь пустить тогда море от солнечныя теплоты червленую росу на воздухъ возведетъ и егда убо на землю падетъ, сице бываетъ дождь червленъ аки кровь.

ГЛАВА Н (50)

УЧЕНИКЪ Како то бываетъ еже дождь черви от воздуха дождитъ.
УЧИТЕЛЬ
Сице поистиннѣ тако яже убо воды стоящие, яко во езерахъ великихъ и въ блатахъ (болотах) разумно всѣмъ видимъ многия гады и черви и егда то случается еже солнце въ тѣ воды облистаетъ зѣло парно и толь крѣпко вземлетъ парою своею мокроту. Еже малыя червочки влечетъ на воздухъ. И понеже воздухъ не любитъ того гада на высотѣ держати и тогда скоро падетъ

ГЛАВА НА (51)

УЧЕНИКЪ От чего суть четверовидная дуга на облацехъ.
УЧИТЕЛЬ Егда теплота солнечная росу вземлетъ на воздухъ, сице смѣсится толь долго дондеже во облацехъ будетъ, и применяется облакъ по четыремъ составомъ, зеленый видъ от воды, синий от воздуха, червленый от огня, бледныи от земля.

ГЛАВА НВ (52)

УЧЕНИКЪ вопроси Чего ради источники в лѣте студены, а въ зимѣ теплы.
УЧИТЕЛЬ Сего ради понеже водныя жилы лежатъ под землею, от тѣхъ жилъ вода истекатъ, и сице источники в лѣте и в зимѣ измѣнятся. В лѣте во студеность да намъ будетъ от зноя на прохлаждение. В зимѣ же теплы. Сия вся намъ строя Человеколюбец Богъ паки всегда от потребныхъ намъ всяко возможна Ему.

ГЛАВА НГ (53)

УЧЕНИКЪ Чего ради море бѣло.
УЧИТЕЛЬ Блистание с высоты внизъ в прямъ от солнца в море, и толь мощно еже песок от того блистания превращается в соль

ГЛАВА НД (54)

УЧЕНИКЪ вопросилъ. Откуду приходитъ роса и иней.
УЧИТЕЛЬ Егда теплота в день на воздусе пребываетъ, сице вземлетъ студень в нощи из земли, и поженетъ воздухъ велми на землю, яко смерзнется роса и будетъ иней.

ГЛАВА НЕ (55)

УЧЕНИКЪ вопросилъ. Откуду люди кротцыи нравомъ.
УЧИТЕЛЬ Сие бываетъ от урождения женска, сирѣчь от существа матерна тучныя жены раждаютъ немощныя дѣти, понеже тучность стесняетъ существо подобно тому, которая земля наводнится, плодъ малъ приноситъ, тоже прилучается, которыя люди добраго существа, а ядию преизлишнею и питиемъ вредятъ существо чадъ.
О семъ книга судей Израилевыхъ читай, рече убо аггелъ Господень к Маною в зачатии силнаго Сампсона, да жена его вина и сикера не пиетъ и ничто же нечисто да ястъ, по правдѣ же кротцы людие бываютъ от существа матерна, инии же от своего воздержания множаишии от учения.

ГЛАВА НS (56)

УЧЕНИКЪ Чего ради животна звѣрие и скоти от земли от единаго существа создани, такожде и птицы от воды а не едино подобны видом и нравомъ.
УЧИТЕЛЬ Сие судбами Всесилнаго Бога утвердися, животна бо от четырехъ стихий сотворени. Но зачинаютъ существа не плоды, другия инымъ птицы начинаютъ и за многа воздухомъ и тѣ любятъ лѣтати по воздуху, иныя зачинаютъ болѣ водою, тѣ паче любятъ на воде плавати, яко гуси лѣбеди и прочие. Нѣции зачинаютъ воздухомъ множе иныхъ, и тѣ суть к лѣтанию велми быстры. Яко же соколъ и ястребъ и прочии.
В животныхъ же яко серна и елень нѣции зачинаютъ от огня, якоже львы и медведи, и нѣции зачинаютъ болѣ от воздуха и огня, и тѣ суть быстры и гнѣвливии, яко алебарии и прочии. Нѣции зачинаютъ землею и водою, и тѣ суть тихи и лѣнивии, яко же волове и ослы. По тѣмъ же самимъ стихиямъ или рещи составомъ пременяется кийждо человекъ яко стихии восприемъ, и посемъ имать смиритися и пременятися плоти от цвѣта. Потомъ требуетъ принимати во старости своей цѣлбу (целительство. лечение) и ищетъ помощи многотрудной плоти своей яже во юности своей чем оскорбилъ.

ГЛАВА 57
(Отсутствует.)

ГЛАВА НИ (58)

УЧЕНИКЪ вопросилъ Отроча во утробѣ до дне рождения чемъ живится.
УЧИТЕЛЬ
От женския печени исходятъ двѣ малыя жилицы, в тое камору идѣже лежитъ отроча. Из нихъ течетъ нѣкая кровь ко устомъ младенца. Онъ же ссетъ, (сосёт) и та пища роса походящая от солнца.

УЧЕНИКЪ Во много ли дней дѣтище во утробѣ женстей воображается в совершенство.
УЧИТЕЛЬ То есть устроение пречюдеснаго Строителя утвердися в созданномъ от персти первобытномъ Адамѣ от него же Творца и той Адамъ одушевленный, не яко протчии звѣрие создани. Онъ разуменъ, имѣя умъ, слово и чувство. Отроча же бываетъ зачинаемъ от сѣмени мужеска и от существа смѣшшагося от всего тѣлесе. Жена же каяждо имать едину камору, и в немъ отроча покоится. В той же камаре тѣ существа содержими имуть быти. От нихъ же отроча въ З (7) дней соберется вкупѣ седмию денми вообразится, и седмию денми будутъ ему жилы, и кости. Въ Е (5) дней возрастут ему власы и кожа, и тако до М (40) дней приидет в совершенство.
(Комментарий: Судя по последней фразе ... и тако до М (40) дней приидет в совершенство... вероятно речь идёт не о днях а о неделях. Потому как к 40-й неделе действительно полностью заканчивается процесс формирования совершенного младенца.)

ГЛАВА НФ (59)

УЧЕНИКЪ Гдѣ желание мужеское сотворено.
УЧИТЕЛЬ В трехъ каморехъ раздѣлено едину имать в себѣ мудрость, вторая разсмотрение, третие безсрамие.

ГЛАВА Ѯ (60)

УЧЕНИКЪ вопросилъ Откуду растут власы.
УЧИТЕЛЬ
От брадовки, яже от стомаха идетъ того ради который человекъ студенаго прирождения у того власы ростутъ велми долги.

ГЛАВА ѮА (61)

УЧЕНИКЪ Откуду растутъ ногти.
УЧИТЕЛЬ От брадовки яже идетъ от сердца, того ради старѣйшии людстии носятъ на персехъ златыя персни, понеже мудрости наслѣдие от сердца есть.

ГЛАВА ѮВ (62)

УЧЕНИКЪ Како люди во старости велми власами сѣды бываютъ.
УЧИТЕЛЬ Яко младенцы родимы бѣловласы или русы и чермнии, тако и в совершенном возрасте и донележе пребваютъ в силѣ и крѣпости, когда имѣютъ кровь горячую и власы неизмѣнны яже на вся дни юностныя, донележе имать юноша крѣпость. Егда же начнетъ и сила его малитися и теплота утробная уступати тогда студени начнетъ сѣдѣти. Егда же старъ имать быти тогда едва и теплыми скукарь ми согретися имать.

ГЛАВА ѮГ (63)

УЧЕНИКЪ Повѣдал ми еси дивныя дѣла Божия яже Той сотвори, повѣждь ми о человеце како ему конецъ прияти.
УЧИТЕЛЬ Человецы сотворени от четырехъ составовъ, и ни какоже конецъ приимутъ но токмо премѣняются, душа же отидетъ къ Богу сотворшему, плоть будетъ земля, идетъ къ своему существу, отнюду же бѣ от юныхъ дней создана.

УЧЕНИКЪ Повѣждь ми о кончинѣ человека.
УЧИТЕЛЬ Писание глаголетъ, человекъ блюдомъ от Бога, кийждо имать аггела Святаго пасуща и храняща его такожде и злый аггелъ соблюдая вся согрешения его. И егда приидетъ человекъ к концу, тогда Святии аггели поимутъ душу его и не оставят дондеже поставлена будетъ в вѣчнѣй радости повелѣниемъ Божиимъ. Аще ли который человекъ умретъ во гресехъ то душу поимутъ злии бѣсове, и сведутъ въ преисподний адъ. И тамо будутъ во вѣки вѣковъ. Аминь.

ГЛАВА ѮД (64)

УЧЕНИКЪ вопросилъ Кто тѣ души мучитъ, и еже последи которые спасении имутъ быти.
УЧИТЕЛЬ Сихъ мучаетъ бѣсове. Но обаче Святии аггели блюдутъ ихъ. Егда же приглашени боудутъ, тогда боудутъ в рай.

ГЛАВА ѮЕ (65)

УЧЕНИКЪ Кую Благодать имѣти боудутъ Святии аггели.
УЧИТЕЛЬ Обрящутъ убо души своя тѣлеса паки. И тогда Богъ подастъ имъ красоту седмь кратъ солнца свѣтлѣе, и будутъ силнии яко помыслятъ весъ миръ сокрушити, и толь хитры еже ни кто хитрѣе удержати во мгновении ока имутъ толь любовни другъ к другу. Еже кто что от Бога почесть имѣя желати, что бы и всякий получилъ тожде, и толь имети боудутъ велию почесть и вси Святии аггели его же имѣютъ толику радость, еже неубоятся смерти. Такую же радость сподоби насъ Боже Милостивый всѣмъ получити.

ЧАСТЬ ВТОРАЯ КНИГИ СЕЯ

   В ней же о вещехъ преданныхъ христианомъ, како комуждо от насъ хранити себѣ. Дабы от милости Божии не отпасти. В сей части премудрыя вещи предлежатъ, сего ради потребно намъ прочитати книгу сию со всякимъ вниманиемъ разсудительно.

ГЛАВА А (1)

УЧЕНИКЪ Поведалъ ми еси како миръ сей сотворенъ и раздѣленъ, и како нѣции прияти имутъ, ещё повеждь ми от указания Святаго Духа како Святое Христианство прославлено боудетъ и что каяжда вещь назнаменуетъ еже мы по вся дни видимъ начинаемы во Святомъ Христианствѣ, и како кончатися будутъ, и кийждо человекъ будетъ блюстися имать да не отлучится вѣчныя жизни.
УЧИТЕЛЬ Святый Духъ вѣрныхъ человекъ научилъ еже что ни начинается во Святомъ Христианствѣ то все имать быти от Духа.

ГЛАВА В (2)

УЧЕНИКЪ Потребно ли человеку дабы онъ добрая дѣла разумѣлъ.
УЧИТЕЛЬ Человекъ чего не разумеѣтеъ, того онъ и в любви не имать. Сего ради и да имать единъ кияждо человекъ знаменовения Божественныхъ дѣлъ вѣдати. От тудоу обрящетъ плодъ и любовь ко всѣмъ дѣламъ добрымъ.

УЧЕНИКЪ Добра ли мы творимъ, егда мы трехъ Именъ единицею призываемъ. Особь без другихъ.
УЧИТЕЛЬ Писано бо есть еже Авраамъ Святую Троицу видѣвъ триехъ аггелъ вообразѣ, и моляше яко Единаго Бога, и того ради не можетъ Божества раздѣлити, но егда молилъ Святую Троицу, сице молимъ и мы Отца и Сына и Святаго Духа.

УЧЕНИКЪ Аще Отецъ и Сынъ толь же Святии суть яко Духъ Святый. Почто лишше глаголетъ Святый Духъ.
УЧИТЕЛЬ Азъ рѣкохъ ти еже тѣ три Имена Единъ Истинный Богъ, той Самъ есть Духъ Святый, сие глаголетъ намъ еже тѣ три имена Единъ Истинный Богъ.

УЧЕНИКЪ Аще Богъ по человеке глаголаши славитися хощетъ, по что восприятъ Сынъ на ся человечество излишне неже Отецъ или Святый Духъ.
УЧИТЕЛЬ Сии три Имена в купѣ и то бѣ истина. Еже Отецъ Сына посла и Сынъ послушливъ, бѣ ему и Святый Духъ, не восприя человечества. Аще ли бы то было были бы два Сына, единъ от Божества а другий от человечества.

УЧЕНИКЪ Егда сице Богъ от человека умудрился еже Онъ произволи своею смертию свободить родъ человеческий почто несвободилъ диавола якоже человека.
УЧИТЕЛЬ Того ради понеже три вещи к тому предлежатъ. Первая яко бяше диаволская вина болѣ неже человека, зане диаволъ сведе человека ополчениемъ и лжею. Еже онъ Божию заповѣдь преступилъ. Вторая вина еже диаволъ денница бѣ восхотѣ къ Богу оклеветати человека прежде неже человечества восприятъ, еже онъ къ чести и славѣ сотворилъ бѣ. Третия вина диаволская. Еже диаволъ паде от своего гордѣния и мудрости, а человекъ от невѣдения, понеже онъ того совѣта не разумѣ, еже ему диаволъ рече.

УЧЕНИКЪ Чесо ради тако благоизволи Всесильный Богъ еже нениизводилъ ничемъ инымъ человека от диавольскихъ неволей свободити но Своею смертию, а Ему вся мощно сотворити елико хощетъ. И аще бы от Святыхъ нѣкоего человека, или от аггелскаго чина посланъ да той бы пострадалъ избавления ради человеческаго.
УЧИТЕЛЬ В сей вещи дивная мудрость, и потребно намъ знати Милость Всесильнаго Бога по семъ. Аще нѣкто что купилъ то онъ своимъ назоветъ. Егда убо человекъ непокорения ради своего былъ в работе диаволской, его же аще бы человекъ посланный от Бога или аггелъ от диаволской работы свободилъ сирѣчь искупилъ, то своимъ бы его по правдѣ нареклъ. Того ради Всесильный Богъ не восхотѣ своего рукотворения ни в чей области быти, но во Своей сущей области. Сего ради никто же от человекъ можаше избавити ниже от аггелъ. Сия бо вещь ужаса исполнена. Еже Богъ за человека умерщвленъ бѣ. Такую Любовь Всемогущий Творецъ къ человеку имать, и смертию Своею смерть умертви, и диавлоа за человека ушкоти, еже диаволъ человека ушкотилъ или рещи оклеветати пред Богомъ человека выше аггелъ быти.

ГЛАВА В (2)
(в книге по какой-то причине указаны две главы под номером 2.)

УЧЕНИКЪ вопросилъ Который грѣхъ первый по преступлении Адама.
УЧИТЕЛЬ Убийство. Еже Каинъ брата своего убилъ Авеля, а в новой благодати при Святыхъ апостолехъ первый грѣхъ лжа.Когда Анания и Сапфира сокровище утаили. Того ради умроша. Вторый грѣхъ Симониа бысть когда в Самарии Симонъ волхвъ восхотѣ за серебро у Святыхъ апостолъ Даръ Божий купити, того ради прокля его Святый Петръ. И иннѣ вси в том же проплатии, которыи Даръ Божий за серебро купят или продаютъ.

УЧЕНИКЪ Коликими пути людие в самую погибель входятъ.
УЧИТЕЛЬ Треми. Даянием, такожде повелѣниемъ или вещей послужениемъ.
(Комментарий: Выделение вопроса и ответа сделал специально, что бы особо обратить внимание к сказанному.)

УЧЕНИКЪ Который грѣхъ болши лихва или самония.
УЧИТЕЛЬ Лихва есть убивства души, понеже с тѣмъ человеком разбойничествуетъ или грабитъ своего брата христианина. Такожде бѣ лихва за много время заповѣдана прежде Пришествия плотскаго Единороднаго Сына Божия. И нѣсть того грѣха лютѣйши, аще человекъ и истину умолчитъ, и со изволениемъ предложитъ неправду той человекъ предавъ истину за лжу той Самаго Бога отверся, и преда себѣ диаволу. Понеже всякая духовная дѣла еже во христианстве суть то суть дарование Святаго Духа есть.
(Комментарий: самоунине (самония) — своеволие, собственные желания, непослушание. Словарь древне-славянского языка А.С. Суворина. 1899 год.)

ГЛАВА Г (3)

УЧЕНИКЪ Потребно ли человеку восходити или входити во священство.
УЧИТЕЛЬ Что мы входимъ во христианство то есть все духовное, и мы въходимъ в ней того ради да умилосердимся о духовныхъ и о нищихъ и за то восприяти имамы вѣчную радость и тому потреба въходити въ череду священства, который человекъ чреды Божественныя всемъ мiрѣ разумѣет.

ГЛАВА Д (4)

УЧЕНИКЪ Нѣции человецы во святыя чреды входятъ без разсуждения. А священницы вхождения того не вѣсть.
УЧИТЕЛЬ Поверже нѣкто драгий камень пред свиниею. Свиния же честности камения не разумѣетъ но в тину закрываетъ, тако и во Святѣй чреды неумолится, егда же человекъ в нее входитъ а мало разумеетъ. Егда же кто въ правду входитъ, таковии мало обрѣтаются, и таковии мзды лишаются егда кто [мало] добре разумѣетъ.

УЧЕНИКЪ Како есть сие подобно лжи еже кто добраго знати не можетъ.
УЧИТЕЛЬ Посему чего который человекъ не вѣсть, и вѣдати не хощетъ. Второе же еже человекъ отложитъ вспять себе просто чего не вѣсть, тогда потреба ему вопрошати знающихъ. Аще же самохотнѣй отречется и знати добраго учения не хощетъ, то согрѣшаетъ пред Богомъ. И аки во тмѣ шатается. Положил бо онъ щастие свое в суетная, дале мiра сего. Всесильный бо Богъ даде всякому человеку разумъ, да познаютъ Его сотворшаго, а не в суе насъ сотворилъ но на хвалу и во Славу Себѣ. И то есть злые дѣла человека, который можетъ знати доброе а самохотнѣ уклоняется, и знати не хощетъ то разумѣй убо подобенъ тако и свинии, иже драгий камень ногами попираетъ, и чести его не знаетъ.

УЧЕНИКЪ Азъ любезно вся хощу слышати понеже разумѣхъ, яко дражайши и честнѣйши себѣ не обрѣтаю, еже намъ доброму учитися, и дѣла Божия знати.
Повѣждь ми чинъ нашего христианскаго жития, или рещи уставъ, еже дѣйствуемъ во Святыхъ Церквахъ, чего ради уставлено вседневная пения. Еже суть утренная, часъ первый и третий и шестый и девятый, вечерня, повечерие полунощница.
УЧИТЕЛЬ Тѣ седмь честнѣйшия повсядневная пѣния еще въ Ветхомъ Законѣ уставилъ намъ Святый царь Давидъ въ честь седми дарований Святаго Духа. Еже рече седмерицею днемъ хвалих Тя, о судбах правды Твоея. Того ради и мы хвалимъ Содѣтеля всѣхъ Бога. Зряще великия дарования Его и премудрость велию и непостижимую Его к намъ Благость.
Тѣ бо седмь дневныя пѣния в новѣй Благодати освяти дѣлы своими, Единородный Сынъ Слово Божие. И тѣ седмъ пѣния начашасяустроениемъ въ Троицѣ Славимаго.
И кто тѣ седмь дневныя пѣния творитъ, той приимлетъ воздаяния часть со избранными. А кто сего не творитъ той не мнится христианинъ быти.

ГЛАВА Е (5)

УЧЕНИКЪ вопросилъ. Чесо ради поемъ первый часъ и протчие.
УЧИТЕЛЬ В первый часъ стоялъ Господь нашъ Иисусъ Христосъ пред пилатомъ, и поругание, и биение, и оплевание нашего ради Спасения претерпѣ. Въ первый часъ явился Христосъ ученикомъ своимъ на мори в ловитвѣ рыбной, егда воста из мертвыхъ, и того ради поемъ первый часъ похваляюще Его велию Любовь и Милосердие еже и нам имѣя.

ГЛАВА S (6)

УЧЕНИКЪ Чесо ради Святый Символъ рекше исповѣдание вѣры глаголемъ паче иныхъ Псалмовъ
УЧИТЕЛЬ Кромѣ того силнаго оружия на лукавыя духи нѣсть, того ради глаголетъ Святый Афанасий патриархъ Александрийский, иже аще кто хощетъ спасенъ быти потреба ему прежде всего держати православную вѣру сирѣчь исповедания Святый Символъ. Его же потреба всякому вѣрному и цѣломудриемъ тѣмъ вооружитися в той день на диавола, да насъ лукавый духъ в той день не можетъ сѣтию грѣховною уловити.

ГЛАВА З (7)

УЧЕНИКЪ Чесо ради поемъ Г (3) часъ.
УЧИТЕЛЬ Въ той часъ Господь нашъ Иисусъ Христосъ, терновымъ вѣнцемъ вѣнчанъ, и биенъ по Пресвятѣй Главѣ. Прескверными рукама, в той же самый часъ яко же писано низпосла Духа Святаго на Святыя апостолы.

ГЛАВА И (8)

УЧЕНИКЪ Повѣждь ми о S-м (6-м) часѣ.
УЧИТЕЛЬ Въ шестый часъ Господь нашъ Иисусъ Христосъ, нашего ради спасения на крестѣ распяся, да насъ свободи от мучителства диаволска.

ГЛАВА Ѳ (9)

УЧЕНИКЪ Чесо ради къ девятому часу звонимъ а к иным не звонимъ.
УЧИТЕЛЬ Великия ради Святости понеже Господь нашъ Иисусъ Христосъ рече ко Отцу Своему. Отче в руцѣ Твои предаю Духъ Мой, в той часъ самый копиемъ в ребра прободенъ. От Него истече кровь и вода. Тою Животворящею Его кровию свобождены мы от истлѣния. Тою водою Крещение намъ дадеся. В той самый часъ отворися пламенное оружие хранящее врата Едема. Уступи. В той часъ вход в рай намъ отворися. В той часъ вниде душа разбойнича в рай прежде иныхъ.

ГЛАВА I (10)

УЧЕНИКЪ вопросилъ Чесо ради разбойнича душа вниде в рай прежде иныхъ душъ Святыхъ.
УЧИТЕЛЬ Писание глаголетъ: разбойнича душа в рай бысть прежде неже сокруши Господь ада. Яко когда бѣ разбойникъ на крестѣ похвали Христа. Нарече Его праведникомъ в той самый часъ по неложному Христову Слову сподобися с нимъ в райи быти. Въ тоеже самую нощь Господь сокруши ада и воста от мертвыхъ.

ГЛАВА АI (11)

УЧЕНИКЪ Чесо ради Всесильный Богъ сотвори тако еже грѣшничю душу прежде всѣхъ введе в рай.
УЧИТЕЛЬ Посему разумѣй неизреченную Любовь Его имать к намъ, еже Онъ за грѣшныя умре. Да никто же грѣшный великихъ ради согрѣшений отлучается Благодати Его. Писано бо есть уклонися от зла и сотвори благо.

ГЛАВА ВI (12)

УЧЕНИКЪ Чесо ради вечерню поемъ.
УЧИТЕЛЬ Промежъ всѣхъ дивныхъ славословий славословим вечерню с великим тщаниемъ ради Великихъ Пресвятыхъ Делъ. Яже Господь нашъ Иисусъ Христосъ в то самое время Осуществил нам Свое Благословение Тѣло и Честную Свою и Животворящую Кровь. И умылъ Святымъ Своимъ ученикомъ нозѣ. И в то же вечернее время со креста снятъ и погребенъ. В то же самое время явился двумъ ученикомъ Луцѣ и Клеопѣ, и познаша Его в преломлении хлѣба.

ГЛАВА ГI (13)

УЧЕНИКЪ Чесо ради нефимонъ поемъ безвремене уреченнаго.
УЧИТЕЛЬ Нефимонъ мы совершаемъ еже в день къ Божией Службѣ имамы тѣмъ себѣ к Богу препоручити. Дабы насъ сохранилъ в нощи от всякаго зла и смущения злолютаго диаволскаго. В то самое время егда день и нощь разлучается молился Спаситель толь крѣпко еже капаше потъ плоти Его, яко кровь плоти Его. В то самое время Господь нашъ Иисусъ Христосъ во Святѣмъ Своемъ востании извѣстилъ миръ здѣ на земли егда Онъ ста посреди учениковъ Своихъ и рече имъ миръ вамъ.

ГЛАВА ДI (14)

УЧЕНИКЪ Повѣждь ми о утрени.
УЧИТЕЛЬ То самое время зѣло Святое, понеже в самое то время сокруши Господь ада. И изведе из него плѣнники. В то самое время отпустилъ Христосъ Святому апостолу Петру, после утрени поемыи хваления, еже знаменуетъ наше востания.

ГЛАВА ЕI (15)

УЧЕНИКЪ Чесо ради поемъ повечерие и на утрени два псалма, Величитъ душа моя и Благословенъ Господь Богъ Израилев.
УЧИТЕЛЬ Многия иныя во Церкви Божии дивныя похвалы сия раздѣляеми на седмъ частей, еже есть в началѣ во антифоны во псалмы во главы во отвѣщания во стихи в собрания, тѣ З (7) частей знаменуютъ труды наша еже в мiрѣ семъ страждемъ, да того ради получимъ милость Божию.

ГЛАВА SI (16)

УЧЕНИКЪ Чесо ради утреню поемъ на Святую Пасху в нощъ.
УЧИТЕЛЬ Ради сихъ вещей понеже егда Всесильный Богъ изволилъ люди своя извести изъ Египта, тогда имъ повелѣ, да заколют овча. И всякий человкъ тою овчею кровию да помажетъ внѣ двери дому своего на празе.
Въ тую же самую нощь посла тогда аггела с мечемъ и у котораго дому той крови овчей внѣ дому на празе не обрете, въ томъ дому избилъ перворожденныя человеки и скоты. А идѣже явися кровь помазана той домъ цѣлъ остави.
Тако бѣ въ Ветхомъ Завѣте уставленно было Пасхи праздникъ, избавления ради своего людей Божиихъ дѣйствовали над овчатемъ, воспоминающе неизреченное к нимъ Божие Милосердие. То овча старозаконныя Пасхи знаменуютъ Господа нашего Иисуса Христа распеншагося насъ ради, и с тою Своею Кровию помазавшаго души наша.
В тоже самую нощь Пасхи Иудеомъ заповедано было да не исходятъ из домовъ своихъ. В тое же самую нощь египетския первенцы побиени быша. То избиение знаменуетъ же Господь нашъ Иисус Христосъ.
В ту нощь сокруши адъ, и диавола низложилъ, и люди своя изъ адовы неволи свободилъ Сего ради тако пишетъ Великий Герасимъ.
Да неимамы в тое нощь имѣти никакия скорби, но похвалимъ Избавителя своего, и радостно ликуемъ вопиюще, велелѣнно и весело. Воистину Воскресе Христосъ, дарова намъ животъ вѣчный и нетлѣние.

ГЛАВА ЗI (17)

УЧЕНИКЪ Чего ради на утрени пред чтениемъ глаголемъ Отче Нашъ.
УЧИТЕЛЬ Того ради да воспоминаемъ слово, еже рече Господь во Евангелии, не нарицайтеся учители единъ бо есть учитель нашъ Христосъ. Сего ради аще кто хощетъ во церкви людей учити, тогда без повѣления никако же дерзаетъ.

ГЛАВА ИI (18)

УЧЕНИКЪ Чесо ради колокола у церкви.
УЧИТЕЛЬ Въ Ветхомъ завѣте были трубы кованы ихъ же ношаху пред Кивотомъ Божиимъ иереи, и во время службы Божия трубяху да слышатъ людие гласъ и собираются на хваление Божие.
Тѣми трубами низложиша стѣны Иерихона, якоже гласомъ трубъ тѣхъ одоленъ Иерихонъ поганъский то знаменуетъ еже учение Евангельское одолѣ злочестие идолопоклонения. И по истиннѣ и нынѣ церковь Божия имѣетъ вмѣсто тѣхъ трубъ колокола. Ихъ же гласами спащии въ полунощи востаютъ на хвалу Божию, того ради обыкоша глаголати колокольный звонъ. Благовѣстъ сирѣчь Благая Вѣсть.

ГЛАВА ѲI (19)

УЧЕНИКЪ вопросиль. Повѣждь ми о Литургии и о иноемъ пѣнии, и одежди Ветхаго Закона архиереовъ что прообразова.
УЧИТЕЛЬ Одѣяние тѣхъ архиереовъ было устроено по четыремъ составомъ, или стихамъ украшено многовидными цвѣтами, на преди же ношаху златый плачь, на нем же водруженни ВI (12) драгихъ камений, по числу от колѣнъ сынов Израилевыхъ, и бяше написано Имя Божие, то Имя знаменуетъ еже Онъ Творецъ всея твари видимыя и невидимыя.
Въ новѣй же Благодати одѣяние архиерейское знаменуетъ Господа нашего Иисуса Христа Матерь,
еже Святый Иоаннъ видѣ аггела велика и крѣпка зѣло, иже ополченъ во облакъ бѣлый. Облакъ образъ есть пречистую и присно Деву Марию в ню же вниде Единородный Сынъ Слово Божие. И от нея родися, плоть на Ся Восприя. Многа же и ина одежди толкования содержитъ церковъ, обаче поясъ иерейский образъ есть всегдашнею чистоту, на ню же служебницы Божии понудитися должни. Стихаръ знаменуетъ послушание, иже Христосъ содѣя, или рещи к Своему Отцу, егда бо Его въ миръ сей посла. Сие зря (наблюдая, видя) воспоминаемъ еже Христосъ нашего ради Спасения Самъ Крестъ Свой понесе грядый на волную смерть.
Два же рукова знаменуетъ, еже должни они архиереи разсуждати духовную жизнь и мирную. И имутъ власть вязати и рѣшити.

ГЛАВА К (20)

УЧЕНИКЪ Что тѣмъ людемъ будетъ мзда, которыя во время Святыя Литургии стоятъ без страха в церкви.
УЧИТЕЛЬ Святый Серафимъ пишетъ который человекъ Святую Литургию слушаетъ безъ страха, той сопричтется ругателемъ, иже поношаху распеншемуся на Крестѣ Сыну Божию и еще горшии осужденъ будетъ. Понеже во Святомъ на Литургии пѣнии ничто ино тако образуется, якоже страдание и муки Единороднаго Сына Божия. Но аще кто хощетъ милости получити, и отнести в домъ Благословение, а не гнѣвъ Божий, таковии достойни аки бы зря на крестѣ нашего ради Спасения страдавшего волею той есть истинный христианинъ. Нѣсть бо той христианинъ иже токмо имя носитъ христианское, то той есь христианинъ иже волю Божию творитъ и заповеди его соблюдаетъ.

ГЛАВА КА (21)

УЧЕНИКЪ вопроси. Чесо ради Господь нашъ Иисусъ Христосъ въ шестый день изволи пострадати.
УЧИТЕЛЬ Человекъ въ шестый день бѣ стоворенъ, в той же бѣ и в преступление впаде, того ради по правдѣ въ той самый день изволи его Премилосердый Творецъ и освободити.

ГЛАВА КВ (22)

УЧЕНИКЪ Почто не поемъ Литургии въ Великий пятокъ.
УЧИТЕЛЬ В томъ образуетъ великую скорбъ еже той грѣхъ ради нашихъ случися, еже Самъ Богъ в той день умертвися, и в той день не Благословляетъ пресвитеръ приношения. Того ради зане в той самый день Господь нашъ Иисусъ Христосъ пожре Сам Себѣ в той день не молился до Ф (9)-го часа. Сие образуетъ еже Апостоли Святии не смѣяху ко Кресту Христову приити даже до Ф (9)-го часа, когда успе Единородный Сынъ Божий плотию. Тогда врази Его от Креста вси прочь отидоша. Ученицы же Святии Иоифъ от Аримофеи и Никодимъ первѣе всѣхъ приидоша.

ГЛАВА КГ (23)

УЧЕНИКЪ Что образуетъ Крестъ Святый.
УЧИТЕЛЬ Четыре роги крестныя образуютъ вѣру исполнимъ добрыми дѣлы. По иному же Крестъ Святый образуетъ еже два рога верхния Небо, а нижние облистаютъ землю, два же роги образуютъ на нихъ же Спасителевы руцѣ пригвоздишася, еже Онъ Всесилный Богъ всю вселенную и яже на ней вся Своею областию обьемлетъ.

ГЛАВА КД (24)

УЧЕНИКЪ вопроси. Что знаменуетъ еже Христосъ на Крестѣ пити просилъ.
УЧИТЕЛЬ Сие знаменуетъ яко же Ему жиды с хотѣниемъ принесоша пити есмирни смено вино и вкушъ нехотяще пити, тогда за невѣрие ихъ весма от Себе отверже.

ГЛАВА КЕ (25)

УЧЕНИКЪ Что знаменуетъ еже мы в той день ко всякой молитвѣ не приклоняемъ колеѣни.
УЧИТЕЛЬ То мы воспоминаемъ жидовское безвѣрие, еже они ругалися Спасителю биюще колени пред Нимъ преклоняюще.

ГЛАВА КS (26)

УЧЕНИКЪ вопросиль Повѣждь ми о Великой Субботѣ.
УЧИТЕЛЬ Въ той день пѣние творимъ во образъ радости поминающе неложное Слово Иисуса Христа, еже рече подобаетъ Ему пропяту быти но в третий день воскреснетъ. И чтения бываютъ тогда от Вѣтхаго Завѣта сие образуетъ еже Ветхий Завѣтъ конецъ приятъ прииде Истина Иисус Христосъ.

ГЛАВА КЗ (27)

УЧЕНИКЪ Господь нашъ Иисусъ Христосъ Крещение восприя въ пятокъ, для того намъ в той же бы день начинати Креститися.
УЧИТЕЛЬ Христосъ не требуя Крещения, но намъ образъ давъ, да мы во Имя Его Крещаемся и приимем оставление грѣховъ.

ГЛАВА КИ (28)

УЧЕНИКЪ Чего ради мы Крещаемся в водѣ.
УЧИТЕЛЬ Крещение знаменуетъ Господа нашего Иисуса Христа смерть, того ради погружаютъ человека в крестилицу трижды да онъ умретъ миру, и паки от воды человека вземлютъ, да онъ з Господемъ нашимъ Иисусъ Христомъ паки востанетъ.

ГЛАВА КФ (29)

УЧЕНИКЪ В кое время апостоли крещени.
УЧИТЕЛЬ Писано бо есть еже ВI (12) апостолъ крещени от Господа нашего Иисуса Христа, инакоже треба разумѣти, понеже вси апостоли и ученицы крещени в сие время егда изыде из Пречистыхъ Спасовыхъ ребръ Кровъ и Вода, Святый же апостолъ Павель крещен бѣ от апостола Анании. Яко же Святый Лука повѣствуетъ,тогда особь Крещение восприять, зане не бѣ во апостольствѣ страдании при Спасителевѣ. Такожде и неповиннии младенцы от Ирода побиени Крестишася в сущей своей крови.

ГЛАВА Л (30)

УЧЕНИКЪ Чего ради приношение приносимъ ко церкви на Литургии.
УЧИТЕЛЬ Егда мы что приносимъ от своихъ трудовъ свѣщи, фимиамъ, вино и прочая поистиннѣ уподобимся Святѣй Марии Магдалинѣ и прочимъ, иже они смиры пришедше помазати Господа умерша, и слезяще горко, но вмѣсто плача радоватися имъ явивый повелѣ аггелъ. Воздастъ же и намъ Всесильный Богъ сто кратно, и от всѣхъ скорбей насъ избавитъ, и подастъ нам радость и велию милость.

ГЛАВА ЛА (31)

УЧЕНИКЪ Нѣции глаголютъ еже лучши нащимъ даяти нежели пресвитеромъ
УЧИТЕЛЬ Котории сие глаголютъ, сии подобни Иудѣ, иже рече сребролюбивии, чесо ради гибель сия бысть лучши то миро излиянное на главу Господню продано было на трехъ стехъ пенязехъ и роздано нищимъ.

ГЛАВА ЛВ (32)

УЧЕНИКЪ Кое лучше даяти милостыню ли или приношение ко церкви.
УЧИТЕЛЬ Едино дѣло коеждо имать свое предложение, кто убо милостыню творитъ поистиннѣ того сподобится. Блажени милостивии яко тии помиловани будутъ. А кто на обоя даетъ, той имать воздаяние прияти от Всесильнаго Бога сугубо.

ГЛАВА ЛГ (33)

УЧЕНИКЪ Чесо ради в той часъ земля потрясеся егда Христосъ воскресе.
УЧИТЕЛЬ Тѣмъ Онъ намъ извѣстилъ да попечение будемъ имѣти къ Судному Дню, яко Онъ воста в нощи, такожде никто же человекъ можетъ вѣдати, когда Онъ приидетъ на Страшный Судъ.

ГЛАВА ЛД (34)

УЧЕНИКЪ Христосъ воста в субботу яко же пишутъ Святии Евангелисти. Почто мы празднуемъ Его Воскреснию в неделю.
УЧИТЕЛЬ Той день недѣльный сирѣчь упокоение от всѣхъ дѣлъ человекомъ, той зваху въ Ветхомъ Завѣте законъ, день субботний. Въ Новѣй же Благодати, воскресения ради Христа Бога нашего день воскресный, той день в начало бытия мира сего освятилъ Всесильный Богъ. Въ той бо день почи от всѣхъ дѣлъ своихъ, иже мы днесь нарицаемъ недѣлею. Въ неделю израильстии людие от неволи свободишася, въ неделю приидоша царие персидстии ко Христу з дары. Въ неделю претвори Христосъ пред ученики Своими воду въ вино в Канѣ галилейстей. Въ недѣлю в пустыни искушаше Его диаволъ, въ неделю воскреси Лазаря, въ неделю воста из мертвыхъ, въ неделю прииде на Святыя Ученики и Апостолы Духъ Святый. Въ неделю восхищенъ бысть Иоаннъ Богословъ на Небо и видѣ дивныя дѣла Всесильнаго Бога. Тогда по видѣнии написа Апоколепсисъ, въ недѣлю приидетъ Единородный Сынъ Слово Божие Господъ и Богъ нашъ на Страшный Свой Судъ, тогда мертвии во мгновении ока вси воскреснутъ, и просвѣтятся праведнии яко солнце, а грѣшнии будутъ аки тма.

ГЛАВА ЛЕ (35)

УЧЕНИКЪ Чего ради Освещаютъ воду по вся недели и праздникомъ.
УЧИТЕЛЬ Того ради да тою водою Освященною Святымъ Духомъ избавимся от сквернаго всякаго прилога видимыхъ и не видимыхъ враговъ нашихъ.

ГЛАВА ЛS (36)

УЧЕНИКЪ Чесо ради праздники Святыя Пасхи и Пентикостии бываютъ измѣнно в числѣхъ мѣсечныхъ, а не тако яко же иныя праздники раздѣлени во весь годъ в числа мѣсечныя.
УЧИТЕЛЬ То уставиша намъ издревле Святии Апостоли, и Святии учителие церковнии, да то мы совершимъ по уставу Пасхалии, еже тѣ Святыя дни не приходятъ равно. Понеже въ пасхалии имѣемъ день высокостный, того ради дабы намъ во единъ день Пасхи з жидами не творити, но дабы намъ сохранити правую вѣру.

ГЛАВА ЛЗ (37)

УЧЕНИКЪ Како Святии пойдутъ во уготованныя имъ обители.
УЧИТЕЛЬ Егда неизглаголанными судбами Всесилнаго Бога воскреснутъ мертвии, тогда къ коемуждо праведнику приидетъ аггелъ его хранитель со множествомъ аггелъ, и пѣниемъ дивиимъ и повелѣниемъ Божиимъ введутъ душу праведнаго купно с тѣломъ къ вѣчныя обители.

ГЛАВА ЛИ (38)

УЧЕНИКЪ Той рай иже восприимутъ Святии по воскресении, обдержитъ ли какое мѣсто, и гдѣ есть уготованъ.
УЧИТЕЛЬ По воскресении райское мѣсто еже уготовано есть праведнымъ гдѣ явѣ яко слышимъ во Святомъ Евангелии, реченное Самим Единороднымъ Сыномъ Божиимъ ко апостоломъ, прежде волныя Его страсти, яко изготованы обители многи, гдѣ же явѣ яко въ самомъ нынѣ и дѣже Богъ, тамо и вси Святии купно жити будутъ со аггелы. И есть тѣ обители духовныя рай душамъ уготованнымъ еже содѣла превѣчная мудрость от начала егда Самъ Своею областию изволи.

ГЛАВА ЛФ (39)

УЧЕНИКЪ Будут ли Святии души тамо въ водими.
УЧИТЕЛЬ Кои зѣло Благий и многая добродѣтели исполниша, тамо введутся.

ГЛАВА М (40)

УЧЕНИКЪ Святии въ совершенство приидоша кои.
УЧИТЕЛЬ Мученицы, пророцы и апостоли, пустынножители, и вси иже смерть и страдание и чистое житие ради вѣчныхъ Благъ восприятия изволиша, тѣ восприимутъ по неложному обѣщанию Единороднаго Сына Божия, неизглаголанную радость еже рече, Блажени плачющии яко тии утѣшатся.

ГЛАВА МА (41)

УЧЕНИКЪ Чемъ могутъ тѣхъ человековъ души от мукъ свободитися до Суднаго Дне, которыя человецы заповѣди Божия многая исполниша, а нѣкоторыя заповѣди презрѣша. И того ради удержани еже не сподобишася с праведники радостнаго мѣста прияти дондеже приидетъ Страшный Судъ.
УЧИТЕЛЬ Тѣхъ человекъ грѣхи очищаются до Суднаго Дне милостынею и приношениемъ Безкровныя Жертвы творимая о душахъ усопшихъ.

ГЛАВА МВ (42)

УЧЕНИКЪ Чесо ради по умершихъ творимъ помяновение.
УЧИТЕЛЬ Того ради аще который человекъ жилъ во христианстве благочестиво, и ради многия суеты мирския заповѣди Божия презрѣлъ, и до отшествия мира сего покаяниемъ не очистилъ, тѣхъ грѣхи очищаються молитвы нами, и помяновениемъ. А которыя человецы злѣ жили и тако умроша, тѣ по правдѣ то восприимутъ зло, еже всегда жиша во злобахъ, и никогда Милости Божия не узрятъ.

ГЛАВА МГ (43)

УЧЕНИКЪ Что есть то за огнь имже здѣ в мирѣ мучимся и от лютыхъ грѣховъ души наши очищаются.
УЧИТЕЛЬ Той есть нарицается огнь путний еже благочестивии человецы гонения оклеветание и повседневныя труды и бѣды многоразличныя за правду въ мирѣ семъ подемлютъ, и многия нудятъ себѣ пощениемъ и молитвами и всякими много различными добродѣтельми по вся дни яко во огни мучатся, о таковыхъ праведницехъ рече Царствующий Пророкъ. Проидохомъ сквозѣ огнь и воду, и извелъ еси нагъ в покой и паки писано есть ускии путь в водя в животъ вѣчный, а широкий въ вѣчную погибель.

ГЛАВА МД (44)

УЧЕНИКЪ Коль много Святыхъ душъ взыдутъ на небо.
УЧИТЕЛЬ Толко елико аггельскихъ силъ остало на Небѣсехъ, егда инии падоша.

ГЛАВА МЕ (45)

УЧЕНИКЪ Что есть адъ и гдѣ мѣсто его.
УЧИТЕЛЬ Суть бо два ада, единъ верхний, а другий преисподний, но верхний адъ сей миръ непостоянный. В нем же обрѣтаются многимъ человекомъ бѣднымъ и убогимъ в лѣте зной, а в зимѣ мразъ. А иногда гладъ терпятъ и жажду и наготу, и много различная бываютъ намъ бѣды, и скорби, страхования и ужасы от видимыхъ враговъ нашихъ, паче же от бѣсовъ, нести подробну исписати суетнаго сего мира бываемая написати человекомъ много различныя, мню яко ни тмочисленными мощно обьяти речении его же жития злаго и бѣдствующаго возгнушася Царствующий Пророкъ, умилно ко Господу простре молитву. Изведи ис темницы душу мою, исповѣдатися Имени Твоему потреба же намъ знати.
Есть другий адъ преисподний в подземныхъ неисповѣдимыхъ безъднахъ, идѣже смрадъ нестерпимый, жупельный. Тамо же огнь неугасимый тамо тма есть отнюдъ непросвѣтится, тамо мразъ и скрежетъ зубомъ, яко же Самъ Единородный Сынъ Божий рече во Святомъ Евангелии ужасая насъ да мы въ тое муку не приидемъ.
Наипаче же и милосердуя насъ зѣло яко Человеколюбецъ, понеже не хощетъ смерти грѣшнику, но хощетъ еже обратитися и живу быти ему но обаче волею всехъ зовый ко Спасению. Согрѣшающихъ же и умершихъ окаянно презелнѣ мучитъ. Яко же слышимъ о онѣмъ богатомъ и убогомъ Лазаре, еже богатый во адѣ пламенемъ палимъ, а Лазарь Симонъ Авраамли во упокоении вѣчномъ. От злоба суетнаго и окаяннаго мира сего потопляющая человѣки многоразличными грѣхами въ вѣчную злую муку.

ГЛАВА МS (46)

УЧЕНИКЪ Какови суть адския муки.
УЧИТЕЛЬ Тамо суть лютѣйшия муки огнь сияющий таковъ гдѣ возгорится то не можеть прохладитися столь горячь еже бы рещи на приклад то здѣшний огнь мирский аки стень якоже есть мука студень злолютая в ню же бы аще ввергнути превеликую огненную гору то абие ледъ и имать быти в той злой мукѣ плачь и скрежетъ зубомъ.
Тамо же есть черви неусыпающия, и змии драконы живыя яко же рыбы во огни плаваютъ. Тамо от жупелнаго огня искры яко же от кузнеца кующа желѣзо, тамо же тма иже никогда не просвѣтится, тамо же срамота грѣховъ человеческихъ. Понеже злый человекъ тамо лукавыхъ дѣлъ своихъ закрыти невозможетъ или утаити, но пред всеми объявлены будутъ злыя дѣла злыхъ человекъ, тамо есть злая мука образилища диаволская, у него же огнь и смрадъ изъ устъ исходитъ, тамо есть зѣлный крикъ шумъ страхъ плачъ и воздыхание, болѣзнь неизглаголанная, уста же и языкъ и вси уды злыхъ человекъ связаны будутъ огненными узами.

ГЛАВА МЗ (47)

УЧЕНИКЪ От горе лучши дабы не рожденъ былъ человекъ, иже толикою нужду терпѣти будемъ.
УЧИТЕЛЬ Слыши яко благочестивый человекъ от тѣхъ мукъ избавленъ будетъ, а ту муку диаволъ и угодники его злии терпѣти будутъ.

ГЛАВА МИ (48)

УЧЕНИКЪ Котории есть диавольские люди.
УЧИТЕЛЬ Диаволския люди гордии, скупии, сквернии, обьястливии, пианицы, лживии, татие, разбойницы, лестницы законопреступницы, блудники, прелюбодѣи и протчии злодѣи, которыя обрѣтени будутъ во грѣсехъ вси сведени будутъ, и никакоже от туду могутъ изыти.

ГЛАВА МФ (49)

УЧЕНИКЪ Могутъ ли блазии тамо злыхъ видѣти во адѣ.
УЧИТЕЛЬ Блазии узрятъ злыхъ в мукахъ ихъ того ради в томъ ихъ радость боле будетъ. Еже они от тѣхъ злыхъ избавишася, такожде и злии узрятъ благихъ в радости ихъ, да в томъ ихъ скорбъ будетъ сугуба еже они несподобишася благихъ восприятия.

ГЛАВА Н (50)

УЧЕНИКЪ Молятъ ли тамо занеже аще молити за осужденныхъ согрѣшати къ Богу, понеже Святии инако не хотятъ, токмо еже Богъ хощетъ.
УЧИТЕЛЬ Моление ихъ желание еже они чего желаютъ то вскорѣ збывается, понеже они о томъ желаютъ что Всесилный Богъ содѣяти хощетъ а не иного желаютъ.

ГЛАВА НА (51)

УЧЕНИКЪ Иннѣ Святыхъ души имѣютъ ли совершенную радость.
УЧИТЕЛЬ Имѣютъ радость но не совершенну но егда душа по воскресении совокупится с тѣломъ, тогда приимутъ Святии совершенную радость.

ГЛАВА НВ (52)

УЧЕНИКЪ Могутъ ли души являтися егда хотятъ.
УЧИТЕЛЬ Благихъ души являются спящимъ человекомъ или молящимся, а души грѣшныхъ никакоже. Но аггели Божии об нихъ вѣрныхъ возвѣщаютъ они за злая своя дѣла в мукахъ страждутъ а егда нѣкогда воистинну грѣшнаго является то случается изволениемъ Божиимъ и молитвами Святыхъ Отецъ, якоже явися Святому Мартину разбойнича душа или являются грѣшныхъ души по заклинанию Святыхъ, якоже явися Святому Венедикту грѣшная душа имѣя ослию главу и плаваше во огни и глаголаше имать быти в мукахъ во вѣки, иное же бываетъ мечтание и прелести от бѣсовъ.

ГЛАВА НГ (53)

УЧЕНИКЪ Откуду бываетъ сония человекомъ.
УЧИТЕЛЬ Нѣкогда бываютъ сония Всесилнаго Бога, пречюдными судбами, еже Иосифъ сынъ Яковль видѣ еже онъ братиямъ своимъ Господъ имать быти тако же во снѣ извѣщение приимъ от аггела праведный обручникъ Пресвятыя Девы Марии, да онъ поим отроча и Матерь и бѣжа во Египетъ.
Нѣкогда же приходятъ сония от диавола, егда онъ нѣчто доброе помѣшати хощетъ. Яко же женѣ Пилатове, дабы отпущенъ былъ Иисусъ Христосъ его же бы помѣшати смотрения Его Таинство, и многая намъ паче супостатъ нашъ в нощи дѣетъ пакости.
А иныя сония бываютъ человекомъ от того еже что они во дни обходили и зрѣли и слышали.

ГЛАВА НД (54)

УЧЕНИКЪ Гдѣ антихристъ родится и какое его дѣло.
УЧИТЕЛЬ Въ велицѣмъ Вавилонѣ, от нѣкия злыя жены и будетъ во утробѣ матернѣ исполненъ диаволомъ сопротивникъ теломъ и душею, и волхвъ злыи, и сотворитъ себѣ весь миръ данной данники, и царствия привлечетъ къ себѣ, понеже онъ изъобрящетъ сокровища вся сокровенная, убогихъ одолѣетъ великимъ принуждениемъ, патриархов одолѣетъ злохитростию, мудростию и словесы велерѣчивыми, понеже онъ всескверный вѣсть всяко льщение и инаковъ и людей побожныхъ одолѣет великими льстивными чюдесными привидѣнии, еже сотворитъ огнь с выстоы поднебесныя спадити, и мертвыхъ возставитъ, вся же привидѣния народи видѣвше возмнятъ яко истинно чудо дѣетъ. Тогда ветхий Иеросалимъ созиждетъ, и заповѣдуетъ народомъ молитися себѣ аки богу, сънидется же к нему языкъ (народ) иудейский от всея поднебесныя и восприемлетъ его себѣ в великой чести. За царя. Но потом будут вси во христианствѣ от Еноховой и Илииной и иныхъ Святыхъ проповѣди и мучими будутъ от него вси благочестивии. Тогда Енохъ и Илия от его убиени будутъ. И силою Всемогущего Бога востанутъ, а царства его будетъ полъ четверта года и престолъ свой поставитъ на горѣ Елеонстей, и потомъ убиенъ будетъ Словомъ Божиимъ. Послѣ же того вси прельщени имутъ клятися. И приидетъ на судъ Единородный Сынъ Слово Божие со всѣми Небесными силами, со Славою и со страхомъ. И вострубятъ аггели толь грозно еже судбами Божиими мертвии вси востанутъ во мгновении ока. Тѣ же трубы учинены от воздуха. Приидетъ же Господь нашъ Иисусъ Христосъ въ день той воньже Воскресе от мертвыхъ. И егда Святии востанутъ, въ той часъ возведени будутъ Святыми аггелы на воздухъ предъ Бога. Такожде людие Святии въ той часъ живии во мгновении ока умрутъ и воскреснутъ и взяты будутъ на воздухъ. Грѣшнии же умрутъ от страха, и такожде воскреснутъ вскорѣ, святии и грѣшнии востанутъ вси во единъ возрастъ яко тридесять лѣтъ, и будетъ Небо и земля и солнце и луна и звѣзды паче прежней ихъ красоты.

ГЛАВА НЕ (55)

УЧЕНИКЪ Востанутъ ли младенцы иже мертвии рождени.
УЧИТЕЛЬ Аще есть в томъ отча вина, востанет от отца. Аще ли матерна от матери. Приидетъ же Господь на судъ в полунощи и преднимъ понесутъ аггели Святии Его Крестъ, и вся вещи ими же при распятии умучиша Его. И сядетъ на престолѣ Славы Своея, и дастъ судъ на воздусѣ, и поставитъ праведныхъ одесную а грѣшныхъ ошуюю, и потомъ приглашениемъ пресладчайшаго Его Божественнаго гласа праведнии взыдутъ на Небо, а злии от страшного Его изречения падутъ на землю аки свинецъ и сведени будутъ въ преисподний адъ.

ГЛАВА НS (56)

УЧЕНИКЪ Узрятъ ли иудеи в Судный День Господа.
УЧИТЕЛЬ Узрятъ. Писано есть возрятъ нань Его же прободоша.

ГЛАВА НЗ (57)

УЧЕНИКЪ Какова тварь будетъ по судном дни.
УЧИТЕЛЬ Мразъ тогда, зной, дождь, громъ молния скончаются. Солнце и луна перестанутъ оттечения своего, такожде и звѣзды поупокоятися, и будѣтъ седмь кратъ иннѣшнаго свѣтлѣйши, река Иорданъ свѣтлѣйши хрусталя, земля идѣже Христосъ родися и походилъ Своими стопами, и пострада нашего ради Спасения, будетъ украшена многоразличными дивными цвѣты. Праведнии человецы седмь кратъ будутъ солнца свѣтлѣйши, и возрастомъ и в лѣта будутъ яко же Спаситель поживе на земли плотию съ человѣки. И воста по страдании от мертвыхъ, и почтени от самого Единароднаго Сына Божия будутъ дивными и неизглаголанными чудесными почестьми вси Святии и прославлени Славою неисповѣдимою, еже никтоже никогда такой радостной Славы в семъ суетномъ мирѣ видѣлъ ниже слышалъ ниже на сердце комуу взыде, и преукрашени будутъ Святии многими различными красотами, яко крини предивнии кийждо ликъ по достоинству, иже уготова имъ Всесильный Богъ от сложения мира. Дѣло же ихъ тамо будетъ токмо еже имъ славити въ Троицѣ Славимаго Бога во вѣки вѣковъ. Въ тѣлесѣхъ же своихъ Святии имѣти будутъ быстрость неудержанную крепость, свободу, прохлаждение, здравие, вѣчность, мудрость, дружбу, согласие, область извѣстную и твердо сияние.

ГЛАВА НИ (58)

УЧЕНИКЪ Повѣждь ми Святыхъ будущую радость.
УЧИТЕЛЬ Доволствуйся всѣми предписанными яже благоволи Всемогущий Владыка Господь, извѣстно вѣдати человѣку многия дѣла своя, паче же зря (видя наблюдая) ты многое Его и неизреченное к роду человеческому человеколюбие, и велию Его Благость благодарствуй. Да аще ты плотию бы былъ красенъ толь яко царевъ сынъ Авесоломъ иже имяще толь хороши власы, еже никоему человеку уподабитися ему, или бы былъ который человекъ таковъ развѣ яко Азагелъ иже подобенъ бѣгъ его птицѣ. Или бы былъ таковъ силенъ, якоже Сампсонъ иже единою главою ослию вооруженныхъ вои побилъ, ҂А (1000) мужей, и толь великъ областию, аки кесарь Аугустъ. Иже облада всею вселенною, или яко царь Соломонъ все изволение свое себѣ таково обрете, еже сердце его что пожелало обрѣте, или яко Моисей здравъ иже не по болѣ никогда ни единымъ человекомъ, или яко древний Мафусаилъ иже поживе въ велицѣй чести девять сотъ лѣтъ и вящши посиявый памѣтуя храбрость и красота и сила и мудрость и область, честь и слава суетнаго мира, противо Небесному безсмертному и вѣчнорадостному житию. Аки параисѣнь мимоходящая. Сие же достоитъ разумѣти еже невозможно словомъ изрещи какавы дивные почести уготова Всесильный Богъ. Ихъ же сподоби насъ Милостивый Боже всѣхъ получити по многимъ и неизреченнымъ щедротамъ Твоимъ. Ему же подобаетъ всякая Слава и поклонение о всей твари купно Отцу и Сыну и Святому Духу, и нынѣ и присно и во вѣки вѣковъ. Аминь.

ВЪ ГЛАВѢ ПЯТОЙ

Еще именуется езеро огненное, зане яко камень на дне морской бездны ни како же осушится: сице не прохладятся никако же души тамо впадше.
Именуется еще земля тмы, зане путь иже ко аду идетъ, той есть полонъ всегда дыма и смрада.
Еще именуется земля забвения. Еже знаменуетъ землю забытия зане души тамо входящия погибоша и пред Богомъ никогда не будутъ помяновени.
Именуется еще тартаръ, еже знаменуетъ мучение, зане тамо есть на всяко время плачь и скрежетъ зубовъ от студени.
Еще именуется геена огненная, еже здѣшний огнь с тень знаменуется противу тому геенскому огню.

Еще знаменуется кребусъ, еже знаменуетъ змии, драконъ. Понеже адъ полонъ есть огненныхъ драконовъ, и червей котории никогда же не умираютъ.
Еще именуется баратрумъ, еже знаменуетъ черно зинутие (развержение), понеже онъ зину яко да от юныхъ дней како бы души человеческия пожрети моглъ жалаетъ.
(комментарий: баратрумъ (barathrum) — с лат.: бездна, пропасть, пучина.)

И именуется еще блато (болото) илистикъ, еже знаменуетъ безвеселия. Зане тамо есть вѣчное безвеселие.
И именуется еще Ахеронта. Еже знаменуетъ огненную пещь (печь). Понеже тамо диаволь летаетъ вонъ и внутрь яко удица ис пещи.
(комментарий: Ахеро́н (греч. Ἀχέρων — «река скорби») — река в эпирской области Феспротии.)

Еще именуется флагетонъ. От нѣкия реки яже тамо подле течетъ и смердитъ от смолы и от сѣры горячия, и толь есть студена иже всю адскую горячесть премѣняетъ.
(комментарий: 7-й круг ада разделен на три пояса и первый пояс называется Флагетон. В данном тексте название имеет нарицательный смысл.)

ГЛАВА ЗI (17)

УЧЕНИКЪ Удивлению достойно чего ради островъ тако всегда зеленъ.
УЧИТЕЛЬ Сего ради понеже воздухъ рая Блаженнаго зѣло Благъ и вельми благоуханенъ той воздухъ осѣнениемъ вѣтреннымъ тѣ древеса дивно устрояетъ по неимать и той островъ первый къ раю близость.
Еще въ той Индии два острова. Единъ нарицается златый а другий сребряный. Тамо на всякий годъ бываетъ два лѣта и двѣ зимы. Подле тѣхъ островов златая гора. Взяти же того злата человекомъ трудно. Понеже жируютъ близъ драконы и фригалы лютии.

Въ той же Индии превысочайшая гора Каспинусъ по ней зовется море испанское, промежъ того моря и горы той великий царь Александр Макидонский замуровалъ два племене людей злыхъ нарицаемыхъ гохъ и магохъ. Ибо зѣло погани ядатъ бо сырое всякое животное и звѣри и поползающии змии и гады.
Въ той же земли индийской три великия горы Карклинусъ, Кралртра, Отрасъ и древеса на нихъ толь высоцы еже сожигаеми воздухомъ.
Въ той же земли человецы есть высотою дву лакотъ бьются з жаровлями (вероятно означает: бьются, воюют с жаром, пылко), жены же ихъ раждаютъ токмо три лѣта и не живутъ болѣ осми лѣтъ. Тѣ люди садятъ перецъ, и егда растетъ тогда бѣлъ. И вся земля ихъ полна змиевъ малыхъ. И егда приидетъ время тотъ перецъ збирати и тѣ люди зѣло хитро сотворяютъ нѣкий дымъ, и тѣмъ прогоняютъ от себя змиевъ, и от того дыму очернеетъ перецъ.

Въ другой Индии есть люди зовомыя Макрови высотою ВI (12) лактей, и борются с Нагаи или рещи со Фригилы. Тотъ звѣрь подобиемъ аки левъ имѣетъ крылѣ и ногти аки орли. Близ тое страны страна в ней же люди нарицаемыя Рахманы, на гроти те люди имѣютъ нѣкий огнь и что хощутъ имъ истребляютъ.
Тамо есть люди сами убиваютъ сродниковъ своихъ состарѣвшихся, и егда своихъ отцов и матерей ядятъ тогда зѣло радостный пиръ сотворяютъ. А кто званый не приидетъ того имѣютъ злаго человека.
Тамо есть люди иже ядятъ сырую рыбу и пьютъ соленое море.
Тамо есть люди, или рещи звѣри понеже токмо имѣютъ гласъ и зракъ человеческий, но и то злообразни развращени бо суть в разныя злообразныя прираждения, и аще единаго с нами естества не имеют (обезьяны ?), понеже дивно и ужаса исполнена видѣти есть. Понеже в нихъ нашему цѣломудрию отнюдъ ничто же видится, и будет поистиннѣ нашего прираждения, то како въ толикихъ различныя и злообразныя виды и в породу откуду случися имъ тако быти. Понеже созда Богъ человека первого Адама, и от того вси по подобию его в роды произыдоша. О сихъ же не Ветхоя Бытия книга что намъ возвѣстихъ и инии Божественнии книги.

А (1) Родъ тѣхъ людей.

Им же пяты превращени, и ходятъ тѣломъ въ передь и имѣютъ по ИI (18) перъстовъ у рукъ и у ногъ тож. И главы у нихъ песьи и ногти и ноги кривы и велицы ими же бьются со звѣрми, и лаютъ аки пси.

В (2) и Родъ

Тамо близъ ихъ есть нѣкия жены егда раждаютъ еще дѣтей тогда сивы, а егда состарѣются тогда будутъ черны, и будутъ велми стары.

Г (3) Родъ

Тамо есть близъ жены еже раждаютъ во едино время по ЕI (15) дѣтей.

Д (4) Родъ.

Тамо есть люди зовомыя аръмастии именоуси единооки.

Е (5) Родъ.

Люди именуемии Сиклопеси, имѣютъ токмо по единой ногѣ, и рыщутъ борзее птица лѣтания. Егда же сядетъ или ляжетъ тою ногою от зноя и от дождя закрываются.

S (6) Родъ.

Тамо же ести люди безглавии. Им же очи на плечахъ, и вмѣсто устъ и нома имѣютъ на персяхъ две диры.

З (7) Родъ

Тамо же есть люди в велицѣй рецѣ Ганги иже из рая течетъ тѣ люди имѣютъ овощие иже из рая плывутъ и ис техъ обощей питаются живыми ядрами, а иныя пищи не требуютъ и тѣ овощи вельми осторожно у себя блюдутъ, того ради понеже они зѣло боятся злосмраднаго обоняния и тѣми благоуханными райскими овощьми от всякаго смраднаго обоняния защищаютъ животъ свой. Аще ли который из нихъ обоняетъ какую злосмрадную воню, а тѣхъ помянутыхъ овощей при себѣ не имѣти будетъ, той вскорѣ умираетъ и живъ быти не можетъ яко рыба на суши.

ВЪ ГЛАВЕ ФI (19)

Въ той землѣ есть звѣрь лютый сентотрохъ глава и тѣло аки конь имать копыто голени аки волове. Такожде и гори усть имать велики, даже до ушей и во устахъ токмо един зубъ велий гласъ яко имать человека.
Въ той же землѣ есть звѣрь именуемый калъбѣи видомъ аки мечка (медведь), и коегождо ухо его длина сажени и бьется ими со всѣми. И егда бьется однимъ ухомъ а другое положить на хребетъ. Потомъ другимъ бьется, а прежнее излоитъ на хребетъ.
Въ той же жизненной индийской земли есть животная именуемо мантисоръ видомъ аки левъ. Глава же и устъ подобно человеку, и борзо без умиления противу птицы. (гепард ?)
Тутъ же близъ волы имѣютъ толко по три ноги.
Таможе звѣрь единорогъ. Главу имати рогъ длиною шести пядей селовеческихъ и свѣтелъ аки мечь, и той звѣрь зѣло грозенъ всякаго противящагося ему истневаетъ рогомъ своимъ.
(носорог ?)

Въ той же земли нѣкоторыя есть воднии черви длиною четырехъ саженъ. Имѣютъ по двѣ руки аки человека, и толь силны еже поимавъ мечку или инаго звѣря увлачитъ въ воду и истневаетъ. (моржи или морские котики?)
Въ той же земли близъ къ мерзлому морю снѣгъ никогда не таетъ и толь толстъ дѣбелъ и крѣпокъ, еже ту сущия люди сотворяютъ из них себѣ великия хоромы. И живутъ в нихъ и с той земли вывозятъ камень магнитъ, который желѣзо к себѣ влечетъ. От нележе и камень честный или просто рещи алмаз.

Въ главѣ КВ (22)

Послѣди же от гнѣва Божия той градъ вѣчное заступление осужденъ. И дано бытъ ту пребыти звѣремъ и великимъ змиемъ. Прежде сихъ временъ той градъ владѣя вселенною но за великую гордость тако Всемогущий Богъ суди ему быти, якоже выше речеся. От гордость мерская древле ты архаггельскихъ чиновъ денницу в демона преврати и нынѣ превращаетъ престолы силныхъ, всему же злу виновенъ диаволъ.
Въ той же землѣ страны именуемыя Аравия Исава от толѣ идетъ Ливанъ, сирѣчь фимианъ. Въ той же земли гора Святая Хорим (Синай) на ней Моисей законъ прия от Господа.

Тамо же близъ земля нарицаемая Сирия. Я той же земли градъ Дамаскъ. Въ томъ самомъ Мѣсте жилъ Авраамъ. В той же земли гора Ливанъ. Из нея истече рѣка Иорданъ. Въ той земли градъ осколосъ Иеросалимъ. Иеросалимъ бо созданъ от Сима сына Ноева. То бо по написанному разумѣй первый градъ создася по всенародномъ, от сего града начинается палестинская, тамо чермное море. И такова в немъ вода свѣтла, еже рыба ходящая на днѣ видѣти мочно. На другой странѣ того моря стоитъ градъ Египетъ, тамо градъ Тфивей (Фивы). В немъ жилъ Святый Тиронъ Маврикий. Тамо есть гора зовомая Кауказусъ (Кавказ ?) на ней живутъ жены нарицаемыя амазоняны толь храбры яко противъ своихъ неприятелей храбръствуютъ оружиемъ яко воини, и свои украины защищают сами. Тамо же близко гор нарицаемая Саресъ, тамо родится пренарочетый щелкъ.
Близъ той горы великое полѣ именуемое Ирасия на томъ полѣ дивныя птицы украшены периемъ пречюднымъ, иже бо в нощи блистабтъ яко свѣщи.
Тамо же стоитъ превысочайшая и чюдная гора Араратъ. На ней же бѣ ковчегъ ноевъ. Ис такова древа сотворенъ иже не можетъ гнити ни горѣти.
Тамо же прилѣжитъ страна Каппадокия. В ней же дивнии кони иже подобни быть ротою лѣтанию птицамъ.
Тамо же прилѣжитъ малая Осия в ней же градъ Ефесъ. Тамо Святый Иоаннъ Евангелистъ гробъ себѣ повелѣ ископати. По погребении же его приидоша ученицы его и не обрѣтоша тѣла ту, понеже судьбами Божиими преставленъ бысть на мѣсто идѣже Единъ Всесильный вѣсть. Глаголютъ же о семъ яко в купѣ приидетъ предъ Пришествиемъ Христовымъ. Съ Енохомъ и Илиею на обличение сопротивника Божия. И приимутъ тогда от него муку за проповѣдъ истинныи, и вскорѣ воскреснутъ и взыдутъ яко скорошественнии орли на Небо.
Тамо страна Фригия, тамо же было превеликое Тройское царство, зломерзъскаго же ради волхования разоритися попущениемъ Божиимъ чюдодѣйства и въ конечную погибель осуждено яко отнюд тамо нѣсть жилища человекомъ но дивии звѣрие и змиеве тамо жируютъ.
Тамо же близъ страна Ликинийская по ней же течетъ рѣка великая Гермусъ в ней же обрѣтается злато и жемчюгъ.
(комментарий: Ликия (греч. Λυκία, лат. Lycia, ликийск. Trm̃mis) — в древности страна на юге Малой Азии, находилась на территории современных турецких провинций Анталья и Мугла.
Гедиз (в древности Гермус) — река в Турции.)
Тамо прилѣжитъ Понтийское море в немъ же есть островъ зовомый Понтъ. Тамо же были послани Святии Овидий и Климентъ, здѣ имать свою границу.

Въ КГ (23) главѣ.

УЧЕНИКЪ Повѣждь ми о другой части мира сего.
УЧИТЕЛЬ Вторая часть мира сего зовется Европа. Иже трясется по горамъ. Тамо языкъ ерманский готфы, тамо величайшая гора Дунай, а от моря языкъ благоизбранный и людие храбрии, словеньстии Русь. Тамо же бе ияре, чехи, ляхи, поляки, боринганы, фрази, макияне, датцыя, керентяня, фрилландия и инныя многия земли.
На другой половинѣ той же Европы земля остерланьдия, унгария, босния, чахове, греки, та страна даже до моря, и земля Домасия, в ней же есть источник дивный, иже от него зажигаются свѣщи.
Тамо великая гора Алимба (Олимп) ея же высота превыше облакъ, от тое же горы начинается земля Италия. Тамо украины именуемыя Римъ, Тусканъ, Иполия, Вритания, и Лампардия. Тамо Венедицыя юже созда Епутусъ, от толѣ вышла великая рѣка Рынъ. И течетъ по францужской землѣ. Подлѣ той рѣки прилѣжа мнози велицыи украины. Василия колония, Ментисия, Боръспирей, потомъ начнется Испания. К ней же прилежатъ широкия страны Картагенъ град и иныя многия. Сия испанское государьство лежитъ все подле моря. К тому государству близъ страны еже есть Вритание (Британия ?), Иоплия, Ибѣрния, Канотос из сихъ странъ ввыозя злато.
Тамо же на западе край мира страна нарицаемая Схоттия (Шотландия). Тамо есть в мори островъ на немъ же древеса которыя растутъ отнюдъ не повалятся.
Тамо есть мерзлое море. В томъ месте толика студеность, еже тамо невозможно ни мало быти человеку.

Въ главѣ КД (24)

Тамо есть мурминская земля. В той землѣ была царица Сава, которая приходила къ царю Соломону. Тамо нѣкий источникъ в день велми горячь, а в нощи студенъ. Иже в день горячести ради прикоснутися его или взяти от него воды никако невозможно.
Тамо есть Ефиопская страна близъ тое земли есть пустыня нѣкая полна змиевъ. Близъ той пустыни Велделское море и толь горечо еже кипитъ яко вода в котлѣ.
Тамо же превысочайшая гора Атлас, иже простреся над леромъ зѣло превысоко, и тамо пойти нынѣ конецъ мира.

Въ главѣ въ КЕ (25)- й.

Глаголютъ же яко тамо под землею души мучими суть. Въ том же самом мѣсте бездна морская, к тѣмъ мѣстомъ аще корабль приидетъ изгибнет.
Тамо же в томъ мѣсте есть островъ полонъ огня, и нарицаютъ тѣхъ кузнецовъ языческия книги именем Сиклопеси. И тѣ Сиклопеси куютъ громовыя стрѣлы. Наши же христианские книги учатъ насъ еже тѣ Сиклопеси сами диаволи. Иже хранятъ путь ко аду, и стоятъ близъ адъшихъ вратъ. И мучатъ осужденныя души человеческия.
Тамо далѣ от того острова нѣкии островъ Сардина. В томъ островѣ краль (король) срадиниюсъ созда град крѣпокъ. В томъ островѣ великия волки и змиевѣ. В томъ же островѣ есть змия еже преднею никоторою хитростию человекъ уцѣлети не можетъ.
Тамо же есть трава и кто ея ястъ той будетъ долго спасти толь крѣпко, его же невозможно разбудити, дондеже сам востанетъ.
Тамо есть источникъ водный, аще болный испиетъ здравъ будетъ. Аще ли тать испиетъ той тамо вскорѣ обрящется идѣже кралъ (украл) самъ на себя вся исповѣсть.
Тамо есть островъ Болгарисъ. В немъ первии змии обрѣтени суть. Тамо предивнии овцы. Волна (шерсть) ихъ бѣла дражайшии шелку. Истое волны дѣлаютъ драгия царския порфиры.
Таможе древеса именеммъ бѣнугъ еже не гниетъ ни горитъ.
Тамо есть гора Авенеда (Авинда ?) в ней же ископаша философи кладезь шьтжесяти саженъ глубиною. И толь мудро ископаша еже солнце сияетъ на дно его.
Тамо же в Велделском мори островъ Пардикосъ чюдный и всегда зеленъ и благовоние имать таково яко рай. Тамо нѣкии Святии единою по Божию благоволению внидоша. Ихъ же ризы благоуханные имѣяху ЕI (15) лѣеъ и ващшии.

Въ главѣ въ ЛФ (39)

УЧЕНИКЪ Откуду прииде сие тако.
УЧИТЕЛЬ Посему же понеже нѣкия планиты или звѣзды суть студены естествомъ, нѣкия сухи естествомъ а нѣкия волглы естествомъ. И тѣ самыя естества приемлетъ человекъ от звѣздъ.
Который человекъ студеного и сухого естества есть той молчати любитъ и не скоро вѣритъ что слышитъ, дондеже испытно уразумѣютъ.
Который человекъ студенаго и волглаго естества, той еже слышитъ то скоро высказываетъ и многоглаголивъ.
А который горячего и сухого естества той есть дерзокъ руками и храбръ и имать пожелание на многия жены и зѣло непостояненъ в любви. Сего ради Писание повѣдаетъ, еже планита Марсъ или рещи Арсисъ горячего и сухаго естества, и дѣйствуетъ паче всѣхъ нечистоту.
Занеже кая жена горячего и волглаго естества, та есть проста и милосерда и знатлива. И зѣло похотолюбива.

Во В (2)-й части в главѣ В (2)-й.

УЧЕНИКЪ Коликими пути людие в соманию входятъ.
УЧИТЕЛЬ Треми даяниемъ такожде повелѣниемъ или вещи послужениемъ.

УЧЕНИКЪ Который грѣхъ болши лихва или сомония.
УЧИТЕЛЬ Лихва есть убивства души, понеже с темъ человекомъ разбойничествуетъ или грабитъ своего брата христианина, тако же б
ѣ лихва за много время заповѣдана, прежде Пришествия Плотскаго Единороднаго Сына Божия. И нѣсть того грѣха лютѣйши, аще человекъ и Истинну умолчитъ и со изволениемъ предложитъ неправду той человѣкъ предавъ истинну за лжу той самого Бога отвергся и предал себѣ диаволъ. Понеже всякая духовная дѣла еже во христианствѣ суть, то суть дарование Святаго Духа.
(Выделено мной. В книге текст записан без выделения.)

Въ Г (3)-й главѣ.

УЧЕНИКЪ Како есть сие подобно лжи еже кто добраго знати не можетъ.
УЧИТЕЛЬ Посему
чего который человѣкъ невѣсть и вѣдати не хощетъ. Второе еже человѣкъ обложитъ вспять себѣ просто чего не вѣсть, тогда потреба ему вопрошати знающихъ. Еще же самохотнѣ отречется и знати добраго учения не хощетъ, то согрѣшаетъ пред Богомъ и сий во тмѣ шатается. Положилъ бо онъ счастие свое в суетная дѣла мира сего.
Всесильный бо Богъ даде всякому человѣку разумъ, да познаютъ Его Сотворшаго а не в суе насъ сотворилъ, но на хвалу и во Славу Себѣ. И то есть злые дѣла человѣка который можетъ знати доброе а самохотнѣ уклоняется и знати не хощетъ, то разумѣй уподобленъ такий свинии иже драгий камень ногама попираетъ и чести его не знаетъ.
(Выделено мной. В книге текст записан без выделения.)

УЧЕНИКЪ Азъ любезно вся хощу слышати, понеже разумѣхъ, яко дражайший и честнѣйший себѣ не обрѣтаю еже намъ доброму учитися, и дѣла Божия знати. Повѣждь ми чинъ нашего христианскаго жития или рещи уставъ еже дѣйствуетъ во Святѣй Церкви. Чего ради уставлено З (7) дневная пѣния еже суть утрення час первый и третий и шестый и девятый. Вечерня с повечериемъ и полунощница.
УЧИТЕЛЬ Тѣ седмь честнѣйшия повсядневная пѣния еще въ Ветхомъ Законѣ уставилъ намъ Святый царь Давидъ въ честь седми дарований Святаго Духа. Еже рече седмерицею днемъ хвалих Тя, о судбах правды Твоея. Того ради и мы хвалимъ Содѣтеля всѣхъ Бога. Зряще великия дарования Его и премудрость велию и непостижимую Его к намъ Благость.
Тѣ бо седмь дневныя пѣния в новѣй Благодати освяти дѣлы своими, Единородный Сынъ Слово Божие. И тѣ седмъ пѣния начашасяустроениемъ въ Троицѣ Славимаго.
И кто тѣ седмь дневныя пѣния творитъ, той приимлетъ воздаяния часть со избранными. А кто сего не творитъ той не мнится христианинъ быти.

УЧЕНИКЪ Чесо ради Святый Символъ рекше исповѣдание вѣры глаголемъ паче иныхъ Псалмовъ
УЧИТЕЛЬ Кромѣ того силнаго оружия на лукавыя духи нѣсть, того ради глаголетъ Святый Афанасий патриархъ Александрийский, иже аще кто хощетъ спасенъ быти потреба ему прежде всего держати православную вѣру сирѣчь исповедания Святый Символъ. Его же потреба всякому вѣрному и цѣломудриемъ тѣмъ вооружитися в той день на диавола, да насъ лукавый духъ в той день не можетъ сѣтию грѣховною уловити.

Въ Е (5)-й главѣ

УЧЕНИКЪ Чесо ради поемъ первый часъ и протчие.
УЧИТЕЛЬ В первый часъ стоялъ Господь нашъ Иисусъ Христосъ пред пилатомъ, и поругание, и биение, и оплевание нашего ради Спасения претерпѣ. Въ первый часъ явился Христосъ ученикомъ своимъ на мори в ловитвѣ рыбной, егда воста из мертвыхъ, и того ради поемъ первый часъ похваляюще Его велию Любовь и Милосердие еже и нам имѣя.

УЧЕНИКЪ Чесо ради поемъ Г (3) часъ.
УЧИТЕЛЬ Въ той часъ Господь нашъ Иисусъ Христосъ, терновымъ вѣнцемъ вѣнчанъ, и биенъ по Пресвятѣй Главѣ. Прескверными рукама, в той же самый часъ яко же писано низпосла Духа Святаго на Святыя апостолы.

УЧЕНИКЪ Повѣждь ми о шестомъ часѣ.
УЧИТЕЛЬ Въ шестый часъ Господь нашъ Иисусъ Христосъ, нашего ради спасения на крестѣ распяся, да насъ свободи от мучителства диаволска.

УЧЕНИКЪ Чесо ради къ девятому часу звонимъ а к иным не звонимъ.
УЧИТЕЛЬ Великия ради Святости понеже Господь нашъ Иисусъ Христосъ рече ко Отцу Своему. Отче в руцѣ Твои предаю Духъ Мой, в той часъ самый копиемъ в ребра прободенъ. От Него истече кровь и вода. Тою Животворящею Его кровию свобождены мы от истлѣния. Тою водою Крещение намъ дадеся. В той самый часъ отворися пламенное оружие хранящее врата Едема. Уступи. В той часъ вход в рай намъ отворися. В той часъ вниде душа разбойнича в рай прежде иныхъ.

УЧЕНИКЪ Чесо ради разбойнича душа вниде в рай прежде иныхъ душъ Святыхъ.
УЧИТЕЛЬ Писание глаголетъ: разбойнича душа в рай бысть прежде неже сокруши Господь ада. Яко когда бѣ разбойникъ на крестѣ похвали Христа. Нарече Его праведникомъ в той самый часъ по неложному Христову Слову сподобися с нимъ в райи быти. Въ тоеже самую нощь Господь сокруши ада и воста от мертвыхъ.

УЧЕНИКЪ Чесо ради Всесильный Богъ сотвори тако еже грѣшничю душу прежде всѣхъ введе в рай.
УЧИТЕЛЬ Посему разумѣй неизреченную Любовь Его имать к намъ, еже Онъ за грѣшныя умре. Да никто же грѣшный великихъ ради согрѣшений отлучается Благодати Его. Писано бо есть уклонися от зла и сотвори благо.

УЧЕНИКЪ Чесо ради утреню поемъ на Святую Пасху в нощъ.
УЧИТЕЛЬ Ради сихъ вещей понеже егда Всесильный Богъ изволилъ люди своя извести изъ Египта, тогда имъ повелѣ, да заколют овча. И всякий человкъ тою овчею кровию да помажетъ внѣ двери дому своего на празе.
Въ тую же самую нощь посла тогда аггела с мечемъ и у котораго дому той крови овчей внѣ дому на празе не обрете, въ томъ дому избилъ перворожденныя человеки и скоты. А идѣже явися кровь помазана той домъ цѣлъ остави.
Тако бѣ въ Ветхомъ Завѣте уставленно было Пасхи праздникъ, избавления ради своего людей Божиихъ дѣйствовали над овчатемъ, воспоминающе неизреченное к нимъ Божие Милосердие. То овча старозаконныя Пасхи знаменуютъ Господа нашего Иисуса Христа распеншагося насъ ради, и с тою Своею Кровию помазавшаго души наша.
В тоже самую нощь Пасхи Иудеомъ заповедано было да не исходятъ из домовъ своихъ. В тое же самую нощь египетския первенцы побиени быша. То избиение знаменуетъ же Господь нашъ Иисус Христосъ.
В ту нощь сокруши адъ, и диавола низложилъ, и люди своя изъ адовы неволи свободилъ Сего ради тако пишетъ Великий Герасимъ.
Да неимамы в тое нощь имѣти никакия скорби, но похвалимъ Избавителя своего, и радостно ликуемъ вопиюще, велелѣнно и весело. Воистину Воскресе Христосъ, дарова намъ животъ вѣчный и нетлѣние.

УЧЕНИКЪ вопросиль. Повѣждь ми о Литургии и о иноемъ пѣнии, и одежди Ветхаго Закона архиереовъ что прообразова.
УЧИТЕЛЬ Одѣяние тѣхъ архиереовъ было устроено по четыремъ составомъ, или стихамъ украшено многовидными цвѣтами, на преди же ношаху златый плачь, на нем же водруженни ВI (12) драгихъ камений, по числу от колѣнъ сынов Израилевыхъ, и бяше написано Имя Божие, то Имя знаменуетъ еже Онъ Творецъ всея твари видимыя и невидимыя.
Въ новѣй же Благодати одѣяние архиерейское знаменуетъ Господа нашего Иисуса Христа Матерь, еже Святый Иоаннъ видѣ аггела велика и крѣпка зѣло, иже ополченъ во облакъ бѣлый. Облакъ образъ есть пречистую и присно Деву Марию в ню же вниде Единородный Сынъ Слово Божие. И от нея родися, плоть на Ся Восприя. Многа же и ина одежди толкования содержитъ церковъ, обаче поясъ иерейский образъ есть всегдашнею чистоту, на ню же служебницы Божии понудитися должни. Стихаръ знаменуетъ послушание, иже Христосъ содѣя, или рещи к Своему Отцу, егда бо Его въ миръ сей посла. Сие зря (наблюдая, видя) воспоминаемъ еже Христосъ нашего ради Спасения Самъ Крестъ Свой понесе грядый на волную смерть.
Два же рукова знаменуетъ, еже должни они архиереи разсуждати духовную жизнь и мирную. И имутъ власть вязати и рѣшити.

УЧЕНИКЪ вопросиль Повѣждь ми о Великой Субботѣ.
УЧИТЕЛЬ Въ той день пѣние творимъ во образъ радости поминающе неложное Слово Иисуса Христа, еже рече подобаетъ Ему пропяту быти но в третий день воскреснетъ. И чтения бываютъ тогда от Вѣтхаго Завѣта сие образуетъ еже Ветхий Завѣтъ конецъ приятъ прииде Истина Иисус Христосъ.

УЧЕНИКЪ Чесо ради в той часъ земля потрясеся егда Христосъ воскресе.
УЧИТЕЛЬ Тѣмъ Онъ намъ извѣстилъ да попечение будемъ имѣти къ Судному Дню, яко Онъ воста в нощи, такожде никто же человекъ можетъ вѣдати, когда Онъ приидетъ на Страшный Судъ.

УЧЕНИКЪ Христосъ воста в субботу яко же пишутъ Святии Евангелисти. Почто мы празднуемъ Его Воскресение в неделю.
УЧИТЕЛЬ Той день недѣльный сирѣчь упокоение от всѣхъ дѣлъ человекомъ, той зваху въ Ветхомъ Завѣте законъ, день субботний. Въ Новѣй же Благодати, воскресения ради Христа Бога нашего день воскресный, той день в начало бытия мира сего освятилъ Всесильный Богъ. Въ той бо день почи от всѣхъ дѣлъ своихъ, иже мы днесь нарицаемъ недѣлею. Въ неделю израильстии людие от неволи свободишася, въ неделю приидоша царие персидстии ко Христу з дары. Въ неделю претвори Христосъ пред ученики Своими воду въ вино в Канѣ галилейстей. Въ недѣлю в пустыни искушаше Его диаволъ, въ неделю воскреси Лазаря, въ неделю воста из мертвыхъ, въ неделю прииде на Святыя Ученики и Апостолы Духъ Святый. Въ неделю восхищенъ бысть Иоаннъ Богословъ на Небо и видѣ дивныя дѣла Всесильнаго Бога. Тогда по видѣнии написа Апоколепсисъ, въ недѣлю приидетъ Единородный Сынъ Слово Божие Господъ и Богъ нашъ на Страшный Свой Судъ, тогда мертвии во мгновении ока вси воскреснутъ, и просвѣтятся праведнии яко солнце, а грѣшнии будутъ аки тма.

УЧЕНИКЪ Чего ради Освещаютъ воду по вся недели и праздникомъ.
УЧИТЕЛЬ Того ради да тою водою Освященною Святымъ Духомъ избавимся от сквернаго всякаго прилога видимыхъ и не видимыхъ враговъ нашихъ.

УЧЕНИКЪ Рай убо той восприимутъ Святии по воскресении, обдержитъ ли какое мѣсто, и гдѣ есть уготованъ.
УЧИТЕЛЬ По воскресении райское мѣсто еже уготовано есть праведнымъ гдѣ явѣ яко слышимъ во Святомъ Евангелии, реченное Самим Единороднымъ Сыномъ Божиимъ ко апостоломъ, прежде волныя Его страсти, яко изготованы обители многи, гдѣ же явѣ яко въ самомъ нынѣ и дѣже Богъ, тамо и вси Святии купно жити будутъ со аггелы. И есть тѣ обители духовныя рай душамъ уготованнымъ еже содѣла превѣчная мудрость от начала егда Самъ Своею областию изволи.

УЧЕНИКЪ Чемъ могутъ тѣхъ человекъ души от мукъ свободитися до Суднаго Дне, которыя человецы заповѣди Божия многая исполниша, а нѣкоторыя заповѣди презрѣша. И того ради удержани еже не сподобишася с праведники радостнаго мѣста прияти дондеже приидетъ Страшный Судъ.
УЧИТЕЛЬ Тѣхъ человекъ грѣхи очищаются до Суднаго Дне милостынею и приношениемъ Безкровныя Жертвы творимая о душахъ усопшихъ.

УЧЕНИКЪ Чесо ради по умершихъ творимъ помяновение.
УЧИТЕЛЬ Того ради аще который человекъ жилъ во христианстве благочестиво, и ради многия суеты мирския заповѣди Божия презрѣлъ, и до отшествия мира сего покаяниемъ не очистилъ, тѣхъ грѣхи очищаються молитвы нами, и помяновениемъ. А которыя человецы злѣ жили и тако умроша, тѣ по правдѣ то восприимутъ зло, еже всегда жиша во злобахъ, и никогда Милости Божия не узрятъ.

УЧЕНИКЪ Что есть то за огнь имже здѣ в мирѣ мучимся и от лютыхъ грѣховъ души наши очищаются.
УЧИТЕЛЬ Той есть нарицается огнь путний еже благочестивии человецы гонения оклеветание и повседневныя труды и бѣды многоразличныя за правду въ мирѣ семъ подемлютъ, и многия нудятъ себѣ пощениемъ и молитвами и всякими много различными добродѣтельми по вся дни яко во огни мучатся, о таковыхъ праведницехъ рече Царствующий Пророкъ. Проидохомъ сквозѣ огнь и воду, и извелъ еси нагъ в покой и паки писано есть ускии путь в водя в животъ вѣчный, а широкий въ вѣчную погибель.

УЧЕНИКЪ Коль много Святыхъ душъ взыдутъ на небо.
УЧИТЕЛЬ Толко елико аггельскихъ силъ остало на Небѣсехъ, егда инии падоша.

УЧЕНИКЪ Что есть адъ и гдѣ мѣсто его.
УЧИТЕЛЬ Суть бо два ада, единъ верхний, а другий преисподний, но верхний адъ сей миръ непостоянный. В нем же обрѣтаются многимъ человекомъ бѣднымъ и убогимъ в лѣте зной, а в зимѣ мразъ. А иногда гладъ терпятъ и жажду и наготу, и много различная бываютъ намъ бѣды, и скорби, страхования и ужасы от видимыхъ враговъ нашихъ, паче же от бѣсовъ, нести подробну исписати суетнаго сего мира бываемая написати человекомъ много различныя, мню яко ни тмочисленными мощно обьяти речении его же жития злаго и бѣдствующаго возгнушася Царствующий Пророкъ, умилно ко Господу простре молитву. Изведи ис темницы душу мою, исповѣдатися Имени Твоему потреба же намъ знати.
Есть другий адъ преисподний в подземныхъ неисповѣдимыхъ безъднахъ, идѣже смрадъ нестерпимый, жупельный. Тамо же огнь неугасимый тамо тма есть отнюдъ непросвѣтится, тамо мразъ и скрежетъ зубомъ, яко же Самъ Единородный Сынъ Божий рече во Святомъ Евангелии ужасая насъ да мы въ тое муку не приидемъ.
Наипаче же и милосердуя насъ зѣло яко Человеколюбецъ, понеже не хощетъ смерти грѣшнику, но хощетъ еже обратитися и живу быти ему но обаче волею всехъ зовый ко Спасению. Согрѣшающихъ же и умершихъ окаянно презелнѣ мучитъ. Яко же слышимъ о онѣмъ богатомъ и убогомъ Лазаре, еже богатый во адѣ пламенемъ палимъ, а Лазарь Симонъ Авраамли во упокоении вѣчномъ. От злоба суетнаго и окаяннаго мира сего потопляющая человѣки многоразличными грѣхами въ вѣчную злую муку.

УЧЕНИКЪ Которые есть диавольские люди.
УЧИТЕЛЬ Диаволския люди гордии, скупии, сквернии, обьястливии, пианицы, лживии, татие, разбойницы, лестницы законопреступницы, блудники, прелюбодѣи и протчии злодѣи, которыя обрѣтени будутъ во грѣсехъ вси сведени будутъ, и никакоже от туду могутъ изыти.

Конецъ книги сия Лусидориосу.

Апрель. 2015 год.